طفلة أوقعتني في عشقها

السادس

استغفر الله الذي لا إله إلا هو الحي القيوم وأتوب إليه 💙💙

يجتمعون جميعاً الآن ومعهم عاصم الذي انضم اليهم منذ قليل على سفره الطعام..
أما آيه كانت شارده تفكر فيما رأت.. لو كان أي حد أخبرها بما رأت لكانت بالتأكيد كذبته.. ولكن هذه عينيها أيعقل أن تكذبها؟! يجب أن تتنظر بعض الوقت وبالتأكيد سيشرحون لها.. هي عادت اليوم فلتنتظر أكثر حتى يخبرونها.. فاقت من شرودها على صوت عادل قائلا بابتسامه هادئه:ماشاء الله ياحبيبتي.. بجد تستهلي اللي أنتِ وصلتي ليه ده.. ألف مبروك يابنتي.. منظرك وهما بيكرموكِ كان واضح فيه قد إيه أنتِ فرحانه ومبسوطه.. ربنا يفرحك كمان وكمان...
لتبتسم إليه ابتسامه هادئه.. ثم قالت:ميرسي ياأونكل.. ده من ذوق حضرتك والله.. أكيد كنت فرحانه عشان أنا وصلت لكده بتعبي ومجهودي الحمد لله..
ابتسم أيمن قائلا بمرح: في إيه ياعادل؟! خف على البنت شويه..هتحسدها ولا ايه؟! امسك الخشب ياراجل.. أنا خايف على بنتي من الحسد..
ضحك غادل قائلا بمرح هو الآخر:لا ياخويا أنا مبحسدش.. دي بنتي أنا كمان.. وأنت عارف غلوتها عندي قد إيه..
ابتسمت إليه آيه ابتسامه مجامله..
ثم عادت إلى دوامه افكارها مره ثانيه وهي تعبث في الطعام امامها.. حتى لاحظتها والدتها.. لتهزها برفق قائله: إيه ياآيه؟! في إيه الاكل مش عجبك؟!
هزت آيه رأسها بالنفي قائله وهي تحاول أن تأكل من طبقها:لا يامامي.. الأكل حلو جداً.. أنا باكل اهو..
حسنا!! هي يمكنها أن تكذب على الجميع ولكن ليس عليه هو؛فهو يعرفها أكثر من حالها.. ولكن لايستطيع أن يسألها الآن وهي لا تتذكره.. فلينتظر قليلاً..
قاطع عليهم صمتهم هذا سؤال عاصم لآيه قائلا: صحيح ياآيه.. هتعملي إيه في موضوع اللقاء التليفزيوني ده؟!
انتبهت إليه آيه قائله: مش عارفه والله يا عاصم.. أنا بفكر أهو واللي فيه الخير يقدمه ربنا..
ردت والدتها قائله بحزم:هترفضي طبعا ياآيه.. أنا سايبه كل واحد يتكلم بس أكيد لازم ترفضي..
نظرت آيه إلى والدتها قائله باستغراب:ليه يامامي؟! فيها إيه يعني لما أحضر لقاء تلفزيوني؟!
ردت ياسمين قائله وهي تحاول إثناء ابنتها عن قرارها: ياحبيبتي أنتِ لسه جايه من السفر.. وبعدين أنتِ يعني مش خلاص عملتي الماجستير.. إيه لازمتها بقى الدكتوراه ووجع الدماغ ده؟!
قطبت آيه جبينها قائله بغضب طفيف:وجع دماغ!! بقى الدكتوراه وجع دماغ يامامي.. الكلام اللي حضرتك بتقوليه ده يقوله ناس جهله مش دكتوره متعلمه زي حضرتك.. ده حتى لو حد مش متعلم أو تعليمه على قده هيفرح لما يلاقي ولاده وصلوا لمراكز عاليه..
ردت عليها والدتها قائله بتبرير:يابنتي ماعشان أنا كنت دكتوره باقولك إن الحاجات دي ملهاش لازمه.. كفايه أوي الماجستير..
هزت آيه رأسها قائله باصرار:لا يامامي.. مش كفايه.. وبعدين ظروف حضرتك كانت غير ظروفي.. أنا عندي إستعداد إني أكمل في الدراسه دي.. أصل حرام أوي إن أنا أبقى تعبت ده كله وفي الاخر أضيع تعبي.. ولا حضرتك إيه رأيك يابابي؟!
ليترك أيمن الملعقه من يده قائلا بهدوء: بصي ياحبيبتي ده قرارك إنتِ ومحدش يقدر يقرر غيرك.. بس لو جينا للصراحه فأنا معاكِ في قرارك..
