رفقاً بالقوارير

27

ﻣﻮﻗﻊ ﻣﻘﺮ ﺍﻟﻔﺮﻉ ﺍﻟﺠﺪﻳﺪ ﻟﺸﺮﻛﺔ ﺍﻟﻨﻘﻴﺐ ،،،،
ﻛﺎﻥ ﻣﺠﺪﻱ ﻋﻠﻰ ﻭﺷﻚ ﺍﻻﻧﺼﺮﺍﻑ ﺣﻴﻨﻤﺎ ﻧﺎﺩﺍﻩ ﺻﻼﺡ ﻭ ..
- ﺻﻼﺡ : ﻭﻋﻠﻜﻴﻢ ﺍﻟﺴﻼﻡ ، ﻟﻮ ﻋﻮﺯﺕ ﺃﻱ ﺣﺎﺟﺔ ﺍﺑﻘﻰ ﺗﻌﻼﻟﻲ ﺍﻟﻤﻜﺘﺐ ﻳﺎ .. ﻣﺠــــــــﺪﻱ !
- ﻣﺮﻭﺍﻥ ﻭﻗﺪ ﺍﻧﺘﺒﻪ ﻟﻼﺳﻢ ﺑﺼﺪﻣﺔ : ﺍﻳﻴﻴﻴﻴﻪ ! ﻫﻮ ﺩﻩ ﻣﺠﺪﻱ ﺍﻟﺴﻮﺍﻕ !
- ﺻﻼﺡ : ﺍﻩ ﻫﻮ
- ﻣﺮﻭﺍﻥ ﺑﺤﺪﺓ ﻭﻋﻴﻮﻥ ﻧﺎﺭﻳﺔ : ﺍﺳﺘﻨﻰ ﻋﻨﺪﻙ
- ﻣﺠﺪﻱ ﻭﻗﺪ ﺍﻟﺘﻔﺖ ﺧﻠﻔﻪ : ﻫــﺎﻩ
- ﻣﺮﻭﺍﻥ : ﺍﻧﺖ ﺑﻘﻰ ﻣﺠﺪﻱ ﺍﻟﻠﻲ ﻻ ﻣﺆﺍﺧﺬﺓ ﺑﺘﻼﻏﻲ ﺍﻟﻌﻴﺎﻝ
- ﻣﺠﺪﻱ ﻭﻗﺪ ﺑﺪﻯ ﺍﻟﺘﻮﺗﺮ ﻋﻠﻴﻪ : ﺁﺁﺁﺁ ... ﻫﺎﻩ ، ﺗـ ... ﺗﻘﺼﺪ ﺍﻳﻪ ﻳﺎ ﺑﻴﻪ ؟
- ﻣﺮﻭﺍﻥ : ﻷ ﺍﻧﺖ ﻓﺎﻫﻤﻨﻲ ﻛﻮﻳﺲ
- ﻣﺠﺪﻱ : ﺃﻧﺎ ﻣﺶ ﻓﺎﻫﻢ ﺣﺎﺟﺔ ﻳﺎ ﺑﻴﻪ ، ﻭ .. ﻭ .. ﺁﺁﺁ ... ﻋﻦ ﺍﺫﻧﻚ ﻭﺭﺍﻳﺎ ﻣﺼﺎﻟﺢ
ﺃﻣﺴﻚ ﻣﺮﻭﺍﻥ ﺑﻤﺠﺪﻱ ﻣﻦ ﻳﺎﻗﺘﻪ ﻭﺇﻧﻬﺎﻝ ﻋﻠﻴﻪ ﺑﺎﻟﻀﺮﺏ ﺍﻟﻤﺒﺮﺡ ، ﻟﻢ ﻳﻌﺮﻑ ﺻﻼﺡ ﺍﻟﺴﺒﺐ ﻭﺣﺎﻭﻝ ﺃﻥ ﻳﺤﻮﻝ ﺑﻴﻨﻬﻤﺎ ﻭ ...
- ﺻﻼﺡ : ﻓﻲ ﺍﻳﻪ ﻳﺎ ﺑﻨﻲ ، ﺑﺘﺘﺨﺎﻧﻖ ﻣﻌﺎﻩ ﻟﻴﻪ ﺑﺲ
- ﻣﺠﺪﻱ ﻣﺘﺂﻟﻤﺎً : ﺁﺁﺁﺁﻩ ، ﺍﻳﻪ ﻳﺎ ﺟﺪﻉ ﺍﻧﺖ ﺑﺘﻀﺮﺑﻨﻲ ﻟﻴﻪ
- ﻣﺮﻭﺍﻥ : ﺃﻧﺎ ﻣﺶ ﺑﺲ ﻫﺎﺿﺮﺑﻚ ، ﺩﻩ ﺃﻧﺎ ﻫﺪﺑﺤﻚ .. ﺧﺪ .. ﻃﺎﺍﺍﺍﺍﺍﺍﺍﺥ .. ﺑﻮﻭﻭﻡ
- ﺻﻼﺡ : ﻳﺎ ﺑﻨﻲ ﺍﻫﺪﻯ ، ﻫﻮ ﻋﻤﻞ ﺍﻳﻪ ﻟﻜﻞ ﺩﻩ
- ﻣﺮﻭﺍﻥ : ﻋﻤﻞ ﺑﻠﻮﻯ ﺳﻮﺩﺓ ﻋﻠﻰ ﺩﻣﺎﻏﻪ ﻭﺩﻣﺎﻍ ﺍﻟﻠﻲ ﺟﺎﺑﻮﻩ
- ﻣﺠﺪﻱ : ﺣﻮﺷﻪ ﻋﻨﻲ ﻳﺎ ﺻﻼﺡ ﺑﺎﺷﺎ
- ﺻﻼﺡ ﻭﻫﻮ ﻳﺤﺎﻭﻝ ﺍﻟﺘﻔﺮﻳﻖ ﺑﻴﻨﻬﻤﺎ : ﻃﺐ ﻓﻬﻤﻨﻲ ﻫﻮ ﻋﻤﻞ ﺍﻳﻪ ؟
- ﻣﺮﻭﺍﻥ : ﺍﻟﻜﻠﺐ ﺍﻟﻨﺠﺲ ﺩﻩ ﻛﺎﻥ ﺑﻴﺘﻌﺮﺽ ﻟﺒﻨﺘﻚ ﻃﻤﻄﻢ
- ﺻﻼﺡ ﺑﺼﺪﻣﺔ : ﺍﻳﻪ ؟ ﺑﺘﻘﻮﻝ ﺍﻳﻪ ؟
- ﻣﺠﺪﻱ : ﺍﻟﺒﺖ ﻛﺪﺍﺑﺔ ، ﺃﻧﺎ ﻣﺠﺘﺶ ﺟﻤﺒﻬﺎ
- ﻣﺮﻭﺍﻥ : ﺍﻩ ﻳﺎ ﻭ *** ، ﻳﺎ ﺣﻴﻮﺍﻥ ، ﻣﻴﻦ ﺩﻱ ﺍﻟﻠﻲ ﻛﺪﺍﺑﺔ ، ﻭﻟﻤﺎ ﺧﺪﺗﻬﺎ ﻑ ﺣﺘﺔ ﺍﻟﻤﻘﻄﻮﻋﺔ ﻛﻨﺖ ﻋﺎﻭﺯ ﻣﻨﻬﺎ ﺍﻳﻪ ﻳﺎ *****
- ﺻﻼﺡ ﻭﻗﺪ ﺃﻣﺴﻚ ﺑﻤﺠﺪﻱ ﻟﻜﻲ ﻳﻔﺘﻚ ﺑﻪ ﻫﻮ ﺍﻷﺧﺮ : ﺍﻩ ﻳﺎ ﻧﺠﺲ ﺑﻘﻰ ﺃﻧﺎ ﺃﺋﺘﻤﻨﻚ ﻋﻠﻰ ﺑﻨﺎﺗﻲ ﺗﻘﻮﻡ ﻳﺎ ﻭﺳـ * ﺗﻌﺘﺪﻱ ﻋﻠﻴﻬﻢ
- ﻣﺠﺪﻱ : ﺁﺁﺁﺁﺁﺁﺁﻩ ... ﻛﻔﺎﻳﺔ
- ﺻﻼﺡ : ﺩﻩ ﺃﻧﺎ ﻣﺶ ﻫﺎﺭﺣﻤﻚ ، ﻭﻋﻤﺎﻝ ﺃﺷﻜﺮ ﻓﻴﻚ ، ﻭﺍﻧﺖ ﻳﺎ ﻛﻠﺐ ﺑﺘﻨﻬﺶ ﻓﻲ ﻋﺮﺽ ﺑﻨﺎﺗﻲ
- ﻣﺮﻭﺍﻥ : ﺍﻟﻜﻠﺐ ﺩﻩ ﻻﺯﻡ ﻳﺘﺴﻠﻢ ﻟﻠﻘﺴﻢ
- ﻣﺠﺪﻱ : ﻻ ﺍﻟﻠﻪ ﻳﻜﺮﻣﻚ ، ﻭﺍﻟﻠﻪ ﻣﻌﻨﺘﺶ ﻫﻌﻤﻞ ﻛﺪﻩ ﺗﺎﻧﻲ
- ﺻﻼﺡ : ﻭﺑﺘﻌﺘﺮﻑ ﻛﻤﺎﻥ
- ﻣﺮﻭﺍﻥ ﺑﻐﻀﺐ ﻋﺎﺭﻡ : ﻭﺍﻧﺖ ﻛﻨﺖ ﻧﺎﻭﻱ ﺗﻌﻤﻞ ﻛﺪﻩ ﺗﺎﻧﻲ
- ﻣﺠﺪﻱ : ﺍﻟﺸﻴﻄﺎﻥ ﻏﻮﺍﻧﻲ ، ﻭﺃﻧﺎ .. ﺃﻧﺎ ﺿﻌﻔﺖ
- ﻣﺮﻭﺍﻥ : ﺩﻩ ﺍﻧﺖ ﻫﺘﺘﻨﻔﺦ
- ﺻﻼﺡ : ﺍﻧﺎ ﻋﺎﻭﺯ ﺃﻋﻤﻞ ﻣﺤﻀﺮ ﻓﻲ ﺍﻟﻨﺠﺲ ﺩﻩ
- ﻣﺮﻭﺍﻥ : ﻭﺍﻧﺎ ﻣﺴﺘﻌﺪ ﺃﺷﻬﺪ ﻣﻌﺎﻙ
- ﻣﺠﺪﻱ : ﺍﻟﻠﻪ ﻳﺨﻠﻴﻚ ﻳﺎ ﺻﻼﺡ ﺑﺎﺷﺎ ﻛﺪﻩ ﺍﻧﺎ ﻫﺎﺭﻭﺡ ﻓﻲ ﺩﺍﻫﻴﺔ
- ﻣﺮﻭﺍﻥ : ﺭﺑﻨﺎ ﻳﺎﺧﺪﻙ ﻭﻳﺎﺧﺪ ﺃﻣﺜﺎﻟﻚ
- ﺻﻼﺡ ﺑﺼﻮﺕ ﻋﺎﻟﻲ : ﺍﻃﻠﺒﻮﺍ ﺍﻟﺸﺮﻃﺔ ﺑﺴﺮﻋﺔ ﻟﻠﻜﻠﺐ ﺩﻩ
- ﺃﺣﺪ ﺍﻟﻌﻤﺎﻝ : ﺣﺎﺿﺮ ﻳﺎ ﻋﻢ ﺻﻼﺡ
- ﺻﻼﺡ : ﻟﻴﻪ ﻳﺎ ﻣﺮﻭﺍﻥ ﻣﻘﻮﻟﺘﻴﺶ ﻉ ﺍﻟﻜﻠﺐ ﺩﻩ ﻣﻦ ﺑﺪﺭﻱ
- ﻣﺮﻭﺍﻥ : ﻭﺍﻟﻠﻪ ﺟﺘﻠﻚ ﺃﻛﺘﺮ ﻣﻦ ﻣﺮﺓ ﺑﺲ ﺍﻟﻈﺮﻭﻑ ﻣﻜﻨﺘﺶ ﺳﺎﻣﺤﺔ ﺇﻧﻲ ﺃﻗﺎﺑﻠﻚ ﺃﻭ ﺍﺣﻜﻴﻠﻚ
- ﺻﻼﺡ ﺑﻐﻀﺐ : ﺁﺁﺁﺁﺥ ، ﻟﻮ ﺍﻃﻮﻝ ﺃﺩﺑﺤﻪ ﻛﻨﺖ ﻋﻤﻠﺖ
- ﻣﺮﻭﺍﻥ : ﺩﻩ ﻛﻠﺐ ﻭﻻ ﻳﺴﻮﻯ ﻳﺎ ﻋﻢ ﺻﻼﺡ ، ﻣﺘﻮﺩﻳﺶ ﻧﻔﺴﻚ ﻓﻲ ﺩﺍﻫﻴﺔ ﻋﺸﺎﻧﻪ ، ﺍﻟﻮﻗﺘﻲ ﺍﻟﺸﺮﻃﺔ ﻫﺘﻴﺠﻲ ﻭﻫﻴﺘﻌﻤﻞ ﻣﻌﺎﻩ ﺍﻟﺼﺢ ، ﻭﺃﻧﺎ ﻟﻴﺎﻟﻲ ﻣﻌﺎﺭﻑ ﻓﻲ ﺍﻟﺸﺮﻃﺔ ﻫﻮﺻﻴﻬﻢ ﻋﻠﻴﻪ ، ﻣﺘﻘﻠﻘﺶ ، ﺣﻖ ﻃﻤﻄﻢ ﻫﻴﺘﺠﺎﺏ ﻣﻦ ﺍﻟﻮﺍ ** ﺩﻩ
ﺑﺎﻟﻔﻌﻞ ﺣﻀﺮﺕ ﺍﻟﺸﺮﻃﺔ ﺇﻟﻰ ﺍﻟﻤﻮﻗﻊ ﻭﺗﻢ ﺍﺻﻄﺤﺎﺏ ﻣﺠﺪﻱ ﺍﻟﺴﺎﺋﻖ ﻟﻠﻘﺴﻢ ، ﻭﺫﻫﺐ ﻣﻊ ﺭﺟﺎﻝ ﺍﻟﺸﺮﻃﺔ ﻛﻼً ﻣﻦ ﺻﻼﺡ ﻭﻣﺮﻭﺍﻥ ﻟﻌﻤﻞ ﺍﻟﻤﺤﻀﺮ ، ﻭﻃﻠﺐ ﺍﻟﻀﺎﺑﻂ ﻣﻦ ﺻﻼﺡ ﺃﻥ ﻳﺤﻀﺮ ﺍﺑﻨﺘﻪ ﺍﻟﺼﻐﺮﻱ ﻟﻜﻲ ﺗﻘﺺ ﻣﺎ ﺣﺪﺙ ﻣﻌﻬﺎ ﺣﺘﻰ ﻳﺘﻢ ﺍﺗﺨﺎﺫ ﺍﻻﺟﺮﺍﺀﺍﺕ ﺍﻟﻘﺎﻧﻮﻧﻴﺔ ﺍﻟﻼﺯﻣﺔ ﺿﺪ ﻫﺬﺍ ﺍﻟﺴﺎﺋﻖ ...
