Unicode
မန္တလေးတိုင်းဒေသကြီး တရားရုံးမှာ သလင်းမြူ ဘုန်းရှိန်ဝါထက်နှင့် မမကြီးတို့အားလုံး ဆိုင်တစ်ဆိုင်တွင်ထိုင်ရင်း အမှုကိစ္စဆွေးနွေးနေကြသည်။
မနက်ကတည်းကရောက်နေကြပြီး မေမေ့အမှုက နေ့လည်မှစစ်မည်ဟုသိရသောကြောင့် သူတို့ထိုင်စောင့်နေခြင်းပင်။
"ငယ် ရေသောက်ဦး...
နှုတ်ခမ်းတွေအရမ်းခြောက်နေပြီ...."
ဘုန်းရှိန်ဝါထက် ထည့်ပေးသည့် ခွက်ထဲမှရေကို သူမငြင်းဆန်ဘဲမော့သောက်လိုက်သည်။
"နေ့လည်စာစားချိန်နားပြီးမှစစ်မယ်ထင်တယ်...."
ရှေ့နေကြီး၏အသံကြားမှ သလင်းမြူ နာရီကိုကြည့်မိတော့ 11 နာရီတောင်ထိုးပြီးနေပြီ။
"ကျွန်တော့်တို့လည်း နေ့လည်စာသွားစားကြရအောင်လား...
ရှေ့နေကြီးလည်းလိုက်ခဲ့ပါ...."
"မဟုတ်တာ....."
"လိုက်ခဲ့ပါဗျာ...."
ဘုန်းရှိန်ဝါထက် အတင်းခေါ်လို့ ရှေ့နေကြီးပါ သူတို့နှင့်အတူ ပါလာလေသည်။
အပြင်မြန်မာထမင်းဟင်းဆိုင်တစ်ဆိုင်မှာ သူတို့သွားစားကြသည်။
တရားရုံးနှင့်နီးသောကြောင့် ဆိုင်အတွင်းမှာလဲ ကုတ်အမဲဝတ် ရှေ့နေတွေကအများအပြား...
သလင်းမြူ ထမင်းကိုစားချင်စိတ်မရှိစွာ ဇွန်းခရင်းနှင့်ထိုးဆွနေရာ ဘုန်းရှိန်ဝါထက် ဟင်းတွေခပ်ထည့်ပေးလိုက်သည်။
"ကုန်အောင်စားရမယ်နော် ငယ်....
မနက်ကလည်း ကောင်းကောင်းမစားထားဘူး....
မျက်နှာလေးချောင်ကျသွားတာကို မေမေမြင်ရင် စိတ်ကောင်းပါ့မလား...."
သလင်းမြူ ဝဲတက်လာသည့် မျက်ရည်တွေကို မျက်တောင်ပုတ်ခတ်ကာ ပြန်လည်သိမ်းဆည်းရင်း နာခံစွာပင် ကုန်အောင်စားသည်။
"ဆရာ..."
"မင်းဇော်...."
အနားမှနှုတ်ဆက်သံကြောင့် သလင်းမြူကြည့်လိုက်တော့ ရှေ့နေကြီးနှင့် စကားပြောနေသည့် ကောင်းကင်ရဲ့အဖေ......
သလင်းမြူ ချက်ချင်းခေါင်းကိုငုံ့ချပစ်လိုက်သည်။
"ဘုန်းရှိန်ဝါထက်.... "
"ဟာ.....ဦးလေး..... မင်္ဂလာပါ....."
"ငါ့တူက တရားရုံးဘာလာလုပ်တာလဲ...."
"ကျွန်တော့်အမှုသည်တွေနဲ့ ဆရာကသိနေတာလား...."
"အမှုသည်?
ဘာအမှုဖြစ်လို့လဲ...."
YOU ARE READING
Glossary Of Alive (Completed)
Teen FictionAbout a boy who loves butterflies, white roses and a boy..... ◾◽◾◽◾◽◾◽◾◽◾◽◾◽◾ (AN: This OC is based on the true story)
