Unicode
"မောင်!! ထတော့!!"
"......"
"မောင်!!"မလှုပ်မယှက်မှောက်ရက်ကြီးအိပ်နေသူကို မနက်စာအတူစားဖို့သလင်းမြူမှာမနည်းနှိုးနေရသည်။
"စစ်ကောင်းကင်နိုင်!!"
ပုခုံးတွေကျောတွေကိုထုရိုက်တော့ တအင်းအင်းအော်ရင်း မျက်လုံးတွေပြူးပြဲဖွင့်လာသည်။
"ထ...မျက်နှာသစ်.....
မနက်စာအတူစားဖို့ မေမေတို့ပါစောင့်နေတယ်...."ရေချိုးခန်းထဲမှမျက်နှာသစ်ပြီးထွက်လာသည့်ကောင်းကင်ကို တဘက်တစ်ထည်နှင့် စီးကြိုကာမျက်နှာသုတ်ပေးလိုက်သည်။
ပွယောင်းယောင်းဆံပင်တွေကိုမဖြီးဘဲ သပ်ရပ်သွားအောင်လက်နဲ့ဆွဲချပြီး မနက်စာဝိုင်းသို့လိုက်လာသည်။
"သားထိုင်..."
"ဟုတ်ကဲ့"မြူ့ဘေးနားမှာသူထိုင်လိုက်ချိန်မှာဘဲ မြူ့အစ်ကိုနှစ်ယောက်လည်း မနက်စာဝိုင်းသို့ရောက်လာကြသည်။
တိုဟူနွေးပူပူကိုငုံ့စားနေတုန်းမှာပဲ မြူက ဖုန်းထုတ်ကာ video တစ်ခုကိုဖွင့်လိုက်သည်။
""ယောက်ဖရေ!!! နေတောင်အတော်စောင်းပြီ!!!""
ဖုန်းကိုအမေ့ဆီပြလိုက်ပြီး ထွက်လာသည့်အသံတွေကြောင့် ကိုလတ်နှင့်ကိုငယ်သောက်လက်စကော်ဖီတွေသီးကုန်သည်။
ကောင်းကင်ကတော့မျက်လုံးပြူးကြီးနှင့် လာကြည့်နေသည်။
""ဂဏန်းညှပ်ရင်!!! ယောက်ဖကိုကြော်ကျွေးရမည်!!!""
အမေကသဘောတကျရယ်ပြီး ကောင်းကင်ကတော့ရယ်ချင်သည်ကိုအံကြီးကြိတ်ထိန်းထားရှာသည်။
မျပ်နှာချင်းဆိုင်မှညီအစ်ကိုနှစ်ယောက်ကတော့ မျက်နှာကြီးတွေလက်နှင့်အုပ်ကာ တစ်ယောက်နှင့်တစ်ယောက်တံတောင်နှင့်တွက်နေကြသည်။
"အမေမနေ့ညကစောအိပ်လိုက်တာမှားသွားတယ်......
ပွဲကြီးပွဲကောင်းကိုလွတ်သွားတာ....."
"အမေကလည်းဗျာ....."ကိုလတ်နှင့်ကိုငယ်က ရယ်နေသည့် မြူ့ကိုမျက်စောင်းတွေထိုးနေသည်။
YOU ARE READING
Glossary Of Alive (Completed)
Teen FictionAbout a boy who loves butterflies, white roses and a boy..... ◾◽◾◽◾◽◾◽◾◽◾◽◾◽◾ (AN: This OC is based on the true story)