Glossary Of Alive (Completed)

Part-34 ( game over)

Unicode

"မင်းတို့နှစ်ကောင်ဘယ်သွားနေတာလဲ
Roll call တောင်ယူသွားပြီ...."

ပြုံးဖြီးဖြီးကြီးလုပ်နေသည့်ကောင်းကင်ကြောင့် ဟိုကောင်တွေကမသင်ကာတော့သလိုကြည့်လာရာ...

"မနက်စာမစားခဲ့ရလို့ မုန့်သွားစားတာ..."
"ဟုတ်လို့လား..."
"ဟုတ်တာပေါ့ ငါကမင်းတို့ကိုဘာကိစ္စလိမ်ရမှာလဲ....
နော... ကောင်းကင်..."

သူ့လှမ်းပြီး လက်ကိုကုတ်မှ ကောင်းကင်က ခေါင်းညိတ်လေသည်။

"မင်းတို့နှစ်ကောင်နော် အခုတလောရုတ်ရုတ် ရုတ်ရုတ်နဲ့....."

လက်ညိုးတထိုးထိုးနဲ့ကြိမ်းနေသည့် တေဇကြောင့် သလင်းမြူ မလုံမလဲတံတွေးမျိုချနေရပေမယ့် ဘေးမှကောင်းကင်ကတော့ မကြားသလို သူ့ကိုကြည့်ပြီးဖြီးနေတုန်း...

🎶📲 phone rings......

""Real""

သလင်းမြူ ထိုင်နေရာမှအမြန်ထကာ ကောင်းကင်ကိုပင်ဖယ်ခိုင်းမနေတော့ပဲ အတင်းတိုးထွက်ပြီး toilet တွေဘက်ကိုပြေးတော့သည်။

"Hello"

ဘယ်လိုအရှိန်နှင့်ပြေးလိုက်မှန်းကိုမသိ ဘေစင်မှန်ရှေ့ရောက်တော့ နံရံကိုအားပြုမှီရင်း အမောတကောနှင့်ဖုန်းကိုင်လိုက်သည်။

"အခြေအနေ..."
"အဖြေ...ပြန်ပေးလိုက်ပြီ..."
"ကောင်းတယ်...
မင်းတို့နှစ်ယောက်တွဲနေတာကို တခြားသူတွေလုံးဝမသိစေနဲ့...."
"ဘာလို့လဲ... "
"ငါ့ကိုပြန်မမေးနဲ့....
ငါပြောတာနားလည်လား..."
"အင်း..."
"အရေးအကြောင်းကိစ္စတစ်ခုခုရှိရင် ဒီ number ကိုပဲဆက်လိုက်...
ငါ korea မှာရှိနေတုန်းဆို ဒီ number ပဲသုံးမှာ..."
"အင်း..."

ပြောချင်တာပြောပြီး စူးနေရောင်ထက်က ဖုန်းချသွားသည်။

"ဘယ်သူနဲ့ပြောနေတာလဲ..."
"အမလေး !"

သလင်းမြူ ပြန်အလှည့် အနောက်မှာရောက်နေသည့် ကောင်းကင်ကိုတွေ့ရတော့ လန့်ပြီးတုန်သွားကာ ရင်ဘက်ကိုဖိထားလိုက်သည်။

"ဘာလို့ဒီလောက်တောင်လန့်သွားတာလဲ....
ကိုယ်ကသရဲမို့လို့လား..."

သရဲဆိုရင်တောင်ဒီလောက်မလန့်ဘူး....

သလင်းမြူစိတ်ထဲကနေသာ ပြောရင်း အသက်ကိုပုံမှန်လေးရှူနေရသည်။