((صَغِيرة ولَكِن...))؛؛مكتملة؛؛للكاتبة الهام رفعت

اقتبــــــــــاس

اقتباس من مجري الاحداث القادمه ...القادمه

ما أن رآته قادم نحو كافتيريا النادي حتي ابتسمت بخبث وقامت بإمساك يد مالك الذي بدا عليه السعاده والفرح وأردف بهيام:
- أنا مش مصدق ، انا بحبك قوي يا نانو ، انتي كل حاجه في حياتي .

أستمع الي ما يقوله هذا الأبله وحدجه بغضب بائن ، أخذ يقترب منهم وأردف موجها حديثه إليها :
- مش عيب واحده متجوزه تعمل كده .
نظر له مالك بضيق قائلا :
- خلاص طلقها وميبقاش عيب
أنزعج زين من أسلوبه وقام بإمساكه من تلابيب قميصه وبيده الآخري أمسك عنقه بقوه قائلا بغضب جلي :
- لولا عارف أنك عيل ، كنت وريتك .

تدخل معتز محاولا افلات يديه منه قائلا :
- خلاص يا زين ، أهدي مش كده ..دا عيل هتعمل عقلك بعقله .
مالك بإنزعاج : انا مش عيل
نظر له بسخط ، ثم اقترب منها وهمس في أذنها :
- دا مينفعش معاكي ..انتي عايزه راجل يعرف يلمك كويس ثم تابع بمغزي : ويعملك علامات حلوه زي دي ( قام بالإشاره الي أحدي الكدمات ) .
حدجته بضيق بائن ولم يمهلها الفرصه بالرد عليه لأنه تركها وذهب .
تتبعته بغضب جلي علي ملامحها وأردفت بغيظ شديد :
- كسر ايدك لو مديتها عليا تاني .
مالك مهدئا اياها :
- اهدي يا نانو متعصبيش نفسك ، ثم قام بوضع يده علي عنقه متابعا بضيق :
- شوفتيه وهو عايز يقتلني ...عايز يخلص مني ..بس دا بعده