ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،
ﻓﻲ ﺍﻟﻤﻄﺒﺦ ،،،،
ﺃﺳﺮﻋﺖ ﺯﻳﻨﺐ ﺑﺎﻟﺬﻫﺎﺏ ﺇﻟﻰ ﺍﻟﻤﻄﺒﺦ ﻻﺣﻀﺎﺭ ﺍﻟﻤﺸﺮﻭﺑﺎﺕ ﻭﺍﻟﺤﻠﻮﻯ ﻟﻠﺠﻤﻴﻊ ، ﻓﻠﺤﻘﺖ ﺑﻬﺎ ﺁﻣﺎﻝ ﻭ ...
- ﺁﻣﺎﻝ : ﻣﺒﺮﻭﻙ ﻳﺎ ﺯﻭﺯﻭ ، ﺑﻨﺘﻚ ﻭﻻ ﺍﻟﻘﻤﺮ
- ﺯﻳﻨﺐ : ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﺁﻣﺎﻝ ، ﻋﻘﺒﺎﻝ ﻣﺎ ﺗﻔﺮﺣﻲ ﺑﻌﻴﺎﻟﻚ ﺍﻥ ﺷﺎﺀ ﺍﻟﻠﻪ
- ﺁﻣﺎﻝ : ﺍﻥ ﺷﺎﺀ ﺍﻟﻠﻪ .. ﺑﻘﻮﻟﻚ
- ﺯﻳﻨﺐ : ﺧﻴﺮ ﻳﺎ ﺁﻣﺎﻝ
- ﺁﻣﺎﻝ : ﺍﻭﻣﺎﻝ ﺍﻟﻌﺮﻳﺲ ﺍﻟﻠﻲ ﺟﺎﻱ ﻟﺒﺘﻚ ﻧﻴﺮﺓ ﻫﻴﺨﻄﺒﻬﺎ ﺍﻣﺘﻰ ؟
- ﺯﻳﻨﺐ ﺑﺪﻫﺸﺔ : ﻋﺮﻳﺲ ! ﻣﻴﻦ ﺍﻟﻠﻲ ﻗﺎﻟﻚ ﺍﻟﻜﻼﻡ ﺩﻩ ؟؟
- ﺁﻣﺎﻝ : ﺑﻘﻰ ﺑﺘﺨﺒﻲ ﻋﻠﻴﺎ ﻳﺎ ﺯﻭﺯﻭ
- ﺯﻳﻨﺐ : ﺍﻧﺎ ﻣﺶ ﻓﺎﻫﻤﺔ ﺣﺎﺟﺔ ﻣﻦ ﺍﻟﻠﻲ ﺍﻧﺘﻲ ﺑﺘﻘﻮﻟﻴﻬﺎ ﺩﻱ
- ﺁﻣﺎﻝ : ﻳﺎ ﺯﻭﺯﻭ ﺃﻧﺎ ﺑﺘﻜﻠﻢ ﻋﻦ ﺍﻟﺸﺎﺏ ﺍﻟﺤﻠﻴﻮﺓ ﺍﻟﻠﻲ ﻛﺎﻥ ﺑﻴﻮﺻﻞ ﺑﻨﺘﻚ ﻧﻴﺮﺓ ﻣﻦ ﻳﻮﻣﻴﻦ
- ﺯﻳﻨﺐ : ﻫﺎﻩ
- ﺁﻣﺎﻝ : ﺳﺎﻋﺖ ﻣﺎ ﻛﺎﻧﺖ ﺭﺍﺟﻌﺔ ﻣﻊ ﻃﻤﻄﻢ ﻣﻦ ﺍﻟﻤﺪﺭﺳﺔ
- ﺯﻳﻨﺐ : ﺩﻩ ﺍﻣﺘﻰ ﺩﻩ
- ﺁﻣﺎﻝ : ﻻﻻﻻ ﻳﺎ ﺯﻳﻨﺐ ، ﺍﻧﺘﻲ ﺃﻛﻴﺪ ﻣﺶ ﻋﺎﻭﺯﺍﻧﻲ ﺃﻋﺮﻑ
- ﺯﻳﻨﺐ : ﻭﺍﻟﻠﻪ ﻭﻻ ﻓﺎﻫﻤﺔ ﺣﺎﺟﺔ ﻣﻦ ﺍﻟﻠﻲ ﺑﺘﻘﻮﻟﻴﻬﺎ
- ﺁﻣﺎﻝ : ﺍﺳﺄﻟﻲ ﺑﻨﺘﻚ ﻭﻫﻲ ﺗﻘﻮﻟﻚ
- ﺯﻳﻨﺐ : ﺁﺁﺁ ... ﻃﺐ ﺧﺪﻱ ﻣﻌﺎﻳﺎ ﺍﻟﺼﻴﻨﻴﺔ ﻟﻠﻀﻴﻮﻑ ﻷﺣﺴﻦ ﻛﺪﻩ ﺍﺗﺄﺧﺮﻧﺎ ﻋﻠﻴﻬﻢ
- ﺁﻣﺎﻝ : ﻣﺎﺷﻲ ، ﻭﻋﻘﺒﺎﻝ ﺷﺮﺑﺎﺕ ﺍﻟﻔﺮﺡ ﺍﻥ ﺷﺎﺀ ﺍﻟﻠﻪ
ﺃﺧﺬﺕ ﺯﻳﻨﺐ ﺗﻔﻜﺮ ﻓﻴﻤﺎ ﻗﺎﻟﺘﻪ ﺁﻣﺎﻝ ﻭﺗﺤﺎﻭﻝ ﺃﻥ ﺗﺴﺘﻮﻋﺒﻪ ﻭ ..
- ﺯﻳﻨﺐ ﻓﻲ ﻧﻔﺴﻬﺎ : ﻣﻴﻦ ﺍﻟﺸﺎﺏ ﺩﻩ ﺍﻟﻠﻲ ﺑﺘﻜﻠﻢ ﻋﻨﻪ ﺁﻣﺎﻝ ؟؟ ﻭﻭﺻﻞ ﺍﻟﺒﻨﺎﺕ ﺍﻣﺘﻰ ؟؟ ﺍﻧﺎ ﺍﻟﻠﻲ ﺍﻋﺮﻓﻪ ﺍﻥ ﺻﺎﺣﺐ ﺍﻟﺤﺎﺝ ﻫﻮ ﺍﻟﻠﻲ ﻛﺎﻥ ﻭﺻﻞ ﺍﻟﺒﻨﺎﺕ ﻣﺮﺓ ﺑﺎﻳﻦ ﻭﻻ ﺍﺗﻨﻴﻦ ، ﻳﺒﻘﻰ ﺷﺎﺏ ﻣﻨﻴﻦ ؟؟ ﺍﻟﻤﻮﺿﻮﻉ ﺩﻩ ﻣﺶ ﻫﻴﻴﻌﺪﻱ ﺑﺎﻟﺴﺎﻫﻞ .. ﺃﺧﻠﺺ ﺑﺲ ﻣﻦ ﺍﻟﻠﻴﻠﺔ ﺩﻱ ﻭﻫﺎﻋﺮﻑ ﻛﻞ ﺣﺎﺟﺔ ﻣﻦ ﻧﻴﺮﺓ .. !
............................
ﻓﻲ ﻏﺮﻓﺔ ﺍﻟﺼﺎﻟﻮﻥ ،،،،
ﻗﺎﻡ ﻋﻤﺮﻭ ﺻﺪﻳﻖ ﻋﻼﺀ ﺑﺎﻟﺘﻘﺎﻁ ﺑﻌﺾ ﺍﻟﺼﻮﺭ ﺍﻟﻔﻮﺗﻮﻏﺮﺍﻓﻴﺔ ﻟﻠﻌﺮﻭﺳﻴﻦ ﻭﻟﻠﻤﻮﺟﻮﺩﻳﻦ ﻭ ..
- ﻧﻴﺮﺓ ﻓﻲ ﻧﻔﺴﻬﺎ : ﻣﺶ ﺍﻟﻤﻔﺮﻭﺽ ﻳﺮﻭﺣﻮﺍ ﺍﺳﺘﺪﻳﻮ ﺗﺼﻮﻳﺮ ﻳﺘﺼﻮﺭﻭﺍ ، ﺑﺎﻳﻦ ﻋﻠﻴﻪ ﻋﺮﻳﺲ ﺑﺨﻴﻞ ، ﺣﺘﻰ ﺍﻟﺼﻮﺭﺓ ﻣﺴﺘﺨﺴﺮﻫﺎ ، ﺃﻋﻮﺫﻭ ﺑﺎﻟﻠﻪ
- ﻋﻤﺮﻭ : ﺍﺿﺤﻜﻮﺍ ﻳﺎ ﻋﺮﺳﺎﻥ
- ﻋﻼﺀ : ﺍﻭﻙ ، ﺻﻮﺭ ﻛﻮﻳﺲ ﻳﺎ ﻋﻤﺮﻭ ، ﻣﺶ ﻫﻮﺻﻴﻚ
- ﻋﻤﺮﻭ : ﺍﻃﻤﻦ
- ﻧﺪﻯ ﻫﺎﻣﺴﺔ : ﻫﻮ ﺩﻩ ﺻﺎﺣﺒﻚ
- ﻋﻼﺀ : ﺃﻩ ﺩﻩ ﻋﻤﺮﻭ ﺻﺎﺣﺒﻲ ، ﺍﻧﺎ ﻣﻮﺻﻴﻪ ﻳﺼﻮﺭ ﻗﺮﺍﻳﺔ ﺍﻟﻔﺎﺗﺤﺔ ، ﺍﻧﺘﻲ ﻋﺎﺭﻓﺔ ﺍﻻﺳﺘﺪﻳﻮﻫﺎﺕ ﺯﺣﻤﺔ ﻭﺑﺘﺎﺧﺪ ﻓﻠﻮﺱ ﻛﺘﻴﺮ ﻉ ﺻﻮﺭﺗﻴﻦ ﺗﻼﺗﺔ ، ﻟﻜﻦ ﻋﻤﺮﻭ ﻫﻴﺼﻮﺭ ﻛﺘﻴﺮ ﻭﻫﻴﺒﻌﺘﻠﻲ ﺍﻟﺼﻮﺭ ﻉ ﻓﻼﺷﺔ ﻧﺨﺘﺎﺭ ﺍﺣﻼﻫﻢ ﻭﻧﻄﺒﻌﻬﺎ
- ﻧﺪﻯ ﻭﻫﻲ ﺗﻤﻂ ﺷﻔﺘﻴﻬﺎ : ﻃﻴﺐ
ﺛﻢ ﻃﻠﺐ ﻋﻼﺀ ﻻﺣﻘﺎً ﻣﻦ ﺻﻼﺡ ﺃﻥ ﻳﺼﻄﺤﺐ ﻧﺪﻯ ﻟﺘﻨﺎﻭﻝ ﺍﻟﻌﺸﺎﺀ ﻓﻲ ﺃﺣﺪ ﺍﻟﻤﻄﺎﻋﻢ ﺍﻟﻘﺮﻳﺒﺔ ﻭ ...
