Unicode
"အိမ်ကိုတောင်မရောက်ခဲ့သေးဘူးပေါ့...."
"အင်း....."အခုချိန်ထိအငိုမတိတ်သေးသည့်ကောင်းကင်က မြူ့မေးခွန်းတွေကိုတော့ပြန်ဖြေသည်။
"အဖေနဲ့အမေ့ဆီသွားလိုက်ဦးလေမောင်ရယ်.....
သူတို့လည်းမောင့်ကိုတွေ့ချင်ရှာမှာပေါ့....."
"မသွားချင်ဘူး....."မြူ့ရင်ခွင်သေးသေးလေးထဲ ခေါင်းတိုးဝှေ့ရင်းပြောတော့ မြူကသူ့ဆံပင်တွေကိုပွတ်သပ်ပေးသည်။
ယခုမြူကကုတင်ပေါ်မှာ တင်ပျင်ခွေလေးထိုင်နေတာဖြစ်ပြီး ကုတင်ဘေးကခုံမှာကောင်းကင်ကထိုင်နေသည်။
မြူ့အင်္ကျီရင်ဘက်အောက်မှ ခိုးလိုးခုလုဖြစ်နေတာက ဟိုစက်အဖြူလေးပင်ဖြစ်လိမ့်မည်။
"မျက်လုံးတွေနာလိမ့်မယ် မောင်.....
တိတ်တော့နော်....."သူမျက်နှာကိုမော့ယူပြီး မျက်ခွံတွေထက်ကိုမြူကနမ်းကာ ပြုံးသည်။
"သဲငယ်ကိုပြုံးပြပါဦး......
မောင့်အပြုံးလေးကိုမြင်ချင်လို့....."မျက်ရည်တွေကိုသုတ်ပြီး သူစိတ်ပါလက်ပြပြုံးပြလိုက်တော့ မြူကသွားလေးတွေပေါ်အောင်ရယ်လေသည်။
သူမြူ့ခါးလေးကိုဖက်ပြီး ပခုံးလေးပေါ်မျက်နှာပြန်တင်ကာ ထိုအတိုင်းပဲ နေသည်။
"မောင်ခရီးပန်းနေတယ်မလား......
ခဏလောက်အိပ်လိုက်ပါလားဟင်......"
"ဟင့်အင်း......
ဒီတိုင်းလေးပဲနေချင်တယ်......"မြူ့လက်ကောက်ဝတ်က tatoo လေးကိုသူအမြတ်တနိုးနမ်းလိုက်သည်။
တစ်ဆက်တည်းမြင်လိုက်ရသည့် အပ်ရာတွေကြောင့် မြူ့ခါးလေးကိုပိုတိုးကာဖက်မိသည်။
"အရမ်းချစ်တယ် သဲငယ်......"
"အင်း......
မောင့်ကိုလည်းအရမ်းချစ်တယ်နော်....."သူ့ဆံပင်တွေကိုနမ်းရင်းပြောသည့်မြူ့အသံလေးကနှစ်ယောက်ကြားသာရုံ တိုးလျလွန်းသည်။
"ဒေါက်!! ဒေါက်!!!"
တံခါးခေါက်သံ ထွက်ပေါ်လာပြီးနောက် အခန်းတံခါးဖွင့်ကာ ကိုခန့်ဝင်လာသည်။
YOU ARE READING
Glossary Of Alive (Completed)
Teen FictionAbout a boy who loves butterflies, white roses and a boy..... ◾◽◾◽◾◽◾◽◾◽◾◽◾◽◾ (AN: This OC is based on the true story)