.................
ﻛﺎﻥ ﺃﻣﺎﻡ ﺻﻼﺡ ﺍﻟﺪﺳﻮﻗﻲ ﻣﻬﻤﺔ ﺻﻌﺒﺔ ، ﻓﻬﻮ ﻳﺮﻳﺪ ﺃﻥ ﻳﺄﺗﻲ ﺑﺎﺑﻨﺘﻪ ﺍﻟﺼﻐﺮﻯ ﻓﺎﻃﻴﻤﺎ ﻟﻠﻘﺴﻢ ﺑﺪﻭﻥ ﺃﻥ ﻳﺤﻜﻲ ﺷﻴﺌﺎً ﻟﺰﻭﺟﺘﻪ ﻭﺇﻻ ﺳﺘﺮﻓﺾ ﺍﺣﻀﺎﺭﻫﺎ ، ﻓﻜﺎﻥ ﻋﻠﻴﻪ ﺃﻥ ﻳﻠﺠﺄ ﻟﻠﺤﻴﻠﺔ ، ﻭﻫﻨﺎ ﺗﺪﺧﻞ ﻣﺮﻭﺍﻥ ﻭﻋﺮﺽ ﻋﻠﻴﻪ ﺍﻟﻤﺴﺎﻋﺪﺓ ﻭ ...
- ﺻﻼﺡ : ﻃﺐ ﺃﻗﻮﻝ ﻟﺰﻳﻨﺐ ﺍﻳﻪ ؟ ﻭﺍﻟﻨﺒﻲ ﻻ ﺗﺠﻴﺒﻲ ﺍﻟﺒﺖ ﻋﺸﺎﻥ ﺗﺤﻜﻲ ﻋﻦ ﺍﻟﻜﻠﺐ ﺍﻟﻠﻲ ﺟﻪ ﺟﻤﺒﻬﺎ ، ﺩﻱ ﻳﻤﻜﻦ ﺗﺮﻭﺡ ﻓﻴﻬﺎ ، ﺃﺗﺼﺮﻑ ﺍﺯﺍﻱ
- ﻣﺮﻭﺍﻥ ﻭﻗﺪ ﺧﻄﺮﺕ ﻋﻠﻰ ﺑﺎﻟﻪ ﻓﻜﺮﺓ ﻣﺎ : ﺃﻧﺎ ﻋﻨﺪﻱ ﺍﻗﺘﺮﺍﺡ ﻳﺎ ﻋﻢ ﺻﻼﺡ ﻟﻮ ﻣﺎﻓﻴﻬﺎﺵ ﻣﻀﺎﻳﻘﺔ
- ﺻﻼﺡ : ﻗﻮﻝ ﻳﺎ ﺑﻨﻲ ، ﺩﻩ ﺍﻧﺖ ﻛﺘﺮ ﺧﻴﺮﻙ ﺍﻧﻚ ﻋﺮﻓﺘﻨﻲ ﺑﺎﻟﻠﻲ ﺣﺼﻞ ، ﻭﺇﻻ ﻛﺎﻥ ﺯﻣﺎﻧﻲ ﻧﺎﻳﻢ ﻋﻠﻰ ﻭﺩﺍﻧﻲ ﻭﻣﺶ ﻋﺎﺭﻑ ﺃﻱ ﺣﺎﺟﺔ ، ﻭﺍﻟﻜﻠﺐ ﺍﻟﻨﺠﺲ ﺩﻩ ﺳﺎﺭﺡ ﻋﻠﻰ ﺑﻨﺘﻲ ﻭﻋﻠﻰ ﺑﻨﺎﺕ ﺍﻟﻨﺎﺱ
- ﻣﺮﻭﺍﻥ : ﺑﺺ ﻣﺶ ﺑﻨﺖ ﺣﻀﺮﺗﻚ ﺍﻟﻜﺒﻴﺮﺓ ﻧﻴﺮﺓ ﺑﺎﻳﻦ ﻓﻲ ﺛﺎﻧﻮﻱ
- ﺻﻼﺡ : ﺃﻳﻮﻩ
- ﻣﺮﻭﺍﻥ : ﻃﻴﺐ ﺍﻳﻪ ﺭﺃﻳﻚ ﻟﻮ ﺗﻘﻮﻝ ﺍﻧﻚ ﻻﻗﻴﺖ ﻣﻴﺲ ﺟﺪﻳﺪﺓ ﻟﻴﻬﺎ ﺗﺪﻳﻬﺎ ﺍﻟﺪﺭﺱ ، ﻭﺍﻟﻨﺎﺱ ﺑﺘﺸﻜﺮ ﻓﻴﻬﺎ ﻭﺗﺎﺧﺪﻫﺎ ﻫﻲ ﻭﻓﺎﻃﻴﻤﺎ ، ﻓﺎﻫﻢ .. ﺁﺁﺁ .. ﻳﻌﻨﻲ ﻛﺄﻧﻜﻢ ﺭﺍﻳﺤﻴﻦ ﺗﺸﻮﻓﻮﺍ ﺍﻟﺪﺭﺱ ﺩﻩ ﻧﻈﺎﻣﻪ ﺍﻳﻪ
- ﺻﻼﺡ : ﺍﻫﺎ ، ﻭﺑﻌﺪﻳﻦ
- ﻣﺮﻭﺍﻥ : ﺑﺲ ، ﻭﺗﺎﺧﺪ ﻓﺎﻃﻴﻤﺎ ﻭﺗﻔﻬﻤﻬﺎ ﺍﻧﻬﺎ ﺗﺤﻜﻲ ﺍﻟﻠﻲ ﺣﺼﻞ ﻣﻌﺎﻫﺎ ﻓﻲ ﺍﻟﻘﺴﻢ ﻟﻮﺍﺣﺪ ﺻﺎﺣﺒﻚ ، ﻭﻧﻴﺮﺓ ﻣﺘﻘﻮﻟﻬﺎﺵ ﺧﺎﻟﺺ ﺍﻧﻚ ﺍﺧﺪ ﻓﺎﻃﻴﻤﺎ ﻋﺸﺎﻥ ﺗﻌﻤﻞ ﻣﺤﻀﺮ
- ﺻﻼﺡ : ﻃﺐ ﻣﺎﻫﻲ ﻧﻴﺮﺓ ﺃﻛﻴﺪ ﻫﺘﺴﺄﻝ ﺃﻧﺎ ﺃﺧﺪ ﻓﺎﻃﻴﻤﺎ ﻟﻴﻪ ﻟﻠﻘﺴﻢ
- ﻣﺮﻭﺍﻥ : ﺑﺴﻴﻄﺔ ، ﺗﻘﻮﻝ ﺍﻧﻚ ﺑﺘﺴﻠﻢ ﻉ ﺻﺎﺣﺒﻚ ﻭﻋﺎﻭﺯ ﻣﻨﻪ ﻋﻨﻮﺍﻥ ﺍﻟﻤﻴﺲ ﺩﻱ ﻋﺸﺎﻥ ﺗﺮﻭﺣﻮﻟﻬﺎ ﻣﻜﺎﻥ ﺍﻟﺪﺭﺱ ﺑﺘﺎﻋﻬﺎ
- ﺻﻼﺡ : ﻣﻤﻤﻢ ...
- ﻣﺮﻭﺍﻥ : ﺩﻩ ﺃﺋﻤﻦ ﺣﻞ
- ﺻﻼﺡ : ﻭﺍﻟﻠﻪ ﺣﻞ ﻣﺶ ﺑﻄﺎﻝ
- ﻣﺮﻭﺍﻥ : ﻭﺃﻧﺎ ﻣﺴﺘﻌﺪ ﺃﺟﻲ ﻣﻌﺎﻙ
- ﺻﻼﺡ : ﺩﻩ ﺃﻧﺎ ﺗﻌﺒﻚ ﻣﻌﺎﻳﺎ ﻭﺍﻟﻠﻪ
- ﻣﺮﻭﺍﻥ : ﻻ ﻳﺎ ﻋﻢ ﺻﻼﺡ ﺗﻌﺐ ﺍﻳﻪ ﺑﺲ ، ﻣﺘﻘﻮﻟﺶ ﻛﺪﻩ ، ﺩﻩ ﺃﻧﺎ ﺃﺯﻋﻞ ﻭﺍﻟﻠﻪ
- ﺻﻼﺡ : ﻃﺐ ﻳﺎﻻ ﺑﻴﻨﺎ ﻳﺎ ﺑﻨﻲ
ﻭﺑﺎﻟﻔﻌﻞ ﺗﻮﺟﻪ ﺻﻼﺡ ﻣﻊ ﻣﺮﻭﺍﻥ ﺇﻟﻰ ﻣﻨﺰﻟﻪ ﻟﻜﻲ ﻳﺄﺧﺬ ﻛﻼً ﻣﻦ ﻧﻴﺮﺓ ﻭﻓﺎﻃﻴﻤﺎ ﻣﻌﻬﻤﺎ .....
...............................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،
ﻓﻲ ﻏﺮﻓﺔ ﺍﻟﺒﻨﺎﺕ ،،،،
ﻛﺎﻧﺖ ﻧﺪﻯ ﺗﺠﻠﺲ ﻋﻠﻰ ﺍﻟﻔﺮﺍﺵ ﻭﻫﻲ ﺗﺘﺨﻴﻞ ﺣﻴﺎﺗﻬﺎ ﻣﻊ ﺯﻭﺟﻬﺎ ﺍﻟﻤﺴﺘﻘﺒﻠﻲ ﻋﻼﺀ ، ﺣﺎﻭﻟﺖ ﺃﻥ ﺗﺮﺳﻢ ﻟﻪ ﺻﻮﺭﺓ ﺭﻭﻣﺎﻧﺴﻴﺔ ﺗﺘﻤﺎﺷﻰ ﻣﻊ ﺃﺣﻼﻣﻬﺎ ﺍﻟﺒﺮﻳﺌﺔ ، ﺗﺨﻴﻠﺖ ﻳﻮﻡ ﻋﺮﺳﻬﺎ ﻭﻫﻲ ﺗﺰﻑ ﺇﻟﻴﻪ ﺑﺎﻟﻔﺴﺘﺎﻥ ﺍﻷﺑﻴﺾ ﻭﻳﻜﺴﻮ ﻭﺟﻬﻬﺎ ﺍﻟﺨﺠﻞ ﻭﺍﻟﺤﻴﺎﺀ ﻭﻫﻮ ﻳﻘﺘﺮﺏ ﻣﻨﻬﺎ ﻟﻴﻄﺒﻊ ﻗﺒﻠﺔ ﻋﻠﻰ ﻭﺟﻨﺘﻴﻬﺎ ، ﻭﻟﻜﻦ ﻗﻄﻊ ﺗﻔﻜﻴﺮﻫﺎ ﺻﻮﺕ ﺃﺧﺘﻬﺎ ﻧﻴﺮﺓ ﻭ ...