- ﻋﻼﺀ : ﻣﻤﻜﻦ ﻳﺎ ﻋﻤﻲ ﺃﺧﺪ ﻧﺪﻯ ﻭﺃﻋﺰﻣﻬﺎ ﻉ ﺍﻟﻌﺸﺎ ﺑﺮﺍ
- ﺻﻼﺡ : ﻣﻤﻢ .. ﻭﺍﻟﻠﻪ ﻳﺎ ﺑﻨﻲ ﺁﺁﺁ ...
- ﻋﻼﺀ ﺑﺎﺻﺮﺍﺭ : ﻣﺶ ﻫﺘﺄﺧﺮ ﻳﺎ ﻋﻤﻲ ، ﻫﻲ ﺳﺎﻋﺔ ﺑﺎﻟﻜﺘﻴﺮ ، ﻭﺑﻌﺪﻳﻦ ﺃﻧﺎ ﻫﺎﺧﺪﻫﺎ ﻭﻧﺮﻭﺡ ﻓﻲ ﻣﻄﻌﻢ ﻫﻨﺎ ﻗﺮﻳﺐ
- ﺻﻼﺡ ﻣﺴﺘﺴﻠﻤﺎً : ﻣﺎﺷﻲ
- ﻋﻼﺀ : ﻳﺎﻻ ﺑﻴﻨﺎ ﻳﺎ ﻧﺪﻯ
- ﺻﻼﺡ : ﺧﺪﻱ ﺑﺎﻟﻚ ﻣﻦ ﻧﻔﺴﻚ ﻳﺎ ﺑﻨﺘﻲ
- ﻧﺪﻯ : ﺣﺎﺿﺮ ﻳﺎ ﺑﺎﺑﺎ
ﺍﺻﻄﺤﺐ ﻋﻼﺀ ﻧﺪﻯ ﺇﻟﻰ ﺍﻟﻤﻄﻌﻢ ﺍﻟﻘﺮﻳﺐ ، ﺑﻴﻨﻤﺎ ﻇﻠﺖ ﺑﺎﻗﻲ ﺍﻟﻌﺎﺋﻠﺔ ﺗﺘﻨﺎﻗﺶ ﻓﻲ ﺗﺘﻴﺒﺎﺕ ﺍﻟﺨﻄﻮﺑﺔ ﻭﺍﻟﺰﻭﺍﺝ
- ﺻﻼﺡ : ﺍﻥ ﺷﺎﺀ ﺍﻟﻠﻪ ﺃﻧﺎ ﻫﺎﺟﻴﺐ ﻟﺒﻨﺘﻲ ﺃﺣﺴﻦ ﺣﺎﺟﺔ ، ﻣﺶ ﻫﺎﺑﺨﻞ ﻋﻠﻴﻬﺎ ﺑﺄﻱ ﺷﻲﺀ ، ﻛﻞ ﺍﻟﻠﻲ ﻫﺘﺤﺘﺎﺟﻪ ﻫﺠﻴﺒﻬﻮﻟﻬﺎ ، ﻭﺭﺑﻨﺎ ﻳﻌﻴﻨﻲ ﻋﻠﻰ ﺩﻩ
- ﺳﻨﺎﺀ : ﻭﺃﻧﺎ ﻋﻼﺀ ﺍﺑﻨﻲ ﻫﻴﻔﺮﺵ ﺍﻟﺸﻘﺔ ﺑﺎﻟﻌﻔﺶ ﺍﻟﻤﻨﺎﺳﺐ ، ﻭﺍﻥ ﺷﺎﺀ ﺍﻟﻠﻪ ﻳﻌﺠﺐ ﺍﻟﻌﺮﻭﺳﺔ
- ﺁﻣﺎﻝ : ﺍﻛﻴﺪ ﻫﻴﻌﺠﺒﻬﺎ ﻃﺎﻟﻤﺎ ﻣﻨﻜﻢ
- ﺳﻨﺎﺀ : ﺍﻫﻢ ﺣﺎﺟﺔ ﻫﻤﺎ ﺍﻻﺗﻨﻴﻦ ﻳﺨﺘﺎﺭﻭﺍ ﺳﻮﺍ ﺍﻟﻠﻲ ﻋﺎﻭﺯﻳﻨﻪ ، ﻳﺘﻔﻘﻮﺍ ﻣﻊ ﺑﻌﺾ ﻭﺑﻌﺪ ﻛﺪﻩ ﻳﺨﺘﺎﺭﻭﺍ
- ﺻﻼﺡ : ﺍﻫﺎ ..
- ﺁﻣﺎﻝ : ﻛﻼﻣﻚ ﻣﻈﺒﻮﻁ ﻳﺎ ﺣﺎﺟﺔ ﺳﻨﺎﺀ ، ﻣﺶ ﻫﻤﺎ ﻫﻴﻌﻴﺸﻮﺍ ﻣﻊ ﺑﻌﺾ ، ﻳﺒﻘﻰ ﻳﺨﺘﺎﺭﻭﺍ ﺍﻟﻠﻲ ﻋﺎﻭﺯﻳﻨﻪ ﺑﻨﻔﺴﻬﻢ
- ﺳﻨﺎﺀ : ﻛﻤﺎﻥ ﺍﺣﻨﺎ ﻋﺎﻭﺯﻳﻨﻜﻮ ﺗﺤﺪﺩﻭﺍ ﻳﻮﻡ ﺗﻴﺠﻮﺍ ﺗﺸﻮﻓﻮﺍ ﻓﻴﻪ ﺍﻟﺸﻘﺔ
- ﺻﻼﺡ : ﺑﺄﻣﺮ ﺍﻟﻠﻪ ، ﻫﻈﺒﻂ ﻣﻊ ﺍﻟﺤﺎﺟﺔ ﺯﻳﻨﺐ ﻭﻧﺒﻠﻎ ﻋﻼﺀ
- ﺳﻨﺎﺀ : ﻣﺘﻔﻘﻴﻦ
..................................
ﻓﻲ ﺳﻴﺎﺭﺓ ﻋﻼﺀ ،،،،
ﺭﻛﺒﺖ ﻧﺪﻯ ﻓﻲ ﺍﻟﻤﻘﻌﺪ ﺍﻷﻣﺎﻣﻲ ﻓﻲ ﺍﻟﺴﻴﺎﺭﺓ ﻭﻛﺎﻧﺖ ﻓﻲ ﻗﻤﺔ ﺍﻟﺨﺠﻞ ﻭﺍﻻﺣﺮﺍﺝ ، ﺑﺪﺃ ﻋﻼﺀ ﻓﻲ ﺍﻟﺘﺤﺪﺙ ﻣﻌﻬﺎ ﻭ ...
