ظلمة جهل أفسدت عشق

الحلقة الأولي

الحلقة الأولي

في سنة 1960
في أحدي القري بصعيد مصر ..
داخل أحدي البيوت الريفية  البسيطة تتناول أسرة مكونة من أربع أفراد طعام الأفطار علي طاولة صغيرة فتحدث رجل في عمر السادسة والثلاثون لذلك الصبي الذي يبلغ من العمر عشر سنوات
-إيييه يا (سراچ) يا ولدى أستعديت للدراسة ولا لِسه ؟
أبتسم الصبي قليلا ثم قال
-إيوووة يابوي هنزل مصر عند عمي مش إكده بردك ؟
-إيوة يا ولدى
-عاوزك تفهم حاچة يا بني عاوزك تهتم بتعليمك مهما حُصل
هز الصبي رأسه بالإيجاب ثم قال
- ماشى يابوى
وضعت تلك السيدة التي يبدو عمرها في أواخر العشرون
-هتجعدوا تتحدتوا إکِده لحد ما الوكل ما يبردُ ولا إيه ؟
ثم نظرت لتلك الصغيرة التي تبلغ من العمر ست سنوات
- كلي أنتي يا (حِكمت)  أنتي ضعفانة اليِمين دول
أبتسمت الصغيرة ثم نظرت لوالدها بترجي
-وانى يابوى مش هتدخلني مدرسة زي زي (سراچ)  إکِده؟
نظر لها (سراج)  بغضب ثم قال
-لاه البنتة أهنيه مبيتعلاموش يا ست (حكمت)
ما إن أستمعت الصغيرة إلي كلام (سراج)  حتي بكت بصوت مرتفع فقالت الأم
-أسكتي يا (حكمت) وأسمعي كلام خييك مفيش اهنييه بنات بتتعلام
نظر الأب إلي الأم وقال بضيق
-مين جال إكده يا (آمنة)  (حكمت)  هتتعلام زيها زي (سراچ)
مسحت الصغيرة دموعها ثم قالت
-بچد يابوى هتعلام زي (سراچ)  إكِده؟
-إيوة
فوضعت (آمنة) يدها أسفل ذقنها ثم قالت
-يا ندامة يا سى (رفعت) هو فيه اهنيه بنتة بتتعلام؟
فترك (سراج)  الطعام ثم قال
-إيووة يابوى ازاي هتتعلام وهي (جوت)  بت خالتي اتعلامت عشان (حِكمت) تتعلام؟
تحدث الأب بصرامة وقال
-أني مش هفرج بينتكوا وزي ما علامتك (حِكمت)  هتتعلام بردك
نظر (سراج)  لوالده بعدم فهم بينما قالت (آمنة) لتهدئة الوضع
-اِسمع كلام ابوك يا (سراچ) .. وانت يا ابو العيال كل جبل الوكل ما يبردُ
فبدء الجميع بتناول الطعام وكانت فرحة الصغيرة لا توصف فستتعلم مثلها مثل شقيقها ..
فنظرت (آمنة)  إلي زوجها ثم قالت
-سي (رِفعت)
-خير
-أختي و چوزها چايين يتغدوا معانا
-يآنسوا ويتنوروا طبعا
شعر (سراج)  بفرحة كبيرة لأن (قوت)  ستأتي معهم بالتأكيد بينما  نهض (رفعت)  عن الطاولة ثم قال
-انا هنعس شوي لحد الظهر عشان اجوم ع الصلاة أروح المسچد
ثم نظر إلي (سراج)  قائلا
-هتاچي وياي يا (سراچ)  خلاص ات كبرت ولازم تواظب ع الصلاة
شعر (سراج) بسعادة كبيرة فوالده يعترف بأنه الآن قد كبر فأبتسم ثم قال
-طبعا يابوى وخليني انا اجول الآذان انا حافظه صم
أبتسم (رفعت) ثم قال
-مش ناجص غير تجول  تأم الناس بدالي إياك
-لاه لِسه شوي ع الخطوة دي
ضحك (رفعت)  ثم قال
-انى داخل انعس وابجي صحيني جبل الآذان بنص ساعة
-حاضر يابوى
**********************
في أحدي المنازل الأخرى بالقرية وقفت فتاة ذو ثمان أعوام وهب تمشط شعرها أمام مرآة صغير كما تفعله لها والداتها فنظرت فتاة لها أخري تبلغ من العمر عشر سنوات
-بتهببي إيه يا (جوت)
-باسرح شعري ..  ايه مش باين يا مهفوفة اتي
ضحكت الفتاة الأخري ثم قالت
- اني المهفوفة بردك .. إكِده وبتسرحيه !!  اومال لو حبيتي تنكشيه هتنكشيه ازاي
زمت (قوت)  شفتاها بعدم رضا ثم قالت
-انا بسرحه عشان هشوف سي (سراچ)  النهاردة
-مچنونة طول عمرك يا (جوت)
-ليه بتقولي إکِده؟
جلست الفتاة الأخري علي الفراش وهي تستلقي وتقول