- ﻧﻴﺮﺓ ﺑﺼﻮﺕ ﻋﺎﻟﻲ : ﻧـــــــــﺪﻯ !
- ﻧﺪﻯ ﺑﺨﻀﺔ : ﻓﻲ ﺍﻳﻪ ؟؟؟
- ﻧﻴﺮﺓ : ﺑﻨﺎﺩﻱ ﻋﻠﻴﻜﻲ ﺑﻘﺎﻟﻲ ﺳﺎﻋﺔ ﻭﺍﻧﺘﻲ ﻣﺶ ﻫﻨﺎ
- ﻧﺪﻯ : ﻋﺎﻭﺯﺓ ﺍﻳﻪ ﻳﺎ ﻧﻴﺮﺓ
- ﻧﻴﺮﺓ : ﺑﺼﻲ ﻓﻲ ﺣﺎﺟﺔ ﻛﺪﻩ ﺃﻧﺎ ﻛﻨﺖ ﻋﺎﻭﺯﺓ ﺃﻗﻮﻟﻚ ﻋﻠﻴﻬﺎ ﺑﺲ ﻣﺘﺘﻌﺼﺒﻴﺶ
- ﻧﺪﻯ : ﺣﺎﺟﺔ ﺍﻳﻪ ؟
- ﻧﻴﺮﺓ : ﺍﺣﻢ ... ﺑﺼﻲ ﻓﻲ ﺣﺪ ﻛﺎﻥ ﺑﺎﻋﺘﻠﻲ ﺍﺿﺎﻓﺔ ﻉ ﺍﻟﻔﻴﺲ ﺑﻮﻙ ﻭ .. ﺁﺁﺁ
- ﻧﺪﻯ : ﺣﺪ ﻣﻴﻦ ؟؟ ﻭﺩﻩ ﻋﺎﻭﺯ ﺍﻳﻪ
- ﻧﻴﺮﺓ : ﺍﻧﺎ ﻣﻌﺮﻓﺶ ﻫﻮ ﻣﻴﻦ، ﺑﺲ ﺍﻟﻤﺸﻜﻠﺔ ﺍﻧﻪ ﻋﻤﺎﻝ ﻳﺒﻌﺘﻠﻲ ﻓﻲ ﺭﺳﺎﻳﻞ ﻉ ﺍﻟﻔﻴﺲ ﻭﺃﺧﺮﻫﺎ ﺑﺎﻋﺘﻠﻲ ﺭﺳﺎﻟﺔ ﻭﻣﻌﺎﻫﺎ ﺻﻮﺭﺗﻲ
- ﻧﺪﻯ ﺑﻔﺰﻉ ﻭﻫﻲ ﺗﻤﺴﻚ ﺫﺭﺍﻉ ﺍﺧﺘﻬﺎ : ﺍﻳﻴﻴﻴﻪ ؟؟؟ ﺻﻮﺭﺗﻚ ؟؟؟ ﺍﺯﺍﻱ ﺩﻩ ؟؟ ﺍﻧﺘﻲ ﻋﻤﻠﺘﻲ ﺍﻳﻪ ﺑﺎﻟﻈﺒﻂ ﺍﺣﻜﻴﻠﻲ
- ﻧﻴﺮﺓ : ﻭﺍﻟﻠﻪ ﻣﺎ ﻋﻤﻠﺖ ﺣﺎﺟﺔ ،ﺃﻧﺎ ﻣﻌﺮﻓﺶ ﻫﻮ ﻣﻴﻦ ، ﻭﺑﻌﺖ ﺃﺳﺄﻟﻪ ﻭﺭﺩ ﻋﻠﻴﺎ ﺑـ .. ﺁﺁﺁﺁ
- ﻧﺪﻯ : ﺭﺩ ﺑﺎﻳﻪ ؟
- ﻧﻴﺮﺓ : ﻛﺎﺗﺒﻠﻲ ‏( ﻫﺘﻌﺮﻓﻲ ﺃﻧﺎ ﻣﻴﻦ ﻟﻤﺎ ﺃﻗﺎﺑﻠﻚ ‏)
- ﻧﺪﻯ : ﺍﻳﻪ ﺍﻟﺠﻨﺎﻥ ﺩﻩ ؟؟ ﻭﺍﺯﺍﻱ ﺗﺴﻤﺤﻲ ﺑﻜﻞ ﺩﻩ ﻳﺤﺼﻞ ؟؟ ﻭﺻﻮﺭﺗﻚ ﺟﺎﺑﻬﺎ ﻣﻨﻴﻦ
- ﻧﻴﺮﺓ : ﻣﻌﺮﻓﺶ ﺟﺎﺑﻬﺎ ﻣﻨﻴﻦ ، ﻭﺃﻧﺎ ﺧﺎﻳﻔﺔ ﺃﺭﺩ ﻋﻠﻴﻪ
- ﻧﺪﻯ : ﻷ ﺍﻧﺘﻲ ﻣﺘﺮﺩﻳﺶ ﺧﺎﻟﺺ ، ﻟﻮ ﻳﻜﻮﻥ ﺍﺣﺴﻦ ﺗﻘﻔﻠﻲ ﺍﻟﺒﺘﺎﻉ ﺩﻩ ، ﺍﻟﻐﻴﻪ ﻣﻦ ﺣﻴﺎﺗﻚ
- ﻧﻴﺮﺓ : ﺑﺲ ﺁﺁﺁ ...
- ﻧﺪﻯ : ﺑﺲ ﺍﻳﻪ ﺗﺎﻧﻲ
- ﻧﻴﺮﺓ : ﺷﻮﻓﻲ ﺍﻟﺼﻮﺭﺓ ﺍﻟﻠﻲ ﻫﻮ ﺻﻮﺭﻫﺎﻟﻲ ، ﻛﺎﻧﺖ ﺑﻠﺒﺲ ﺍﻟﻤﺪﺭﺳﺔ
- ﻧﺪﻯ : ﻫـــﺎﻩ ... ﺩﻩ ﻣﻌﻨﺎﻩ ﺍﻧﻪ .. ﺍﻧﻪ
- ﻧﻴﺮﺓ ﻣﻜﻤﻠﺔ : ﺍﻧﻪ ﻋﺎﺭﻑ ﺃﻧﺎ ﻓﻴﻦ
- ﻧﺪﻯ : ﻃﺐ .. ﻃﺐ ﻳﻤﻜﻦ ﻳﻜﻮﻥ ﻣﻘﻠﺐ ﻣﻦ ﺣﺪ ﻣﻦ ﺻﺤﺒﺎﺗﻚ ﻓﻲ ﺍﻟﻤﺪﺭﺳﺔ
- ﻧﻴﺮﺓ ﻭﻫﻲ ﺗﻨﻬﺾ ﻣﻦ ﻣﻜﺎﻧﻬﺎ ﺑﻘﻠﻖ : ﻣﺶ ﻋﺎﺭﻓﺔ ، ﺑﺲ ﺃﻧﺎ ﺣﺎﺳﺔ ﺍﻥ ﻓﻲ ﺣﺎﺟﺔ ﻏﻠﻂ
- ﻧﺪﻯ ﻭﻫﻲ ﺗﺠﻠﺲ ﻋﻠﻰ ﺣﺎﻓﺔ ﺍﻟﻔﺮﺍﺵ : ﺍﻧﺎ ﻗﻮﻟﺖ ﻣﻦ ﺍﻷﻭﻝ ﻭﺟﻮﺩ ﺍﻟﺒﺘﺎﻉ ﺩﻩ ﻫﻨﺎ ﻫﻴﺠﻴﺐ ﻣﺼﺎﻳﺐ ، ﺍﻗﻔﻠﻴﻪ ، ﻣﻘﺪﻣﻜﻴﺶ ﺇﻻ ﻛﺪﻩ
- ﻧﻴﺮﺓ : ﺍﻭﻭﻭﻑ
- ﻧﺪﻯ : ﻉ ﺍﻷﻗﻞ ﺍﻟﻔﺘﺮﺓ ﺩﻱ ﻟﺤﺪ ﺍﻟﺸﺨﺺ ﺍﻟﻠﻲ ﺑﻴﻌﻤﻞ ﻛﺪﻩ ﻳﻌﺮﻑ ﺍﻥ ﺍﻧﺘﻲ ﻣﺶ ﻓﻲ ﺑﺎﻟﻚ
- ﻧﻴﺮﺓ : ﻣﻤﻢ ...
- ﻧﺪﻯ : ﺍﻧﺘﻲ ﻟﺴﻪ ﻫﺘﻔﻜﺮﻱ ، ﻳﺎ ﺑﻨﺘﻲ ﺃﻧﺎ ﺑﺎﺳﻤﻊ ﺍﻥ ﺍﻟﻠﻲ ﺑﻴﻤﺸﻲ ﻭﺭﺍ ﺍﻟﻨﺎﺱ ﺩﻱ ﺑﻴﺮﻭﺡ ﻓﻲ ﺩﺍﻫﻴﺔ ، ﻭﺃﻇﻦ ﺍﻧﻨﺎ ﻣﺶ ﻫﻨﻨﺘﻈﺮ ﺍﻧﻚ ﺗﺮﻭﺣﻲ ﻓﻲ ﻣﺼﻴﺒﺔ ﻋﺸﺎﻥ ﻋﻨﺪﻙ
- ﻧﻴﺮﺓ : ﻃﺐ ﺃﻧﺎ ﻋﻨﺪﻱ ﺁﺁﺁ ....
ﺛﻢ ﺩﻟﻔﺖ ﺯﻳﻨﺐ ﺇﻟﻰ ﺍﻟﻐﺮﻓﺔ ﺑﺼﻮﺭﺓ ﻣﻔﺎﺟﺌﺔ ﻣﻘﺎﻃﻌﺔ ﻟﺤﺪﻳﺚ ﺍﻟﻔﺘﺎﺗﻴﻦ ﻭ ...