- ﻋﻼﺀ : ﺍﻧﺎ ﻣﺶ ﻋﺎﻭﺯﻙ ﺗﺰﻋﻠﻲ ﻣﻨﻲ ، ﺑﺲ ﺍﻧﺘﻲ ﺑﺘﺎﻋﺘﻲ ﻟﻮﺣﺪﻱ ، ﻭﺃﻧﺎ ﻣﺶ ﺑﺤﺐ ﻏﻴﺮﻱ ﻳﺒﺺ ﻋﻠﻴﻜﻲ
- ﻧﺪﻯ : ﺃﻫﺎ
- ﻋﻼﺀ : ﺗﻌﺮﻓﻲ ﺍﻧﻚ ﺣﻠﻮﺓ ﺃﻭﻱ
- ﻧﺪﻯ : ﻣﻴﺮﺳﻲ
- ﻋﻼﺀ : ﺧﺪﻱ ﺧﻂ ﺍﻟﻤﻮﺑﺎﻳﻞ ﺩﻩ
- ﻧﺪﻯ : ﻟﻴﻪ ؟
- ﻋﻼﺀ : ﻋﺸﺎﻥ ﺃﻛﻠﻤﻚ ﻣﻨﻪ
- ﻧﺪﻯ : ﺑﺲ ﺃﻧﺎ ﻋﻨﺪﻱ ﺧﻂ ﺑﺘﺎﻋﻲ
- ﻋﻼﺀ : ﺑﻘﻮﻟﻚ ﺍﻳﻪ ، ﺍﻧﺘﻲ ﺗﻨﺴﻲ ﺍﻟﺨﻂ ﺍﻟﻠﻲ ﻣﻌﺎﻛﻲ ﺩﻩ ، ﻭﺗﻜﻠﻤﻴﻨﻲ ﻣﻦ ﺍﻟﺨﻂ ﺍﻟﻠﻲ ﺃﻧﺎ ﺟﺎﻳﺒﻬﻮﻟﻚ
- ﻧﺪﻯ : ﺍﻭﻙ
- ﻋﻼﺀ : ﻳﺎﻻ ﺑﺪﻟﻲ ﺍﻟﺸﺮﻳﺤﺔ
- ﻧﺪﻯ : ﻟﻤﺎ ﺃﺭﻭﺡ ﺍﻟﺒﻴﺖ ﺍﻥ ﺷﺎﺀ ﺍﻟﻠﻪ ﻋﺸﺎﻥ ﺑﺲ ﻟﻮ ﻣﺎﻣﺎ ﺃﻭ ﺑﺎﺑﺎ ﻛﻠﻤﻮﻧﻲ
- ﻋﻼﺀ : ﻣﺎﺷﻲ ، ﻗﻮﻟﻴﻠﻲ ﻫﻮ ﻣﺎﻓﻴﺶ ﺣﺪ ﻣﻦ ﻗﺮﺍﻳﺒﻜﻢ ﺟﻪ ﻟﻴﻪ
- ﻧﺪﻯ : ﺁﺁﺁ .. ﺍﻥ ﺷﺎﺀ ﺍﻟﻠﻪ ﻫﻴﺠﻮﺍ
- ﻋﻼﺀ : ﺩﻩ ﺍﻧﺎ ﺟﺎﻳﺐ ﻧﺺ ﻋﻴﻠﺘﻲ ﻣﻌﺎﻳﺎ ، ﻭﺍﻧﺘﻲ ﻣﺎﻓﻴﺶ ﺣﺪ ﻛﺪﻩ
- ﻧﺪﻯ : ﺍﺣﻢ .. ﻳﻌﻨﻲ ﺃﻛﻴﺪ ﻫﻴﺤﻀﺮﻭﺍ ﺍﻟﺨﻄﻮﺑﺔ ﺍﻥ ﺷﺎﺀ ﺍﻟﻠﻪ
- ﻋﻼﺀ : ﺍﻣﺎ ﻧﺸﻮﻑ .. ﻫﺎ ﺗﺤﺒﻲ ﺗﺎﻛﻠﻲ ﺍﻳﻪ ؟
- ﻧﺪﻯ : ﻣﺶ ﺍﺣﻨﺎ ﻫﻨﺮﻭﺡ ﺍﻟﻤﻄﻌﻢ ؟
- ﻋﻼﺀ : ﻷ ﺃﻧﺎ ﺑﺼﺮﺍﺣﺔ ﻣﺶ ﺣﺎﺑﺐ ﺍﻧﻨﺎ ﻧﺮﻭﺡ ﺍﻟﻤﻄﻌﻢ ﻭﺍﻟﻨﺎﺱ ﺗﻘﻌﺪ ﺗﺒﺺ ﻋﻠﻴﻜﻲ
- ﻧﺪﻯ : ﺍﻭﻣﺎﻝ ﻫﻨﺎﻛﻞ ﻓﻴﻦ
- ﻋﻼﺀ : ﻫﻨﺎ ﻓﻲ ﺍﻟﻌﺮﺑﻴﺔ
- ﻧﺪﻯ ﺑﺼﺪﻣﺔ : ﺍﻳﻪ ؟
- ﻋﻼﺀ : ﺍﺣﻨﺎ ﻫﻨﻄﻠﺐ ﺍﻟﻠﻲ ﻋﺎﻭﺯﻳﻨﻪ ﻭﻧﺎﻛﻞ ﻫﻨﺎ ﻓﻲ ﺍﻟﻌﺮﺑﻴﺔ
- ﻧﺪﻯ ﻋﻠﻰ ﻣﻀﺾ : ﺍﻭﻙ
- ﻋﻼﺀ : ﺑﺼﻲ ﺃﻧﺎ ﻃﻮﻝ ﻋﻤﺮﻱ ﺑﺎﻛﻞ ﻣﻦ ﺑﺮﺍ ، ﻋﺸﺎﻥ ﻇﺮﻭﻑ ﻣﺎﻣﺎ ﻭﻛﺪﻩ ﻓﻬﻲ ﻣﺶ ﺑﺘﻄﺒﺦ ﻛﺘﻴﺮ ، ﻓﺄﻧﺎ ﻋﺎﻭﺯﻙ ﺑﻘﻰ ﺗﻄﺒﺨﻲ ، ﺍﻷﻛﻞ ﻣﻦ ﺑﺮﺍ ﻫﻴﻜﻮﻥ ﻛﻞ ﻓﻴﻦ ﻭﻓﻴﻦ ، ﻣﺎﺷﻲ
- ﻧﺪﻯ : ﺍﻥ ﺷﺎﺀ ﺍﻟﻠﻪ
- ﻋﻼﺀ : ﺃﻧﺎ ﻫﺎﻃﻠﺐ ﺷﺎﻭﺭﻣﺔ ، ﺗﺤﺒﻲ ﺗﺎﻛﻠﻲ ﺍﻳﻪ ؟
- ﻧﺪﻯ : ﺃﻱ ﺣﺎﺟﺔ
- ﻋﻼﺀ : ﻣﻤﻤﻢ .. ﺧﻼﺹ ﺃﻧﺎ ﻫﺎﺟﻴﺒﻠﻚ ﺣﺎﺟﺔ ﻋﻠﻰ ﺫﻭﻗﻲ ﻭﻧﺘﻘﺎﺳﻤﻬﺎ ﺳﻮﺍ
- ﻧﺪﻯ : ﺍﻭﻙ ، ﺑﺲ ﻳﺎ ﺭﻳﺖ ﺑﺴﺮﻋﺔ ﻋﺸﺎﻥ ﺍﻧﺎ ﻣﺶ ﻋﺎﻭﺯﺓ ﺍﺗﺄﺧﺮ
- ﻋﻼﺀ : ﺣﺎﺿﺮ
ﺃﺣﻀﺮ ﻋﻼﺀ ﺍﻟﻄﻌﺎﻡ ﻣﻦ ﺃﺣﺪ ﺍﻟﻤﻄﺎﻋﻢ ﺍﻟﻘﺮﻳﺒﺔ ، ﺛﻢ ﺭﻛﻦ ﺍﻟﺴﻴﺎﺭﺓ ﺑﺠﻮﺍﺭﻩ ، ﻭﺑﺪﺃ ﻓﻲ ﺗﻨﺎﻭﻝ ﺍﻟﻄﻌﺎﻡ ﻭ ...
- ﻋﻼﺀ : ﻃﻌﻤﻪ ﺣﻠﻮ ﺍﻷﻛﻞ ﺩﻩ
- ﻧﺪﻯ : ﺍﻫﺎ
- ﻋﻼﺀ ﻭﻫﻮ ﻳﻨﺎﻭﻟﻬﺎ ﺍﻟﺴﻨﺪﻭﺗﺶ ﺍﻟﺨﺎﺹ ﺑﻪ : ﺧﺪﻱ ﺩﻭﻗﻲ
- ﻧﺪﻯ : ﺁﺁﺁ ...
- ﻋﻼﺀ : ﺍﻳﻪ ﺍﻧﺘﻲ ﻫﺘﻘﺮﻓﻲ ﻣﻨﻲ
- ﻧﺪﻯ : ﻷ .. ﺑﺲ ﺃﻧﺎ ﻣﺶ ﺑﺤﺐ ﺃﻛﻞ ﻣﻜﺎﻥ ﺣﺪ
- ﻋﻼﺀ ﺑﺤﺪﺓ : ﻭﻫﻮ ﺃﻧﺎ ﺃﻱ ﺣﺪ ، ﺩﻩ ﺃﻧﺎ ﺧﻄﻴﺒﻚ ! ﻳﺎ ﺭﻳﺖ ﺗﺒﻘﻲ ﻋﺎﺭﻓﺔ ﺩﻩ ﻛﻮﻳﺲ
- ﻧﺪﻯ : ﺃﻧﺎ ﻣﻘﺼﺪﺵ ﺑﺲ ﺁﺁﺁ ...
- ﻋﻼﺀ : ﻭﻻ ﺗﻘﺼﺪﻱ ﺣﺘﻰ ، ﻳﺎﻻ ﻋﺸﺎﻥ ﺃﻭﺻﻠﻚ ﺑﻴﺘﻚ ، ﺳﺪﻳﺘﻲ ﻧﻔﺴﻲ ﻉ ﺍﻷﻛﻞ
- ﻧﺪﻯ ﺑﺼﺪﻣﺔ : ﻫـــﻪ !
ﻗﺎﺩ ﻋﻼﺀ ﺍﻟﺴﻴﺎﺭﺓ ﻋﺎﺀﺩﺍً ﺇﻟﻰ ﻣﻨﺰﻝ ﻧﺪﻯ ﻣﺮﺓ ﺃﺧﺮﻯ ﻭﻫﻲ ﻻ ﺗﻜﺎﺩ ﺗﺼﺪﻕ ﺃﺫﻧﻴﻬﺎ ، ﻟﻢ ﺗﺮﺩ ﺃﻥ ﺗﻘﺺ ﻋﻠﻰ ﻭﺍﻟﺪﺗﻬﺎ ﻣﺎ ﺣﺪﺙ ﺣﺘﻰ ﻻ ﺗﻔﺴﺪ ﺍﺟﻮﺍﺀ ﺍﻟﻔﺮﺣﺔ ﻓﻲ ﺍﻟﺒﻴﺖ ، ﻭﻟﻜﻨﻬﺎ ﻛﺎﻧﺖ ﻻ ﺗﻌﻠﻢ ﺃﻥ ﺑﺼﻤﺘﻬﺎ ﺳﻴﺤﺪﺙ ﺍﻟﻜﺜﻴﺮ ...
..........................
