Unicode
"နေရောင်....
ထတော့...
ဟျောင့်... ထတော့လို့..."
သူ့ကိုပုတ်နှိုးနေသည်ကို မသိချင်ယောင်ဆောင်ပြီး ဆက်အိပ်နေပေမယ့် ဆက်တိုက်ကြီးမမောမပန်းခေါ်နေတာကြောင့် နားငြီးပြီးစိတ်ကတိုလာသည်။
"ထွက်သွား!
ကျောင်းပိတ်ရက်စိတ်ကြိုက်အိပ်ပါရစေ...
ထပ်မနှိုးနဲ့! နားငြီးတယ်.... "
မျက်လုံးမဖွင့်ဘဲသူ့ကိုအော်နေသည့် စောင်ပုံထဲကပေါက်စကို ထုထောင်းချင်စိတ်ကတဖွားဖွား...
"မထချင်လဲနေ...!
Dimsum သွားဝယ်ထားလို့ မအေးခင်စားရအောင်နှိုးနေတာကို...."
သူ့စကားလဲဆုံးရော ချက်ချင်းထထိုင်လာသည်။
"Aigoo...
Wuri ကောင်းကင်လေးက အရမ်းအလိုက်သိတာပဲ...."
သူ့ပါးကိုဆွဲညှစ်ပြီး ရေချိုးခန်းထဲ ပြေးဝင်သွားသည့် နေရောင့်ကို ကြည့်ကာ သူ့မှာ ပြုံးနေတာရပ်မရ...
စောင်ခေါက်ပေးပြီး နေရောင့်အခန်းကို သေချာမျက်စိကစားကြည့်မိရာ စာကြည့်စားပွဲပေါ်မှ အနက်ရောင် စာအုပ်တစ်အုပ်.....
""Souless Beauties ""
အနက်ပေါ်မှာ သေချာပုံဖော်ထားသည့် အဖြူရောင်စာလုံးတွေနှင့် နှင်းဆီဖြူလေး....
စစ်ကောင်းကင်နိုင် စိတ်ဝင်စားသွားတာကြောင့် စာအုပ်ကိုယူကြည့်လိုက်သည်။
"Woah! "
သူအော်ရလောက်အောင်ကို အံ့ဩစရာကောင်းနေသည်။
အဖြူရောင်စာရွက်တွေထက်မှာ နေရာတကျရှိနေသည့် လိပ်ပြာရောင်စုံများ...
တစ်ကောင်ချင်းစီကို ပုံစံမပျက်အောင် tape အကြည်နှင့် သေချာအုပ်ထားကာ စာရွက်ဖြူတွေထက်မှာလှပနေသည်။
သူတစ်ရွက်ပြီး တစ်ရွက် စိတ်ဝင်တစားလှန်ကြည့်မိကာ အရောင်စုံ size စုံ လိပ်ပြာတွေက စာအုပ်တစ်အုပ်လုံးအပြည့်နီးပါးပင်ရှိနေသည်။
"နေရောင်...
ဒီလိပ်ပြာတွေကမင်းကိုယ်တိုင်လုပ်ထားတာလား..."
ရေချိုးခန်းထဲကထွက်လာတဲ့နေရောင့်ကို သူသိချင်လွန်းသဖြင့် စီးကြိုကာမေးမိသည်။
YOU ARE READING
Glossary Of Alive (Completed)
Teen FictionAbout a boy who loves butterflies, white roses and a boy..... ◾◽◾◽◾◽◾◽◾◽◾◽◾◽◾ (AN: This OC is based on the true story)
