ﻟﻢ ﺗﺘﺤﻤﻞ ﻧﺪﻯ ﺃﻥ ﺗﺘﻠﻘﻰ ﺍﻟﻜﺜﻴﺮ ﻣﻦ ﺍﻻﻫﺎﻧﺎﺕ ﻭﺍﻻﺗﻬﺎﻣﺎﺕ ﺍﻟﺒﺎﻃﻠﺔ ، ﻓﺸﻌﺮﺕ ﺑﺄﻧﻬﺎ ﺃﺿﻌﻒ ﻣﻦ ﺃﻥ ﺗﺘﺤﻤﻞ ﻛﻞ ﻫﺬﺍ ، ﻓﺒﺪﺃﺕ ﺍﻟﺪﻧﻴﺎ ﺗﻈﻠﻢ ﻓﻲ ﻋﻴﻨﻴﻬﺎ ، ﻭﺿﻌﺖ ﻳﺪﻫﺎ ﻋﻠﻰ ﺭﺃﺳﻬﺎ ، ﻭﺑﺪﺃﺕ ﺗﺘﺮﻧﺢ ﻭﻫﻲ ﻭﺍﻗﻔﺔ ، ﺛﻢ ﺍﻧﻬﺎﺭﺕ ﻓﺎﻗﺪﺓ ﻟﻠﻮﻋﻲ .. ﻟﻤﺤﺘﻬﺎ ﻧﻴﺮﺓ ﻓﺼﺮﺧﺖ ﻋﻠﻰ ﺍﻟﻔﻮﺭ ..
- ﻧﺪﻯ ﻓﻲ ﻧﻔﺴﻬﺎ : ﻛﻔﺎﻳﺔ ﺣﺮﺍﻡ .. ﺃﻧﺎ ﻣﻌﻨﺘﺶ ﻗﺎﺩﺭﺓ ﺃﺳﺘﺤﻤﻞ ﺃﻛﺘﺮ ﻣﻦ ﻛﺪﻩ .. ﻷﻷ ﻛﺪﻩ ﻛﺘﻴﺮ
.. ﺁﺁﺁﺁﺁﻩ
- ﻧﻴﺮﺓ ﺑﺼﺮﻳﺦ : ﻧــــﺪﻯ ! ﻣﺎﻟﻚ
- ﻧﺪﻯ ﻭﻗﺪ ﺑﺪﺃﺕ ﺗﻔﻘﺪ ﺍﻟﻮﻋﻲ : ﺁﺁﺁ ....
ﺍﻧﺘﺒﻪ ﻳﻮﺳﻒ ﻟﺼﻮﺕ ﻧﻴﺮﺓ ، ﻓﺎﻟﺘﻔﺖ ﻟﻨﺪﻯ ﻋﻠﻰ ﺍﻟﻔﻮﺭ ، ﻭﻷﻧﻪ ﻛﺎﻥ ﺍﻷﻗﺮﺏ ﻟﻨﺪﻯ ﻓﺄﺳﺮﻉ ﺑﺎﻣﺴﺎﻛﻬﺎ ، ﻭﺿﻤﻬﺎ ﺇﻟﻴﻪ ﻭﻗﺪ ﻏﺎﺑﺖ ﻋﻦ ﺍﻟﻮﻋﻲ ﺗﻤﺎﻣﺎً !...
- ﻧﻴﺮﺓ ﺑﻔﺰﻉ : ﻧـــــــﺪﻯ
- ﻳﻮﺳﻒ ﺑﺨﻮﻑ ﺷﺪﻳﺪ : ﻧــــــﺪﻯ ، ﻣﺎﻟﻚ
- ﻓﺎﻃﻴﻤﺎ : ﻧﺪﻯ !
- ﻣﺮﻭﺍﻥ : ﻳﺎ ﺳﺎﺗﺮ ﻳﺎ ﺭﺏ
ﺃﻣﺴﻚ ﻳﻮﺳﻒ ﺑﻨﺪﻯ ﺑﻜﻠﺘﺎ ﺫﺭﺍﻋﻴﻪ ، ﻭﺭﻓﻌﻬﺎ ﻗﻠﻴﻼً ﺇﻟﻴﻪ ، ﺛﻢ ﻣﺪ ﺍﺣﺪ ﺫﺭﺍﻋﻴﻪ ﺧﻠﻒ ﻇﻬﺮﻫﺎ ، ﻭ ﺍﻷﺧﺮ ﺃﺳﻔﻞ ﺭﻛﺒﻴﺘﻬﺎ ﺛﻢ ﺣﻤﻠﻬﺎ ﻭﻭﺿﻌﻬﺎ ﻋﻠﻰ ﺃﻗﺮﺏ ﻣﻘﻌﺪ ﺛﻨﺎﺋﻲ ..
- ﻳﻮﺳﻒ ﻭﻫﻮ ﻳﺤﻤﻠﻬﺎ : ﻧﺪﻯ ، .. ﻧﺪﻯ
- ﻧﻴﺮﺓ : ﻧﺪﻯ ﺣﺼﻠﻚ ﺍﻳﻪ
- ﻣﺮﻭﺍﻥ : ﺍﺳﻨﺪﻫﺎ ﻫﻨﺎ ﻳﺎ ﻳﻮﺳﻒ
- ﻣﺎﻳﺎ ﺑﻘﺮﻑ : ﻫــﻪ
ﻭﻣﺎ ﺇﻥ ﻭﺿﻊ ﻳﻮﺳﻒ ﻧﺪﻯ ﻋﻠﻰ ﺍﻟﻤﻘﻌﺪ ﺣﺘﻰ ﻭﺿﻊ ﻛﻒ ﻳﺪﻩ ﻋﻠﻰ ﻭﺟﻨﺘﻬﺎ ﻟﻜﻲ ﻳﻬﺰ ﺭﺃﺳﻬﺎ ﻭﻳﺤﺎﻭﻝ ﺍﻓﺎﻗﺘﻬﺎ ﺑﻬﺪﻭﺀ ، ﻛﺎﻥ ﺍﻟﻘﻠﻖ ﻳﺒﺪﻭ ﺟﻠﻴﺎً ﻋﻠﻰ ﻭﺟﻬﻪ ﻭ ...
- ﻳﻮﺳﻒ ﺑﺨﻮﻑ : ﻧــــﺪﻯ .. ﺭﺩﻱ ﻋﻠﻴﺎ ! .. ﻧــــﺪﻯ
ﺃﻣﺴﻜﺖ ﻧﻴﺮﺓ ﺑﻜﻒ ﺍﺧﺘﻬﺎ ﻧﺪﻯ ﻭﻇﻠﺖ ﺗﻔﺮﻙ ﻓﻴﻪ ﺑﻜﻠﺘﺎ ﻳﺪﻳﻪ ﻟﻜﻲ ﺗﻔﻴﻖ ، ﻭﻟﻜﻦ ﺩﻭﻥ ﺟﺪﻭﻯ ..
- ﻧﻴﺮﺓ ﺑﺨﻮﻑ ﻭﻗﻠﻖ : ﻧـــﺪﻯ .. ﻳﺎ ﻧﺪﻯ ، ﺩﻱ .. ﺩﻱ ﺍﻳﺪﻫﺎ ﻣﺘﻠﺠﺔ ﺃﻭﻱ
- ﻣﺮﻭﺍﻥ : ﺍﻟﻤﻮﻗﻒ ﺻﻌﺐ ﻭﻣﺎﺳﺘﺤﻤﻠﺘﺶ
- ﻣﺎﻳﺎ : ﺩﻩ ﻛﻬﻦ ﺑﻨﺎﺕ
- ﻧﻴﺮﺓ : ﺍﺑﻌﺪﻱ ﻋﻨﻨﺎ ﺍﻟﺴﻌﺎﺩﻱ ، ﺍﻧﺘﻲ ﺍﻟﺴﺒﺐ
- ﻓﺎﻃﻴﻤﺎ ﻭﻫﻲ ﺗﺪﻓﻊ ﻣﺎﻳﺎ : ﺍﻣﺸﻲ ﺑﻌﻴﺪ ﻋﻦ ﺍﺧﺘﻲ ﻳﺎ ﻭﺣﺸﺔ
- ﻣﺎﻳﺎ ﻭﻫﻲ ﺗﻘﺎﻭﻣﻬﺎ : ﺍﺳﻜﺘﻲ ﻳﺎ ﺷﺒﺮ ﻭﻧﺺ !
ﻛﺎﻥ ﻳﻮﺳﻒ ﻳﺤﺎﻭﻝ ﺇﻓﺎﻗﺔ ﻧﺪﻯ ﺑﺄﻱ ﺷﻜﻞ ، ﻇﻞ ﻳﻀﺮﺏ ﻭﺟﻨﺘﻴﻬﺎ ﺑﺮﻓﻖ ﻟﻜﻲ ﺗﺴﺘﺠﻴﺐ ﻣﻌﻪ ، ﻛﺎﻧﺖ ﻣﺎﻳﺎ ﺗﻘﻒ ﻓﻲ ﺍﻟﺨﻠﻒ ﻭﺍﻟﻀﻴﻖ ﻳﻌﺘﺮﻳﻬﺎ ، ﻟﻢ ﺗﺮﻏﺐ ﻓﻲ ﺍﺳﺘﻤﺮﺍﺭ ﻳﻮﺳﻒ ﻓﻴﻤﺎ ﻳﻔﻌﻞ ، ﻟﺬﺍ ﺑﺪﺃﺕ ﺑﺎﻟﺴﺨﺮﻳﺔ ﻭﺍﻟﺘﻬﻜﻢ ﻋﻠﻰ ﻧﺪﻯ ﻭ ...