-ولا حاچة بس خدي بالك أبوكي لو عرف انك بتكلامي (سراچ)  هيجطع خبرك
شعرت (قوت) بالخوف ثم قالت
-مهيعرفشي وبعدين سي (سراچ)  مؤدب واني دايما بعجد مع (حِكمت)  وبنفضل نبص لبعض من بَعيد
-عموما اني نصحتك يا بت عمي عشان متچيشي تعيطي بعد إكِده
شعرت (قوت)  بالخوف قليلا ثم قالت
-ماشي يا (سعاد)
*******************
بعد أن تناولوا طعام الغداء ذهبت (آمنة)  لتعد أكواب الشاي وذهبت (قوت)  مع (حكمت) ليلعبا سوياً بالخارج أستغل (سراج)  ٱنشغال الجميع وخرج لكي يبحث عن حبيبته (قوت)  وجدها تلعب في الحقل مع (حكمت)  أبتسم قليلاً وهو ينظر لهما فشعرت (حكمت)  بأن عينيها تؤلمها فقالت ل (قوت)
-هروح أغسل وشي وچاية
ثم تركتهم وذهبت فنظرت (قوت)  بخجل إلي (سراج) الذي قال لها
-كيفك يا (جوت)؟
-بخير يا سي (سراچ)
أبتسم لها  قليلاً ثم قال
-بدي اعرف بس ليه بتجولولي سي
اجابته بخجل
-بشوف أمي بتجول إكده لابويا
أبتسم (سراج)  بسعادة فقال
-كل يوم بتكبري فيه يا (جوت)  جمالك بيزيد اكتر واكتر
نظرت (قوت)  لأسفل ثم قالت
-وبعدين وياك !!
-وانا جلت حاچة
في تلك اللحظة قد عادت (حكمت)  مرة  اخري وما أن وجدت (قوت)  و (سراج)  يقفان سوياً حتي وقفت بجوار شقيقها ثم قالت
-روح يا (سراچ)  كلَم ابوي
نظر لها (سراج)  بضيق ثم قال
-ماَشي
ثم تركهم وذهب ليقف بعيداً ولكن ظلت عيناه معلقة علي (قوت) وهي تركض وتلعب مع شقيقته كان يستمتع بمتابعتها في كل مكان ..
*****************
في المساء ..
الجميع نائم بمنزل (رفعت)  وكانت (حكمت)  تنام وسط والداها ووالداتها ولكنها أستيقظت فجاءة وظلت تصرخ بشدة أنتفض كلا من (رفعت)  و (آمنة)  من جوارها  وقال كلاً منهما
-فيه أيه يا بتي؟
-عيني بتوچعني جوي جوي
أخذت (آمنة)  أبنتها لتغسل لها وجهها وظلت محتضنها وهي تراها تبكي حتي غفت الصغيرة مرة أخري كان (رفعت)  ينظر لأبنته وهو لا يفهم ما بها وما أن رأها غفت حتي حدث (آمنة)  قائلاً
- دي مش اول مرة تشتكي من عينها مش إكده؟
هزت (آمنة)  رأسها بالإيجاب ثم قالت
-بجالها ياچي شهر بتشتكي منيها أوديها الحلاج كيف ما بيودوا العِيال الصغِيرة
أجابها (رفعت)  بصرامة
-لاه .. يوم ما ندلي مصر أني هوديها لحكيم هناك بإذن المولي
هزت (آمنة) رأسها بالإيجاب ثم قالت
-ماَشي يا سي (رفعت)
*******************
في صباح اليوم التالي ..
داخل الأرض التي يملكها (رفعت)  كان يجلس أحدي العاملين بأرضه يتناول طعام الأفطار ومعاهم (سراج)  فتحدث (رفعت)  قائلاً
-مالك يا (عوض)  زي ما بيجولوا شايل طاجن ستك ليه إكده؟
أجاب (عوض)  بضيق
-بجالي سنتين متچوز ومرتي مش عارفة تچبلي حتة عيل أتهني بيه اني زهجت ومليت من العيشة دية
-أستغفر ربك يا (عوض)  وبعدين مخلفتوشي دلوجيت هتخلَفوا بعدين الدنيا مش هتطير
-انا جولتلها تروح للشيخة (لواحظ)  وتعرف هي لحد دلوجيتي محملتش لِيه!!
شعر (رفعت)  بالضيق ثم قال
-أستغفر الله العظيم وهي يعني (لواحظ)  دي هتخليك تخَلف
-اهي معروفة اهنيه من  زمان اي حد معموله عمل او غيره  بتفك الحاچات دي وبعدين دي مخاوي وبتعرف الكفتة
كان (سراج)  يستمع لهم وهو لا يفهم شئ فأجاب (رفعت)
-أستعفر ربك يا (عوض) اللي بتجولوا ده كفر قال النبي صلى الله عليه وسلم قال: (من أتى عرافاً فسأله عن شيء لم تقبل منه صلاة أربعين يوماً)