- ﺯﻳﻨﺐ : ﺍﻟﺒﺴﻲ ﻳﺎ ﻧﻴﺮﺓ ﺑﺴﺮﻋﺔ
- ﻧﻴﺮﺓ : ﻟﻴﻪ ؟
- ﺯﻳﻨﺐ : ﺍﺑﻮﻛﻲ ﺟﺎﻱ ﻳﺎﺧﺪﻙ ﺗﺸﻮﻓﻲ ﺩﺭﺱ ﺟﺪﻳﺪ
- ﻧﻴﺮﺓ ﺑﻌﺪﻡ ﺗﺼﺪﻳﻖ : ﻧﻌﻢ ؟؟؟ ﺩﺭﺱ ﺍﻳﻪ ﺍﻟﻮﻗﺘﻲ ؟؟
- ﺯﻳﻨﺐ : ﻫﻮ ﺍﺗﺼﻞ ﺑﻴﺎ ، ﻭﻗﺎﻟﻲ ﺍﻧﻚ ﺗﺠﻬﺰﻱ ﻧﻔﺴﻚ ﻋﺸﺎﻥ ﻫﻴﺎﺧﺪﻙ ﺗﺸﻮﻓﻲ ﻣﻴﺲ ﺟﺪﻳﺪﺓ
- ﻧﻴﺮﺓ : ﻃﺐ ﺃﻧﺎ ﻣﺶ ﻋﺎﻭﺯﺓ ، ﻣﺎ ﻛﻔﺎﻳﺔ ﺍﻟﻤﺠﻤﻮﻋﺔ ﺍﻟﻠﻲ ﺑﺎﺧﺪﻫﺎ
- ﺯﻳﻨﺐ ﻭﻫﻲ ﺗﻔﺘﺢ ﺍﻟﺪﻭﻻﺏ ﻟﺘﻨﺘﻘﻲ ﻣﻼﺑﺲ ﻟﻔﺎﻃﻴﻤﺎ : ﻭﺍﻟﻠﻪ ﺃﺑﻮﻛﻲ ﻣﺼﻤﻢ
- ﻧﻴﺮﺓ ﺑﺪﻫﺸﺔ : ﻭﺍﻧﺘﻲ ﺑﺘﻄﻠﻌﻲ ﻫﺪﻭﻡ ﺍﻟﺒﺖ ﻃﻤﻄﻢ ﻟﻴﻪ
- ﺯﻳﻨﺐ : ﺃﺻﻠﻬﺎ ﻫﺘﻠﺒﺲ ﻭﺗﺮﻭﺡ ﻣﻌﺎﻛﻲ
- ﻧﻴﺮﺓ ﺑﺼﺪﻣﺔ ﺃﻛﺒﺮ : ﻧﻌﻢ ؟؟؟
- ﻧﺪﻯ : ﻫﻮ ﻓﻲ ﺍﻳﻪ ﺑﺎﻟﻈﺒﻂ ﻳﺎ ﻣﺎﻣﺎ
- ﺯﻳﻨﺐ : ﻭﺍﻟﻠﻪ ﻣﺎ ﺃﻋﺮﻑ ﺃﺑﻮﻛﻲ ﺍﻟﻠﻲ ﻋﺎﻭﺯ ﻛﺪﻩ ، ﻓﺨﻠﺼﻲ ﻟﺒﺴﻚ ﺃﻭﺍﻡ
ﺭﻥ ﻫﺎﺗﻒ ﻧﺪﻯ ، ﻓﻨﻈﺮﺕ ﺇﻟﻰ ﺷﺎﺷﺔ ﻫﺎﺗﻔﻬﺎ ﺍﻟﻤﺤﻤﻮﻝ ﻓﻮﺟﺪﺕ ﺍﻟﻤﺘﺼﻞ ﻫﻮ ﻋﻼﺀ ، ﺗﺤﺮﺟﺖ ﻧﺪﻯ ﻣﻦ ﺍﻟﺮﺩ ﻋﻠﻴﻪ ﺍﻣﺎﻡ ﻭﺍﻟﺪﺗﻬﺎ ﻭﺍﺧﺘﻬﺎ ، ﻓﻔﻀﻠﺖ ﺃﻥ ﺗﻀﻌﻪ ﻋﻠﻰ ﺍﻟﻮﺿﻊ ﺍﻟﺼﺎﻣﺖ ﺇﻟﻰ ﺃﻥ ﺗﺨﻠﻮ ﺍﻟﻐﺮﻓﺔ ﻭﺗﺘﺤﺪﺙ ﻣﻌﻪ ﻋﻠﻰ ﺍﻧﻔﺮﺍﺩ ﻭ ..
- ﻧﺪﻯ ﻓﻲ ﻧﻔﺴﻬﺎ : ﺃﻣﺎ ﻣﺎﻣﺎ ﺗﺨﻠﺺ ﻭﻧﻴﺮﺓ ﺗﻠﺒﺲ ﺃﺑﻘﻰ ﺍﻛﻠﻤﻚ ..
- ﻧﻴﺮﺓ : ﻛﻞ ﻳﻮﻡ ﺩﺭﺱ ، ﻛﻞ ﻳﻮﻡ ﻣﺪﺭﺳﺔ ، ﻣﺶ ﻫﻨﺨﻠﺺ ﻣﻦ ﺍﻟﻤﻮﺍﻝ ﺩﻩ ﺃﺑﺪﺍً
- ﺯﻳﻨﺐ : ﺍﻓﻠﺤﻲ ﻓﻲ ﺩﺭﻭﺳﻚ ﻭﺍﻧﺘﻲ ﺗﺨﻠﺼﻲ
ﺛﻢ ﺍﻧﺼﺮﻓﺖ ﺯﻳﻨﺐ ﺧﺎﺭﺝ ﺍﻟﻐﺮﻓﺔ ﺗﺎﺭﻛﺔ ﻧﻴﺮﺓ ﻓﻲ ﺣﺎﻟﺔ ﻣﻦ ﺍﻟﻀﻴﻖ ﻭﺍﻟﺘﺬﻣﺮ ﻭ ...
- ﻧﻴﺮﺓ ﺑﻀﻴﻖ : ﻫﻮ ﺍﻧﺎ ﻛﻨﺖ ﻧﺎﻗﺼﺔ ﺩﺭﺱ ﺗﺎﻧﻲ
- ﻧﺪﻯ : ﺃﻫﻮﻭ ﺍﺣﺴﻦ ﻣﻦ ﺍﻧﻚ ﺗﻀﻴﻌﻲ ﻭﻗﺘﻚ ﻉ ﺍﻟﻨﺖ
- ﻧﻴﺮﺓ : ﺍﻭﻭﻭﻑ ، ﺣﺎﺟﺔ ﺗﻘﺮﻑ
...........
ﻭﺻﻞ ﻣﺮﻭﺍﻥ ﺑﺴﻴﺎﺭﺗﻪ ﺃﺳﻔﻞ ﻋﻘﺎﺭ ﺍﻷﺳﺘﺎﺫ ﺻﻼﺡ ﺍﻟﺪﺳﻮﻗﻲ ﺍﻟﺬﻱ ﺍﺳﺘﺄﺫﻥ ﻟﻜﻲ ﻳﺼﻌﺪ ﺇﻟﻰ ﺷﻘﺘﻪ ﻭﻳﺄﺗﻲ ﺑﺈﺑﻨﺘﻴﻪ ﻭ ...
- ﺻﻼﺡ : ﺛﻮﺍﻧﻲ ﻳﺎ ﺑﻨﻲ ﻫﺎﻃﻠﻊ ﺑﺲ ﺍﺟﻴﺐ ﺍﻟﺒﻨﺘﻴﻦ ﻣﻦ ﻓﻮﻕ
- ﻣﺮﻭﺍﻥ : ﺑﺮﺍﺣﺘﻚ ﻳﺎ ﻋﻢ ﺻﻼﺡ
- ﺻﻼﺡ : ﺍﻟﻠﻪ ﻳﻜﺮﻣﻚ ﻳﺎ ﺑﻨﻲ
- ﻣﺮﻭﺍﻥ : ﻣﺎﺗﻨﺴﺎﺵ ﻳﺎ ﻋﻢ ﺻﻼﺡ ﺍﻥ ﻣﺤﺪﺵ ﻳﻌﺮﻑ ﺑﺎﻟﻠﻲ ﺣﺼﻞ
- ﺻﻼﺡ : ﺍﻃﻤﻦ ﻳﺎ ﺑﻨﻲ
.....
ﺍﻧﺘﻈﺮ ﻣﺮﻭﺍﻥ ﻓﻲ ﺍﻟﺴﻴﺎﺭﺓ ﻭﺗﻌﻠﻮ ﺷﻔﺘﻴﻪ ﺍﺑﺘﺴﺎﻣﺔ ﻻ ﻳﻌﺮﻑ ﻣﻦ ﺃﻳﻦ ﺗﺄﺗﻲ ﻭﻟﻜﻨﻬﺎ ﻟﻸﻛﻴﺪ ﺑﺴﺒﺐ ﺗﻮﻗﻪ ﻟﺮﺅﻳﺔ ﻧﻴﺮﺓ ، ﻭﻣﺎ ﻫﻲ ﺇﻻ ﻟﺤﻈﺎﺕ ﻣﺮﺕ ﻛﺎﻟﺪﻫﺮ ﻋﻠﻴﻪ ﺣﺘﻰ ﺳﻤﻊ ﺻﻮﺕ ﻓﺎﻃﻴﻤﺎ ﻳﺄﺗﻲ ﻣﻦ ﺑﻌﻴﺪ ﻫﺎﺗﻔﺎً ﺑﺎﺳﻤﻪ ﻓﺎﻟﺘﻔﺖ ﺇﻟﻴﻬﺎ ﻭﻫﻮ ﻋﻠﻰ ﻳﻘﻴﻦ ﻣﻦ ﺃﻥ ﺍﻟﻤﻔﺎﺟﺄﺓ ﺑﻞ ﺍﻟﺼﺪﻣﺔ ﺳﺘﻠﺠﻢ ﻧﻴﺮﺓ ﺣﻴﻨﻤﺎ ﺗﺮﺍﻩ ﺃﻣﺎﻣﻪ ﻭ ..
- ﻓﺎﻃﻴﻤﺎ ﻣﻦ ﺑﻌﻴﺪ : ﺍﻟﻠﻪ ! ﺩﻩ ﻣــﺮﻭﺍﻥ
- ﺻﻼﺡ : ﺍﻩ ﻫﻮ
- ﻧﻴﺮﺓ ﻭﻗﺪ ﻓﻐُﺮَّ ﻓﺎﻫﻬﺎ ﻣﻦ ﺍﻟﺼﺪﻣﺔ : ﻫـــﺎﻩ
- ﻣﺮﻭﺍﻥ ﻣﻠﻮﺣﺎً ﺑﻴﺪﻩ : ﻫﺎﻱ
- ﻧﻴﺮﺓ : ﻣﺶ ﻣﻤﻜﻦ
ﻛﺎﻧﺖ ﻧﻴﺮﺓ ﺗﺮﺗﺪﻱ ﺑﻨﻄﺎﻻً ﻣﻦ ﺍﻟﺠﻴﻨﺰ ﺫﻭ ﺍﻟﻠﻮﻥ ﺍﻷﺯﺭﻕ ﺍﻟﺪﺍﻛﻦ ﻭ ﻳﻌﻠﻮﻩ ﻗﻤﻴﺼﺎً ﺑﺎﻟﻠﻮﻥ ﺍﻷﺻﻔﺮ ﺍﻟﻠﻴﻤﻮﻧﻲ
- ﻣﺮﻭﺍﻥ : ﻃﻤﻄﻢ ، ﺗﻌﺎﻟﻲ
- ﺻﻼﺡ : ﻳﺎﻻ ﻳﺎ ﻧﻴﺮﺓ ، ﻣﺎﻟﻚ ﻣﺘﺴﻤﺮﺓ ﻓﻲ ﻣﻜﺎﻧﻚ ﻟﻴﻪ
- ﻧﻴﺮﺓ : ﻫﻮ ﺍﻳﻪ ﺍﻟﻠﻲ ﺟﺎﺏ ﺩﻩ ﻫﻨﺎ
- ﺻﻼﺡ : ﻣﺶ ﻭﻗﺘﻪ ، ﻳﺎﻻ ﺑﺲ ﻋﺸﺎﻥ ﻧﻠﺤﻖ ﺍﻟﻠﻲ ﻭﺭﺍﻧﺎ
- ﻧﻴﺮﺓ ﻋﻠﻰ ﻣﻀﺾ : ﻃﻴﺐ
ﺭﻛﺒﺖ ﻧﻴﺮﺓ ﻓﻲ ﺍﻟﻤﻘﻌﺪ ﺍﻟﺨﻠﻔﻲ ﻭﻋﻠﻰ ﻭﺟﻬﻬﺎ ﻋﻼﻣﺎﺕ ﺍﻟﺘﻮﺗﺮ ﻭﺍﻟﻀﻴﻖ ، ﺑﻴﻨﻤﺎ ﺟﻠﺴﺖ ﺑﺠﻮﺍﺭﻫﺎ ﻓﺎﻃﻴﻤﺎ ﺍﻟﺘﻲ ﻭﻗﻔﺖ ﻟﺘﺘﺤﺪﺙ ﻣﻊ ﻣﺮﻭﺍﻥ ﻭﻫﻮ ﻳﻘﻮﺩ ﺍﻟﺴﻴﺎﺭﺓ ﻓﻲ ﻣﻬﺎﺭﺓ ﻭ ...