- ﻣﺎﻳﺎ ﺑﺘﻬﻜﻢ : ﺍﻳﻮﻩ ، ﺍﻋﻤﻠﻲ ﻧﻔﺴﻚ ﻣﻐﻤﻰ ﻟﻴﻜﻲ ، ﻓﺮﺻﺔ ﺗﻜﻤﻠﻲ ﺍﻟﻔﻴﻠﻢ ﺍﻟﺒﺎﻳﺦ ﺑﺘﺎﻋﻚ ﺩﻩ
- ﻳﻮﺳﻒ : ﻣﺎﻳﺎ .. ﻣﻦ ﻓﻀﻠﻚ ﺍﺳﻜﺘﻲ ﺑﻘﻰ
- ﻧﻴﺮﺓ ﺑﺼﻮﺕ ﺣﺎﺩ : ﻣﺎ ﺗﺤﺘﺮﻣﻲ ﻧﻔﺴﻚ ﺷﻮﻳﺔ ﻭﺗﺘﻜﻠﻤﻲ ﻋﻦ ﺍﺧﺘﻲ ﻋﺪﻝ
- ﻣﺎﻳﺎ : ﻣﺎﻫﻮ ﻭﺍﺿﺢ ﺍﻭﻱ ﺍﻥ ﺍﺧﺘﻚ ﺗﺼﺮﻓﺘﻬﺎ ﻋﺪﻝ
ﻛﺎﻥ ﺍﻟﻮﺿﻊ ﺷﺒﺔ ﻣﺘﺄﺯﻡ ، ﻭﻷﻥ ﻣﺮﻭﺍﻥ ﻋﻠﻰ ﻣﻌﺮﻓﺔ ﺑﺘﺼﺮﻓﺎﺕ ﻧﻴﺮﺓ ﺍﻟﻄﺎﺋﺸﺔ ﻭﺭﺩﻭﺩ ﻓﻌﻠﻬﺎ ﺍﻟﺴﺮﻳﻌﺔ ﻓﻜﺎﻥ ﻋﻠﻴﻪ ﺃﻥ ﻳﺘﺪﺧﻞ ﻓﻮﺭﺍً ،ﻟﺬﺍ ﻃﻠﺐ ﻣﻦ ﻣﺎﻳﺎ ﺃﻥ ﺗﻨﺰﻝ ﻣﻦ ﺍﻟﺤﺎﻓﻠﺔ ﻋﻠﻰ ﺍﻟﻔﻮﺭ ﻭ ...
- ﻣﺮﻭﺍﻥ ﻭﻫﻮ ﻳﺪﻓﻊ ﻣﺎﻳﺎ ﺑﺮﻓﻖ ﺑﻌﻴﺪﺍً : ﻣﺎﻳﺎ ، ﺑﻌﺪ ﺍﺫﻧﻚ ﻣﻤﻜﻦ ﺗﻨﺰﻟﻲ ﺍﻟﻮﻗﺘﻲ
- ﻣﺎﻳﺎ ﺭﺍﻓﻀﺔ : ﻷ .. ﻭﺃﻧﺰﻝ ﻟﻴﻪ ، ﺃﻧﺎ ﻋﺎﻭﺯﺓ ﺃﺷﻮﻑ ﺍﺧﺮﺕ ﺍﻟﺘﻤﺜﻴﻠﻴﺔ ﺩﻱ ﺍﻳﻪ
- ﻣﺮﻭﺍﻥ ﺑﺼﻮﺕ ﺧﺎﻓﺖ : ﺗﻤﺜﻴﻠﻴﺔ ﻭﻻ ﻣﺴﺮﺣﻴﺔ ﻓﻤﺎﻓﻴﺶ ﺩﺍﻋﻲ ﻷﻱ ﺗﻌﻠﻴﻖ ﻣﻨﻚ
- ﻣﺎﻳﺎ : ﺧﻼﺹ ﺧﻼﺹ .. ﺍﺩﻳﻨﻲ ﻫﺎﺳﻜﺖ
ﻇﻞ ﻳﻮﺳﻒ ﻳﻀﻐﻂ ﻗﻠﻴﻼً ﻋﻠﻰ ﺃﻋﻠﻰ ﺃﻧﻒ ﻧﺪﻯ ﺑﺎﺻﺒﻌﻴﻪ ﻛﻲ ﺗﺴﺘﺠﻴﺐ ﻫﻲ ﻟﻶﻟﻢ ، ﻭﺑﺎﻟﻔﻌﻞ ﺑﺪﺃﺕ ﺗﻠﻚ ﺍﻟﺤﺮﻛﺔ ﺗﺄﺗﻲ ﺑﺎﺳﺘﺠﺎﺑﺔ ﻭ ..
- ﻓﺎﻃﻴﻤﺎ ﺑﻌﺪﻡ ﻓﻬﻢ : ﺍﻧﺖ ﺑﺘﻌﻤﻞ ﺍﻳﻪ
- ﻳﻮﺳﻒ ﻣﻮﺿﺤﺎً : ﺃﻧﺎ ﺑﺤﺎﻭﻝ ﺃﻓﻮﻗﻬﺎ
- ﻓﺎﻃﻴﻤﺎ : ﺍﺯﺍﻱ
- ﻳﻮﺳﻒ ﻣﻜﻤﻼً : ﺃﻧﺎ ﺑﻀﻐﻂ ﺑﺎﻳﺪﻱ ﻋﻠﻰ ﺍﻟﺤﺘﺔ ﺩﻱ ﻫﻨﺎ ﻋﺸﺎﻥ ﺗﻔﻮﻕ ﻧﺪﻯ
- ﻓﺎﻃﻴﻤﺎ : ﺑﺲ ﻣﺶ ﻛﺪﻩ ﻫﺘﻮﺟﻌﻬﺎ
- ﻳﻮﺳﻒ : ﺍﻳﻮﻩ ، ﻭﺩﻩ ﺍﻟﻠﻲ ﺍﻧﺎ ﻋﺎﻭﺯﻩ
ﻟﻢ ﺗﺘﺤﻤﻞ ﻣﺎﻳﺎ ﻣﺎ ﻳﻘﻮﻡ ﺑﻪ ﻳﻮﺳﻒ ، ﻓﻘﺮﺭﺕ ﺃﻥ ﺗﺘﺼﺮﻑ ﻫﻲ ، ﺣﻴﺚ ﺃﺧﺮﺟﺖ ﻣﻦ ﺣﻘﻴﺒﺘﻬﺎ ﺯﺟﺎﺟﺔ ﻣﻴﺎﻩ ، ﺛﻢ ﻓﺘﺤﺘﻬﺎ ﻭﺍﻗﺘﺮﺑﺖ ﻣﻦ ﻧﺪﻯ ...
- ﻣﺎﻳﺎ ﺑﻐﻴﻆ : ﻷ ﻛﺪﻩ ﻛﺘﻴﺮ ... ﺃﻧﺎ ﻣﺶ ﻫﺄﻗﺪﺭ ﺃﻗﻒ ﺳﺎﻛﺘﺔ ﺍﺗﻔﺮﺝ ﻉ ﺍﻟﻠﻲ ﺑﻴﺤﺼﻞ
ﻭﻓﺠـــﺄﺓ ﺭﺷﻘﺖ ﻣﺎﻳﺎ ﻭﺟﻪ ﻧﺪﻯ ﺑﺎﻟﻤﻴﺎﻩ ﻭﺳﻂ ﺫﻫﻮﻝ ﺍﻟﺠﻤﻴﻊ ﻭ ...
ﻃﺸﺸﺸﺸﺸﺸﺸﺶ
- ﻳﻮﺳﻒ ﻓﺎﻏﺮﺍً ﻓﺎﻩ : ﻫـــﺎﻩ
- ﻧﻴﺮﺓ ﺑﺬﻫﻮﻝ : ﺍﻳﻪ ﺩﻩ
- ﻣﺎﻳﺎ : ﺧـــﺪﻱ ، ﺍﻟﻮﻗﺘﻲ ﻛﺪﻩ ﻫﺘﻔﻮﻗﻲ
- ﻣﺮﻭﺍﻥ : ﻳﺎﺩﻱ ﺍﻟﻨﺼﻴﺒﺔ
- ﻓﺎﻃﻴﻤﺎ : ﺍﻳﻪ ﺍﻟﻤﻴﺎﻩ ﺩﻱ
- ﻳﻮﺳﻒ ﺑﺼﻮﺕ ﺣﺎﺩ : ﺍﻳﻪ ﺍﻟﻠﻲ ﻋﻤﻠﺘﻴﻪ ﺩﻩ ﻳﺎ ﻣﺎﻳﺎ ؟؟؟ ﻓﻲ ﺣﺪ ﻳﺘﺼﺮﻑ ﻛﺪﻩ
- ﻣﺎﻳﺎ : ﻫﻮ ﺩﻩ ﺍﻟﻠﻲ ﻋﻨﺪﻱ
- ﻧﻴﺮﺓ ﻭﺍﻟﻐﻀﺐ ﻳﻌﻠﻮ ﻭﺟﻬﻬﺎ : ﻭﺭﺑﻨﺎ ﻣﺎﺳﻴﺒﺎﻛﻲ
ﺍﻧﻘﻀﺖ ﻧﻴﺮﺓ ﻋﻠﻰ ﻣﺎﻳﺎ ﻛﻤﺎ ﻳﻨﻘﺾ ﺍﻷﺳﺪ ﻋﻠﻰ ﻓﺮﻳﺴﺘﻪ ، ﺣﻴﺚ ﺍﻧﺪﻓﻌﺖ ﺑﻜﻞ ﻗﻮﺓ ﺗﺠﺎﻩ ﻣﺎﻳﺎ ، ﻣﻤﺎ ﺟﻌﻠﻬﺎ ﺗﺮﺗﺪ ﻟﻠﺨﻠﻒ ﻭﺗﺴﻘﻂ ﻋﻠﻰ ﺍﻟﻤﻘﻌﺪ ﺍﻟﻤﺠﺎﻭﺭ ، ﺛﻢ ﺃﺧﺬﺕ ﻧﻴﺮﺓ ﺗﺠﺬﺑﻬﺎ ﺑﺸﺪﺓ ﻣﻦ ﺷﻌﺮﻫﺎ ، ﻭﺗﻀﺮﺑﻬﺎ ﺑﻴﺪﻳﻬﺎ ﻋﻠﻰ ﺟﺴﺪﻫﺎ ، ﺑﻞ ﺇﻧﻬﺎ ﻏﺮﺯﺕ ﺃﻧﻴﺎﺑﻬﺎ ﻓﻲ ﺫﺭﺍﻉ ﻣﺎﻳﺎ ﺍﻟﺘﻲ ﻛﺎﻧﺖ ﺗﺴﺘﻐﻴﺐ ﺑﻴﻮﺳﻒ ﻭﻣﺮﻭﺍﻥ ﻭ ..
