Journal Entry No. 365
New Year's Eve
Tahimik akong naglalakad sa boardwalk kanina habang hinihintay ang gaganaping countdown.
Bagong taon nanaman.
Nakamasid ako sa madilim na dagat kung saan nagrereflect yung mga ilaw ng mga nakapalibot na resorts doon. Para itong isang malaking itim na salamin. Pumikit ako saglit para damhin lalo yung hangin sa mukha ko habang nililipad din nun ang mahaba kong buhok.
Napayakap ako sa sarili ko dahil sa lamig. Kung bakit naman kasi naisipan kong maglakad lakad pero hindi ang magdala ng jacket.
"Ang lamig no?"
Napalingon ako sa lalakeng nakatayo na pala sa tabi ko. Nakasuot ito ng faded jeans at white shirt lang. Maayos na nakatali ang mejo mahaba nitong buhok at may dala dalang gitara.
He was smiling at me. Yung ngiti na hindi mo din maiiwasang mapangiti.
Tanging tango lang ang naisagot ko sakaniya. Umayos siya ng harap saakin.
"Vice nga pala."
Pakilala niya sabay lahad ng kamay niya.
"Jackie."
Pakilala ko bago siya kinamayan. Tumango siya bago ngumiti.
"New year's eve pero heto ka naglalakad mag-isa dito?"
Sabi niya bago bitawan ang kamay ko. Napalinga linga naman ako sa paligid. Nasa madilim na part na pala ako ng boarwalk ng hindi ko manlang namalayan. Nagkibit balikan ako bago sumagot.
"Ikaw din naman ah."
Biro ko na nagpatawa lang sakaniya ng kaunti. Sumenyas siya sa isang wooden bench na andun bago nag patiunang umupo. Tumabi naman ako sakaniya pero naglagay ng space sa pagitan namin.
"Wala naman. Gusto ko sana magpractice ng song. Alam mo naman pag family gathering, di maiiwasan na kulitin kang kumanta o sumayaw."
Sabi niya sabay tapik sa hawak na gitara. Natawa ako dahil tama siya.
"Parinig naman ako. Tapos sasabihin ko sayo kung papasa na ba o hindi pa."
Biro ko sakaniya. Napakamot siya ng kaunti sa batok niya bago tila nahihiyang tumingin saakin at ngumiti.
Napasinghap ako ng kaunti.
Bakit ang cute nun sa paningin ko.
Pinigilan kong mapangiti din at sinenyasan nalang siya na tumugtog na. Bumuntong hininga siya saglit bago nagsalita.
"Sige, pero pinapauna ko na ha. Hindi ako magaling."
Natatawang sabi niya. Tumango lang ako habang hindi inaalis ang tingin ko sakaniya. Tumikhim siya saglit bago nagsimulang tumipa sa gitara.
You don't know, babe
When you hold me
And kiss me slowly
It's the sweetest thing
And it don't change
If I had it my way
You would know that you are
