طفلة أوقعتني في عشقها

الرابع

اللهم صل وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين 💜💜

في تمام الساعه الثالثه..
وصلت ملك السيوفي إلى قصر أيمن الأنصاري .. ترجلت من سيارتها.. ثم قرعت جرس الباب.. ففتح لها الخادم قائلا باحترام:أيوه.. حضرتك مين يافندم؟!
ابتسمت ملك قائله وهي تخلع نظارتها الشمسيه:أهلاً.. أنا صاحبه آيه جايلها.. ممكن أدخل؟!
الخادم: اه طبعا.. اتفضلي يافندم..
أومأت ملك برأسها قائله:ميرسي..
ثم التفتت إليه مره أخرى لتقول : لو سمحت.. هي طنط ياسمين فين؟!
الخادم: مدام ياسمين في المطبخ يافندم..
ملك :اوك.. ميرسي أوي..
الخادم: العفو يافندم.. اتفضلي..
دلفت إلى المطبخ ثم أخذت تسير على اطراف أصابعها حتى لا يصدر منها اي صوت ثم وقفت خلف ياسمين مباشره وقالت بصوت عالي : طنط يااااسمين!!
التفتت إليها ياسمين باضطراب وهي تقول: بسم الله الرحمن الرحيم.. في إيه يامجنونه؟! في حد يخض حد كده..
ضحكت ملك قائله بمرح:مش بسلم عليكِ ياطنط.. إزي حضرتك؟!
ردت عليها ياسمين قائله بابتسامه هادئه: أنا الحمد لله كويسه.. أنتِ ازيك وإزي يمنى اللي مابتسألش عليا؟!
ردت عليها ملك قائله بهدوء: أنا تمام.. ومامي كمان كويسه الحمد لله بس هي والله زياد مجننها على الآخر.. أنتِ عارفه بقى إنه في ثانويه عامه..
أومأت ياسمين قائله: ربنا يعينه يارب.. قوليلي بقى أنتِ طالعه للمجنونه التانيه اللي فوق؟!
ضحكت ملك قائله: ايوه.. ماحضرتك ياطنط عارفه هي صاحبتي بقالها قد إيه..
ربتت ياسمين على ذراعها قائله بحنان: ربنا يخليكوا لبعض ياحبيبتي..
أومأت ملك قائله بسعاده: يارب ياطنط.. عن إذنك بقى أنا طالعه لآيه..
أفسحت ياسمين إلى ملك قائله بابتسامه: اتفضلي يا حبيبتي..
بادلتها ملك الابتسامه.. وخرجت من المطبخ.. في طريقها إلى الأعلى اصطدمت بشخص..
ابتعدت عنه ملك قائله باعتزار: أنا آسفه أوي والله مش قصدي..
زفر عدي بضيق قائلا وهو ينظف ثيابه:إيه ده بس يابنتي مش تفتحي.. حرام عليكِ العصير وقع عليا..
إلى أن انتبه إلى وجهها ليقول:ملك.. ازيك يابنتي.. إيه يابنت مش فكراني ولا إيه؟! أنا عدي..
لتقول ملك في نفسها: هو أنا أقدر أنساك..
ثم ردت عليه قائله بابتسامه هادئه: ازيك ياعدي.. عامل إيه؟! معلش باتلخبط بقى بينك انت وعاصم.. ماإنتوا شبه بعض..
هز عدي رأسه كعلامه بالنفي.. ثم قال: لا مش شبه بعض.. هو شعره أسود وأنا شعري بني.. إيه ده بس أنتِ اتغيرتي أوي يابنتي.. وجو الدحيحه اللي كنتِ عاملاه ده راح فين؟!
تنهدت ملك قائله بضيق:معلش.. أصل الواحد لما بيكبر المفروض يعقل.. وأنا عقلت بقى واهتمت بنفسي.. على العموم بعد إذنك عشان أنا طالعه لآيه..
رد عليها عدي قائلا: اه اتفضلي.. بس هي نايمه في أوضتي عشان أوضتها مدهونه.. تعالي أوريكِ الأوضه..
ردت عليه ملك قائله بسخريه: لا شكرا.. قولي هي فين بس وأنا هاروح يعني مش هاتوه في البيت مش جنينه الأسماك هو يعني؟!
قطب عدي جبينه قائلا بتعجب من أسلوبها الساخر: ماشي خلاص.. في إيه لكل ده؟! على العموم هي الاوضه رقم ٢ على إيدك الشمال وأنتِ ماشيه..
ضحكت ملك قائله بسخريه في نفسهاا: أه ماحياتك كلها شمال مجاتش علي الأوضه كمان..
لترد عليه قائله بابتسامه بارده: ميرسي أوي.. عن إذنك..
أفسح عدي إليها الطريق قائلا: اتفضلي..
أومأت إليه ملك.. لتصعد متجهة إلى غرفته..
أما هو أخذ يفكر وقال في نفسه: لا بقى دي كبرت أوي البت دي.. لا ولسانها كمان طول.. بس احلوت كمان وبقت مزه.. إيه اللي انت بتقوله ده؟! لا دي قد اخواتك البنات وطول عمرها زي أختك وبس..
أما ملك فسارت إلى أن وصلت الى غرفه عدي ودلفت إليها.. لترى صديقتها المستغرقه في نومها على الفراش.. جلست بجانبها على الفراش.. وأخذت تتذكر لقائهما الأول..