- ﻧﻴﺮﺓ ﻭﻫﻲ ﺗﻜﻴﻞ ﻟﻤﺎﻳﺎ : ﺩﻩ ﺍﻧﺎ ﻫﺎﻃﻠﻊ ﻏﻠﺐ ﺍﻟﻨﻬﺎﺭﺩﺓ ﻓﻴﻜﻲ
- ﻣﺎﻳﺎﺑﺼﺮﻳﺦ : ﻋﺎﺍﺍ ... ﺍﻟﺤﻘﻮﻭﻭﻧﻲ ، ﺳﻴﺒﻨﻲ ﻳﺎ ﻣﺘﻮﺣﺸﺔ ، ﺍﺑﻌﺪﻱ ﻋﻨﻲ
- ﻧﻴﺮﺓ : ﺍﺣﻨﺎ ﻛﻨﺎ ﻧﺎﻗﺼﻴﻨﻚ ، ﺧــــﺪﻱ !..
- ﻣﺎﻳﺎ ﻣﺴﺘﻐﻴﺜﺔ : ﺍﻟﺤﻘﻨﻲ ﻳﺎ ﻳﻮﺳﻒ ، ﺍﻟﺤﻘﻨﻲ ﻳﺎ ﻣﺮﻭﺍﻥ ، ﻫﺎﻣﻮﺕ ﻓﻲ ﺍﻳﺪ ﺍﻟﺒﺖ ﺩﻱ
ﻟﻢ ﻳﻜﻦ ﺃﻣﺎﻡ ﻣﺮﻭﺍﻥ ﺳﻮﻯ ﺍﻟﺘﺪﺧﻞ ﻭﺍﻟﻔﺼﻞ ﺑﻴﻦ ﺍﻻﺛﻨﻴﻦ ، ﻓﻘﺎﻡ ﺑﺠﺬﺏ ﻧﻴﺮﺓ ﺑﻌﻴﺪﺍً ﻋﻦ ﻣﺎﻳﺎ ﻣﻦ ﺫﺭﺍﻋﻬﺎ ، ﻭﺣﺎﻭﻝ ﺍﺑﻌﺎﺩﻫﺎ ﻟﻠﺨﻠﻒ ، ﻭﺣﻴﻨﻤﺎ ﻧﺠﺢ ﻓﻲ ﻫﺬﺍ ﻭﻗﻒ ﺣﺎﺋﻼً ﺑﻴﻨﻬﺎ ﻭﺑﻴﻦ ﻣﺎﻳﺎ .. ﺣﻴﺚ ﻛﺎﻥ ﻇﻬﺮﻩ ﻟﻨﻴﺮﺓ ﻭﻭﺟﻬﻪ ﻟﻤﺎﻳﺎ ﻭ ...
- ﻣﺮﻭﺍﻥ : ﻣﺎﻳﻨﻔﻌﺶ ﻛﺪﻩ ﻳﺎ ﺟﻤﺎﻋﺔ
- ﻣﺎﻳﺎ ﻭﻫﻲ ﺗﺪﻓﻊ ﻧﻴﺮﺓ : ﺣﻮﺷﻬﺎ ﻋﻨﻲ
- ﻣﺮﻭﺍﻥ : ﺍﺑﻌﺪﻱ ﻳﺎ ﻧﻴﺮﺓ ﻋﻨﻬﺎ
- ﻧﻴﺮﺓ : ﻣﺶ ﻫﺎﺳﻴﺒﻬﺎ ﺍﻟﻨﻬﺎﺭﺩﺓ
- ﻣﺮﻭﺍﻥ : ﻛﻔﺎﺍﺍﻳﺔ
- ﻣﺎﻳﺎ ﻣﺘﺂﻟﻤﺔ : ﺁﺁﺁﻩ .. ﻳﺎ ﺑﻴﺌﺔ ﻳﺎ ﻟﻮﻛﺎﻝ
ﺣﺎﻭﻝ ﻳﻮﺳﻒ ﺗﺠﻔﻴﻒ ﻭﺟﻪ ﻧﺪﻯ ﻭﻣﺴﺢ ﺍﻟﻤﻴﺎﻩ ﻋﻦ ﻭﺟﻬﻬﺎ ، ﻭﻓﻲ ﻧﻔﺲ ﺍﻟﻮﻗﺖ ﺑﺪﺃﺕ ﻧﺪﻯ ﺗﺴﺘﻌﻴﺪ ﻭﻋﻴﻬﺎ ﺗﺪﺭﻳﺠﻴﺎً ، ﻣﻤﺎ ﺟﻌﻞ ﻳﻮﺳﻒ ﻳﺴﺘﻤﺮ ﻓﻴﻤﺎ ﻳﻔﻌﻞ ، ﺑﺎﻻﺿﺎﻓﺔ ﺇﻟﻰ ﺗﺪﻟﻴﻜﻪ ﻟﻜﻒ ﻳﺪﻫﺎ ﺑﻜﻠﺘﺎ ﻳﺪﻳﻪ ﻭ ..
- ﻧﺪﻯ ﻭﻫﻲ ﺗﺤﺮﻙ ﺭﺃﺳﻬﺎ ﻗﻠﻴﻼً : ﺁﺁ ..... ﺁﺁ
- ﻳﻮﺳﻒ : ﻧـــﺪﻯ .. ﻧﺪﻯ
- ﻓﺎﻃﻴﻤﺎ : ﻫﻲ ﺑﺘﻔﻮﻕ، ﺻﺢ ؟
- ﻳﻮﺳﻒ ﺑﻠﻬﻔﺔ : ﺍﻳﻮﻩ .. ﻧـــﺪﻯ .. ﺳﻤﻌﺎﻧﻲ .. ﻳﺎ ﻧﺪﻯ
....
ﺣﺠﺰ ﻣﺮﻭﺍﻥ ﻧﻴﺮﺓ ﻓﻲ ﺍﻟﺠﺰﺀ ﺍﻟﺨﻠﻒ ﻣﻦ ﺍﻟﺤﺎﻓﻠﺔ ﺑﺠﺴﺪﻩ ، ﻭﺭﻏﻢ ﺃﻧﻬﺎ ﻛﺎﻧﺖ ﺿﺌﻴﻠﺔ ﺍﻟﺤﺠﻢ ﺑﺎﻟﻨﺴﺒﺔ ﺇﻟﻴﻪ ﺇﻻ ﺍﻧﻬﺎ ﻛﺎﻧﺖ ﺗﺤﺎﻭﻝ ﺑﻜﻞ ﻣﺎ ﺍﺳﺘﻄﺎﻋﺖ ﻣﻦ ﻗﻮﺓ ﺃﻥ ﺗﻄﻮﻝ ﻣﺎﻳﺎ ﺑﻴﺪﻫﺎ ﻭ ..
- ﻧﻴﺮﺓ ﻭﻫﻲ ﺗﻤﺪ ﺫﺭﺍﻋﻴﻬﺎ : ﺍﻭﻋﻰ ﺑﺲ ، ﺧﻠﻴﻨﻲ ﺍﺟﻴﺒﻬﺎ ﻣﻦ ﺷﻌﺮﻫﺎ
- ﻣﺮﻭﺍﻥ : ﺍﻫﺪﻱ ﺍﻧﺘﻲ ﺍﻟﺘﺎﻧﻴﺔ
- ﻣﺎﻳﺎ : ﺃﻧﺎ ﻫﺎﻋﻤﻠﻚ ﻣﺤﻀﺮ ﻭﺃﺳﺠﻨﻚ
- ﻧﻴﺮﺓ : ﺗﺴﺠﻴﻨﻲ ﻣﻴﻦ ﻳﺎ ﻣﻌﺼﻌﺼﺔ ﻳﺎ ﺑﻨﺖ ﺍﻟـ *****
- ﻣﺮﻭﺍﻥ ﺑﺤﺪﺓ : ﺑﺴﺴﺴﺴﺴﺴﺲ .. ﺷﺘﻴﻤﺔ ﻭﻗﻠﺔ ﺁﺩﺏ ﻷ
- ﻣﺎﻳﺎ : ﺧﻠﻴﻚ ﺷﺎﻫﺪ ﻫﻲ ﺑﺘﻌﻤﻞ ﺍﻳﻪ ، ﻭﺃﺩﻱ ﺃﻭﻝ ﻗﻀﻴﺔ ﻫﺮﻓﻌﻬﺎ ﺿﺪﻙ
- ﻧﻴﺮﺓ : ﺍﺭﻓﻌﻲ ﺍﻥ ﺷﺎﺀ ﺍﻟﻠﻪ ﻋﺸﺮﺓ ﻫﻮ ﺃﻧﺎ ﻳﻬﻤﻨﻲ
- ﻣﺮﻭﺍﻥ : ﺑﺲ ﺃﻧﺎ ﻳﻬﻤﻨﻲ
- ﻣﺎﻳﺎ : ﺃﻧﺎ ﻫﻌﻤﻠﻚ ﻣﺤﻀﺮ ﻭﺍﺗﻬﻤﻚ ﻓﻴﻪ ﺑﺎﻟﺴﺐ ﻭﺍﻟﻘﺬﻑ ﻳﺎ ﺗﺮﺑﻴﺔ ﺍﻟﺸﻮﺍﺭﻉ ، ﻭﻫﺴﺠﻨﻚ
- ﻣﺮﻭﺍﻥ : ﺍﻧﺰﻟﻲ ﻳﺎ ﻣﺎﻳﺎ ﻣﻦ ﺍﻟﺒﺎﺹ ، ﻛﻔﺎﻳﺔ ﻛﺪﻩ
- ﻣﺎﻳﺎ : ﺍﻥ ﻣﺎ ﻭﺭﻳﺘﻚ ، ﻣﺎﺑﻘﺎﺵ ﺍﻧﺎ ﻣﺎﻳﺎ !!!!
