Glossary Of Alive (Completed)

Part-9 ( shouldn't be)

Unicode

8 နာရီကနေ 11 အထိ lecture သုံးချိန်တက်ရကာ 11-12 ကတော့ grammar ချိန်ပင်။

12 နာရီမှာနေ့လည်စာစားပြီးရေချိုးကာ အိပ်ရလေသည်။

ဘယ်အချိန်အိပ်အိပ် သလင်းမြူကတော့အိပ်ပျော်ပြီး စိုင်းစံကတော့ ဝတၳုခိုးဖတ်နေသည်။

နေ့လည်နှစ်နာရီမှာအတန်းပြန်စကာ lecture သုံးချိန်ထပ်တက်ရသည်။

ညနေစာစားပြီး ခြောက်နာရီမှာတော့ တစ်ဘာသာနာရီဝက်ဆီနှင့် guide သုံးနာရီဝင်ကာ ညကိုးနာရီမှ သလင်းမြူအတန်းပြီးသည်။

သလင်းမြူအခန်းထဲပြန်ရောက်ရောက်ချင်း ကုတင်ပေါ် ခြေပစ်လက်ပစ်လှဲချကာ လေပူတွေမှုတ်ထုတ်မိတော့ စိုင်းစံကရယ်လေသည်။

"အစ်ကို ပင်ပန်းလို့လား..."
"အင်း.....
မနက်လည်းအစောကြီးထရတယ်
အတန်းကလည်းည ကိုးနာရီထိတက်ရတယ်...
ဒီကြားထဲ အရှေ့တန်းကကောင်တွေက လှမ်းပြုံးပြုံးပြနေလို့ ကြက်သီးတွေကလည်းထသေး
ငါတော့ရူးချင်တာပဲ..."
"ညည်းမနေနဲ့ဦး အစ်ကို...
ကျွန်တော်တို့လည်းအစ်ကိုတို့လို တက်ရတာပဲ..
6 တန်းကနေ 8 တန်းအထိ အတန်းချိန်တွေအတူတူပဲ....
9 တန်းတွေက 10 နာရီမှအတန်းပြီးမှာ...
10 တန်းတွေဆို 11 နာရီအထိ..."
"သနားပါတယ်ကွာ..."
"နောက်ဆိုအကျင့်ဖြစ်သွားမှာပါ အစ်ကိုရာ...
အစတော့ အားလုံးဒီလိုပါပဲ...
ဗုဒ္ဓဟူး ကြာသပတေး speaking ချိန်ကျ ကျွန်တော်တို့ 6တန်း 7 တန်း 8တန်းတွေ အတူတက်ရမှာနော်...
သောကြာနေ့ singing time ရောပဲ...."
"ကောင်းတာပေါ့..."
"speaking ချိန်နဲ့ singing time ကအရမ်းပျော်ဖို့ကောင်းတယ် အစ်ကိုလည်းသဘောကျမှာ..."

သလင်းမြူခေါင်းသာညိတ်ရင်း ညဝတ်လဲကာ မျက်နှာသစ်သွားတိုက်ပြီး အိပ်ရန်ပြင်တော့သည်။

"အိပ်တော့မလို့လား..."
"အင်း.....
9 နာရီခွဲနေပြီ...
မနက်လည်းဘုရားရှိခိုးဖို့ထရဦးမယ်...
မင်းလည်းအိပ်တော့..."
"ဟုတ်.....
Good night အစ်ကို...."
"Good night...."

အိပ်ဖို့မျက်လုံးတွေမှိတ်လိုက်တော့ အာရုံထဲအလုအယက်ဝင်လာခဲ့သည်က ကိုကို....။

သူအမှန်အတိုင်းဝန်ခံရလျှင် တစ်နေကုန်အချိန်ဇယားတွေကြားလှုပ်ရှားနေရတာကြောင့် ကိုကို့ကိုတော့သတိမရမိ။