اصابه خدر الحب لهجة عراقية وتوجد فصحى على مكتبة نور

الفصل الثالث

اليوم لقاء مهم كلش :) مشهد طويل بس اساسي بالقصة ويعتبر نقطة انطلاق لبقية الاحداث.. صورة طه بطل القصة

لاتنسون التصويت حبايب 

#اصابه_خدر_الحب

كتابه رؤى صباح مهدي

الفصل الثالث

ركض امير وركب تكسي لمكان سيارة طه اخذها وراح على المكان اللي كلة عليه طه وركض على طه وركبه بالسيارة. خلا بالمقعد الخلفي واول ما دخل للمقعد الخلفي طه فقد الوعي تماما . غطاه امي بقماش اسود حتى يضمة عن العين ومحد يشوفة وانطلق بالسيارة ميدري وين ياخذ صديقة اللي دينزف. مع هذا ظل يسوق بعيد عن هاي المنطقة اللي بدت بيها الحركة وخاف يبدي التفتيش خارج المقر ورة ما يخلص داخل المقر. بلا وعي ساق امير للمطعم نفسه اللي اتفقو بي على العملية بس جان المطعم مسدود بذاك الوقت فخابر صاحب المطعم وهو يعرفة ويمون عليه:

"اريدك تجي فورا, لا الولد متصوب وبحاله خطرة اريد مكان احطة بي لا يموت بين ايدي.. اروح اجيبلة طبيب ودوة ورة ما اتاكد هو بامان. يلة منتظريك"

الرجال ما تأخر راسا اجة وانصدم من شاف امير وطه بهذا الوضع. طه جان فاقد الوعي وجهه اصفر ونازف هواي .

دخلوه للداخل ودوه بالطابق الفوك وخلا امير على قنفة قديمة مصدعه وباوع على الجرح. تمنى يشوف الرصاصة طالعه من الجهة الثانية بس الامل اختفى ورة ما شاف ماكو جرح خروج. باوعلة صاحب المطعم وكال:

"لازم دكتور. الولد راح يموت بين ايدينا اذا منتحرك بسرعه"

رد امير عليه وهو خايف على طه:

"اذا اخذنا مستشفى هسة تعرف شراح يسوون بي؟ سين وجيم وياء وعين والاسئلة مراح تخلص وراح يربطون الحادثة .. انت متعرف احد طبيب مضمد طبيب بيطري صيدلي يكدر يساعدنة طالب طب يريد يسترزق انطي شكد ما يطلب بس لازم الامانة اهم شي"

فكر شوية صاحب المطعم ورد خجلان وحيران:

"ماعرف احد اكدر اثق بي لهل الدرجة . امير ماكو دكاترة من جماعتكم خابرهم خل يجون يساعدوه.. هذا الولد لازم نتكتم عليه بقدر الامكان لان كلنا بخطر اذا هو صار بخطر. وبعد لازم ندير بالنة عليه هذا الولد ديفضح الفساد بالبلد متحمل مسئولية محد يعرفها ولا يكدر يسويها. لازم نحافظ عليه "

بعدين كمل وهو يباوع على ساعته:

"هسة لازم افتح المطعم لا يشك احد بشي"

طلع صاحب المطعم من الغرفة وظل امير يباوع على طع فاقد الوعي وشوية شوية دينتهي.. اقترب منه وهو يشوفة يتحرك شوية وبدة يرجعله الوعي:

"طه .. طه؟؟"

رد طه بصوت ضعيف:

"امير وين اني؟؟"