ﻧﺰﻟﺖ ﻣﺎﻳﺎ ﻣﻦ ﺍﻟﺤﺎﻓﻠﺔ ﻭﻫﻲ ﻋﺎﺯﻣﺔ ﻋﻠﻰ ﺭﺩ ﺍﻟﺼﺎﻉ ﺻﺎﻋﻴﻦ ﻟﻨﻴﺮﺓ ﻭﺍﺧﺘﻬﺎ .. ﺑﻴﻨﻤﺎ ﺻﺎﺡ ﻣﺮﻭﺍﻥ ﺑﻨﻴﺮﺓ ﺃﻥ ﺗﻜﻒ ﻋﻤﺎ ﺗﻔﻌﻞ ﻭ ...
- ﻣﺮﻭﺍﻥ ﺑﺤﺪﺓ : ﺍﺭﺣﻤﻲ ﻧﻔﺴﻚ ﺷﻮﻳﺔ
- ﻧﻴﺮﺓ : ﺍﻧﺖ ﻣﺶ ﺷﺎﻳﻒ ﻋﻤﻠﺖ ﺍﻳﻪ
- ﻣﺮﻭﺍﻥ : ﺃﻩ ﺷﻮﻓﺖ ، ﻭﺍﻧﺘﻲ ﺍﺗﺼﺮﻓﺘﻲ ﻏﻠﻄﺖ
- ﻧﻴﺮﺓ ﺑﺼﻮﺕ ﻣﺮﺗﻔﻊ ﻭﻧﺮﻓﺰﺓ : ﻭﺍﻧﺖ ﻣﺎﻟﻚ
- ﻣﺮﻭﺍﻥ ﺑﻨﻈﺮﺍﺕ ﺣﺎﺩﺓ : ﻣﺘﻌﻠﻴﺶ ﺻﻮﺗﻚ ﻭﺍﻧﺘﻲ ﺑﺘﺘﻜﻠﻤﻲ ﻣﻌﺎﻳﺎ ، ﻓﺎﻫﻤﺔ !
- ﻓﺎﻃﻴﻤﺎ ﺑﺼﻮﺕ ﻣﺮﺗﻔﻊ : ﻧﺪﻯ ﻓﺎﻗﺖ ، ﻧﺪﻯ ﻓـــﺎﻗﺖ
ﺃﻭﻗﻒ ﻣﺮﻭﺍﻥ ﺷﺠﺎﺭﻩ ﻣﻊ ﻧﻴﺮﺓ ﺣﻴﻨﻤﺎ ﺳﻤﻊ ﺑﺄﻥ ﻧﺪﻯ ﻗﺪ ﺃﻓﺎﻗﺖ ، ﻭﺃﺳﺮﻉ ﺍﻻﺛﻨﻴﻦ ﻓﻲ ﺍﺗﺠﺎﻩ ﻧﺪﻯ ﺍﻟﺘﻲ ﺑﺎﻟﻔﻌﻞ ﻛﺎﻧﺖ ﻗﺪ ﺍﺳﺘﻌﺎﺩﺕ ﻭﻋﻴﻬﺎ ﻭ ..
- ﻳﻮﺳﻒ : ﻧـــﺪﻯ ..
- ﻧﺪﻯ : ﺁﺁﺁﻩ
- ﻧﻴﺮﺓ : ﻧﺪﻯ ... ﺍﻧﺘﻲ ﻛﻮﻳﺴﺔ
- ﻣﺮﻭﺍﻥ : ﻧﺪﻯ ، ﺳﻤﻌﺎﻧﺎ ﻛﻮﻳﺲ ؟؟
- ﻧﺪﻯ : ﺍﻫﺎ
- ﻳﻮﺳﻒ ﺑﻘﻠﻖ : ﺣﺎﺳﺔ ﺑﺎﻳﻪ ﻗﻮﻟﻴﻠﻲ ؟؟
- ﻧﺪﻯ : ﺻﺪﺍﻉ .. ﺟﺎﻣﺪ
- ﻳﻮﺳﻒ : ﻣﻌﻠﺶ ﺍﻟﻮﻗﺘﻲ ﻫﺎﻳﺮﻭﺡ
- ﻧﻴﺮﺓ : ﺍﻟﺤﻤﺪﻟﻠﻪ ﺍﻧﻚ ﻓﻮﻗﺘﻲ
- ﻳﻮﺳﻒ : ﻣﺮﻭﺍﻥ ﺍﻧﺰﻝ ﺑﺴﺮﻋﺔ ﻫﺎﺕ ﻋﺼﻴﺮ ﻣﻦ ﺃﻱ ﺣﺪ ﻟﻨﺪﻯ
- ﻣﺮﻭﺍﻥ : ﺃﻭﻙ ﻉ ﻃﻮﻝ
- ﻧﺪﻯ ﻭﻫﻲ ﺗﻀﻊ ﻳﺪﻫﺎ ﻋﻠﻰ ﺭﺃﺳﻬﺎ : ﻣﺎﻓﻴﺶ ﺩﺍﻋﻲ
- ﻳﻮﺳﻒ : ﻷ ﻻﺯﻡ ﺗﺎﺧﺪﻱ ﺣﺎﺟﺔ ﻣﺴﻜﺮﺓ .. ﺣﺎﺟﺔ ﺗﻔﻮﻗﻚ ﻛﺪﻩ
- ﻧﻴﺮﺓ : ﺍﻳﻮﻩ ﻫﻮ ﺑﻴﺘﻜﻠﻢ ﺻﺢ
ﺗﺮﺟﻞ ﻣﺮﻭﺍﻥ ﻣﻦ ﺍﻟﺤﺎﻓﻠﺔ ﻭﺗﺠﻮﻩ ﻋﻠﻰ ﺃﻗﺮﺏ ﻛﺸﻚ ﻳﺒﻴﻊ ﺍﻟﻌﺼﺎﺋﺮ ﻭﺍﻟﺤﻠﻮﻯ ﻟﻜﻲ ﻳﺸﺘﺮﻱ ﻣﻨﻪ ﻋﺼﻴﺮﺍً ﻣﺜﻠﺠﺎً ﻟﻨﺪﻯ ..
ﻓﻲ ﻧﻔﺲ ﺍﻟﻮﻗﺖ ﻛﺎﻧﺖ ﻧﻴﺮﺓ ﺗﺸﻌﺮ ﺑﺎﻟﻀﻴﻖ ﻷﻥ ﻣﺮﻭﺍﻥ ﻛﺎﻥ ﻳﻠﻮﻣﻬﺎ ﻟﺪﻓﺎﻋﻬﺎ ﻋﻦ ﺃﺧﺘﻬﺎ ، ﻭﻇﻨﺖ ﺃﻧﻪ ﻳﻘﻒ ﺑﺼﻒ ﺻﺪﻳﻘﺘﻪ ( ﺍﻟﻐﺒﻴﺔ ) ﻛﻤﺎ ﺃﺳﻤﺘﻬﺎ ..
- ﻧﻴﺮﺓ ﻓﻲ ﻧﻔﺴﻬﺎ : ﺑﺘﻘﻒ ﻣﻊ ﺍﻟﻐﺒﻴﺔ ﺩﻱ ﺿﺪﻱ ، ﻭﺗﺤﺎﻣﻴﻠﻬﺎ ﻭﻫﻲ ﺍﻟﻐﻠﻄﺎﻧﺔ ، ﻣﺎﺷﻲ ﻳﺎ .. ﻳﺎ ﻣﺮﻭﺍﻥ .. ﻣﺎﻫﻮ ﺍﻟﻮﺍﺣﺪ ﻏﻠﻄﺎﻥ ﺍﻧﻪ ﺑﻴﻌﻤﻞ ﻟﻠﻲ ﺯﻳﻚ ﻗﻴﻤﺔ !..
ﺧﻔﺖ ﺣﺪﺓ ﺍﻟﻘﻠﻖ ﻟﺪﻯ ﻳﻮﺳﻒ ﺣﻴﻨﻤﺎ ﻭﺟﺪ ﻧﺪﻯ ﺗﺘﺤﺪﺙ ﻣﻌﻪ ، ﺣﺎﻭﻟﺖ ﻧﺪﻯ ﺃﻥ ﺗﻨﻬﺾ ﻣﻦ ﻣﻜﺎﻧﻬﺎ ، ﻭﻟﻜﻦ ﺭﻓﺾ ﻳﻮﺳﻒ ﺃﻥ ﺗﺘﺤﺮﻙ ، ﺛﻢ ﺳﺎﻋﺪﺕ ﻧﻴﺮﺓ ﻧﺪﻯ ﻓﻲ ﺍﻻﻋﺘﺪﺍﻝ ﻓﻲ ﺟﻠﺴﺘﻬﺎ ، ﻭﺭﻏﻢ ﻫﺬﺍ ﻇﻠﺖ ﻧﺪﻯ ﻣﻐﻤﻀﺔ ﺍﻟﻌﻴﻨﻴﻦ ..