ﻓﻲ ﻏﺮﻓﺔ ﺍﻟﺒﻨﺎﺕ ،،،،
ﺍﺧﺬﺕ ﺯﻳﻨﺐ ﻧﻴﺮﺓ ﻣﻦ ﻳﺪﻫﺎ ﻟﺘﺘﺤﺪﺙ ﻣﻌﻬﺎ ﻋﻠﻰ ﺍﻧﻔﺮﺍﺩ ﺧﺎﺻﺔ ﺑﻌﺪ ﺃﻥ ﻏﻔﺖ ﻓﺎﻃﻴﻤﺎ ، ﻭﺍﻧﺸﻐﺎﻝ ﻧﺪﻯ ﺑﺘﺒﺪﻳﻞ ﻣﻼﺑﺴﻬﺎ ﻓﻲ ﺍﻟﺤﻤﺎﻡ ﻭ ...
- ﺯﻳﻨﺐ : ﺗﻌﺎﻟﻲ ﻫﻨﺎ ﻳﺎ ﺑﺖ ﻋﺎﻭﺯﺍﻛﻲ
- ﻧﻴﺮﺓ : ﻓﻲ ﺍﻳﻪ ﻳﺎ ﻣﺎﻣﺎ
- ﺯﻳﻨﺐ : ﺍﻳﻪ ﻳﺎﺧﺘﻲ ﻣﻮﺿﻮﻉ ﺍﻟﺸﺎﺏ ﺍﻟﺠﻤﻴﻞ ﺍﻟﻠﻲ ﻭﺻﻠﻚ ﻣﻦ ﻳﻮﻣﻴﻦ ﺩﻩ
- ﻧﻴﺮﺓ ﺑﻌﺪﻡ ﻓﻬﻢ : ﺷﺎﺏ ﻣﻴﻦ ؟؟
- ﺯﻳﻨﺐ : ﺍﻧﺘﻲ ﻫﺘﻌﻤﻠﻴﻬﻢ ﻋﻠﻴﺎ ، ﺑﻘﻮﻟﻚ ﺍﻳﻪ ﺁﻣﺎﻝ ﺷﺎﻓﺖ ﻭﺍﺣﺪ ﺑﻴﻮﺻﻠﻚ ﺍﻧﺘﻲ ﻭﺍﺧﺘﻚ ﻣﻦ ﻳﻮﻣﻴﻦ ، ﻭﺍﻧﺎ ﻣﺮﺩﺗﺶ ﺃﺗﻜﻠﻢ ﻗﺼﺎﺩ ﺃﺑﻮﻛﻲ ﻋﺸﺎﻥ ﻣﻜﺒﺮﺵ ﺍﻟﻤﻮﺿﻮﻉ ﻭﻳﻘﻠﺐ ﻋﻠﻴﻜﻲ
- ﻧﻴﺮﺓ : ﻳﺎ ﻣﺎﻣﺎ ﺩﻩ ﻭﺍﺣﺪ ﺻﺎﺣﺐ ﺑﺎﺑﺎ ، ﻭﺣﺘﻰ ﺑﺎﺑﺎ ﻋﺎﺭﻑ
- ﺯﻳﻨﺐ : ﻧﻌﻢ ؟؟ ﺃﺑﻮﻛﻲ ﻋﺎﺭﻑ !
- ﻧﻴﺮﺓ : ﺍﻳﻮﻩ ، ﺑﺎﻷﻣﺎﺭﺓ ﻫﻮ ﺍﻟﻠﻲ ﻗﺎﻟﻪ ﻳﻮﺻﻠﻨﺎ ﻟﻤﺎ ﻣﺠﺪﻱ ﺍﻟﺴﻮﺍﻕ ﻣﺠﺎﺵ، ﻭﺗﻘﺪﺭﻱ ﺗﺴﺄﻟﻴﻪ ﺑﻨﻔﺴﻚ
- ﺯﻳﻨﺐ : ﻫـــﺎﻩ
- ﻧﻴﺮﺓ : ﻭﺑﻌﺪﻳﻦ ﺍﻧﺘﻲ ﻋﺎﺭﻓﺎﻧﻲ ﻳﺎ ﻣﺎﻣﺎ ﺍﻧﺎ ﻣﺶ ﺑﺘﺎﻋﺔ ﻟﻒ ﻭﻻ ﺩﻭﺭﺍﻥ
- ﺯﻳﻨﺐ : ﻣﺎﻫﻮ ﻋﺸﺎﻥ ﻋﺎﺭﻓﺎﻛﻲ ﻻﺯﻡ ﺃﺩﻭﺭ ﻭﺭﺍﻛﻲ
- ﻧﻴﺮﺓ : ﺍﻭﻭﻑ ، ﻭﺑﻌﺪﻳﻦ ﺍﻟﻮﻟﻴﺔ ﺁﻣﺎﻝ ﺩﻱ ﺍﻳﻴﻴﻪ ﻣﺎﺑﺘﺼﺪﻕ ﺗﺸﻮﻑ ﺣﺎﺟﺔ ﻭﺗﻌﻤﻞ ﻋﻠﻴﻬﺎ ﺃﻓﻼﻡ ﻭﺗﺄﻟﻒ ﻗﺼﺺ ﻣﺤﺼﻠﺘﺶ
- ﺯﻳﻨﺐ : ﻭﺍﻟﻠﻪ ﺍﻟﻠﻲ ﻣﻴﻌﺮﻓﺶ ﻳﻘﻮﻝ ﻋﺪﺱ
- ﻧﻴﺮﺓ : ﻃﻴﺐ ﻳﺎ ﻣﺎﻣﺎ ﻓﻲ ﺣﺎﺟﺔ ﺗﺎﻧﻴﺔ
- ﺯﻳﻨﺐ : ﻷ ، ﺑﺲ ﺑﺮﺿﻮﻩ ﺃﻧﺎ ﻫﺴﺄﻝ ﺃﺑﻮﻛﻲ ﻭﺍﻋﺮﻑ ﻣﻨﻪ
- ﻧﻴﺮﺓ : ﺑﺮﺍﺣﺘﻚ ﻳﺎ ﻣﺎﻣﺎ ، ﺧﻠﻴﻨﻲ ﺑﻘﻰ ﺃﺭﻭﺡ ﺃﻏﻴﺮ ﻫﺪﻭﻣﻲ
- ﺯﻳﻨﺐ : ﺭﻭﺣﻲ !..
........
ﺗﺤﻘﻘﺖ ﺯﻳﻨﺐ ﻣﻦ ﻛﻼﻡ ﻧﻴﺮﺓ ﻣﻦ ﺧﻼﻝ ﺣﺪﻳﺜﻬﺎ ﻣﻊ ﺯﻭﺟﻬﺎ ﺻﻼﺡ ﻭﺗﺄﻛﺪﺩﺕ ﺃﻧﻪ ﻃﻠﺐ ﻣﻦ ﻣﺮﻭﺍﻥ ﺃﻥ ﻳﻮﺻﻞ ﺍﻟﻔﺘﺎﺗﻴﻦ ﺇﻟﻰ ﺍﻟﻤﻨﺰﻝ ﻻﻧﺸﻐﺎﻟﻪ ﻓﻲ ﺍﻟﻌﻤﻞ ﻓﺎﻃﻤﺌﻦ ﺑﺎﻟﻬﺎ ﻭ ...
- ﺯﻳﻨﺐ : ﺍﻟﺤﻤﺪﻟﻠﻪ ، ﻳﻌﻨﻲ ﺍﻟﺒﺖ ﻣﺶ ﺑﺘﻜﺪﺏ
- ﺻﻼﺡ : ﻷ ، ﻭﻫﺘﻜﺪﺏ ﻟﻴﻪ ، ﻣﺮﻭﺍﻥ ﻋﺮﺽ ﻳﻮﺻﻞ ﺍﻟﺒﻨﺎﺕ ﻭﺃﻟﺢ ﻉ ﺩﻩ ﻭﺃﻧﺎ ﻭﺍﻓﻘﺖ
- ﺯﻳﻨﺐ : ﻣﻤﻢ ... ﺍﺳﻤﻪ ﻣﺮﻭﺍﻥ
- ﺻﻼﺡ : ﺃﻳﻮﻩ
- ﺯﻳﻨﺐ : ﻭﺍﻧﺖ ﺗﻌﺮﻓﻪ ﻣﻨﻴﻦ ﻳﺎ ﺣﺎﺝ
- ﺻﻼﺡ : ﺩﻩ ﺍﺑﻦ ﺻﺎﺣﺐ ﺍﻟﺸﺮﻛﺔ ﺍﻟﻠﻲ ﺃﻧﺎ ﻣﺎﺳﻚ ﻣﻘﺎﻭﻟﺘﻬﺎ
- ﺯﻳﻨﺐ : ﺍﺑﻦ ﺻﺎﺣﺐ ﺍﻟﺸﺮﻛﺔ ، ﻣﺎﺷﺎﺀ ﺍﻟﻠﻪ
- ﺻﻼﺡ : ﻭﻟﺪ ﻃﻴﺐ ﻭﺍﺑﻦ ﺣﻼﻝ ، ﺍﻟﻤﻬﻢ ﻳﺎ ﺯﻳﻨﺐ ﺍﻥ ﺍﻟﻴﻮﻡ ﻋﺪﻯ ﻋﻠﻰ ﺧﻴﺮ
- ﺯﻳﻨﺐ : ﺍﻟﺤﻤﺪﻟﻠﻪ
-
...........................
ﻓﻲ ﺍﻟﻴﻮﻡ ﺍﻟﺘﺎﻟﻲ ،،،،
ﺫﻫﺐ ﺻﻼﺡ ﺇﻟﻰ ﻋﻤﻠﻪ ، ﺑﻴﻨﻤﺎ ﻇﻠﺖ ﺍﻟﻔﺘﻴﺎﺕ ﻓﻲ ﺍﻟﻤﻨﺰﻝ ﻳﻌﺎﻧﻴﻦ ﻣﻦ ﺍﺭﻫﺎﻕ ﺣﻔﻞ ﺍﻷﻣﺲ ﻭﻟﻢ ﻳﺬﻫﺒﻦ ﺇﻟﻰ ﺃﻣﺎﻛﻦ ﺩﺭﺍﺳﺘﻬﻦ ﻭ ...