وكمان (ليس منا من تطير، أو تطير له، أو تكهن أو تكهن له، أو سحر، أو سحر له، ومن أتى كاهناً فصدقه بما يقول فقد كفر بما أنزل على محمد)
إجابه (عوض) بثقة
-بس ربنا سبب الأسباب وچعلها سبب أني لازمن اروحلها واتحدت وياها
شعر (رفعت)  بالحزن فهو لن يعرف أن يقنعه مهما حدث فتلك المدعوة (لواحظ)  قد أقنعتهم بالصدف التي صدقت بها فهز رأسه بأسي وما أن أبتعد (عوض) حتي نظر (سراج)  إلي والده وقال
-هو مش چايز يا بوي تكون فعلا (لواحظ)  دي ربنا مديلها قجدرة وتخليهم يخلَفوا
زفر (رفعت)  بضيق ثم قال
-أستغفر ربك يا ولدي مفيش مخلوج في الكون له نفع ولا ضرر لنفسه إلا بأذن المولي هما هيفضلوا في الچهل ده كَتييير إكده هما اللي بيصدجوا الخزعبلات دي
-مش يمكن لما تموت (لواحظ) يرچعوا لربنا
أبتسم (رفعت)  قليلا ثم قال
-لو مااتت (لواحظ)  هياچي 1000 غيرها اوعاك يا ولدي مفكر إن الدنيا دي سهلة!!  لازمت تبجي خابر ان الفتن كَتيير جوي في الدنيا لستك صِغير مش هتفهم حديتي دلوجيت
هز (سراج)  رأسه بالإيجاب ..
****************
في أحدي البيوت الفخمة في القرية وقف صبي يبلغ من العمر خمسة عشر عاماً وكان يصطاد الحمام بتلك البندقية التي بيده وكلما سقطت حمامة شعر بفخر ورضا بنفسه حتي أقتربت منه خادمة كبيرة بالسن وقالت
-كفياك عاد يا (جاسم)  يا ولدي
نظر لها بتعالي قائلاً
-يا إيه ؟! جلتي إيه ؟
نظرت المسنة له بحزن وقالت
-اجصد يا (جاسم)  بيه
أبتسم (قاسم) بتعالي ثم قال
-إيوة إكده
-كفياك عاد يا ولدي جتلت 15 حمامة لحد دلوجيتي
نظر لها شذراً ثم قام بأطلاق النار علي حمامة أخري حتي سقطت علي الأرضية ثم قال
-محدش يجولي كفاية ومتدخليش واصل في اللي بعمله يا ولاية يا خرفانة اتي
ثم تركها ودخل داخل القصر بينما تساقطت الدموع من أعين المسنة وقالت
-منه لله ابوك هو اللي خلاك إكده بعد موت المرحومة أمك
********************
مر يومان آخران لم يحدث بهما شئ جديد جلست (آمنة)  في منزل شقيقتها يتحدثون وكان كلا من (حكمت)  و (قوت)  يلعبان سويا حتي ركضت (حكمت)  علي والداتها وهي تصرخ
-عيني بتوچعني جوي جوي ياما
وظلت تصرخ بصوت عالي فشعرت خالتها بالشفقة عليها بينما ظلت (قوت)  تبكي علي حال (حكمت)  هذا فقالت خالتها
-انا هجوم اخلي (عبد العزيز)  يوديها للحلاج
أجابت (آمنة)
-لاه يا (نعمة)  سي (رفعت)  جالي هيوديها لضكتور في مصر
-چوزك هينزل مصر كمان اربع تيام واتي هتفضلي صابرة ع بتك وهي بتتعذب إكده دي مش أول مرة أسمعها تتوچع من عينيها
نظرت (آمنة)  لصغيرتها تارة ثم إلي (نعمة)  تارة أخري ثم قالت
-والعمل ؟
-هجول ل (عبد العزيز) يروح فيها للحلاج مؤجتاً وبعدين ابجوا شوفوا الضكتور بتاع مصر ده
أستمعت (آمنة)  لبكاء طفلتها فأستسلمت واعطتها الطفلة لتذهب مع زوجها ..
ذهبت الطفلة مع زوج خالتها إلي ذلك الحلاق وضع لها قطرات لسائل في عينيها وأعطي ل (عبد العزيز)  علبة تحتوي علي نفس السائل وطلب منه أن يضعه لها يوميا مرتين مرة بالصباح ومرة بالمساء …
وما أن عاد إليهم حتي قال ل (آمنة)  ما قاله ذلك الحلاق ٠٠
مر يومان وكانت تضع (آمنة) ل (حكمت) تلك القطرة بعينيها مرتان باليوم كما اخبرهلا زوج شقيقتها حتى فى آخر مرة تضع لها (آمنة) تلك القطرة صرخت الفتاة وقالت
-مش شايفة يا اما ٠٠

#ظلمة_جهل_أفسدت_عشق

#علا_السعدني