- ﻧﺪﻯ : ﺃﻧﺎ .. ﺃﻧﺎ ﻋﺎﻭﺯﺓ ﺃﻗﻮﻡ
- ﻳﻮﺳﻒ ﺭﺍﻓﻀﺎ : ﻷ ﻣﺶ ﻫﺎﻳﻨﻔﻊ
- ﻧﻴﺮﺓ : ﺧﻠﻴﻜﻲ ﺃﻋﺪﺓ ﻳﺎ ﻧﺪﻯ ﻟﺤﺪ ﻣﺎ ﺗﻔﻮﻗﻲ ﺧﺎﻟﺺ
- ﻧﺪﻯ : ﺍﻧﺎ ﺑﻘﻴﺖ ﻛﻮﻳﺴﺔ
- ﻳﻮﺳﻒ ﻣﻮﺟﻬﺎً ﺣﺪﻳﺜﻪ ﻟﻨﻴﺮﺓ : ﻃﺐ ﺳﺎﻋﺪﻳﻬﺎ ﺗﻘﻌﺪ ﻋﺪﻝ
- ﻧﻴﺮﺓ ﻭﻫﻲ ﺗﻬﺰ ﺭﺃﺳﻬﺎ ﺑﺎﻳﺠﺎﺏ : ﺃﻭﻙ
ﻛﺎﻧﺖ ﻧﺪﻯ ﺗﺸﻌﺮ ﺃﻥ ﻣﻼﺑﺴﻬﺎ ﺭﻃﺒﺔ ، ﻓﻮﺿﻌﺖ ﻳﺪﻫﺎ ﻋﻠﻰ ﺻﺪﺭﻫﺎ ﻟﺘﺘﺤﺴﺴﻪ، ﻭﺑﺎﻟﻔﻌﻞ ﻭﺟﺪﺕ ﺃﻥ ﻣﻼﺑﺴﻬﺎ ﻣﺒﺘﻠﺔ ﻣﻦ ﺍﻷﻣﺎﻡ ﻧﺘﻴﺠﺔ ﺍﻟﻘﺎﺀ ﻣﺎﻳﺎ ﺑﺎﻟﻤﺎﺀ ﻋﻠﻴﻬﺎ ﻭ ..
- ﻧﺪﻯ ﻭﻫﻲ ﻣﻐﻤﻀﺔ ﺍﻟﻌﻴﻨﻴﻦ : ﻣﺶ ﻋﺎﺭﻓﺔ ﻟﻴﻪ ﺣﺎﺳﺔ ﺍﻥ .. ﺍﻥ ﻫﺪﻭﻣﻲ ﻣﺒﻠﻮﻟﺔ
- ﻧﻴﺮﺓ : ﺃﺻﻞ .. ﺁﺁ ... ﻓﻲ ﺑﺖ ﻏﺒﻴﺔ ﺣﺪﻓﺖ ﻋﻠﻴﻜﻲ ﻣﻴﺎﻩ
- ﻳﻮﺳﻒ : ﺍﺣﻢ .. ﻣﻌﻠﺶ ، ﺍﻟﻮﻗﺘﻲ ﺃﻧﺎ ﻫﺎﺗﺼﺮﻑ
- ﻧﺪﻯ ﺑﺎﺣﺮﺍﺝ ﻭﻗﺪ ﻓﺘﺤﺖ ﻋﻴﻨﻴﻬﺎ : ﻫﺎﻩ ..
ﺗﺼﻮﺭﺕ ﻧﺪﻯ ﺃﻧﻬﺎ ﻛﺎﻧﺖ ﺗﺘﺨﻴﻞ ﺳﻤﺎﻋﻬﺎ ﻟﺼﻮﺕ ﻳﻮﺳﻒ ، ﻭﻟﻜﻦ ﺣﻴﻨﻤﺎ ﺃﺻﺒﺤﺖ ﺗﻘﺮﻳﺒﺎً ﻭﺍﻋﻴﺔ ﻟﻜﻞ ﻣﺎﻳﺤﺪﺙ ﻣﻦ ﺣﻮﻟﻬﺎ ، ﻭﺃﺩﺭﻛﺖ ﺃﻥ ﻳﻮﺳﻒ ﺑﺎﻟﻔﻌﻞ ﻭﺍﻗﻒ ﺑﺠﻮﺍﺭﻫﺎ ﺷﻌﺮﺕ ﺑﺎﻻﺣﺮﺍﺝ ﻣﻨﻪ، ﻓﻀﻤﺖ ﺑﻜﻠﺘﺎ ﻳﺪﻳﻬﺎ ﺻﺪﺭﻫﺎ ﻟﻜﻲ ﺗﺪﺍﺭﻳﻪ ، ﻷﻧﻬﺎ ﺗﻮﻫﻤﺖ ﺃﻥ ﻣﻼﺑﺴﻬﺎ ﺃﺻﺒﺤﺖ ﺷﻔﺎﻓﺔ ﻭﻛﻞ ﺷﻲﺀ ﺑﺎﻷﺳﻔﻞ ﺑﺎﺕ ﻭﺍﺿﺤﺎً ﻟﻪ .. ﻓﻤﺠﺮﺩ ﻭﺭﻭﺩ ﺗﻠﻚ ﺍﻟﻔﻜﺮﺓ ﻓﻲ ﻣﺨﻴﻠﺘﻬﺎ ﺟﻌﻞ ﻭﺟﻨﺘﻴﻬﺎ ﺗﻜﺘﺴﻲ ﺑﺎﻟﺤﻤﺮﺓ ﻭ ..
- ﻧﺪﻯ ﻭﻗﺪ ﺿﻤﺖ ﺻﺪﺭﻫﺎ ﺑﻜﻠﺘﺎ ﺫﺭﺍﻋﻴﻬﺎ : ﺍﻧﺖ ... ﺍﻧﺖ ﻣـ .. ﻣﻮﺟﻮﺩ
- ﻳﻮﺳﻒ ﻭﻗﺪ ﺃﺩﺍﺭ ﻭﺟﻬﻪ ﺍﻟﻨﺎﺣﻴﺔ ﺍﻷﺧﺮﻯ : ﺁﺁﺁ .. ﺍﻫــﺎ .. ﻣﺘﻘﻠﻘﻴﺶ ، ﻛﻞ ﺣﺎﺟﺔ ﻫﺘﺘﺤﻞ
- ﻓﺎﻃﻴﻤﺎ : ﺍﻟﺤﻤﺪﻟﻠﻪ ﺍﻧﻚ ﻓﻮﻗﺘﻲ ﻳﺎ ﻧﻮﺩﺓ ، ﺃﻧﺎ ﻛﻨﺖ ﺧﺎﻳﻔﺔ ﻋﻠﻴﻜﻲ
- ﻧﺪﻯ : ﺷﻜﺮﺍً ﻳﺎ ﻃﻤﻄﻢ
ﺗﻮﺟﻪ ﻳﻮﺳﻒ ﺇﻟﻰ ﺍﻟﻤﻜﺎﻥ ﺍﻟﺬﻱ ﻳﺠﻠﺲ ﻓﻴﻪ ، ﺛﻢ ﺃﻧﺰﻝ ﺣﻘﻴﺒﺘﻪ ﺍﻟﺨﺎﺻﺔ ﻣﻦ ﺃﻋﻠﻰ ﺍﻟﺮﻑ ﺑﺎﻟﺤﺎﻓﻠﺔ ، ﻭﺑﺤﺚ ﻓﻴﻬﺎ ﻋﻦ ( ﺗﻲ ﺷﻴﺮﺗﻪ ) ﺍﻟﺨﺎﺹ ﻭﺍﻟﺬﻱ ﻳﺤﻤﻠﻪ ﻣﻌﻪ ﻻﺳﺘﺨﺪﺍﻣﻪ ﻓﻲ ﺣﺎﻟﺔ ﺍﻟﻄﻮﺍﺭﻱﺀ ، ﺛﻢ ﻋﺎﺩ ﺇﻟﻰ ﻧﺪﻯ ﻣﺮﺓ ﺃﺧﺮﻯ ﻭﻣﺪ ﻳﺪﻩ ﻟﻬﺎ ﺑﻪ ﻭ ..
- ﻳﻮﺳﻒ : ﺍﺗﻔﻀﻠﻲ
- ﻧﺪﻯ : ﺍﻳﻪ ﺩﻩ ؟
- ﻳﻮﺳﻒ : ﺩﻩ ﺍﻟﺘﻲ ﺷﻴﺮﺕ ﺑﺘﺎﻋﻲ ﺍﻟﺒﺴﻴﻪ ﻋﺸﺎﻥ ﻣﺎﺗﺒﺮﺩﻳﺶ
- ﻧﺪﻯ ﺭﺍﻓﻀﺔ : ﻷ ﻣﺶ ﻫﺎﻳﻨﻔﻊ
- ﻳﻮﺳﻒ ﺑﺎﺻﺮﺍﺭ : ﻷ ﻫﺎﻳﻨﻔﻊ ، ﺇﻟﺒﺴﻴﻪ ﺍﻧﺘﻲ ﺑﺲ ، ﻣﺎﻫﻮ ﻣﺶ ﻣﻌﻘﻮﻝ ﻫﺘﻔﻀﻠﻲ ﺃﻋﺪﺓ ﻛﺪﻩ ﻭﻫﺪﻭﻣﻚ ﻣﺒﻠﻮﻟﺔ
- ﻧﺪﻯ : ﺁﺁ .. ﺩﻟﻮﻗﺘﻲ ﺗﻨﺸﻒ
- ﻧﻴﺮﺓ : ﻫﺘﻨﺸﻒ ﺍﺯﺍﻱ ﻭﻫﻲ ﻋُﺼﺮﺓ ﻛﺪﻩ
- ﻳﻮﺳﻒ : ﻭﺍﻧﺎ ﻫﺎﻗﻌﺪ ﺍﺳﺘﻨﻰ ﻟﺤﺪ ﻣﺎ ﺗﻨﺸﻒ ، ﻭﺑﻌﺪﻳﻦ ﺃﻱ ﺣﺪ ﻣﻤﻜﻦ ﻳﺸﻮﻑ ﺟﺴﻤﻚ ﻭﺁﺁﺁ ..
- ﻧﺪﻯ ﻭﻗﺪ ﻃﺄﻃﺄﺕ ﺭﺃﺳﻬﺎ ﻓﻲ ﺧﺠﻞ : ﺍﺣﻢ ...