- ﺯﻳﻨﺐ : ﺧﻼﺹ ﺩﻩ ﺍﺧﺮ ﻳﻮﻡ ﻟﻠﺪﻟﻊ ، ﺑﻌﺪ ﻛﺪﻩ ﺍﻟﻜﻞ ﻫﻴﺮﻭﺡ ﻣﺪﺭﺳﺘﻪ ﺗﺎﻧﻲ
- ﻧﻴﺮﺓ : ﻫﻮ ﺍﺣﻨﺎ ﻟﺤﻘﻨﺎ
- ﺯﻳﻨﺐ : ﻛﻔﺎﻳﺔ ﺗﻀﻴﻴﻊ ﻭﻗﺖ ﺃﻛﺘﺮ ﻣﻦ ﻛﺪﻩ
- ﻧﻴﺮﺓ : ﻃﻴﺐ
- ﻓﺎﻃﻴﻤﺎ : ﻣﺎﺷﻲ
- ﻧﺪﻯ : ﺍﻧﺎ ﻣﻦ ﺑﻜﺮﺓ ﻫﺎﻧﺘﻈﻢ ﻓﻲ ﺍﻟﻜﻠﻴﺔ ﻷﺣﺴﻦ ﺣﺎﺳﺔ ﺍﻧﻪ ﻓﺎﺗﻨﻲ ﻛﺘﻴﺮ
- ﺯﻳﻨﺐ : ﻣﺎﺷﻲ ﻳﺎ ﻧﻮﺩﺓ
- ﻧﻴﺮﺓ : ﺃﻧﺎ ﻫﺎﺩﺧﻞ ﺍﺷﻮﻑ ﺍﻟﺪﻧﻴﺎ ﻋﺎﻣﻠﺔ ﺍﻳﻪ ﻉ ﺍﻟﻔﻴﺲ
- ﺯﻳﻨﺐ : ﻳﺎﺑﺖ ﺳﻴﺒﻚ ﻣﻦ ﺍﻟﺰﻓﺖ ﺍﻟﻠﻲ ﺑﻴﻀﻴﻊ ﺍﻟﻮﻗﺖ ﺩﻩ ﻭﺭﻛﺰﻱ ﻓﻲ ﻣﺬﺍﻛﺮﺗﻚ
- ﻧﻴﺮﺓ : ﻳﺎ ﻣﺎﻣﺎ ﻫﻲ ﻧﺺ ﺳﺎﻋﺔ ﺑﺲ
- ﻧﺪﻯ : ﺍﻟﻨﺺ ﺑﺘﻘﻠﺐ ﺑﺴﺎﻋﺔ ﻭﺍﻟﺴﺎﻋﺔ ﺑﺎﺗﻨﻴﻦ ﻭﻫﻠﻢ ﺟﺮ
- ﻧﻴﺮﺓ : ﺍﻫﺪﻱ ﻳﺎ ﻧﻮﻭﻭﺩﺓ ، ﺍﻳﻪ ﻳﺎ ﻋﺮﻭﺳﺔ ، ﻫﻲ ﺍﻟﺨﻄﻮﺑﺔ ﻫﺘﻐﻴﺮﻙ ﻋﻠﻴﻨﺎ ﻭﻻ ﺍﻳﻪ
- ﻧﺪﻯ : ﻻ ﻫﺘﻐﻴﺮﻧﻲ ﻭﻻ ﺣﺎﺟﺔ ، ﺩﻩ ﺍﻧﺎ ﺯﻱ ﻣﺎ ﺃﻧﺎ
ﻭﻓﺠـــﺄﺓ ﺭﻥ ﻫﺎﺗﻒ ﻧﺪﻯ ﺑﺮﻗﻢ ﻋﻼﺀ ، ﻓﺘﻌﺠﺒﺖ ﻛﻴﻒ ﻳﻈﻬﺮ ﺍﻟﺮﻗﻢ ﻋﻠﻰ ﺷﺎﺷﺔ ﻫﺎﺗﻔﻬﺎ ﺍﻟﻤﺤﻤﻮﻝ ﻭﻫﻲ ﻟﻢ ﺗﺴﺠﻠﻪ ﺑﻌﺪ ، ﻭﻟﻜﻨﻬﺎ ﺗﺬﻛﺮﺕ ﺃﻧﻬﺎ ﺑﺪﻟﺖ ﺷﺮﻳﺤﺔ ﺍﻟﻬﺎﺗﻒ ﺑﺎﻷﻣﺲ ﺣﻴﻨﻤﺎ ﻋﺎﺩﺕ ﻣﻦ ﺍﻟﺨﺎﺭﺝ ، ﻓﺘﻮﻗﻌﺖ ﺍﻧﻪ ﺳﺠﻞ ﺭﻗﻤﻪ ﻋﻠﻰ ﺍﻟﺸﺮﻳﺤﺔ .. ﻟﻢ ﺗﻔﻜﺮ ﻃﻮﻳﻼً ﻭﺇﻧﻤﺎ ﺭﺩﺕ ﻋﻠﻰ ﺍﻻﺗﺼﺎﻝ ﻭ ...
- ﻧﺪﻯ ﻫﺎﺗﻔﻴﺎً : ﺍﻟﻮﻭﻭ
- ﻋﻼﺀ ﻫﺎﺗﻔﻴﺎ : ﺍﻟﻮﻭ ، ﺍﻳﻪ ﻳﺎ ﺑﻨﺘﻲ ، ﻛﻞ ﺩﻩ ﻋﺸﺎﻥ ﺗﺮﺩﻱ
- ﻧﺪﻯ : ﻣﻌﻠﺶ ﻣﻜﻮﻧﺘﺶ ﻋﺎﺭﻓﺔ ﺍﻧﻚ ﺑﺘﺘﺼﻞ
- ﻋﻼﺀ : ﺍﻧﺘﻲ ﺗﺨﻠﻲ ﺍﻟﺘﻠﻴﻔﻮﻥ ﺩﺍﻳﻤﺎً ﻣﻌﺎﻛﻲ ﻋﺸﺎﻥ ﺍﻣﺎ ﺃﻛﻠﻤﻚ ﻓﻲ ﺃﻱ ﻭﻗﺖ ﺗﺮﺩﻱ
- ﻧﺪﻯ : ﺣﺎﺿﺮ
- ﻋﻼﺀ : ﻫﺎ ﻧﻤﺘﻲ ﻛﻮﻳﺲ
- ﻧﺪﻯ : ﺍﻟﺤﻤﺪﻟﻠﻪ
- ﻋﻼﺀ : ﻧﻤﺘﻲ ﺃﺩ ﺍﻳﻪ ؟
- ﻧﺪﻯ : ﺍﻟﻄﺒﻴﻌﻲ ﺍﻟﻠﻲ ﺑﻨﺎﻣﻪ
- ﻋﻼﺀ : ﻷ ﺃﻧﺎ ﻋﺎﻭﺯﻙ ﺗﻨﺎﻣﻲ ﻛﻮﻳﺲ ﻋﺸﺎﻥ ﻭﺷﻚ ﻳﺒﻘﻰ ﻓﺎﻳﻖ ﻭﻣﻨﻮﺭ
- ﻧﺪﻯ : ﻃﻴﺐ .
- ﻋﻼﺀ : ﻭﻣﺎﻓﻴﺶ ﺩﺍﻋﻲ ﺍﻧﻚ ﺗﺴﺎﻋﺪﻱ ﺃﻣﻚ ﻓﻲ ﺷﻐﻞ ﺍﻟﺒﻴﺖ
- ﻧﺪﻯ : ﻟﻴﻪ
- ﻋﻼﺀ : ﻣﻦ ﻏﻴﺮ ﻟﻴﻪ ، ﺍﻧﺎ ﻋﺎﻭﺯﻙ ﺗﺒﻘﻲ ﻣﺮﻳﺤﺔ ﻛﺪﻩ ﻭﻣﺎﻓﻴﺶ ﺃﻱ ﺣﺎﺟﺔ ﺗﻌﻤﻠﻴﻬﺎ ، ﺗﺒﻘﻲ ﻓﺎﺿﻴﺔ ﻟﻴﺎ ﻭﺑﺲ
- ﻧﺪﻯ : ﺭﺑﻨﺎ ﻳﺴﻬﻞ
- ﻋﻼﺀ : ﻭﺍﺑﻘﻲ ﺭﻧﻲ ﻋﻠﻴﺎ ﻛﻞ ﺷﻮﻳﺔ ، ﺃﻭ ﺗﺒﻌﺘﻴﻠﻲ ﺭﺳﺎﻟﺔ ﺗﻄﻤﻨﻴﻨﻲ ﻓﻴﻬﺎ ﻋﻠﻴﻜﻲ
- ﻧﺪﻯ : ﻟﻴﻪ ﻛﻞ ﺩﻩ
- ﻋﻼﺀ : ﻋﺸﺎﻥ ﺃﻋﺮﻑ ﺍﺧﺒﺎﺭﻙ ﺍﻳﻪ ، ﻣﺎﻫﻮ ﺃﻧﺎ ﻣﺶ ﻣﻮﺟﻮﺩ ﻣﻌﺎﻛﻲ ﻋﺸﺎﻥ ﺃﺷﻮﻑ ﺑﻨﻔﺴﻲ ﺑﺘﻌﻤﻠﻲ ﺍﻳﻪ ، ﻓﺎﻟﺮﺳﺎﻳﻞ ﻭﺍﻟﻤﻜﺎﻟﻤﺎﺕ ﻫﺘﻄﻤﻨﻲ ﻋﻠﻴﻜﻲ
- ﻧﺪﻯ : ﺍﻭﻙ
- ﻋﻼﺀ : ﻋﻠﻰ ﻓﻜﺮﺓ ﺃﻧﺎ ﻣﺤﻀﺮﻟﻚ ﻣﻔﺎﺟﺄﺓ ﺣﻠﻮﺓ
- ﻧﺪﻯ : ﻣﻔﺎﺟﺄﺓ ﺍﻳﻪ
- ﻋﻼﺀ : ﻫﺎﻗﻮﻟﻚ ﻟﻤﺎ ﺃﺗﺄﻛﺪ ﺑﺲ ﺍﻷﻭﻝ ﻣﻨﻬﺎ
- ﻧﺪﻯ : ﻣﺎﺷﻲ
- ﻋﻼﺀ : ﺭﻭﺣﻲ ﺭﻳﺤﻲ ﻟﺤﺪ ﻣﺎ ﺃﻛﻠﻤﻚ ﺗﺎﻧﻲ
- ﻧﺪﻯ : ﺍﻭﻙ ، ﺑﺎﻱ
ﺃﻧﻬﺖ ﻧﺪﻯ ﺍﻟﻤﻜﺎﻟﻤﺔ ﻭﻫﻲ ﺗﺘﻌﺠﺐ ﻣﻦ ﻃﺮﻳﻘﺔ ﻋﻼﺀ ﻣﻌﻬﺎ ﻭ ..
