Unicode
ဟိုတစ်နေ့က ပြဿနာဖြစ်ပြီးကတည်းက သလင်းမြူ အခန်းထဲကနေအခန်းအပြင်တောင်မထွက်ချင်။
သူ့ကိုယ်ရေးကိုယ်တာပစ္စည်းတွေကို အန်တီမြတို့အားမမြင်စေချင်သည့်အပြင် သူနှင့်မျက်နှာချင်းဆိုင်အခန်းမှာနေသည့် ဘုန်းရှိန်ဝါထက်ဝင်လာမည်ကိုပါကြောက်သောကြောင့် အခန်းတံခါးကိုအမြဲ lock ချထားသည်။
သူ့အခန်းသန့်ရှင်းရေးကိုလည်း သူကိုယ်တိုင်သာလုပ်သည်။
ဘုန်းရှိန်ဝါထက် အိမ်မှာရှိနေလျှင် အန်တီမြက မနက်စာနေ့လည်စာညစာအားလုံးကို သူ့အခန်းဆီလာပို့ကာ သူစားချင်သည်ပြောသမျှကိုလည်း ဦးထွန်းကသွားဝယ်ပေးရှာသည်။
မိငယ်ရဲ့ကျောင်းအကြိုအပို့အတွက် အိမ်မှာရှိသည့် ဆိုင်ကယ်တစ်စီးနှင့် ဦးကျော်မင်းအားတာဝန်ပေးထားရသည်။
အလုပ်ကပြန်လာချိန်တိုင်း ဘုန်းရှိန်ဝါထက် ကသူ့အခန်းတံခါးကိုလာခေါက်မြဲ....
"ငယ်လေး....
ကိုကို ပြန်လာပြီ...."
"......"
"အခုဘာလုပ်နေတာလဲ.... "
"......"
"ညစာစားပြီးရင် ဆေးသောက်ဖို့မမေ့နဲ့ဦးနော်..."
"......"
"TV ကိုတစ်ညလုံးကြည့်မနေနဲ့ဦး စောစောအိပ်..."
"......"
"Good night... "နေ့တိုင်းအခန်းအပြင်ကနေ သူ့တုန့်ပြန်စကားသံမရှိဘဲတစ်ယောက်တည်း ဘုန်းရှိန်ဝါထက်စကားတွေလာပြောတတ်သည်။
November လကုန်တော့မည်ဖြစ်၍ မကြာခင်သူ MU မှာတက်ရတော့မည်။
"ဟေး!!"
ဝရန်တာမှာ တစ်ယောက်တည်း ဟိုတွေးသည်တွေးနှင့်စိတ်လွင့်နေတုန်း ခေါ်သံကြောင့် ခြံထဲငုံ့ကြည့်လိုက်ရာ သူ့ကိုအောက်ဆင်းလာဖို့ အချက်ပြနေတဲ့ စစ်ကောင်းကင်နိုင်....
သလင်းမြူ မဆင်းချင်ကြောင်းခေါင်းယမ်းပြတော့ Angry bird ကောင်က မျက်မှောင်ကြီးကျုံ့လာသည်။
"မာလာရှမ်းကောသွားစားမလို့ခေါ်နေတာ!
မလိုက်ချင်လည်းနေ!!"အစားအသောက်သံကြောင့် သလင်းမြူ ပျာသွားရသည်။
"လိုက်မယ်!!
ငါအခုချက်ချင်းဆင်းလာခဲ့မယ်....
ခဏစောင့်!"
"မြန်မြန်လုပ်...!"
YOU ARE READING
Glossary Of Alive (Completed)
Teen FictionAbout a boy who loves butterflies, white roses and a boy..... ◾◽◾◽◾◽◾◽◾◽◾◽◾◽◾ (AN: This OC is based on the true story)