- ﻧﻴﺮﺓ : ﻫﻮ ﻋﻨﺪﻩ ﺣﻖ
- ﻳﻮﺳﻒ : ﺇﻟﺒﺴﻴﻪ ﻭﺧﻼﺹ
- ﻓﺎﻃﻴﻤﺎ : ﺩﻩ ﺷﻜﻠﻪ ﺣﻠﻮ ﻳﺎ ﻧﻮﺩﺓ ، ﺇﻟﺒﺴﻴﻪ
- ﻳﻮﺳﻒ : ﺍﺳﻤﻌﻲ ﻛﻼﻡ ﺍﺧﺘﻚ ﻃﻤﻄﻢ
- ﻧﺪﻯ : ﺑﺲ ﺁﺁﺁ ...
- ﻳﻮﺳﻒ : ﺃﻧﺎ ﻫﺎﻗﻒ ﺑﻌﻴﺪ ﻭﻏﻴﺮﻱ ﻳﺎﻻ ﻫﺪﻭﻣﻚ
- ﻧﻴﺮﺓ : ﻳﺎﻻ ﻳﺎ ﻧﺪﻯ ، ﻣﺎﺗﺨﻔﻴﺶ ﻣﺤﺪﺵ ﻫﻴﺸﻮﻓﻚ
- ﻧﺪﻯ : ﻣﺶ ﻫﺎﻳﻨﻔﻊ ﻭﺍﻟﻠﻪ
- ﻧﻴﺮﺓ : ﻣﻘﺪﻣﻜﻴﺶ ﺣﻞ ﺩﻩ ﻉ ﺍﻷﻗﻞ ﻟﺤﺪ ﻣﺎ ﻧﻼﻗﻲ ﻣﺤﻞ ﻫﺪﻭﻡ ﻓﺎﺗﺢ ﻧﺸﺘﺮﻱ ﻣﻨﻪ ﺃﻱ ﺣﺎﺟﺔ ﻣﻨﺎﺳﺒﺔ
- ﻳﻮﺳﻒ : ﺍﺧﺘﻚ ﺑﺘﻜﻠﻢ ﺻﺢ
- ﻧﻴﺮﺓ : ﻳﺎﻻ ﺑﺴﺮﻋﺔ ﻗﺒﻞ ﻣﺎ ﺣﺪ ﺗﺎﻧﻲ ﺭﺯﻝ ﻳﺠﻲ
- ﻧﺪﻯ ﻣﺴﺘﺴﻠﻤﺔ : ﻃﻴﺐ
ﻭﻗﻒ ﻳﻮﺳﻒ ﺑﻌﻴﺪﺍً ﻋﻠﻰ ﺑﺎﺏ ﺍﻟﺤﺎﻓﻠﺔ ، ﺑﻴﻨﻤﺎ ﺃﻧﺰﻟﺖ ﻧﻴﺮﺓ ﺍﻟﺴﺘﺎﺋﺮ ﺍﻟﺨﺎﺻﺔ ﺑﺎﻟﺤﺎﻓﻠﺔ ﻭﺳﺎﻋﺪﺗﻬﺎ ﻓﺎﻃﻴﻤﺎ ، ﺛﻢ ﺑﺪﻟﺖ ﻧﺪﻯ ﻣﻼﺑﺴﻬﺎ ﻭﺍﺭﺗﺪﺕ ﻋﻠﻰ ﻋﺠﺎﻟﺔ ( ﺍﻟﺘﻲ ﺷﻴﺮﺕ ) ﺍﻟﺨﺎﺹ ﺑﻴﻮﺳﻒ
- ﻧﻴﺮﺓ : ﺃﻧﺎ ﻫﻨﺰﻝ ﺍﻟﺴﺘﺎﻳﺮ ﻋﺸﺎﻥ ﻣﺤﺪﺵ ﻳﺸﻮﻑ ﺣﺎﺟﺔ ، ﺗﻌﺎﻟﻲ ﺳﺎﻋﺪﻳﻨﻲ ﻳﺎ ﻃﻤﻄﻢ
- ﻓﺎﻃﻴﻤﺎ : ﺣﺎﺿﺮ
ﻛﺎﻥ ﻟﻮﻥ ( ﺍﻟﺘﻲ ﺷﻴﺮﺕ ) ﺃﺳﻮﺩﺍً ، ﻭﻋﻠﻴﻪ ﻋﺒﺎﺭﺍﺕ ﺑﺎﻟﻠﻮﻥ ﺍﻷﺑﻴﺾ .. ﻭﻣﻦ ﺍﻟﻤﺎﺭﻛﺎﺕ ﺍﻟﻌﺎﻟﻤﻴﺔ ﺍﻟﺸﻬﻴﺮﺓ ﻭﺍﻟﺘﻲ ﺗﺄﺧﺬ ﺷﻜﻞ ﺍﻟﺠﺴﻢ ﺑﻤﺠﺮﺩ ﺍﺭﺗﺪﺍﺋﻬﺎ .. ﻭﺭﻏﻢ ﺃﻥ ﻣﻈﻬﺮﻩ ﺭﺟﺎﻟﻲ ، ﺇﻻ ﺃﻧﻪ ﺃﻋﻄﻰ ﻟﻨﺪﻯ ﺷﻜﻼً ﺟﺬﺍﺑﺎً ﻭﻣﺜﻴﺮﺍً ، ﺣﻴﺚ ﺍﺑﺮﺯ ﻣﻌﺎﻟﻢ ﺟﺴﺪﻫﺎ ﻭﺗﻔﺎﺻﻴﻞ ﻗﺴﻤﺎﺗﻪ ﻭ ..
- ﻳﻮﺳﻒ ﻣﻦ ﺑﻌﻴﺪ : ﻫﺎ ، ﺧﻠﺼﺘﻮﺍ ؟
- ﻧﺪﻯ : ﺛﻮﺍﻧﻲ
- ﻳﻮﺳﻒ : ﺧﺪﻱ ﺭﺍﺣﺘﻚ
- ﻧﻴﺮﺓ : ﻣﻤﻢ .. ﺷﻜﻠﻚ ﺍﺗﻐﻴﺮ
- ﻧﺪﻯ ﺑﺼﻮﺕ ﺧﺎﻓﺖ : ﺷﻜﻠﻲ ﺑﻘﻰ ﻋﺎﻣﻞ ﺍﺯﺍﻱ
- ﻧﻴﺮﺓ : ﻳﻌﻨﻲ ﺑﻘﻴﺘﻲ ﻣﺶ ﺍﻧﺘﻲ
- ﻧﺪﻯ : ﺟﺴﻤﻲ ﺑﺎﻳﻦ ؟
- ﻧﻴﺮﺓ : ﻫﻮ ﻣﺶ ﺑﺎﻳﻦ ﺑﺎﻟﻈﺒﻂ ﺑﺲ ﺁﺁﺁ ... ﺑﻘﻰ ﻣﺠﺴﻢ
- ﻓﺎﻃﻴﻤﺎ : ﺍﻟﻠﻪ ، ﺍﻧﺘﻲ ﺑﻘﻴﺘﻲ ﺣﻠﻮﺓ ﺃﻭﻱ
- ﻧﺪﻯ ﺑﺼﺪﻣﺔ : ﺍﻳﻴﻴﻪ ؟
- ﻳﻮﺳﻒ ﺑﺼﻮﺕ ﻣﺮﺗﻔﻊ : ﻫﺎ ﻳﺎ ﺟﻤﺎﻋﺔ ، ﺍﻳﻪ ﺍﻷﺧﺒﺎﺭ ؟
- ﻧﻴﺮﺓ : ﺧﻠﺼﻨﺎ ﺧﻼﺹ
- ﻳﻮﺳﻒ : ﺍﻭﻙ
- ﻧﺪﻯ ﺑﺎﺣﺮﺍﺝ : ﻣﻤﻜﻦ ﺗﺨﻠﻴﻚ ﻋﻨﺪﻙ ﻭﻣﺶ ﺗﻴﺠﻲ
- ﻳﻮﺳﻒ ﻣﺴﺘﻐﺮﺑﺎً : ﻟﻴﻪ ؟
- ﻧﺪﻯ : ﺁﺁﺁ .. ﻋﺎﺩﻱ ﻳﻌﻨﻲ
- ﻳﻮﺳﻒ : ﻣﺎﻓﻴﺶ ﻣﺎﻧﻊ
ﻛﺎﻧﺖ ﻧﺪﻯ ﺗﺸﻌﺮ ﺑﺎﻟﺨﺠﻞ ﻣﻦ ﻫﻴﺌﺘﻬﺎ ﺗﻠﻚ ، ﻭﺷﻌﺮﺕ ﺃﻥ ﻟﻮ ﺃﻱ ﺃﺣﺪ ﺭﺃﻫﺎ ﻭﻫﻲ ﺗﺮﺗﺪﻱ ﺗﻠﻚ ﺍﻟﻤﻼﺑﺲ ﺭﺑﻤﺎ ﻳﺘﺤﺪﺙ ﻋﻨﻬﺎ ﺑﺎﻟﺴﻮﺀ
- ﻧﺪﻯ ﻫﺎﻣﺴﺔ : ﻣﺶ ﻣﻤﻜﻦ ﺣﺪ ﻳﺸﻮﻓﻨﻲ ﻭﺍﻧﺎ ﻛﺪﻩ
- ﻧﻴﺮﺓ ﻫﺎﻣﺴﺔ : ﻳﻌﻨﻲ ﻫﺎﻧﻌﻤﻞ ﺍﻳﻪ ، ﻣﺎﻫﻮ ﺍﺣﻨﺎ ﻻﺯﻡ ﺍﻧﺴﻴﺐ ﺍﻟﺒﺎﺹ ﻭﻧﻨﺰﻝ
- ﻧﺪﻯ : ﺍﺗﺼﺮﻓﻲ ، ﺷﻮﻓﻴﻠﻲ ﺃﻱ ﻣﺤﻞ ﻫﺪﻭﻣﻔﺎﺗﺢ ﻭﻫﺎﺗﻴﻠﻲ ﻣﻨﻪ ﻗﻤﻴﺺ ﺑﻨﺎﺗﻲ ﺃﻟﺒﺴﻪ
- ﻧﻴﺮﺓ : ﻃﻴﺐ .. ﺣﺎﺿﺮ
- ﻧﺪﻯ : ﻃﻤﻄﻢ
- ﻓﺎﻃﻴﻤﺎ : ﺃﻳﻮﻩ ﻳﺎ ﻧﻮﺩﺓ
- ﻧﺪﻯ : ﻫﺎﺗﻴﻠﻲ ﺍﻟﺸﻨﻄﺔ ﺑﺘﺎﻋﺘﻲ ﺃﺣﻄﻬﺎ ﻉ ﺻﺪﺭﻱ ﺗﺪﺍﺭﻱ ﺷﻮﻳﺔ
- ﻧﻴﺮﺓ ﺳﺎﺧﺮﺓ : ﺍﻧﺘﻲ ﻫﺘﺪﺍﺭﻱ ﺍﻳﻪ ﻭﻻ ﺍﻳﻪ
- ﻧﺪﻯ : ﺍﻫﻮ ﺃﺭﺣﻢ ﻣﻦ ﻣﺎﻓﻴﺶ
- ﻓﺎﻃﻴﻤﺎ : ﺣﺎﺿﺮ
- ﻧﺪﻯ : ﺑﺴﺮﻋﺔ ﺍﻧﺘﻲ ﺷﻮﻓﻲ ﺃﻱ ﺣﺪ ﻗﺮﻳﺐ ﻣﻦ ﻫﻨﺎ ﻓﺎﺗﺢ
- ﻧﻴﺮﺓ : ﺍﻭﻙ .. ﺭﺍﻳﺤﺔ
ﺫﻫﺒﺖ ﻓﺎﻃﻴﻤﺎ ﺇﻟﻰ ﻣﻘﻌﺪ ﻧﺪﻯ ﻭﺃﺣﻀﺮﺕ ﻣﻨﻬﺎ ﺣﻘﻴﺒﺘﻬﺎ ، ﻭﻋﺎﺩﺕ ﻟﺘﺠﻠﺲ ﻓﻲ ﺍﻟﺨﻠﻒ ﻣﻌﻬﺎ، ﺑﻴﻨﻤﺎ ﺗﺮﺟﻠﺖ ﻧﻴﺮﺓ ﻣﻦ ﺍﻟﺤﺎﻓﻠﺔ ﻟﻜﻲ ﺗﺒﺤﺚ ﻋﻦ ﻣﺤﻞ ﻣﻼﺑﺲ ﻣﺠﺎﻭﺭ ﻟﻜﻲ ﺗﺸﺘﺮﻱ ﻣﻨﻪ ﻗﻤﻴﺼﺎً ﻣﺎ ﻟﻨﺪﻯ ...