- ﻧﺪﻯ ﻓﻲ ﻧﻔﺴﻬﺎ : ﻫﻮ ﺍﻳﻪ ﺩﻩ ﺍﻟﻠﻲ ﻧﺎﻣﻲ ﻭﺭﻳﺤﻲ ﻭﻣﺎﺗﻌﻤﻠﻴﺶ ﺣﺎﺟﺔ ، ﺍﻭﻭﻭﻑ ، ﺑﺎﻳﻦ ﻋﻠﻴﺎ ﻫﺤﺘﺎﺝ ﻣﺠﻬﻮﺩ ﻛﺒﻴﺮ ﻋﺸﺎﻥ ﺃﻏﻴﺮﻩ !
................................
ﻓﻲ ﻛﻠﻴﺔ ﺗﺠﺎﺭﺓ ﺍﻧﺠﻠﻴﺶ ،،،،
ﻓﻲ ﻗﺎﻋﺔ ﻣﺤﺎﺿﺮﺍﺕ ﺍﻟﻔﺮﻗﺔ ﺍﻟﺜﺎﻧﻴﺔ ،،،
ﻛﺎﻧﺖ ﻭﻓﺎﺀ ﺷﺎﺭﺩﺓ ﻣﻊ ﻧﻔﺴﻬﺎ ﻟﺒﻌﺾ ﺍﻟﻮﻗﺖ ، ﺣﻴﺚ ﻛﺎﻧﺖ ﺗﺸﻌﺮ ﺑﺎﻟﺬﻧﺐ ﻷﻧﻬﺎ ﺭﺑﻤﺎ ﺗﻜﻮﻥ ﻗﺪ ﺗﺴﺮﻋﺖ ﻭﻇﻠﻤﺖ ﻧﺪﻯ ﺑﺪﻭﻥ ﺃﻥ ﺗﺘﺴﻤﻊ ﻟﻬﺎ ، ﻭﻣﺎ ﻳﻀﺎﻳﻘﻬﺎ ﺃﻛﺜﺮ ﻫﻮ ﺃﻥ ﺑﻌﺪ ﻣﺎ ﺣﺪﺙ ﺍﺧﺘﻔﺖ ﻧﺪﻯ ﻭﻟﻢ ﺗﻌﺪ ﺗﺄﺗﻲ ﺇﻟﻰ ﺍﻟﻜﻠﻴﺔ ﻭ ...
- ﻭﻓﺎﺀ ﻓﻲ ﻧﻔﺴﻬﺎ : ﺑﺎﻳﻦ ﻋﻠﻴﺎ ﺍﺗﺴﺮﻋﺖ ﻟﻤﺎ ﻇﻠﻤﺖ ﻧﺪﻯ ، ﺩﻩ ﻣﻦ ﻳﻮﻡ ﺍﻟﺸﻜﻠﺔ ﺍﻟﻠﻲ ﺣﺼﻠﺖ ﻓﻲ ﺍﻟﻜﺎﻓﻴﻪ ﻭﻫﻲ ﻣﺶ ﺑﺘﻴﺠﻲ ﺧﺎﻟﺺ ، ﻳﺎ ﺗﺮﻯ ﻫﻲ ﻋﺎﻣﻠﺔ ﺍﻳﻪ ؟؟ ﺃﻧﻤﺎ ﻻﺯﻡ ﺍﻛﻠﻤﻬﺎ ﻭﺍﺳﺄﻝ ﻋﻠﻴﻬﺎ
ﻃﻠﺒﺖ ﻭﻓﺎﺀ ﻧﺪﻯ ﻭﻟﻜﻦ ﻭﺟﺪﺕ ﺍﻥ ﻫﺎﺗﻔﻬﺎ ﻏﻴﺮ ﻣﺘﺎﺡ ﻓﺎﺳﺘﻐﺮﺑﺖ ﻟﻬﺬﺍ ﻭ ..
- ﻭﻓﺎﺀ : ﺩﻩ ﺣﺘﻰ ﻣﻮﺑﺎﻳﻠﻬﺎ ﻏﻴﺮ ﻣﺘﺎﺡ ، ﺭﺑﻨﺎ ﻳﺴﺘﺮ ﻭﻣﺎﻳﻜﻮﻧﺶ ﺣﺼﻞ ﻋﻨﺪﻫﺎ ﺣﺎﺟﺔ
- ﻓﺘﺎﺓ ﻣﺎ : ﺍﻳﻪ ﻳﺎ ﻭﻳﻔﻮﻭﻭ ، ﺍﻧﺘﻲ ﺑﺘﻜﻠﻤﻲ ﻧﻔﺴﻚ ؟
- ﻭﻓﺎﺀ : ﻷ ﻋﺎﺩﻱ
- ﻓﺘﺎﺓ ﻣﺎ : ﻃﺐ ﻳﺎﻻ ﻋﺸﺎﻥ ﻧﻠﺤﻖ ﺍﻟﺴﻜﺸﻦ
- ﻭﻓﺎﺀ : ﺍﻭﻙ ، ﺍﻧﺎ ﺟﺎﻳﺔ
- ﻭﻓﺎﺀ ﻓﻲ ﻧﻔﺴﻬﺎ : ﻳﺎ ﺭﺏ ﺳﺎﻣﺤﻨﻲ ﻟﻮ ﻛﻨﺖ ﻇﻠﻤﺘﻬﺎ ﻭﻻ ﻇﻨﻴﺖ ﻓﻴﻬﺎ ﺍﻟﺴﻮﺀ ! ﺃﻧﺎ ﻫﺤﺎﻭﻝ ﻟﻤﺎ ﺗﺮﺟﻌﻊ ﺑﺎﻟﺴﻼﻣﺔ ﺃﻃﻤﻦ ﻋﻠﻴﻬﺎ
...................................
ﻓﻲ ﻣﻜﺘﺐ ﺻﻼﺡ ﺍﻟﺪﺳﻮﻗﻲ ﻟﻠﻤﻘﺎﻭﻻﺕ ،،،
ﺣﻀﺮ ﺍﻟﺴﺎﺋﻖ ﻣﺠﺪﻱ ﺇﻟﻰ ﺍﻟﻤﻜﺘﺐ ﻟﻜﻲ ﻳﻘﺎﺑﻞ ﺻﻼﺡ ، ﻭﻟﻜﻨﻪ ﻟﻢ ﻳﺠﺪ ﺇﻻ ﻋﻠﻲ ، ﻭ ﺃﺣﺪ ﺍﻟﻤﻮﻇﻔﻴﻦ ﻓﻘﻂ ﻭ ...