- ﻓﺎﻃﻴﻤﺎ : ﺃﻧﺎ ﻓﺮﺣﺎﻧﺔ ﺍﻧﻲ ﺑﺸﻮﻓﻚ ﻛﻞ ﻳﻮﻡ ﻳﺎ ﻣﺮﻭﺍﻥ
- ﻣﺮﻭﺍﻥ : , ﺍﻧﺎ ﻛﻤﺎﻥ
- ﻓﺎﻃﻴﻤﺎ : ﻫﻮ ﺍﺣﻨﺎ ﻫﻨﺘﻔﺴﺢ ﻳﺎ ﺑﺎﺑﺎ ؟
- ﺻﻼﺡ : ﺍﻩ ﻳﺎ ﺣﺒﻴﺒﺘﻲ ، ﺑﺲ ﺍﻷﻭﻝ ﻫﺎﻋﺪﻱ ﻉ ﻭﺍﺣﺪ ﺻﺎﺣﺒﻲ ﻓﻲ ﺍﻟﻘﺴﻢ ﺃﺳﻠﻢ ﻋﻠﻴﻪ ﻭﺑﻌﺪ ﻛﺪﻩ ﻧﻄﻠﻊ ﻧﺘﻔﺴﺢ
- ﻧﻴﺮﺓ : ﻭﺍﻟﺪﺭﺱ ﺍﻟﻠﻲ ﺍﻧﺖ ﻗﻮﻟﺖ ﻋﻠﻴﻪ ﻳﺎ ﺑﺎﺑﺎ ﻭﺧﻠﻴﺘﻨﻲ ﺃﻟﺒﺲ ﺑﺴﺮﻋﺔ ﻋﺸﺎﻧﻪ
- ﺻﻼﺡ : ﺁﺁﺁ ...
- ﻣﺮﻭﺍﻥ ﻣﺘﺪﺧﻼً ﻓﻲ ﺍﻟﺤﻮﺍﺭ : ﻫﻨﺮﻭﺣﻪ ﻳﺎ ﺁﻧﺴﺔ ﻧﻴﺮﺓ ﺑﺲ ﺃﻣﺎ ﻳﺨﻠﺺ ﺍﻷﺳﺘﺎﺫ ﺻﻼﺡ ﻣﺸﻮﺍﺭﻩ ﺍﻷﻭﻝ
- ﻓﺎﻃﻴﻤﺎ : ﻳﺎ ﺭﺏ ﻛﻞ ﻳﻮﻡ ﻧﺨﺮﺝ ﻛﺪﻩ ﻭﻧﺘﻔﺴﺢ
- ﺻﻼﺡ ﻭﻫﻮ ﻳﻘﺒﻞ ﺍﺑﻨﺘﻪ : ﺣﺒﻴﺒﺘﻲ ﻳﺎ ﺑﻨﺘﻲ ، ﻣﺶ ﻋﺎﻭﺯﻙ ﺗﺰﻋﻠﻲ ﺍﻧﻲ ﻛﻨﺖ ﻣﻘﺼﺮ ﻣﻌﺎﻛﻲ
- ﻓﺎﻃﻴﻤﺎ : ﻣﺶ ﻓﺎﻫﻤﺔ
- ﺻﻼﺡ : ﻭﻻ ﻳﻬﻤﻚ ﻳﺎ ﺣﺒﻴﺒﺘﻲ ، ﺍﻟﻤﻬﻢ ﺍﻧﺘﻲ ﻭﺍﺧﻮﺍﺗﻚ ﻋﻨﺪﻱ ﺃﻏﻠﻰ ﻣﻦ ﺃﻱ ﺣﺎﺟﺔ ﻓﻲ ﺍﻟﺪﻧﻴﺎ ﻛﻠﻬﺎ
....................................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﺭﻥ ﻫﺎﺗﻒ ﻧﺪﻯ ﺑﺮﻗﻢ ﻋﻼﺀ ﺍﻟﺬﻱ ﻧﺴﻴﺖ ﺗﻤﺎﻣﺎً ﺃﻥ ﺗﻄﻠﺒﻪ ﺣﻴﻨﻤﺎ ﺍﺗﺼﻞ ﺑﻬﺎ ﻗﺒﻞ ﻗﻠﻴﻞ ، ﻓﺄﺟﺎﺑﺖ ﺍﻻﺗﺼﺎﻝ ﻋﻠﻰ ﺍﻟﻔﻮﺭ ﻟﺘﺘﻔﺎﺟﻲﺀ ﺑﻤﻮﺟﺔ ﻣﻦ ﺍﻟﻐﻀﺐ ﺍﻟﻌﺎﺭﻡ ﺍﻟﺬﻱ ﺻﺪﻣﻬﺎ ﻭ ...
- ﻋﻼﺀ ﺑﻨﺮﻓﺰﺓ ﻫﺎﺗﻔﻴﺎً : ﺃﺧﻴﺮﺍﺍﺍﺍ ﺣﻨﻴﺘﻲ ﻋﻠﻴﺎ ﻭﺭﺩﻳﺘﻲ ، ﺍﻳﻴﻴﻪ ﻳﺎ ﻫﺎﻧﻢ ﻛﻞ ﺩﻩ ﻋﺸﺎﻥ ﺗﺮﺩﻱ ﻋﻠﻰ ﺗﻠﻴﻔﻮﻧﺎﺗﻲ ؟؟
- ﻧﺪﻯ : ﺍﻧﺖ ﺃﻭﻝ ﻣﺎ ﻃﻠﺒﺘﻨﻲ ﺃﻧﺎ ﺭﺩﻳﺖ ﻋﻠﻰ ﻃﻮﻝ ﻭﺍﻟﻠﻪ
- ﻋﻼﺀ : ﻷ ﺃﻧﺎ ﻃﻠﺒﺘﻚ ﻗﺒﻞ ﻛﺪﻩ ﻭﻣﺮﺩﺗﻴﺶ
- ﻧﺪﻯ : ﻛﻨﺖ ﻣﺸﻐﻮﻟﺔ ، ﻭﻣﺨﺪﺗﺶ ﺑﺎﻟﻲ ﺍﻧﻚ ﺑﺘﺘﺼﻞ
- ﻋﻼﺀ : ﻣﺶ ﺃﻧﺎ ﻗﺎﻳﻠﻚ ﺗﻨﺎﻣﻲ ﻭﺗﺮﻳﺤﻲ ﻭﻣﺎﺗﻌﻤﻠﻴﺶ ﺣﺎﺟﺔ
- ﻧﺪﻯ : ﺍﻟﻠﻪ ! ﻣﻌﻤﻠﺶ ﺣﺎﺟﺔ ﺍﺯﺍﻱ ﻳﻌﻨﻲ ؟؟ ﻟﻮ ﻣﺎﻣﺎ ﻃﻠﺒﺖ ﻣﻨﻲ ﺣﺎﺟﺔ ﺃﻗﻮﻟﻬﺎ ﻷ ... ﺩﻩ ﻣﺎ ﻳﻨﻔﻌﺶ ﻭﻻ ﻳﺼﺢ ﺃﺻﻼً
- ﻋﻼﺀ ﺑﻀﻴﻖ : ﻃﻴﺐ .. ﻣﺎﺷﻲ ، ﺃﻧﺎ ﻫﺎﻋﺪﻱ ﺩﻩ ﺑﺲ ﻋﺸﺎﻥ ﺧﺎﻃﺮ ﺍﻣﻚ ، ﺍﻟﻤﻬﻢ ﻗﻮﻟﻴﻠﻲ ﺃﺧﺒﺎﺭﻙ ﺍﻳﻪ
- ﻧﺪﻯ : ﺍﻟﺤﻤﺪﻟﻠﻪ
- ﻋﻼﺀ : ﻋﻤﻠﺘﻲ ﺍﻳﻪ ﻓﻲ ﺍﻟﻜﺎﻡ ﺳﺎﻋﺔ ﺍﻟﻠﻲ ﻓﺎﺗﻮﺍ ﺩﻭﻝ
- ﻧﺪﻯ : ﺷﻐﻞ ﺍﻟﺒﻴﺖ
- ﻋﻼﺀ : ﻣﻤﻢ ... ﻃﻴﺐ ﻗﻮﻟﻴﻠﻲ ﺍﻧﺘﻲ ﻻﺑﺴﺔ ﺍﻳﻪ ﺍﻟﻮﻗﺘﻲ ؟
- ﻧﺪﻯ : ﻧﻌﻢ ؟؟؟
- ﻋﻼﺀ : ﺍﻳﻪ ﻣﻜﺴﻮﻓﺔ ﺗﻘﻮﻟﻴﻠﻲ
- ﻧﺪﻯ : ﻟﻮ ﺳﻤﺤﺖ ﻳﺎ ﻋﻼﺀ ﻣﺎﻓﻴﺶ ﺩﺍﻋﻲ ﻧﺘﻜﻠﻢ ﻓﻲ ﺍﻟﻜﻼﻡ ﺩﻩ ﻗﺒﻞ ﺃﻭﺍﻧﻪ
- ﻋﻼﺀ : ﻣﺶ ﺍﺣﻨﺎ ﻣﺨﻄﻮﺑﻴﻦ ، ﻭﻗﺮﻳﺐ ﻫﻨﺘﺠﻮﺯ
- ﻧﺪﻯ : ﻟﻤﺎ ﻧﺒﻘﻰ ﻧﺘﺠﻮﺯ ، ﻟﻜﻦ ﺍﻟﻮﻗﺘﻲ ﻣﺎﻳﻨﻔﻌﺶ ﺍﻟﻜﻼﻡ ﺩﻩ
- ﻋﻼﺀ : ﺍﻭﻭﻭﻑ ، ﻗﻔﻠﺘﻴﻨﻲ !
- ﻧﺪﻯ : ﻫﺎﻩ
- ﻋﻼﺀ : ﻫﺎﺑﻘﻰ ﺍﻛﻠﻤﻚ ﺗﺎﻧﻲ ، ﺑﺎﻱ
- ﻧﺪﻯ : ﺑﺎﻱ
ﺃﻧﻬﺖ ﻧﺪﻯ ﺍﻟﻤﻜﺎﻟﻤﺔ ﻭﻫﻲ ﺗﺸﻌﺮ ﺑﺄﻧﻬﺎ ﻗﺪ ﺗﺴﺮﻋﺖ ﻓﻲ ﺃﻣﺮ ﻣﻮﺍﻓﻘﺘﻬﺎ ﻋﻠﻰ ﺍﻻﺭﺗﺒﺎﻁ ﺑﻬﺬﺍ ﺍﻟﺸﺨﺺ ﻭ ...
- ﻧﺪﻯ : ﻷﻭﻝ ﻣﺮﺓ ﺍﺣﺲ ﺍﻧﻲ ﺍﺗﺴﺮﻋﺖ ﻓﻲ ﻗﺮﺍﺭ ، ﺑﺠﺪ ﺍﻻﻧﺴﺎﻥ ﺩﻩ ﻣﺶ ﻣﻔﻬﻮﻡ ﺑﺼﺮﺍﺣﺔ ، ﺗﺼﺮﻓﺎﺗﻪ ﻏﺮﻳﺒﺔ !..
.........................
ﻋﻨﺪ ﻗﺴﻢ ﺍﻟﺸﺮﻃﺔ ،،،
ﻭﺻﻞ ﻣﺮﻭﺍﻥ ﺑﺎﻟﺴﻴﺎﺭﺓ ﺇﻟﻰ ﻗﺴﻢ ﺍﻟﺸﺮﻃﺔ ، ﺗﻌﺠﺒﺖ ﻧﻴﺮﺓ ﻣﻦ ﻫﺬﺍ ﺍﻟﻤﻜﺎﻥ ﺍﻟﺬﻱ ﻭﻗﻔﺖ ﺍﻟﺴﻴﺎﺭﺓ ﺑﺠﻮﺍﺭﻩ ، ﻃﻠﺐ ﺻﻼﺡ ﻣﻦ ﻓﺎﻃﻴﻤﺎ ﺃﻥ ﺗﻨﺰﻝ ﻣﻌﻪ ﻟﻜﻲ ﺗﺴﻠﻢ ﻋﻠﻰ ﺻﺪﻳﻘﻪ ، ﺑﻴﻨﻤﺎ ﻃﻠﺐ ﻣﻦ ﻧﻴﺮﺓ ﺃﻥ ﺗﻨﺘﻈﺮﻩ ﻓﻲ ﺍﻟﺴﻴﺎﺭﺓ ﻭ ...
