طفلة أوقعتني في عشقها

التاسع

استغفر الله الحي القيوم واتوب إليه إني كنت من الظالمين ❤️❤️

نظرت إليها ملك قائله:طب ماتقوليله؟!
ردت عليها آيه قائله بحزن:مينفعش.. هو كمان كدب عليا..
ثم انفجرت في نوبه البكاء لتجلس ملك بجانبها وهي تواسيها قائله:خلاص ياآيه اهدي.. هما بره عند الباب هيسمعوا..
هدأت آيه قليلاً.. ثم دخلت الممرضه؛ لتخلع المحلول من ذراعها.. وقد فحصتها الطبيبه وقالت أنها يمكنها الخروج..
ليدلف عدي قائلا وهو ينظر تجاه ملك:تعالي دقيقه..
قطبت ملك جبينها قائله بتعجب:حاضر.. ثم نظرت تجاه آيه باستفهام لتهز الأخرى رأسها بمعنى لا أعرف.. ثم ذهبت ليدلف محمد لآيه مره أخرى وعلى وجهه تلك الإبتسامه الماكره التي تعرفها جيدا.. ليقول بعد أن جلس بجانبها:ازيك يا مراتي يا حبيبتي..
نظرت له آيه بحنق ثم أردفت قائله بمكر:تؤتؤ.. مش مراتك.. خطيبتك يابشمهندس..
أومأ برأسه قائلا بحنق:ماشي يا خطيبتي.. يلا اجهزي عشان تمشي..
ردت عليه قائله ببرود:ماشي حاضر.. يلا اتفضل بره..
زفر محمد قائلا بحنق:ماشي ياختي..
خرج من الغرفه.. وقامت هي من مكانها لتعديل ثيابها قبل الخروج وماإن همت لتخرج.. دخل أيمن قائلا بابتسامه حنونه:ألف سلامه عليكِ ياآيه..
ردت عليه بهدوء: الله يسلم حضرتك..
أردف أيمن قائلا بحزن:إنتِ برده زعلانه مني ياآيه؟!
اصطنعت آيه الدهشه لتقول:ليه؟! وأنا ازعل من حضرتك ليه؟! هو حضرتك مثلاً خبيت عليا موضوع مهم زي جوازي..
ليرد هو قائلا بأسى:أنا آسف يابنتي.. والله ماكان قصدي حاجه وحشه.. وبعدين محمد هيحافظ عليكِ..
ردت آيه قائله بغضب :وانتوا اللي تقرروا إذا كان هو هيحافظ عليا ولا لا؟! لا ده قراري أنا بس ماشي.. عايزين إني أتعامل بهدوء عادي جدا.. تمام.. بس ياريت بقى دكتوره ياسمين تعرف إن أنا مش عيله صغيره عشان تقرر بالنيابه عني..
رد هو قائلا بتبرير:والله ياآيه ماكنت أعرف إن ياسمين عملت كده النهارده في الجامعه.. طب أنا هامنعك إزاي.. وأنا إمبارح كنت بقولك إنك تكملي وتعملي اللي أنتِ عايزاه.. على العموم أنا مش هاضغط عليكِ.. وهاسيبك تجهزي نفسك.. عن إذنك..
ليخرج هو ويتركها بمفردها.. لتجلس على حافه الفراش.. وتتذكر كيف علمت بشأن ترتيب زوجه أيمن الأولى"شيرين" المتوفية  لزواج ياسمين وأيمن..

كانت هي جالسه في غرفتها تذاكر دروسها إليها..
جاءت في رأسها الرساله التي تركتها لها السيدة شيرين..
لتفتح تلك الرساله التي تعرف مضمونها.. وقرأتها

آيه حبيبه قلبي.. بنتي اللي مخلفتهاش.. يانور عيني أنتِ.. أكيد عارفه إن أنا بحبك أوي صح؟! وبحبك قد سيرين وعاصم وعدي ياحبيبتي.. أنا مش عايزاكِ تزعلي مني عشان أنا هاطلب طلب ممكن يضايقكوا وتفتكروا إني متضايقه من الطلب ده.. بالعكس ياحبيبتي أنا هاطلبه عشان أنا هابقى كده مبسوطه.. أنا عايزه مامتك تتجوز أيمن!! متستغربيش يعني.. أنا طالبه كده عشان أيمن هيبقى في وحده من بعدي.. وأنا مش عايزه كده.. إنتِ عارفه إنه استحمل معايا ١٠ سنين مرض وعلاج وعمره مااشتكى.. زي ماأنا عارفه إنه هيبقى أب حنين عليكِ يا حبيبتي.. اوعي تزعلي وتفتكري إن إحنا عايزين نخرجك من حياه مامتك.. لا ياحبيبتي.. إنتِ كده هتضمني مامتك أكتر.. المهم أنا عايزاكِ تدعيلي بالرحمه.. مع السلامة يا آيه..