ကွမ်ဝမ့်ထန်သည် တင်းမြို့တော်ကြီး၏ တက္ကသီလာကျောင်းတော်ကြီး တစ်ခု။
မင်ချီ၏ မင်းမှုထမ်းများ၊ သူဌေးသူကြွယ်တိုင်းလိုလို သူတို့၏ သားသမီးများအား ကွမ်ဝမ့်ထန်၌သာ ပညာသင်ရန်ပို့လွှတ်ကြသည်။ အကြောင်းက ကွမ်ဝမ့်ထန်မှ ဆရာများမှာ စာပေပညာရှိတို့တတ်အပ်သော အတတ်လေးရပ်အား တစ်ဖက်ကမ်းခတ် တတ်မြောက်ကြသူများ သို့မဟုတ် လွန်စွာ ဉာဏ်ပညာထူးကဲသာလွန်သူများ ဖြစ်ကြသောကြောင့်ပင်။ မိန်းမငယ်များလည်း ဂုဏ်ရှိစေရန်အလို့ငှာ ကွမ်ဝမ့်ထန်၌သာ ပညာသင်ကြားကြပေသည်။
ရှန်းမြောင်လည်း ကွမ်ဝမ့်ထန်၌သာ ပညာဆည်းပူးနေခဲ့သည်။
ကံမကောင်းချင်တော့ ရှန်းရှင်းနှင့် ရှန်းဖူးရန်မှာ စစ်သူကြီးမျိုးရိုးမှ ဆင်းသက်လာသူဖြစ်ပြီး အစ်ကိုကြီးဖြစ်သူ ရှန်းချိုးမှာလည်း စာလေ့လာရမည်ဆိုလျင် ခေါင်းကိုက်တတ်သောသူ ဖြစ်နေခဲ့သည်။ ရှန်းမြောင်မှာ စာတစ်လုံးမှ မတတ်သော အဆိုသည် ရှန်းသခင်မကြီး (ရှန်းလောင်ဖူးရန်) ထိန်းကျောင်းမှုအောက်မှ ကြီးပြင်းလာရပြန်သည်။ ထို့ကြောင့် ရှန်းမြောင်ကို တတိယအိမ်တော်ခွဲမှ ရှန်းဖူးရန် ချန်ရော့ချိုးက စာသင်ပေးခဲ့ရသည်။ ချန်ရော့ချိုးမှာ စာပေပညာလိုက်စားသော မိသားစုမှ ဆင်းသက်လာသူ ဖြစ်သည့်အလျောက် နားလည်ရန် ခက်ခဲသော စာပေတို့ကို ရှန်းမြောင်အား အရွယ်နှင့် မလိုက် တမင်သင်ကြားပေးလေသည်။ ကလေးပီပီ စာထက် အဆော့မက်သော ရှန်းမြောင်မှာ အရေး အဖတ်တို့အား လွန်စွာ မုန်းတီးသွားတော့သည်။
ချန်ရော့ချိုးက ရှန်းမြောင် စာလေ့လာရသည်ကို မနှစ်မြို့မှန်းသိသောအခါ တိုက်တွန်းခြင်းမပြုတော့ဘဲ အဝတ်အစားနှင့် အစားအသောက်ဘက် အာရုံစိုက်ရန်နှင့် သခင်မလေးကဲ့သို့ ကျော့ကျော့မော့မော့နေရန်တို့သာ သွန်သင်တွန်းပို့တော့လေသည်။ ကွမ်ဝမ့်ထန်သို့ သွားရန်အချိန်ကျသောအခါ ရှန်းမြောင်မှာ အတန်းပညာကို မလိုက်နိုင်၊ သူမ၏ ဗဟုသုတတို့မှာလည်း ပထမတန်းထက်ပင် ခေါင်းပါးလွန်းနေ၍ အတန်းထဲ၌ နောက်ဆုံးပိတ်နေရာသာ ရတော့လေသည်။ ကြိုးစားလေ့လာရမည်ကိုလည်း မနှစ်သက်သောကြောင့် ရှန်းမြောင်မှာ တင်းမြို့တော်၌ ထုံထိုင်းညံ့ဖျင်းသူဟု ကျော်ကြားလာတော့သည်။
[ကွမ်ဝမ့်ထန်၏ ပထမတန်းသည် ယခုခေတ် ပထမတန်းမဟုတ်ပါ။]
YOU ARE READING
ငြိုးသူ့ကလဲ့စား
Historical FictionThe Rebirth Of Malicious Empress In The Military Lineage ကို No_Cause နဲ့ ပူးပေါင်းပြီး မြန်မာဘာသာ ပြန်ဆိုထားခြင်း ဖြစ်ပါတယ်။