- ﻧﻴﺮﺓ ﻓﻲ ﻧﻔﺴﻬﺎ ﻣﺘﺴﺎﺋﻠﺔ : ﻗﺴﻢ ﺷﺮﻃﺔ ﺍﻟـ ((....)) ، ﺍﻳﻪ ﺍﻟﻠﻲ ﺟﺎﺑﻨﺎ ﻫﻨﺎ ؟؟ ﺩﺭﺱ ﺍﻳﻪ ﺩﻩ ﺍﻟﻠﻲ ﻓﻲ ﺍﻟﻘﺴﻢ
- ﺻﻼﺡ : ﻳﺎﻻ ﻳﺎ ﻃﻤﻄﻢ
- ﻓﺎﻃﻴﻤﺎ : ﻫﻨﺮﻭﺡ ﻓﻴﻦ ﻳﺎ ﺑﺎﺑﺎ ؟
- ﺻﻼﺡ : ﻫﻨﺪﺧﻞ ﻧﺴﻠﻢ ﻉ ﻭﺍﺣﺪ ﺻﺎﺣﺒﻲ ﺟﻮﺍ
- ﻓﺎﻃﻴﻤﺎ : ﻭﺑﻌﺪﻫﺎ ﻧﺘﻔﺴﺢ
- ﺻﻼﺡ : ﺍﻫﺎ
- ﻓﺎﻃﻴﻤﺎ : ﻣﺎﺷﻲ
- ﺻﻼﺡ : ﻳﺎﻻ ﻳﺎ ﻗﻠﺐ ﺑﺎﺑﺎ
ﺃﻣﺴﻚ ﺻﻼﺡ ﺑﻴﺪ ﺍﺑﻨﺘﻪ ﺍﻟﺼﻐﺮﻯ ﻓﺎﻃﻴﻤﺎ ﻭﺩﻟﻒ ﺑﻬﺎ ﺇﻟﻰ ﺩﺍﺧﻞ ﺍﻟﻘﺴﻢ ، ﻛﺎﻥ ﻳﺤﺎﻭﻝ ﺃﻥ ﻳﺨﻔﻲ ﺍﻟﺤﺰﻥ ﺍﻟﺒﺎﺩﻱ ﻋﻠﻰ ﻭﺟﻬﻪ ، ﻫﻮ ﺳﻴﺴﺘﻤﻊ ﻷﻭﻝ ﻣﺮﺓ ﺇﻟﻰ ﻣﺎ ﻣﺮﺕ ﺑﻪ ﺍﺑﻨﺘﻪ ﺩﻭﻥ ﻭﻋﻲ ﻣﻨﻬﺎ ﻋﻠﻰ ﻳﺪ ﺫﻟﻚ ﺍﻟﺬﺋﺐ ﺍﻟﻤﺘﺠﺴﺪ ﻓﻲ ﺻﻮﺭﺓ ﺍﻧﺴﺎﻥ .. ﺑﻴﻨﻤﺎ ﻇﻠﺖ ﻧﻴﺮﺓ ﻣﻨﺘﻈﺮﺓ ﻓﻲ ﺍﻟﺴﻴﺎﺭﺓ ﻭﻫﻲ ﻣﺘﻘﺒﻠﺔ ﻟﺬﻟﻚ ﻟﻮﺿﻊ
ﻇﻞ ﻣﺮﻭﺍﻥ ﻳﺮﺍﻗﺐ ﻧﻴﺮﺓ ﻣﻦ ﺍﻟﻤﺮﺁﺓ ﺍﻷﻣﺎﻣﻴﺔ ﻭﻫﻮ ﻳﺒﺘﺴﻢ ﻋﻔﻮﻳﺎً ، ﺛﻢ ﺣﺎﻭﻝ ﺃﻥ ﻳﺘﻄﺮﻕ ﻣﻌﻬﺎ ﺇﻟﻰ ....
- ﻣﺮﻭﺍﻥ : ﺍﺯﻳﻚ
- ﻧﻴﺮﺓ : ﺃﺣﺴﻦ ﻣﻨﻚ
- ﻣﺮﻭﺍﻥ ﻣﺒﺘﺴﻤﺎً : ﻃﺐ ﺍﻟﺤﻤﺪﻟﻠﻪ
- ﻧﻴﺮﺓ : ﺍﺣﻨﺎ ﺍﻳﻪ ﺍﻟﻠﻲ ﺟﺎﺑﻨﺎ ﻫﻨﺎ
- ﻣﺮﻭﺍﻥ : ﺍﻟﻌﺮﺑﻴﺔ !
- ﻧﻴﺮﺓ : ﻻ ﻭﺍﻟﻠﻪ
- ﻣﺮﻭﺍﻥ ﻭﻫﻮ ﻳﻠﺘﻔﺖ ﺇﻟﻴﻬﺎ : ﺍﻩ ﻭﺍﻟﻠﻪ
- ﻧﻴﺮﺓ : ﻃﺐ ﺑﺺ ﻗﺪﺍﻣﻚ
- ﻣﺮﻭﺍﻥ : ﻷ
- ﻧﻴﺮﺓ : ﻳﻌﻨﻲ ﺍﻧﺖ ﻣﺼﻤﻢ ﺍﻧﻲ ﺃﺷﺘﺒﻚ ﻣﻌﺎﻙ
- ﻣﺮﻭﺍﻥ : ﻭﻟﻴﻪ ﻧﺸﺘﺒﻚ ﻣﺎ ﺗﺨﻠﻴﻨﺎ ﻛﺪﻩ ﺳﻤﻨﺔ ﻋﻠﻰ ﻋﺴﻞ
- ﻧﻴﺮﺓ : ﺣﺪ ﻗﺎﻟﻚ ﺍﻧﻚ ﺑﺎﺭﺩ
- ﻣﺮﻭﺍﻥ : ﻃﺐ ﻟﻴﻪ ﺍﻟﻐﻠﻂ ﺑﺲ
- ﻧﻴﺮﺓ : ﺍﻧﺎ ﻣﺶ ﻋﺎﺭﻓﺔ ﺑﺎﺑﺎ ﺍﻳﻪ ﺍﻟﻠﻲ ﺧﻼﻩ ﻳﺠﻴﺒﻚ ﺗﻮﺻﻠﻨﺎ ﺑﺪﻝ ﻣﺠﺪﻱ ﺍﻟﺴﻮﺍﻕ
- ﻣﺮﻭﺍﻥ ﺑﺼﺒﻴﺔ : ﻣﺘﺠﺒﻴﺶ ﺳﻴﺮﺓ ﺍﻟﺰﻓﺖ ﺩﻩ ﺗﺎﻧﻲ
- ﻧﻴﺮﺓ : ﻓﻲ ﺍﻳﻪ؟؟ ﺍﻧﺖ ﻣﺎﻟﻚ ﺑﻴﻪ ؟؟ ﺩﻩ ﺍﻟﺴﻮﺍﻕ ﺑﺘﺎﻋﻨﺎ
- ﻣﺮﻭﺍﻥ : ﺍﻟﻜﻠﺐ ﺍﻟﺤﻴﻮﺍﻥ
- ﻧﻴﺮﺓ : ﻣﺘﻐﻠﻄﺶ ﻓﻴﻪ
- ﻣﺮﻭﺍﻥ : ﻭﺍﻧﺘﻲ ﺑﺘﺪﺍﻓﻌﻲ ﻋﻨﻪ ﺃﻭﻱ ﻛﺪﻩ ﻟﻴﻪ
- ﻧﻴﺮﺓ : ﻭﺍﻧﺖ ﺍﻳﻪ ﺍﻟﻠﻲ ﻣﻀﺎﻳﻘﻚ ﻣﻨﻪ
- ﻣﺮﻭﺍﻥ : ﻣﺘﺮﺩﻳﺶ ﻋﻠﻰ ﺳﺆﺍﻟﻲ ﺑﺴﺆﺍﻝ
- ﻧﻴﺮﺓ : ﻳﻮﻭﻭﻩ ، ﺃﻗﻮﻟﻚ ﻋﻠﻰ ﺣﺎﺟﺔ ﺃﻧﺎ ﻣﺎﺷﻴﺔ ﻣﻦ ﻫﻨﺎ
- ﻣﺮﻭﺍﻥ : ﻷ ﻣﺶ ﻫﺘﻨﺰﻟﻲ ﻣﻦ ﺍﻟﻌﺮﺑﻴﺔ
- ﻧﻴﺮﺓ ﻭﻫﻲ ﺗﺤﺪﻕ ﺑﻪ : ﺍﻓﻨﺪﻡ ؟
- ﻣﺮﻭﺍﻥ : ﺍﻧﺘﻲ ﺃﻣﺎﻧﺔ ﻣﻌﺎﻳﺎ ﻟﺤﺪ ﻣﺎ ﺑﺎﺑﺎﻛﻲ ﻳﻄﻠﻊ ﻣﻦ ﺟﻮﺍ
- ﻧﻴﺮﺓ : ﺃﻫــﺎ .. ﻗﻮﻟﺘﻠﻲ .. ﺍﻟﻜﻼﻡ ﺩﻩ ﺗﻤﺸﻴﻪ ﻉ ﺣﺪ ﺗﺎﻧﻲ ﻣﺶ ﻋﻠﻴﺎ ، ﻓﺎﻫﻢ !
ﻛﺎﻧﺖ ﻧﻴﺮﺓ ﻋﻠﻰ ﻭﺷﻚ ﺍﻟﺨﺮﻭﺝ ﻣﻦ ﺍﻟﺴﻴﺎﺭﺓ ﻭﻟﻜﻦ ﻣﻨﻌﻬﺎ ﻣﺮﻭﺍﻥ ﺑﻀﻐﻄﻪ ﻋﻠﻰ ﺍﻟﻘﻔﻞ ﺍﻻﻟﻜﺘﺮﻭﻧﻲ ﺍﻟﺨﺎﺹ ﺑﺴﻴﺎﺭﺗﻪ ﻓﺄﻏﻠﻖ ﺍﻷﺑﻮﺍﺏ ﻛﻠﻬﺎ
- ﻧﻴﺮﺓ ﻭﻫﻲ ﺗﺤﺎﻭﻝ ﻓﺘﺢ ﺍﻟﺒﺎﺏ : ﺍﻧﺖ ﻋﻤﻠﺖ ﺍﻳﻪ ؟؟ ﺍﻓﺘﺢ ﺍﻟﺒﺎﺏ !
- ﻣﺮﻭﺍﻥ : ﻷ ﻣﺶ ﻓﺎﺗﺢ ، ﻭﻫﺘﻔﻀﻠﻲ ﻫﻨﺎ
- ﻧﻴﺮﺓ : ﺍﻧﺖ ﺍﻳﻪ ؟؟ ﺑﺘﻀﺎﻳﻘﻨﻲ ﻛﺪﻩ ﻟﻴﻪ
- ﻣﺮﻭﺍﻥ : ﺍﻭﻭﻭﻑ
- ﻧﻴﺮﺓ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ، ﻳﺎ ﺭﺏ ﻫﻮﻥ
- ﻣﺮﻭﺍﻥ ﻣﺤﺎﻭﻻً ﺃﻥ ﻳﺒﺪﻭ ﻫﺎﺩﺋﺎً : ﻗﻮﻟﻴﻠﻲ ، ﻫﻮ ﺍﻟﺰﻓﺖ ﺍﻟﻠﻲ ﺍﺳﻤﻪ ﻣﺠﺪﻱ ﺩﻩ .. ﺁﺁﺁ ... ﺁﺁﺁ ... ﺍﺗﻌﺮﺿﻠﻚ ﻓﻲ ﺣﺎﺟﺔ
- ﻧﻴﺮﺓ ﺑﻌﺪﻡ ﻓﻬﻢ : ﺍﺗﻌﺮﺿﻠﻲ ؟
- ﻣﺮﻭﺍﻥ : ﺍﻫﺎ
- ﻧﻴﺮﺓ : ﻭﺍﻧﺖ ﺑﺘﺴﺄﻝ ﻟﻴﻪ
- ﻣﺮﻭﺍﻥ : ﻛﺪﻩ ﻭﺧﻼﺹ ، ﻣﻤﻜﻦ ﺗﺮﺩﻱ ﻋﻠﻰ ﺳﺆﺍﻟﻲ ﺑﻌﺪ ﺍﺫﻧﻚ
- ﻧﻴﺮﺓ : ﻷ
- ﻣﺮﻭﺍﻥ ﻣﺤﺎﻭﻻً ﺃﻥ ﻳﺴﺄﻟﻬﺎ ﺑﻄﺮﻳﻘﺔ ﺍﺧﺮﻯ : ﻳﻌﻨﻲ ﺁﺁﺁ ... ﻣﺤﺎﻭﻟﺶ ﺍﻧﻪ .. ﺁﺁ .. ﻳﻘﺮﺏ ﻣﻨﻚ ﺃﻭ ﻳﻠﻤﺴﻚ
- ﻧﻴﺮﺓ : ﻗﻄﻊ ﺍﻳﺪﻩ ﻫﻮ ﻭﻻ ﻏﻴﺮﻩ ﻗﺒﻞ ﻣﺎ ﻳﻌﻤﻞ ﻛﺪﻩ ﻭﻻ ﺣﺘﻰ ﻳﻔﻜﺮ ﻓﻲ ﺩﻩ ، ﻫﻮ ﺃﻧﺎ ﻛﻨﺖ ﻫﺎﺳﻜﺖ ﺃﺻﻼً ، ﻷ ﺍﻧﺖ ﻣﺘﻌﺮﻓﻨﻴﺶ ﺑﻘﻰ
- ﻣﺮﻭﺍﻥ ﻭﻗﺪ ﺍﻃﻤﺌﻦ : ﻃﺐ ﻛﻮﻳﺲ
- ﻧﻴﺮﺓ : ﻭﺑﻌﺪﻳﻦ ﻗﻮﻟﻲ ﺍﻧﺖ ﻋﻤﺎﻝ ﺗﺴﺄﻝ ﻋﻨﻪ ﻛﺪﻩ ﻟﻴﻪ؟؟
- ﻣﺮﻭﺍﻥ : ﻋﺎﺩﻱ ﻳﻌﻨﻲ
- ﻧﻴﺮﺓ : ﻭﺍﻟﻠﻪ ﺃﻧﺎ ﺣﺎﺳﺔ ﺍﻥ ﻓﻲ ﺣﺎﺟﺔ ﻭﺭﺍ ﺍﺳﺌﻠﺘﻚ ﺩﻱ
- ﻣﺮﻭﺍﻥ : ﻫـﺎﻩ .. ﻣﺘﺨﺪﻳﺶ ﻓﻲ ﺑﺎﻟﻚ
.........................