ﻛﺎﻥ ﻳﻮﺳﻒ ﻣﺘﻠﻬﻔﺎً ﻟﺮﺅﻳﺔ ﻧﺪﻯ ﻭﻫﻲ ﺗﺮﺗﺪﻱ ( ﺗﻲ ﺷﻴﺮﺗﻪ ) ﺍﻟﺨﺎﺹ، ﻟﻢ ﻳﻜﻦ ﻳﺘﺼﻮﺭ ﺃﻥ ﻫﺬﺍ ﺍﻟﺘﻲ ﺷﻴﺮﺕ ﺍﻟﺬﻱ ﻳﺤﻀﺮﻩ ﻣﻌﻪ ﺩﺍﺋﻤﺎ ً ﻓﻲ ﺍﻟﺮﺣﻼﺳﻴﻜﻮﻥ ﻣﺼﻴﺮﻩ ﺍﻟﻴﻮﻡ ﺃﻥ ﺗﺮﺗﺪﻳﻪ ﻧﺪﻯ .. ﻭﻫﺬﺍ ﻣﺎ ﺟﻌﻞ ﺍﻻﺑﺘﺴﺎﻣﺔ ﺗﺸﺮﻕ ﻣﻦ ﺟﺪﻳﺪ ﻋﻠﻰ ﻭﺟﻬﻪ ..
- ﻳﻮﺳﻒ ﻟﻨﻴﺮﺓ : ﺍﻧﺘﻲ ﺭﺍﻳﺤﺔ ﻓﻴﻦ ؟
- ﻧﻴﺮﺓ : ﻫﺎﺷﻮﻑ ﺣﺎﺟﺔ ﻟﻨﺪﻯ
- ﻳﻮﺳﻒ : ﻃﺐ ﻣﺎﺗﺒﻌﺪﻳﺶ ﻋﺸﺎﻥ ﻣﺎﺗﻬﻮﻳﺶ
- ﻧﻴﺮﺓ : ﺍﻭﻙ
.........................
ﻟﻢ ﻳﺘﺤﺮﻙ ﻋﻼﺀ ﻣﻦ ﻣﻜﺎﻧﻪ ، ﻭﺇﻧﻤﺎ ﻇﻞ ﻣﺮﺍﺑﻄﺎً ﺍﻣﺎﻡ ﺍﻟﺤﺎﻓﻠﺔ ﺍﻷﻭﻟﻰ ﻭﻣﺮﺍﻗﺒﺎً ﻟﻤﺎ ﺣﺪﺙ .. ﻭﺣﻴﻨﻤﺎ ﺭﺃﻯ ﻣﺎﻳﺎ ﻭﻫﻲ ﺗﻨﺰﻝ ﻣﻦ ﺍﻟﺤﺎﻓﻠﺔ ﻭﻋﻠﻴﻬﺎ ﺍﻟﻐﻀﺐ ، ﻗﺮﺭ ﺃﻥ ﻳﻨﺘﻬﺰ ﺍﻟﻔﺮﺻﺔ ﻭ ...
- ﻋﻼﺀ ﻭﻫﻮ ﻳﺤﺎﻭﻝ ﺍﻟﻠﺤﺎﻕ ﺑﻤﺎﻳﺎ : ﻳﺎ ﺃﺳﺘﺎﺫﺓ
- ﻣﺎﻳﺎ ﻭﻫﻲ ﺗﻨﻈﺮ ﻟﻪ ﺑﻘﺮﻑ : ﻋﺎﻭﺯ ﺍﻳﻪ ؟
- ﻋﻼﺀ : ﻫﻮ ﺍﻳﻪ ﺍﻟﻠﻲ ﺣﺼﻞ ﻓﻮﻕ
- ﻣﺎﻳﺎ ﻭﻫﻲ ﺗﺒﺘﻌﺪ : ﻭﺍﻧﺖ ﻣﺎﻟﻚ
- ﻋﻼﺀ ﻭﻗﺪ ﻭﻗﻒ ﺃﻣﺎﻣﻬﺎ : ﻷ ﻣﺎﻟﻲ ، ﺃﻧﺎ ﻋﺎﻭﺯ ﺃﻋﺮﻑ ﺍﻟﺒﺖ ﺍﻟﻠﻲ ﻓﻮﻕ ﺩﻱ ﺑﺘﻌﻤﻞ ﺍﻳﻪ ﻣﻊ ﺍﻟﻮﺍﺩ ﺍﻟﻠﻲ ﻛﻨﺘﻲ ﺑﺘﻜﻠﻤﻴﻪ
- ﻣﺎﻳﺎ : ﻟﻴﻪ ؟
- ﻋﻼﺀ : ﺃﺻﻞ ﺑﻨﺖ ﺍﻟـ *** ﺩﻱ ﺧﻄﻴﺒﺘﻲ ﻭﻛﺎﻧﺖ ﺑﺘﻼﻏﻴﻪ
- ﻣﺎﻳﺎ ﻓﺎﻏﺮﺓ ﻓﺎﻫﻬﺎ : ﺍﻳﻴﻴﻪ ؟؟؟
- ﻋﻼﺀ : ﺑﺲ ﺍﻧﺎ ﻓﺮﻛﺸﺖ ﻣﻌﺎﻫﺎ ، ﻟﻜﻦ ﻋﺎﻭﺯ ﺃﺭﺑﻲ ﺍﻣﻬﺎ
- ﻣﺎﻳﺎ : ﻷ .. ﺍﺣﻜﻴﻠﻲ ﺑﺎﻟﻈﺒﻂ ﺍﻳﻪ ﺍﻟﻠﻲ ﺣﺼﻞ
ﺇﺩﻋﻰ ﻋﻼﺀ ﺑﺎﻟﻜﺬﺏ ﻣﺮﺓ ﺃﺧﺮﻯ ﻋﻠﻰ ﻧﺪﻯ ، ﻭﺃﻭﻫﻢ ﻣﺎﻳﺎ ﺃﻥ ﻧﺪﻯ ﻛﺎﻧﺖ ﺗﺸﺎﻏﻞ ﻳﻮﺳﻒ ﻭﺗﺪﺍﻋﺒﻪ ، ﻭﺣﻴﻨﻤﺎ ﺍﻛﺘﺸﻒ ﻋﻼﺀ ﻫﺬﺍ ﺛﺎﺭﺕ ﺛﺎﺋﺮﺗﻪ ﻭﻟﻜﻨﻬﺎ ﻟﻢ ﺗﻬﺘﻢ ﻭﺗﻤﺎﺩﺕ ﻓﻲ ﺃﻓﻌﺎﻟﻬﺎ ، ﻓﻤﺎ ﻛﺎﻥ ﻣﻨﻪ ﺇﻻ ﺃﻥ ﻓﺴﺦ ﺍﻟﺨﻄﺒﺔ ﻋﻠﻰ ﺍﻟﻔﻮﺭ ، ﻭﻫﻮ ﺍﻵﻥ ﻳﺤﺎﻭﻝ ﺍﻟﺜﺄﺭ ﻟﻜﺮﺍﻣﺘﻪ ﻭ ﺭﺩ ﺍﻋﺘﺒﺎﺭﻩ
- ﻣﺎﻳﺎ ﺑﻌﺪﻡ ﺗﺼﺪﻳﻖ : ﻣﺶ ﻣﻤﻜﻦ ، ﻣﺶ ﻣﻤﻜﻦ
- ﻋﻼﺀ : ﻷ ﺻﺪﻗﻲ ، ﺩﻩ ﺍﻟﺒﺖ ﺩﻱ ﻣُﻠﻌﺐ ، ﻭﺩﺍﻳﺮﺓ ﻉ ﺣﻞ ﺷﻌﺮﻫﺎ
- ﻣﺎﻳﺎ : ﺍﻳﻴﻴﻪ؟؟
- ﻋﻼﺀ : ﺑﺲ ﺍﻟﻠﻲ ﻋﻤﻠﺘﻪ ﻣﻌﺎﻳﺎ ﺃﻧﺎ ﻣﺶ ﻫﻌﺪﻳﻪ ، ﻭﺃﻛﻴﺪ ﺍﻧﺘﻲ ﻣﺎﻳﺨﻠﺼﻜﻴﺶ ﺍﻟﻠﻲ ﺣﺼﻞ
- ﻣﺎﻳﺎ ﻭﻫﻲ ﻓﻲ ﻗﻤﺔ ﻏﻴﻈﻬﺎ : ﺑﻨﺖ ﺍﻟـ ****.. ، ﺃﻧﺎ ﻫﻮﺭﻳﻬﺎ
- ﻋﻼﺀ : ﺷﻮﻓﻲ ﺍﻧﺘﻲ ﻫﺘﻌﻤﻠﻲ ﻣﻌﺎﻫﺎ ﺍﻳﻪ ، ﺑﺲ ﺃﻧﺎ ﻉ ﻧﻔﺴﻲ ﻣﺶ ﻫﺎﺳﻴﺐ ﺣﻘﻲ !