- ﻣﺠﺪﻱ : ﺳﻼﻣﻮ ﻋﻠﻴﻜﻮ
- ﻧﺎﺟﻲ : ﻭﻋﻠﻴﻜﻢ ﺍﻟﺴﻼﻡ ، ﺍﻳﻮﻩ ﻳﺎ ﺣﻀﺮﺕ
- ﻣﺠﺪﻱ : ﻫﻮ ﺍﻻﺳﺘﺎﺫ ﺻﻼﺡ ﻣﻮﺟﻮﺩ
- ﻧﺎﺟﻲ : ﻷ
- ﻋﻠﻲ : ﺍﻟﻠﻪ ! ﻣﺠﺪﻱ !.. ﺗﻌﺎﻟﻰ
- ﻣﺠﺪﻱ : ﺍﺯﻳﻚ ﻳﺎ ﻋﻠﻲ ﺑﺎﺷﺎ
- ﻋﻠﻲ : ﺑﺨﻴﺮ ﺍﻟﺤﻤﺪﻟﻠﻪ ، ﺍﻳﻪ ﻳﺎ ﻣﺠﺪﻱ ﺟﺎﻱ ﺍﻟﻤﻜﺘﺐ ﻟﻴﻪ ؟
- ﻣﺠﺪﻱ : ﻛﻨﺖ ﻋﺎﻭﺯ ﺃﻗﺎﺑﻞ ﺍﻻﺳﺘﺎﺫ ﺻﻼﺡ
- ﻋﻠﻲ : ﻟﻴﻪ ﻓﻲ ﺣﺎﺟﺔ
- ﻣﺠﺪﻱ : ﺍﺻﻞ ﺃﻧﺎ ﻛﻨﺖ ﺁﺁﺁ ... ﻳﻌﻨﻲ ﻋﺎﻭﺯ ﺍﻋﺘﺬﺭ ﻋﻦ ﺷﻐﻼﻧﺔ ﺗﻮﺻﻴﻞ ﺑﻨﺎﺗﻪ ﻟﻠﻤﺪﺭﺳﺔ
- ﻋﻠﻲ : ﻃﺐ ﻟﻴﻪ ؟؟
- ﻣﺠﺪﻱ : ﻣﺸﻐﻮﻝ ﺍﻟﻴﻮﻣﻴﻦ ﺩﻭﻝ ﻭﻫﻴﺒﻘﻰ ﺻﻌﺐ ﻋﻠﻴﺎ ﺃﻟﺘﺰﻡ ﻣﻌﺎﻫﻢ
- ﻋﻠﻲ : ﻣﻤﻢ .. ﻭﺍﻟﻠﻪ ﻣﺶ ﻋﺎﺭﻑ ﺃﻗﻮﻟﻚ ﺍﻳﻪ ، ﺑﺲ ﺻﻼﺡ ﻣﺶ ﻣﻮﺟﻮﺩ ﻓﻲ ﺍﻟﻤﻜﺘﺐ ﺍﻟﻮﻗﺘﻲ
- ﻣﺠﺪﻱ : ﺧﻼﺹ ﻫﺎﺑﻘﻰ ﺃﻋﺪﻱ ﻋﻠﻴﻪ ﻭﻗﺖ ﺗﺎﻧﻲ
- ﻋﻠﻲ : ﻃﺐ ﻣﺎ ﺗﺮﻭﺣﻠﻪ ﺍﻟﻤﻮﻗﻊ ﺍﻟﻠﻲ ﻫﻮ ﺷﻐﺎﻝ ﻓﻴﻪ
- ﻣﺠﺪﻱ : ﻭﺩﻩ ﻓﻴﻦ ﺩﻩ
- ﻋﻠﻲ : ﺍﺳﺘﻨﻰ ﺃﻣﺎ ﺍﻛﺘﺒﻠﻚ ﺍﻟﻌﻨﻮﺍﻥ ﻓﻲ ﻭﺭﻗﺔ
- ﻣﺠﺪﻱ : ﻣﺎﺷﻲ ﻳﺎ ﻋﻠﻲ ﺑﺎﺷﺎ
- ﻋﻠﻲ ﻭﻫﻮ ﻳﺪﻭﻥ ﺍﻟﻌﻨﻮﺍﻥ ﻋﻠﻰ ﻭﺭﻗﺔ ﺻﻐﻴﺮﺓ : ﺍﻧﺖ ﺭﻭﺡ ﺍﺗﻔﺎﻫﻢ ﻣﻌﺎﻩ ﺑﻨﻔﺴﻚ ، ﻭﻋﺸﺎﻥ ﻳﺪﻳﻚ ﺑﻘﻴﺔ ﺣﻘﻚ
- ﻣﺠﺪﻱ : ﺗﻤﺎﻡ
- ﻋﻠﻲ : ﻫﻮ ﺑﻴﻔﻀﻞ ﻫﻨﺎﻙ ﻟﻤﺘﺄﺧﺮ ﻳﻌﻨﻲ ﻫﺘﻼﻗﻴﻪ ﺍﻥ ﺷﺎﺀ ﺍﻟﻠﻪ
- ﻣﺠﺪﻱ : ﻣﺘﺸﻜﺮ ﺍﻭﻱ ﻳﺎ ﻋﻠﻲ ﺑﺎﺷﺎ
- ﻋﻠﻲ : ﻭﺭﺑﻨﺎ ﻳﻮﻓﻘﻚ ﻓﻲ ﺍﻟﻠﻲ ﺑﺘﻌﻤﻠﻪ
- ﻣﺠﺪﻱ : ﺍﻟﻠﻪ ﻳﺨﻠﻴﻚ ﻳﺎ ﺭﺏ
ﺗﻮﺟﻪ ﻣﺠﺪﻱ ﺇﻟﻰ ﻣﻘﺮ ﺍﻟﻔﺮﻉ ﺍﻟﺠﺪﻳﺪ ﻟﺸﺮﻛﺔ ﺍﻟﻨﻘﻴﺐ ﻟﻜﻲ ﻳﻘﺎﺑﻞ ﺻﻼﺡ ﻫﻨﺎﻙ ...
...........
ﻭﻓﻲ ﺗﻠﻚ ﺍﻷﺛﻨﺎﺀ ﻛﺎﻥ ﻣﺮﻭﺍﻥ ﻣﺘﻮﺟﻬﺎً ﻟﻤﻘﺎﺑﻠﺔ ﺍﻷﺳﺘﺎﺫ ﺻﻼﺡ ﺑﻌﺪ ﺃﻥ ﺍﺗﺼﻞ ﺑﻪ ﻫﺎﺗﻔﻴﺎً ﻭ ﻃﻠﺐ ﺃﻥ ﻳﻘﺎﺑﻠﻪ ﻭ ...
- ﺻﻼﺡ ﻫﺎﺗﻔﻴﺎً : ﺍﻟﻮﻭ ، ﺍﻳﻮﻩ ﻳﺎ ﺍﺳﺘﺎﺫ ﻣﺮﻭﺍﻥ
- ﻣﺮﻭﺍﻥ ﻫﺎﺗﻔﻴﺎ : ﺍﺯﻳﻚ ﻳﺎ ﻋﻢ ﺻﻼﺡ ، ﺍﻳﻪ ﺍﻻﺧﺒﺎﺭ ؟
- ﺻﻼﺡ : ﻓﻲ ﻧﻌﻤﺔ ﺍﻟﺤﻤﺪﻟﻠﻪ
- ﻣﺮﻭﺍﻥ : ﻳﺎ ﺭﺏ ﺩﺍﻳﻤﺎ
- ﺻﻼﺡ : ﻣﻌﻠﺶ ﻳﺎ ﺑﻨﻲ ﺃﻧﺎ ﻛﻨﺖ ﻋﺎﻭﺯﻙ ﺗﺠﻴﻠﻲ ﺷﻮﻳﺔ ، ﺩﻩ ﻟﻮ ﻣﺶ ﻫﻌﻄﻠﻚ ﻭﻻ ﺣﺎﺟﺔ
- ﻣﺮﻭﺍﻥ : ﻷ ﻋﺎﺩﻱ ، ﺃﻧﺎ ﻣﺶ ﻭﺭﺍﻳﺎ ﺣﺎﺟﺔ ﺍﻟﻮﻗﺘﻲ
- ﺻﻼﺡ : ﺭﺑﻨﺎ ﻳﻜﺮﻣﻚ ﻳﺎ ﺭﺏ ، ﻭﺃﻫﻮ ﺑﺎﻟﻤﺮﺓ ﺗﺸﻮﻑ ﺍﻟﺸﻐﻞ ﻣﺎﺷﻲ ﺍﺯﺍﻱ ﻓﻲ ﺍﻟﻔﺮﻉ ﺍﻟﺠﺪﻳﺪ
- ﻣﺮﻭﺍﻥ : ﺃﻭﻙ .. ﻣﺴﺎﻓﺔ ﺍﻟﺴﻜﺔ ﻭﻫﺎﻛﻮﻥ ﻋﻨﺪﻙ
..........................
ﻓﻲ ﻣﻘﺮ ﻓﺮﻉ ﺷﺮﻛﺔ ﺍﻟﻨﻘﻴﺐ ﺍﻟﺠﺪﻳﺪ ،،،،
ﻭﺻﻞ ﻣﺠﺪﻱ ﺍﻟﺴﺎﺋﻖ ﺇﻟﻰ ﺍﻟﻤﻮﻗﻊ ، ﻭﺑﺤﺚ ﺑﻌﻴﻨﻪ ﻋﻦ ﺻﻼﺡ ، ﺛﻢ ﺳﺄﻝ ﺃﺣﺪ ﺍﻟﻌﻤﺎﻝ ﻋﻨﻪ ، ﻓﺄﺭﺷﺪﻩ ﺇﻟﻴﻪ ﻭ ...
- ﻣﺠﺪﻱ : ﻭﺍﻟﻨﺒﻲ ﻳﺎ ﺧﻮﻳﺎ ﺍﻟﻠﻪ ﻳﻜﺮﻣﻚ ﻣﺎﺷﻮﻓﺖ ﺍﻻﺳﺘﺎﺫ ﺻﻼﺡ
- ﺃﺣﺪ ﺍﻟﻌﻤﺎﻝ : ﻋﻢ ﺻﻼﺡ ﺍﻟﺪﺳﻮﻗﻲ
- ﻣﺠﺪﻱ : ﺍﻩ ﻫﻮ
- ﺃﺣﺪ ﺍﻟﻌﻤﺎﻝ : ﻣﻮﺟﻮﺩ ﻫﻨﺎﻙ
- ﻣﺠﺪﻱ : ﻫﻨﺎﻙ ﻓﻴﻦ
- ﺃﺣﺪ ﺍﻟﻌﻤﺎﻝ : ﺗﻌﺎﻟﻰ ﺃﻣﺎ ﺃﻭﺭﻳﻚ ﻫﻮ ﻭﺍﻗﻒ ﻓﻴﻦ
- ﻣﺠﺪﻱ : ﻣﺎﺷﻲ
- ﺃﺣﺪ ﺍﻟﻌﻤﺎﻝ ﻭﻫﻮ ﻳﺸﻴﺮ ﺑﻴﺪﻩ : ﺃﻫﻮﻭ ، ﻭﺍﻗﻒ ﻫﻨﺎﻙ
- ﻣﺠﺪﻱ : ﺍﻳﻮﻩ .. ﺍﻳﻮﻩ ، ﺃﻧﺎ ﺷﻮﻓﺘﻪ ﺧﻼﺹ ، ﺗﺸﻜﺮ ﻳﺎ ﺫﻭﺀ
- ﺃﺣﺪ ﺍﻟﻌﻤﺎﻝ : ﻣﺎﺷﻲ ﻳﺎ ﺭﻳﺲ
ﺗﻮﺟﻪ ﻣﺠﺪﻱ ﺇﻟﻰ ﺣﻴﺚ ﻳﻘﻒ ﺻﻼﺡ ﺛﻢ ﺑﺪﺃ ﺑﺎﻟﺤﺪﻳﺚ ﻣﻌﻪ ﻭ ..