ﻓﻲ ﺩﺍﺧﻞ ﺍﻟﻘﺴﻢ ،،،،
ﺩﻟﻒ ﺻﻼﺡ ﺇﻟﻰ ﻏﺮﻓﺔ ﺍﻟﻀﺎﺑﻂ ﺍﻟﻤﺴﺌﻮﻝ ﻋﻦ ﺗﺤﺮﻳﺮ ﺍﻟﻤﺤﻀﺮ ، ﻭﺑﺪﺃ ﻓﻲ ﻣﺨﺎﻃﺒﺔ ﻓﺎﻃﻴﻤﺎ ﺑﺎﺳﻠﻮﺏ ﺑﺴﻴﻂ ﻭﺳﻠﺲ ﻛﻲ ﻳﻌﺮﻑ ﻣﻨﻬﺎ ﻣﺎ ﻳﺮﻳﺪ ﺩﻭﻥ ﺃﻥ ﺗﺸﻌﺮ ﺑﺎﻟﺮﻳﺒﺔ ﺃﻭ ﺍﻟﺒﻐﺾ ﻣﻤﺎ ﺣﺪﺙ ﻭ ..
- ﺻﻼﺡ : ﺳﻠﻤﻲ ﻋﻠﻰ ﻋﻤﻮ ﺍﻟﻈﺎﺑﻂ ﻳﺎ ﻃﻤﻄﻢ
- ﻓﺎﻃﻴﻤﺎ ﻭﻗﺪ ﺫﻫﺒﺖ ﺇﻟﻴﻪ : ﺣﺎﺿﺮ
- ﺍﻟﻀﺎﺑﻂ ﻭﻫﻮ ﻳﺼﺎﻓﺤﻬﺎ ﺑﻴﺪﻩ : ﺍﻧﺘﻲ ﻓﺎﻃﻴﻤﺎ ؟
- ﻓﺎﻃﻴﻤﺎ : ﺍﻳﻮﻩ ﻳﺎ ﻋﻤﻮ ﺃﻧﺎ ﻃﻤﻄﻢ
- ﺍﻟﻀﺎﺑﻂ : ﻣﻤﻢ .. ﻃﻤﻄﻢ ، ﺍﺳﻢ ﺣﻠﻮ ، ﺍﻧﺘﻲ ﻓﻲ ﺳﻨﺔ ﻛﺎﻡ ﻳﺎ ﺃﻣﻮﺭﺓ ؟
- ﻓﺎﻃﻴﻤﺎ : ﻓﻲ ﺭﺍﺑﻌﺔ ﺍﺑﺘﺪﺍﺋﻲ
- ﺍﻟﻀﺎﺑﻂ : ﻣﺎﺷﺎﺀ ﺍﻟﻠﻪ ، ﺩﻩ ﺍﻧﺘﻲ ﻛﺒﻴﺮﺓ
- ﻓﺎﻃﻴﻤﺎ : ﺍﻳﻮﻩ
- ﺍﻟﻀﺎﺑﻂ : ﻃﻤﻄﻢ ﺃﻧﺎ ﻛﻨﺖ ﻋﺎﻭﺯ ﺃﺣﻜﻲ ﻣﻌﺎﻛﻲ ﻓﻲ ﺣﺎﺟﺔ
- ﻓﺎﻃﻴﻤﺎ : ﺍﻳﻪ ﻳﺎ ﻋﻤﻮ
- ﺍﻟﻀﺎﺑﻂ : ﻋﺎﺭﻓﺔ ﻣﺠﺪﻱ ﺍﻟﺴﻮﺍﻕ
- ﻓﺎﻃﻴﻤﺎ ﻭﻗﺪ ﺗﻐﻴﺮﺕ ﻣﻼﻣﺢ ﻭﺟﻬﻬﺎ ﻭﺍﺧﺘﻔﺖ ﺍﻟﺒﺴﻤﺔ ﻣﻦ ﻋﻠﻰ ﻭﺟﻬﻬﺎ : ﻫــﺎﻩ
- ﺍﻟﻀﺎﺑﻂ : ﺃﻧﺎ ﻣﺴﻜﺘﻪ ﻋﺸﺎﻥ ﺑﻴﻌﻤﻞ ﺣﺎﺟﺎﺕ ﻏﻠﻂ ﻭﻭﺣﺸﺔ
- ﻓﺎﻃﻴﻤﺎ ﻭﻫﻲ ﺗﻬﺰ ﺭﺃﺳﻬﺎ : ﺃﻫﺎ
- ﺍﻟﻀﺎﺑﻂ ﻣﻜﻤﻼً : ﻭﻫﻴﺘﻌﺎﻗﺐ ﻋﻦ ﻛﻞ ﺣﺎﺟﺔ ﻏﻠﻂ ﻋﻤﻠﻬﺎ ، ﻗﻮﻟﻴﻠﻲ ﺑﻘﻰ ﻳﺎ ﻃﻤﻄﻢ ﻫﻮ ﻣﺠﺪﻱ ﺩﻩ ﻋﻤﻠﻚ ﺣﺎﺟﺔ
- ﻓﺎﻃﻴﻤﺎ ﻭﻫﻲ ﺗﻨﻈﺮ ﻷﺑﻴﻬﺎ ﺑﺨﻮﻑ : ﺁﺁﺁ ...
- ﺍﻟﻀﺎﺑﻂ : ﻣﺘﺨﺎﻓﻴﺶ ﻳﺎ ﺣﺒﻴﺒﺘﻲ ، ﻗﻮﻟﻴﻠﻲ ﻭﻣﺤﺪﺵ ﻫﻴﻌﻤﻠﻚ ﺣﺎﺟﺔ
- ﻓﺎﻃﻴﻤﺎ ﺑﺨﻮﻑ : ﺁﺁﺁ ... ﺃﻧﺎ .. ﺃﻧﺎ
- ﺻﻼﺡ : ﻃﻤﻄﻢ ﺣﺒﻴﺒﺘﻲ ﻗﻮﻟﻴﻠﻲ ﻣﺠﺪﻱ ﺩﻩ ﻋﻤﻠﻚ ﺣﺎﺟﺔ ، ﻗﻮﻟﻲ ﻳﺎ ﺑﻨﺘﻲ ﻭ ﻣﺘﺨﺎﻓﻴﺶ
- ﻓﺎﻃﻴﻤﺎ : ﺑﺲ .. ﺁﺁ ..
- ﺻﻼﺡ : ﺑﺲ ﺍﻳﻪ ؟
- ﻓﺎﻃﻴﻤﺎ : ﺃﺻﻞ ﻣﺎﻣﺎ ﻣﻤﻜﻦ ﺁﺁﺁ ...
- ﺻﻼﺡ : ﻣﻠﻜﻴﺶ ﺩﻋﻮﺓ ﺑﻤﺎﻣﺎ ، ﻫﻲ ﻣﺶ ﻫﺘﻌﺮﻑ ﺣﺎﺟﺔ ، ﺍﺣﻜﻴﻠﻲ ﻟﻌﻤﻮ ﻋﻦ ﻣﺠﺪﻱ ﺩﻩ ﻭﻫﻮ ﻫﻴﺘﻌﺎﻗﺐ ﻉ ﺍﻟﻠﻲ ﻋﻤﻠﻮﻩ
- ﻓﺎﻃﻴﻤﺎ : ﺣﺎﺿﺮ
ﺑﺪﺃﺕ ﻓﺎﻃﻴﻤﺎ ﻓﻲ ﻗﺺ ﻣﺎ ﺣﺪﺙ ﻣﻦ ﺗﺠﺎﻭﺯﺍﺕ ﻣﻦ ﻣﺠﺪﻱ ﻣﻌﻬﺎ ﺑﻜﻞ ﺑﺮﺍﺀﺓ ، ﺑﻴﻨﻤﺎ ﻛﺎﻥ ﻭﺟﻪ ﺻﻼﺡ ﻳﺤﺘﻘﻦ ﺑﺎﻟﺪﻣﺎﺀ ﻣﻊ ﻛﻞ ﻛﻠﻤﺔ ﻳﺴﻤﻌﻬﺎ ﻣﻦ ﺍﺑﻨﺘﻪ ﺍﻟﺼﻐﺮﻯ ، ﻛﻴﻒ ﻳﻤﻜﻦ ﻟﺬﺋﺐ ﻛﻬﺬﺍ ﺃﻥ ﻳﺴﺘﻐﻞ ﺳﺬﺍﺟﺔ ﻭﺑﺮﺍﺀﺓ ﻃﻔﻠﺔ ﻻ ﺗﻌﻲ ﺃﻱ ﺷﻲﺀ ﻣﻦ ﺍﺟﻞ ﺷﻬﻮﺍﺕ ﺣﻴﻮﺍﻧﻴﺔ ﺷﺎﺫﺓ
ﻭﻣﺎ ﺇﻥ ﺍﻧﺘﻬﻰ ﺍﻟﻀﺎﺑﻂ ﻣﻦ ﺳﺆﺍﻝ ﻓﺎﻃﻴﻤﺎ ﺣﺘﻰ ﺃﻋﻄﺎﻫﺎ ﺑﻌﺾ ﺍﻟﺤﻠﻮﻯ ﻟﺸﺠﺎﻋﺘﻬﺎ ﻭﻧﺼﺤﻬﺎ ﺑــ ...
- ﺍﻟﻀﺎﺑﻂ : ﺃﻱ ﺣﺪ ﻳﺎ ﻃﻤﻄﻢ ﻳﻘﻮﻟﻲ ﻉ ﺣﺎﺟﺔ ﻻﺯﻡ ﺗﺤﻜﻴﻬﺎ ﻣﻊ ﻣﺎﻣﺎ ﺃﻭ ﺑﺎﺑﺎ ، ﻭﻣﺘﺨﻠﻴﺶ ﺃﻱ ﺣﺪ ﻣﻬﻤﺎ ﻛﺎﻥ ﺍﻧﻪ ﻳﺤﻂ ﺍﻳﺪﻩ ﻋﻠﻴﻜﻲ ﺃﻭ ﻳﻠﻤﺴﻚ
- ﻓﺎﻃﻴﻤﺎ ﻭﻫﻲ ﺗﻬﺰ ﺭﺃﺳﻬﺎ ﺑﺎﻻﻳﺠﺎﺏ : ﺣﺎﺿﺮ
- ﺍﻟﻀﺎﺑﻂ : ﻭﻣﺘﺨﺎﻓﻴﺶ ﻣﻦ ﺃﻱ ﻏﻠﻂ ﻋﻤﻠﺘﻴﻪ ﻻﺯﻡ ﺗﻘﻮﻟﻲ ﻟﺤﺪ ﻛﺒﻴﺮ ، ﻣﺶ ﺗﺴﻜﺘﻲ
- ﻓﺎﻃﻴﻤﺎ : ﻃﻴﺐ
- ﺍﻟﻀﺎﺑﻂ : ﻭﺣﻀﺮﺗﻚ ﻳﺎ ﺍﺳﺘﺎﺫ ﺻﻼﺡ ﻻﺯﻡ ﺗﻜﻮﻥ ﺍﻛﺘﺮ ﻭﻋﻲ ﻟﻠﻨﺎﺱ ﺍﻟﻠﻲ ﺷﻐﺎﻟﻴﻦ ﻣﻌﺎﻙ ، ﻓﻲ ﻧﺎﺱ ﻛﺘﻴﺮ ﻧﻔﻮﺳﻬﺎ ﻣﺮﻳﻀﺔ ﻭﻧﻮﺍﻳﻬﺎ ﺧﺒﻴﺜﺔ ، ﻭﺍﻟﺤﻤﺪﻟﻠﻪ ﺍﻥ ﺍﻟﻤﻮﺿﻮﻉ ﺑﺎﻥ ﻓﻲ ﺑﺪﺍﻳﺘﻪ
- ﺻﻼﺡ : ﺣﺎﺿﺮ ﻳﺎ ﺣﻀﺮﺕ ﺍﻟﻈﺎﺑﻂ ، ﺍﻟﻐﻠﻂ ﻋﻨﺪﻱ ﺇﻧﻲ ﺁﻣﻨﺖ ﻋﻠﻰ ﺑﻨﺎﺗﻲ ﻣﻊ ﻛﻠﺐ ﺯﻱ ﺩﻩ ﻣﻦ ﻏﻴﺮ ﻣﺎ ﺃﺗﺄﻛﺪ ﻣﻨﻪ
...........................
