Unicode
ဖိနပ်ဝယ်ဖို့ ရည်ရွယ်ချက်နဲ့ အပြင်ထွက်လာကြပေမယ့် နေရောင် စားချင်သည် ပြောသမျှကို လိုက်ကျွေးရင်း ဖိနပ်ကိုတောင်မေ့တေ့တေ့...
"ဖိနပ်မဝယ်တော့ဘူးလား..."
"ဟုတ်သား!
ဖိနပ်...."ဗိုက်ပြည့်သွားတဲ့နေရောင်သတိပေးတော့မှ သူဖိနပ်ကိုပြန်သတိရသည်။
Diamond ထဲမှာပဲ ဖိနပ်ဝယ်ပြီး နေရောင်လိုချင်သည့် အရုပ်ကြီးကိုပါ တစ်ခါတည်းဝယ်ခဲ့လိုက်သည်။
နေရောင့် လက်တစ်ဖက်ကပတ်တီးနှင့်မို့ သူပဲ ငါးပေကျော် ဝက်ဝံရုပ်ကြီးကို ပိုက်လာခဲ့ရသည်။
ခြောက်ပေကျော်သည့် သူ့အရပ်နှင့်တောင် အရုပ်ကိုပိုက်လိုက်တော့ အရှေ့ကိုသိပ်မမြင်ရ...
ရုတ်တရက်နေရောင်က သူ့လက်ကိုလာကိုင်လေသည်။
"အရှေ့သေချာမမြင်ဘဲ မှောက်ရက်လဲနေမယ်..."
"ငါ့ကိုစိတ်ပူတယ်ပေါ့..."
"မင်းလဲရင် ငါ့အရုပ်ကလေးပေသွားမှာစိုးလို့..."မချိုမချဉ်မျက်နှာပေးနဲ့ ပြန်ဖြေပုံကိုက ဖြတ်ရိုက်ချင်စရာလေး....
လွန်ခဲ့တဲ့ နာရီပိုင်းလောက်တုန်းက ကလေးလိုအော်ငိုခဲ့တဲ့ သူမဟုတ်သလိုပဲ....."မင်းဖိနပ်အိတ်ပေး....
ငါကိုင်ပေးမယ်...."ဒီလိုကျတော့လည်း ချစ်ဖို့ကောင်းသား....
plaza ထဲရှိသမျှလူတွေက အရုပ်ကြီးပိုက်ထားသည့် သူနှင့် သူ့လက်ကိုကိုင်ထားသည့် နေရောင့်ကိုကွက်ကြည့်ကွက်ကြည့်....
ကားနောက်ခန်းထဲ အရုပ်ကို သူအတင်းထိုးထည့်တော့ ထွက်လာသည့် အသံပြဲ....
"ညင်ညင်သာသာလုပ်ပါဟ!
ငါ့အရုပ်လေးပေသွားရင် မင်းနာမယ်!!"
"ငါဝယ်ပေးလာတာလေ!
ငါ့ကိုအော်စရာလား!!"
"အော်မှာပဲ!!"Parking ကလူတွေလည်း တစ်လှည့်စီအော်နေသည့် သူတို့နှစ်ယောက်ကိုကြည့်နေကြပေပြီ..
"ထပ်အော်ကြည့်...
အရုပ်ကို သူများပေးပစ်မယ်...
ကြားလား!!"
"ဟင့်.......
အီး ဟီး!!!!"ချက်ချင်းကြီး ကားဘေး ငုတ်တုတ် ထိုင်ချကာ နေရောင်က ကလေးလိုအော်ငိုတော့ သူ့မှာ ဘာလုပ်ရမယ်မှန်းမသိ.....
YOU ARE READING
Glossary Of Alive (Completed)
Teen FictionAbout a boy who loves butterflies, white roses and a boy..... ◾◽◾◽◾◽◾◽◾◽◾◽◾◽◾ (AN: This OC is based on the true story)