نظرت إليه قائله بابتسامه واسعه: ميرسي يابابي.. ربنا يخلي حضرتك لينا يارب..
قاطعتهم سيرين قائله بمزاح : وبعدين يامامي إحنا عايزين حد مشهور في العيله دي.. كفايه إحنا عندنا عدي والشيخ عاصم والتافهه سيرين اللي هي أنا طبعا...
لترد عليها آيه قائله:لا ياحبيبتي.. إنتِ مش تافهه ولا حاجه.. إنتِ فاضيه وعندك فراغ نفسي المفروض تشغليه بحاجه.. ده لولا إنك بترسمي كان زمان البيت كله هيولع في نفسه منك.. وبعدين عاصم مش شيخ على فكره هو ده العادي إنه يبقى قريب من ربنا.. لكن عدي بقى..
هز عدي رأسه قائلا بسخريه:ابتدينا في وصله العلاج النفسي..
نظرت إليه قائله بتحذير وهي تلوح بالسكين أمامه: عدي!! كله إلا شغلي ياعدي.. فاهم ولا لا؟!
رد عليها عدي قائلا بخوف مصطنع:فاهم.. فاهم.. ربنا على المفتري..
نظرت إليه ملك قائله بسخريه:ناس تخاف متختشيش..
رد عليها عدي قائلا باستفزاز:ملكيش فيه يادحيحه..
أخرجت ملك إليه لسانها كالاطفال قائله:أحسن منك ياخويا..
رمقتهما آيه بنظرات ناريه بمعنى اصمتا لا طاقه لي الآن..
اقتربت منها ملك قائله بصوت منخفض: في إيه يا آيه؟! وشك لونه اصفر كده ليه؟! إنتِ قادره تتنفسي كويس؟!
هزت إليها آيه رأسها بالإيجاب..ولكنها تشعر الآن بأنها ليست على ما يرام!!زولا قدره لها على الحديث.. هي فقط بحاجه إلى البخاخ الخاص بها؛ لتصبح بخير..
ساد الصمت مره أخرى لمده قصيره.. ليقطعه هذه المره عاصم قائلا بابتسامه : مبروك يامحمد على المناقصه الجديده اللي كسبتها شركتك في ألمانيا..
رد عليه محمد قائلا بهدوء:الله يبارك فيك يا عاصم.. كل ده من تعليم عمي أيمن ليا.. هو ليه الفضل بعد ربنا سبحانه وتعالى في إني اتعلم الشغل ده..
ليرد عليه أيمن بابتسامه هادئه قائلا: لا يابني.. أنت الحمد لله وصلت لكده بتعبك ومجهودك وشغلك.. وإصرارك ياحبيبي إنك تنفصل عن شركه والدك وتعمل شركه ليك.. وماشاء الله عليك شركتك بقيت مجموعه شركات.. ربنا يحفظك من كل شر يابني..
رد عادل قائلا بامتنان لصديق عمره:لا بصراحه ياأيمن محمد عنده حق.. لولاك أنت زمان مكنتش شركتنا قامت أيامها خصوصاً بعد الأزمات اللي كانت بتمر بيها.. واللي لسه بتمر بيها بس الحمد لله بمجهودنا بعد فضل ربنا علينا كل حاجه بتعدي..
أكمل محمد بهدوء:اه بصراحه يابابا إحنا...
لم يستطعوا إكمال حديثهم من تلك التي أصبح وجهها ازرق بشده وغير قادره على التنفس..
ثانيه واحده وانتفض الجميع إليها في محاوله لانقاذها وهي صدرها يعلو ويهبط بشده من قله تنفسها؛فهي تصيبها هذه الحاله الصعبه عندما تغضب بشده.. وهي الآن في اشد حالات غضبها..
اقترب منها محمد قائلا وهو يربت على وجنتها:آيه!! فوقي ياآيه.. متغمطيش عينيكِ.. هاتولها البخاخ بسرعه..
ثوانٍ وكانت تناوله سيرين البخاخ.. ساعدها في استنشاق بختين منه.. ليعود وجهها لللون الطبيعي.. لم تلبث إلى أن استسلمت هي للدوامه التي استقبلتها بكل ترحاب وهي الهروب من الواقع أو مانسميه نحن ب"فقد الوعي" .. لتقع على كتف محمد.. ليسندها هو وحملها بإتجاه غرفتها.. ليضعها في فراشها و.. خلع عنها حذائها.. ودثرها جيداً بالغطاء..وتركها لتنام ثم ينزل إلى الأسفل..