ﻓﻲ ﻣﻜﺘﺐ ﻋﻼﺀ ،،،
ﺍﺳﺘﻐﻞ ﻋﻼﺀ ﻭﻗﺖ ﺍﻟﺮﺍﺣﺔ ﺍﻟﺨﺎﺹ ﺑﻪ ﻟﻴﻄﻠﺐ ﺇﺣﺪﻯ ﻗﺮﻳﺒﺎﺗﻪ ﻭﻳﺴﺘﻔﺴﺮ ﻣﻨﻬﺎ ﻋﻦ ...
- ﻋﻼﺀ ﻭﻫﻮ ﻳﺒﺤﺚ ﻋﻦ ﺭﻗﻢ ﻣﺎ ﺑﻬﺎﺗﻔﻪ : ﻣﻤﻤﻢ ... ﺃﻧﺎ ﻓﺎﻛﺮ ﺇﻧﻲ ﻣﺴﺠﻞ ﺭﻗﻤﻬﺎ ﻫﻨﺎ ، ﺃﻳﻮﻩ ﺃﻳﻮﻩ .. ﻫﻮ ﺩﻩ
ﺍﺗﺼﻞ ﻋﻼﺀ ﺑﻘﺮﻳﺒﺘﻪ ﺭﺿﻮﻯ ﻟﻜﻲ ﻳﻄﻠﺐ ﻣﻨﻬﺎ ﺧﺪﻣﺔ ﻣﺎ ﻭ ...
- ﻋﻼﺀ ﻫﺎﺗﻔﻴﺎً : ﺍﻟﻮﻭﻭ
- ﺭﺿﻮﻯ : ﺍﻟﻮﻭ ، ﺍﻳﻮﻩ ، ﻣﻴﻦ ﻣﻌﺎﻳﺎ ؟
- ﻋﻼﺀ : ﺍﻳﻪ ﺩﻩ ﻧﺴﻴﺘﻲ ﺻﻮﺗﻲ ﺑﺎﻟﺴﺮﻋﺔ ﺩﻱ
- ﺭﺿﻮﻯ ﺑﻌﺪﻡ ﻓﻬﻢ : ﺍﻧﺖ ﻣﻴﻦ ؟
- ﻋﻼﺀ : ﻣﺘﺨﺎﻓﻴﺶ ﻳﺎ ﺭﺿﻮﻯ ، ﺃﻧﺎ ﻋﻼﺀ
- ﺭﺿﻮﻯ : ﻋﻼﺀ ﻣﻴﻦ ؟
- ﻋﻼﺀ : ﻋﻼﺀ ﺍﺑﻦ ﻃﻨﻄﻚ ﺳﻨﺎﺀ ، ﻧﺴﻴﺘﻨﻲ
- ﺭﺿﻮﻯ ﻭﻗﺪ ﺗﺬﻛﺮﺗﻪ : ﺃﻫــــﺎ .. ﻋﻼﺀ .. ﺍﺯﻳﻚ ؟؟ ﻓﻴﻦ ﺃﺭﺍﺿﻴﻚ ﻳﺎ ﺑﻨﻲ ؟
- ﻋﻼﺀ : ﺍﻧﺎ ﺗﻤﺎﻡ ﻳﺎ ﺭﺿﻮﻯ ، ﺍﻧﺘﻲ ﻋﺎﻣﻠﺔ ﺍﻳﻪ ؟
- ﺭﺿﻮﻯ : ﺃﻧﺎ ﺍﻟﺤﻤﺪﻟﻠﻪ ﺑﺨﻴﺮ
- ﻋﻼﺀ : ﻳﺎ ﺭﺏ ﺩﺍﻳﻤﺎً ، ﺍﻟﻤﻬﻢ ﺃﻧﺎ ﻛﻨﺖ ﻋﺎﻭﺯﻙ ﻓﻲ ﺧﺪﻣﺔ
- ﺭﺿﻮﻯ : ﻗﻮﻝ ﻛﺪﻩ ﺑﻘﻰ ، ﺍﻧﺎ ﺑﺮﺿﻮﻩ ﺷﻜﻴﺖ ، ﺍﻧﺖ ﺩﺍﻳﻤﺎً ﺑﺘﺘﺼﻞ ﻟﻤﺎ ﺗﻜﻮﻥ ﻋﺎﻭﺯﺓ ﻣﺼﻠﺤﺔ ﻣﻦ ﺣﺪ
- ﻋﻼﺀ ﺿﺎﺣﻜﺎً : ﺩﺍﻳﻤﺎً ﻓﻬﻤﺎﻧﻲ ﻳﺎ ﺭﺿﻮﻯ
- ﺭﺿﻮﻯ : ﻫﺎ ، ﻗﻮﻝ ﻋﺎﻭﺯ ﺍﻳﻪ ؟
- ﻋﻼﺀ : ﺍﻧﺘﻲ ﻟﺴﻪ ﺑﺘﻄﻠﻌﻲ ﺭﺣﻼﺕ ﺯﻱ ﻋﻮﺍﻳﺪﻙ
- ﺭﺿﻮﻯ : ﺃﻫﺎ .. ﺍﻳﻮﻩ ﻟﺴﻪ ﺑﻨﻈﻢ ﺭﺣﻼﺕ
- ﻋﻼﺀ : ﻃﺐ ﻛﻮﻳﺲ ﺃﻭﻱ ، ﺍﻧﺘﻲ ﻫﺘﻄﻠﻌﻲ ﺭﺣﻠﺔ ﻗﺮﻳﺐ
- ﺭﺿﻮﻯ : ﺍﻳﻮﻩ
- ﻋﻼﺀ : ﺣﻠﻮ ﺟﺪﺍﺍﺍﺍ ، ﺃﻧﺎ ﻋﺎﻭﺯﻙ ﺑﻘﻰ ﺗﺤﺠﺰﻳﻠﻲ ﻓﻴﻬﺎ ﻟـ 2
- ﺭﺿﻮﻯ : ﻣﻤﻤﻢ ... ﻗﻮﻟﺘﻠﻲ ، ﻟﻤﻴﻦ ؟
- ﻋﻼﺀ ﺑﻔﺮﺣﺔ : ﻟﻴﺎ ﻭﻟﺨﻄﻴﺒﺘﻲ
- ﺭﺿﻮﻯ ﺑﻌﺪﻡ ﺗﺼﺪﻳﻖ : ﺍﻳﻪ ﺩﻩ ، ﻫﻮ ﺍﻧﺖ ﺧﻄﺒﺖ ؟
- ﻋﻼﺀ : ﺍﻳﻮﻩ ﻳﺎ ﺳﺖ ﺭﺿﻮﻯ ، ﺧﻄﺒﺖ ﻣﻦ ﻛﺎﻡ ﻳﻮﻡ
- ﺭﺿﻮﻯ : ﺃﻟﻒ ﺍﻟﻒ ﻣﺒﺮﻭﻭﻭﻙ ، ﻭﻣﻴﻦ ﺩﻱ ﺑﻘﻰ ﺗﻌﻴﺴﺔ ﺍﻟﺤﻆ ﺍﻟﻠﻲ ﻭﻗﻌﺖ ﻣﻌﺎﻙ
- ﻋﻼﺀ ﺑﻀﻴﻖ ﻭﺣﺪﺓ : ﺭﺿـــــﻮﻯ، ﺃﻧﺎ ﻣﺶ ﺑﺤﺐ ﺍﻟﻜﻼﻡ ﺩﻩ ، ﻭﺃﻇﻦ ﺍﻧﺘﻲ ﻋﺎﺭﻓﺔ ﺩﻩ ﻛﻮﻳﺲ
- ﺭﺿﻮﻯ : ﺳﻮﺭﻱ ﻣﻘﺼﺪﺵ ، ﺃﻧﺎ ﺑﻬﺰﺭ ﻣﻌﺎﻙ
- ﻋﻼﺀ ﺑﺤﺪﺓ : ﺍﻟﻤﻬﻢ ﻳﻌﻨﻲ ﻓﻲ ﻣﻜﺎﻥ ﻓﺎﺿﻲ ﻓﻲ ﺍﻟﺮﺣﻠﺔ ﺩﻱ
- ﺭﺿﻮﻯ ﻭﻫﻲ ﺗﺘﺤﺪﺙ ﺑﻠﻜﻨﺔ ﺟﺪﻳﺔ : ﺍﻩ ﻳﺎ ﻋﻼﺀ ﻓﻲ ﻣﻜﺎﻥ
- ﻋﻼﺀ : ﻃﺐ ﺍﺣﺠﺰﻳﻠﻲ ﻓﻴﻬﺎ
- ﺭﺿﻮﻯ ﺑﺘﺮﺩﺩ : ﺁﺁﺁ ...
- ﻋﻼﺀ : ﻫﺎ ﻳﺎ ﺭﺿﻮﻯ ؟
- ﺭﺿﻮﻯ : ﺍﻭﻙ ﺣﺎﺿﺮ ﻳﺎ ﻋﻼﺀ ﻋﺸﺎﻥ ﺧﺎﻃﺮﻙ ﺑﺲ
- ﻋﻼﺀ : ﺍﻭﻙ ، ﻭﻣﺘﻨﺴﻴﺶ ﺗﻌﻤﻠﻴﻠﻲ ﺗﺨﻔﻴﺾ ، ﻭﻻ ﺍﺣﻨﺎ ﻗﺮﺍﻳﺐ ﻉ ﺍﻟﻔﺎﺿﻲ
- ﺭﺿﻮﻯ ﻋﻠﻰ ﻣﻀﺾ : ﺍﺣﻢ ... ﺃﻩ ﻃﺒﻌﺎً
- ﻋﻼﺀ : ﻣﺎﺷﻲ ، ﻭﺃﻧﺎ ﻫﺒﻘﻰ ﺃﻋﺪﻱ ﻋﻠﻴﻜﻲ ﺍﺩﻳﻜﻲ ﺍﻟﻔﻠﻮﺱ
- ﺭﺿﻮﻯ : ﺍﻭﻙ
- ﻋﻼﺀ : ﻳﺎﻻ ﺳﻼﻡ
- ﺭﺿﻮﻯ : ﺑﺎﻱ
ﺃﻧﻬﺖ ﺭﺿﻮﻯ ﺍﻟﻤﻜﺎﻟﻤﺔ ﻣﻊ ﻋﻼﺀ ﻭﻫﻲ ﺗﺪﻋﻮ ﺍﻟﻠﻪ ﺃﻥ ﻳﻌﻴﻦ ﺗﻌﻴﺴﺔ ﺍﻟﺤﻆ ﺍﻟﺘﻲ ﺳﺘﺘﺰﻭﺝ ﻣﻨﻪ ﻭ ..
- ﺭﺿﻮﻯ ﻟﻨﻔﺴﻬﺎ : ﺍﻟﻠﻪ ﻳﻜﻮﻥ ﻓﻲ ﻋﻮﻥ ﺍﻟﺒﻨﺖ ﺍﻟﻠﻲ ﻫﺘﺠﻮﺯﻙ ، ﺑﺠﺪ ﺃﻧﺎ ﻣﺶ ﻋﺎﺭﻓﺔ ﺩﻱ ﻭﺍﻓﻘﺖ ﺍﺯﺍﻱ ﻉ ﺍﻻﺭﺗﺒﺎﻁ ﻣﻦ ﺃﺳﺎﺳﻪ ﺑﻴﻚ .. ﺩﻩ ﺍﻧﺖ .. ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ، ﺍﻧﺖ ﺯﻱ ﻣﺎ ﺍﻧﺖ ، ﻣﺎﺗﻐﻴﺮﺗﺶ