Glossary Of Alive (Completed)

Part- 53 ( no lie)

Unicode

ရေးပေးလိုက်တဲ့ လိပ်စာအတိုင်းသူမေးမြန်းလိုက်ရှာခဲ့တော့ ခြံဝန်းကျယ်ကြီးတစ်ခုကိုညွှန်ကြသည်။

ခြံရှေ့မှာ bell တီးဖို့အရေးအားယူနေရတဲ့သူ့ကိုဖြတ်သွားဖြတ်လာတွေကသူခိုးထင်နေကြလားမသိ....

ရှိသမျှသတ္တိ အကုန်ထုတ်ကာမျက်စိစုံမှိတ်ပြီး bell ကိုတီးလိုက်သည်။

ပထမတစ်ခါဘာတုံ့ပြန်မှုမှမရှိ...

ဒုတိယတစ်ချက်နှိပ်လိုက်မှ အိမ်ထဲကနေသက်လတ်ပိုင်းအမျိုးသမီးတစ်ဦးထွက်လာသည်။

"ဘာကိစ္စများရှိလို့လဲ..."
"ဒါက သလင်းမြူရဲ့အိမ်လားဗျ...."
"ဟုတ်ပါတယ်...
ဒီကမောင်လေးကဘယ်သူလဲ..."
"ကျွန်တော့်နာမည်စစ်ကောင်းကင်နိုင်ပါ...
မြူ့ရဲ့သူငယ်ချင်း...
မြူကသူ့ဆီလာခဲ့ပါဦးဆိုလို့..."

ဟုတ်ဟုတ်မဟုတ်ဟုတ် ယုံအောင်တော့ရွှီးရမည်။

"ငယ်လေးက အခုအိမ်မှာမရှိဘူး...
ပွဲရုံသွားတယ်...ခဏနေလောက်ဆိုပြန်လာတော့မှာ...
မောင်လေးအထဲဝင်စောင့်နေလိုက်ပါလား...."
"ဟုတ်...."

ခြံထဲဆိုင်ကယ်သွင်းပြီး ထိုအစ်မကြီးနှင့်အိမ်ထဲကိုလိုက်လာခဲ့လိုက်သည်။

"မကြီး ဘယ်သူလဲ..."

ဧည့်ခန်းထဲမှာ ကလေးနှစ်ယောက်နှင့်အတူကာတွန်းကားကြည့်နေသည့် ကောင်မလေးတစ်ယောက်ကသူ့ကိုခေါ်လာသည့်အစ်မကြီးကိုမေးသည်။

"ငယ့်သူငယ်ချင်း..."
"ဪ...
အစ်ကိုထိုင်လေ..."

သူအခုမှသတိထားမိတယ်....
ဒီကောင်မလေးက အရင်မြူ့ဖုန်းထဲမှာတွေ့လိုက်တဲ့ မြူနဲ့ဆင်တဲ့အဆိုတော်ပေါက်စလေးပဲ....

ဧည့်ခန်းထဲမှာချိတ်ထားသည့် မိသားစုပုံကြီးထဲမှာ သူ့ချစ်သူပါနေသည်။

"မောင်လေးက Mandalay ကလား..."
"ဟုတ်ကဲ့..."
"ငယ့်သူငယ်ချင်းတွေထဲမှာ မောင်လေးကိုတစ်ခါမှမမြင်ဖူးတော့ တံခါးတန်းမဖွင့်ပေးတာ စိတ်မရှိနဲ့နော်...."
"ရပါတယ်...
မြူနဲ့ကျွန်တော်ကခင်တာသိပ်မကြာသေးဘူးလေ..."
"ငယ် Mandalay မှာ tutor သွားလုပ်တုန်းကခင်တာထင်တယ်...."