- ﻣﺠﺪﻱ : ﺻﻼﺡ ﺑﺎﺷﺎ
- ﺻﻼﺡ : ﻣﺠﺪﻱ ، ﺣﻤﺪﻟﻠﻪ ﻉ ﺍﻟﺴﻼﻣﺔ
- ﻣﺠﺪﻱ : ﺍﻟﻠﻪ ﻳﺴﻠﻤﻚ ﻳﺎ ﺭﺏ
- ﺻﻼﺡ : ﻛﻮﻳﺲ ﻭﺍﻟﻠﻪ ﺍﻧﻲ ﺷﻮﻓﺘﻚ ، ﺑﺲ ﺍﻧﺖ ﻋﺮﻓﺖ ﻣﻜﺎﻧﻲ ﺍﺯﺍﻱ ؟
- ﻣﺠﺪﻱ : ﺍﻟﻠﻲ ﻳﺴﺄﻝ ﻣﻴﺘﻮﻫﺶ ﻳﺎ ﺑﺎﺷﺎ
- ﺻﻼﺡ : ﺻﺢ ﻋﻨﺪﻙ ﺣﻖ ، ﺧﻴﺮ ﻳﺎ ﻣﺠﺪﻱ
- ﻣﺠﺪﻱ : ﻣﻌﻠﺶ ﻳﺎ ﺑﺎﺷﺎ ﺃﻧﺎ ﻛﻨﺖ ﺑﺲ ﻋﺎﻭﺯ ﺃﻋﺘﺬﺭ ﻋﻦ ﺷﻐﻼﻧﺔ ﺍﻷﺑﻮﻧﻴﺔ ﺩﻱ
- ﺻﻼﺡ : ﻟﻴﻪ ؟؟؟ ﻫﻮ ﻓﻲ ﺣﺎﺟﺔ ﺣﺼﻠﺖ
- ﻣﺠﺪﻱ : ﺁﺁﺁ .. ﻷ ﻳﺎ ﺑﺎﺷﺎ ، ﺑﺲ ﺃﻧﺎ ﺑﺲ ﺍﻟﻠﻲ ﻋﻨﺪﻱ ﻛﺎﻡ ﻣﺼﻠﺤﺔ ﻭﺍﻟﺪﻧﻴﺎ ﻣﺘﻠﺨﺒﻄﺔ ﻋﻨﺪﻱ ﻭﻣﺶ ﻫﺎﻋﺮﻑ ﺃﻭﺻﻞ ﺍﻟﺒﻨﺎﺕ ﻭﻻ ﺃﺟﻴﺒﻬﻢ ﻓﻲ ﻣﻴﻌﺎﺩﻫﻢ
- ﺻﻼﺡ : ﻣﻤﻤﻢ ...
- ﻣﺠﺪﻱ : ﻭﺍﻟﻠﻪ ﻳﺎ ﺑﺎﺷﺎ ﻛﺎﻥ ﻋﻠﻰ ﻋﻴﻨﻲ ، ﺩﻩ ﺍﻟﺼﺮﺍﺣﺔ ﻣﺎﻓﻴﺶ ﺯﻳﻚ ﻓﻲ ﻣﻌﺎﻣﻠﺘﻪ ﻣﻌﺎﻳﺎ
- ﺻﻼﺡ : ﺃﻧﺎ ﻣﺶ ﻋﺎﺭﻑ ﺃﻗﻮﻟﻚ ﺍﻳﻪ
- ﻣﺠﺪﻱ : ﺭﺑﻨﺎ ﻳﺮﺯﻗﻚ ﺑﻮﺍﺣﺪ ﺳﻮﺍﻕ ﺃﺣﺴﻦ ﻣﻨﻲ
- ﺻﻼﺡ : ﺃﺻﻠﻪ ﺻﻌﺐ ﻓﻲ ﺍﻟﻮﻗﺖ ﺩﻩ ﺍﻧﻲ ﺃﻻﻗﻲ ﺳﻮﺍﻕ ﺯﻳﻚ
- ﻣﺠﺪﻱ : ﻏﺼﺐ ﻋﻨﻲ ﻳﺎ ﺑﺎﺷﺎ ﻭﺍﻟﻠﻪ
- ﺻﻼﺡ : ﺧﻼﺹ ﻳﺎ ﻣﺠﺪﻱ ﻫﺎﻗﻮﻟﻚ ﺍﻳﻪ ، ﺭﺑﻨﺎ ﻳﺴﻬﻠﻚ ﻃﺮﻳﻘﻚ
- ﻣﺠﺪﻱ : ﺍﻟﻠﻪ ﻳﺨﻠﻴﻚ ﻳﺎ ﺑﺎﺷﺎ
- ﺻﻼﺡ : ﺃﻧﺎ ﻫﺪﻳﻚ ﺍﺟﺮﺗﻚ ﻋﻦ ﺍﻷﻳﺎﻡ ﺍﻟﻠﻲ ﻓﺎﺗﺖ ﻭﺯﻳﺎﺩﺓ ﻛﻤﺎﻥ
- ﻣﺠﺪﻱ : ﺧﻠﻲ ﻳﺎ ﺑﺎﺷﺎ ، ﺧﻴﺮﻙ ﺳﺎﺑﻖ
- ﺻﻼﺡ : ﻷ ﻣﺎﻳﻨﻔﻌﺶ ، ﺍﻻﺗﻔﺎﻕ ﺍﺗﻔﺎﻕ
- ﻣﺠﺪﻱ : ﺗﺴﻠﻢ ﻳﺎ ﺻﻼﺡ ﺑﺎﺷﺎ
ﻭﻓﻲ ﻧﻔﺲ ﺍﻟﻮﻗﺖ ﺗﻘﺮﻳﺒﺎً ﻭﺻﻞ ﻣﺮﻭﺍﻥ ﺇﻟﻰ ﺍﻟﻤﻮﻗﻊ ، ﺛﻢ ﻟﻤﺢ ﺻﻼﺡ ﻭﻫﻮ ﻳﺘﺤﺪﺙ ﻣﻊ ﺃﺣﺪ ﺍﻷﺷﺨﺎﺹ ، ﻓﺼﻒ ﺳﻴﺎﺭﺗﻪ ﻋﻠﻰ ﺟﻨﺐ ، ﻭﺗﺮﺟﻞ ﻣﻨﻬﺎ ﻭﺗﻮﺟﻪ ﺇﻟﻴﻬﻤﺎ ﻭ ...
- ﻣﺮﻭﺍﻥ : ﺳﻼﻣﻮ ﻋﻠﻴﻜﻢ ﻳﺎ ﻋﻢ ﺻﻼﺡ
- ﺻﻼﺡ ﻭﻫﻮ ﻳﺼﺎﻓﺤﻪ : ﻭﻋﻠﻴﻜﻢ ﺍﻟﺴﻼﻡ ﻳﺎ ﺑﻨﻲ
- ﻣﺮﻭﺍﻥ : ﺃﻧﺎ ﺟﻴﺖ ﻟﺤﻀﺮﺗﻚ ﺯﻱ ﻣﺎ ﻃﻠﺒﺘﻨﻲ
- ﺻﻼﺡ : ﺷﻜﺮﺍً ﻳﺎ ﺑﻨﻲ ، ﻟﺤﻈﺔ ﻭﻫﺎﻛﻮﻥ ﻣﻌﺎﻙ
- ﻣﺠﺪﻱ : ﻃﺐ ﻳﺎ ﺑﺎﺷﺎ ، ﻫﺴﺘﺄﺫﻥ ﺃﻧﺎ ، ﻭﺍﺷﻮﻓﻚ ﻋﻠﻰ ﺧﻴﺮ
- ﺻﻼﺡ : ﺍﻥ ﺷﺎﺀ ﺍﻟﻠﻪ ، ﻭﺭﺑﻨﺎ ﻳﻴﺴﺮﻟﻚ ﻃﺮﻳﻘﻚ
- ﻣﺠﺪﻱ : ﻳﺎ ﺭﺏ ﻳﺎ ﺑﺎﺷﺎ ، ﺳﻼﻣﻮ ﻋﻠﻴﻜﻢ
- ﻣﺮﻭﺍﻥ ﺑﻌﺪﻡ ﺍﻛﺘﺮﺍﺙ : ﻭﻋﻠﻴﻜﻢ ﺍﻟﺴﻼﻡ
ﻛﺎﻥ ﻣﺠﺪﻱ ﻋﻠﻰ ﻭﺷﻚ ﺍﻻﻧﺼﺮﺍﻑ ﺣﻴﻨﻤﺎ ﻧﺎﺩﺍﻩ ﺻﻼﺡ ﻭ ..
- ﺻﻼﺡ : ﻭﻋﻠﻜﻴﻢ ﺍﻟﺴﻼﻡ ، ﻟﻮ ﻋﻮﺯﺕ ﺃﻱ ﺣﺎﺟﺔ ﺍﺑﻘﻰ ﺗﻌﻼﻟﻲ ﺍﻟﻤﻜﺘﺐ ﻳﺎ .. ﻣﺠــــــــﺪﻱ !
- ﻣﺮﻭﺍﻥ ﻭﻗﺪ ﺍﻧﺘﺒﻪ ﻟﻼﺳﻢ ﺑﺼﺪﻣﺔ : ﺍﻳﻴﻴﻴﻴﻪ ! ﻫﻮ ﺩﻩ ﻣﺠﺪﻱ ﺍﻟﺴﻮﺍﻕ