ﺃﺷﻌﻞ ﻋﻼﺀ ﻓﻜﺮﺓ ﺍﻻﻧﺘﻘﺎﻡ ﻓﻲ ﺭﺃﺱ ﻣﺎﻳﺎ ﺍﻟﺘﻲ ﻛﺎﻧﺖ ﻛﺎﻟﺤﻤﻢ ﺍﻟﺒﺮﻛﺎﻧﻴﺔ ﺍﻟﻤﻠﺘﻬﺒﺔ ، ﺗﺮﻳﺪ ﺃﻥ ﺗﺜﻮﺭ ﺍﻵﻥ ﻓﻲ ﻧﺪﻯ ﻭﺗﻨﺴﻔﻬﺎ ﻧﺴﻔﺎً ..
.............................
ﻛﺎﻥ ﻣﺮﻭﺍﻥ ﻋﺎﺋﺪﺍً ﺇﻟﻰ ﺍﻟﺤﺎﻓﻠﺔ ﺣﻴﻨﻤﺎ ﻟﻤﺢ ﻧﻴﺮﺓ ﻭﻫﻲ ﺗﺴﻴﺮ ﺑﻤﻔﺮﺩﻫﺎ ﻣﺤﺮﻛﺔ ﺭﺃﺳﻬﺎ ﻓﻲ ﻛﻞ ﺍﻻﺗﺠﺎﻫﺎﺕ ﻭﻛﺄﻧﻬﺎ ﺗﺒﺤﺚ ﻋﻦ ﺷﻲﺀ ﻣﻌﻴﻦ ، ﻓﺄﺳﺮﻉ ﺇﻟﻴﻬﺎ ﺛﻢ ﺍﺳﺘﻮﻗﻔﻬﺎ ﻭ ...
- ﻣﺮﻭﺍﻥ : ﺍﻧﺘﻲ ﺭﺍﻳﺤﺔ ﻓﻴﻦ ؟؟
ﺗﺠﺎﻫﻠﺖ ﻧﻴﺮﺓ ﻣﺮﻭﺍﻥ ﻭﻟﻢ ﺗﺠﺒﻪ ، ﻭﺍﺳﺘﻤﺮﺕ ﻓﻲ ﺍﻟﺘﺤﺮﻙ ﻭﺍﻟﺒﺤﺚ ، ﻓﻤﺎ ﻛﺎﻥ ﻣﻨﻪ ﺇﻻ ﺃﻥ ﺃﻣﺴﻜﻬﺎ ﻣﻦ ﺫﺭﺍﻋﻬﺎ ﻭﺍﻭﻗﻔﻬﺎ ﺑﺎﻟﻘﻮﺓ ...
- ﻧﻴﺮﺓ ﻭﻫﻲ ﺗﻤﻂ ﺷﻔﺘﻴﻬﺎ : ﻫـــﻪ
- ﻣﺮﻭﺍﻥ ﺑﻀﻴﻖ ﻭﻗﺪ ﺃﻣﺴﻜﻬﺎ ﻣﻦ ﺫﺭﺍﻋﻬﺎ : ﻟﻤﺎ ﺃﻛﻠﻤﻚ ﺗﻘﻔﻲ ﻭﺗﺴﻤﻌﻴﻨﻲ
- ﻧﻴﺮﺓ ﻭﻫﻲ ﺗﺘﻠﻮﻯ ﺃﻣﺎﻣﻪ : ﺍﻳﻴﻴﻪ ، ﻋﺎﻭﺯ ﺍﻳﻪ ﻣﻨﻲ ؟
- ﻣﺮﻭﺍﻥ : ﺭﺍﻳﺤﺔ ﻓﻴﻦ
- ﻧﻴﺮﺓ : ﻓﻲ ﺩﺍﻫﻴﺔ
- ﻣﺮﻭﺍﻥ ﺑﺤﺪﺓ : ﺍﺗﻜﻠﻤﻲ ﻋﺪﻝ
- ﻧﻴﺮﺓ : ﻳﻮﻭﻭﻩ ، ﺍﺑﻮﺱ ﺍﻳﺪﻙ ﺗﺤﻞ ﻉ ﺩﻣﺎﻏﻲ ﺍﻟﺴﻌﺎﺩﻱ ، ﺃﻧﺎ ﻣﺶ ﻓﺎﻳﻘﺎﻟﻚ
- ﻣﺮﻭﺍﻥ : ﺣﺴﻨﻲ ﺃﺳﻠﻮﺑﻚ ﺷﻮﻳﺔ
- ﻧﻴﺮﺓ : ﺑﻘﻮﻟﻚ ﺍﻳﻪ ، ﺃﻧﺎ ﻣﺶ ﺑﺤﺐ ﺣﺪ ﻳﻔﺮﺽ ﻧﻔﺴﻪ ﻋﻠﻴﺎ ، ﻭﻻ ﻳﺘﺤﺸﺮ ﻓﻲ ﺍﻟﻠﻲ ﻳﺨﺼﻨﻲ
- ﻣﺮﻭﺍﻥ ﻭﻫﻮ ﻣﺸﺪﻭﻩ ﺑﻤﺎ ﺗﻘﻮﻟﻪ : ﻧـــﻌﻢ ؟؟
- ﻧﻴﺮﺓ ﻣﻜﻤﻠﺔ : ﺍﻧﺖ ﻣﺶ ﻗﺮﻳﺒﻲ ، ﻭﻻ ﺣﺪ ﻣﻌﻴﻨﻚ ﻣﻦ ﺍﻫﻠﻲ ﻭﺻﻲ ﻋﻠﻴﺎ ، ﻓﺎﺑﻌﺪ ﻋﻨﻲ ، ﻭﺭﻭﺡ ﺃﻋﻤﻞ ﺍﻟﺸﻮﻳﺘﻴﻦ ﺩﻭﻝ ﻣﻊ ﻏﻴﺮﻱ
ﻛﺎﻧﺖ ﺗﻠﻚ ﺍﻟﻌﺒﺎﺭﺍﺕ ﺍﻟﻼﺫﻋﺔ ﻣﻦ ﻧﻴﺮﺓ ﻟﻤﺮﻭﺍﻥ ﺑﻤﺜﺎﺑﺔ ﺍﻟﻔﺘﻴﻞ ﺍﻟﺬﻱ ﺃﺷﻌﻞ ﺍﻟﻘﻨﺒﻠﺔ ، ﻛﻮﺭ ﻣﺮﻭﺍﻥ ﻗﺒﻀﺘﻲ ﻳﺪﻩ ، ﻓﻠﻮ ﻛﺎﻧﺖ ﻧﻴﺮﺓ ﺷﺎﺑﺎً ﻭﺍﻗﻔﺎً ﺃﻣﺎﻣﻪ ﻟﻜﺎﻥ ﻟﻜﻤﻬﺎ ﺑﻜﻞ ﻣﺎ ﺃﻭﺗﻲ ﻣﻦ ﻗﻮﺓ ، ﻭﺭﺑﻤﺎ ﻟﻮ ﻟﻢ ﺗﻜﻦ ﻓﻲ ﺫﺭﺓ ﺻﺒﺮ ﺯﺍﺋﺪﺓ ﻟﻜﺎﻥ ﺻﻔﻊ ﻧﻴﺮﺓ ﺇﻻ ﺃﻧﻪ ﺣﺎﻭﻝ ﻗﺪﺭ ﺍﻻﻣﻜﺎﻥ ﺍﻟﺘﺤﻜﻢ ﻓﻲ ﺃﻋﺼﺎﺑﻪ ..
ﻟﻘﺪ ﻭﺿﻊ ﻣﺮﻭﺍﻥ ﻣﺎ ﻗﺎﻟﺘﻪ ﻧﻴﺮﺓ ﻓﻲ ﻋﻴﻦ ﺍﻻﻋﺘﺒﺎﺭ ﻭﻗﺮﺭ ﺃﻥ ﻳﺘﺼﺮﻑ ﻭﻓﻘﺎً ﻟﻤﺎ ﻗﺎﻟﺖ ﻭ ...
- ﻣﺮﻭﺍﻥ ﻭﻫﻮ ﻳﺠﺬ ﻋﻠﻰ ﺃﺳﻨﺎﻧﻪ : ﺍﻧﺘﻲ ﻋﺎﻭﺯﺍﻫﺎ ﺭﺳﻤﻲ ، ﻣﺎﺷﻲ ﻫﻤﺸﻴﻬﺎﻟﻚ ﺭﺳﻤـــﻲ
