اصابه خدر الحب لهجة عراقية وتوجد فصحى على مكتبة نور

الفصل 22

حبايب هذا الفصل ماقبل الاخير.. دعواتكم للعراق بالامن والامان

#اصابه_خدر_الحب

كتابه رؤى صباح مهدي

الفصل 22

من يخونك جسمك بيمن تثق بعد. وكع على الكاع ل محاولاته حتى يكوم مرة له فشلت. جسمه خذله وسأل :

"شنو هاي؟ وين اني؟"

وصل لاذنه أصوات مختلطة وجان مفعول الضربة اللي انضربها بعده يون براسه وجسمه دايخ ومشوش فد مرة مع هذا حاول كل جهده يركز حتى يفهم شديصير. انفحت الباب الكدامه ودخل ضوة ساطع عمة عيونة اللي تعودت على الظلمة. سدهن وهو يكول:

"انت منو؟ انت منو؟"

سمع صوتين يتهامسن بس ما فهم شي من الهمس مالتهم والرؤية جانت مشوشة ومغوشة فما كدر يشوف وجههم. كل الي كدر يشوفة ضوة ساطع وشبحين كل واحد منهم لزمة من ايد وجروه بقسوة لحد كرسي خشبي متهالك بواحد من الزوايا وكعدوه عليه. صرخ بصوته المتخدر:

"انتو منو؟ اني وين؟"

ما اهتموا اله ابدا وظلوا يشدون بايدي بالكرسي وكا واحد منهم سحب رجل وشدها برجل الكرسي بقوة بحيث الحبل ملخ لحم رجليه من كد قساوته. حاول يقاومهم بس عضلاته ما تحركت جانت مرتخية جدا ومافادت محاولاته وكملوا يشدوه زين وواحد باوع للثاني وهو بعدة يدردم عبالة ديحجي بس هو بالحقيقة بس ديهلوس لان جان مخدر وميكدر لا يحجي ولا يتحرك. ظل على هالحالة بالظلمة وحيد ميعرف شكم ساعه ولا حتى شكم يوم. رغم جان جسمه مخدر بس هو ما نايم تماما وديقاوم النوم والتعب لان جان يريد يبقة عنده ادراك ولو على الأقل لابسط الأشياء اللي تدور حوله. بس ساعات وساعات ماجان اكو أي شي يصير.

--

كعد امير بغرفة بالمستشفى ورة ما مافية زامل طلعوا وبسبب الهوسة الي صارت خابروا الجيران الشرطة واجو ولكوا امير واكع على الكاع والدم يطلع من رجليه ونقلوا للمسشفى وتلقى العناية الطبية اللازمة لحد ما يرجعله الوعي.

رجعتله كل احداث اللي صار بالليلة الراحت وفز من نومته واخر شي يتذكره صوت الهوسة الي صارت وصوت واحد من اللي هاجوهم وهو يجيب اسم زامل. راد يطلع من المستشفى بس المرصة منعته وكالت له:

"ما تقدر تطلع... الشرطة تريد تحقق وياك "

جاوبها:

"لازم اطلع لازم..."

منعته وصاحت لممرض رجال حتى يثبته فترجاها :

"على الأقل انطيني تليفوني... موضوع كلش مهم يا اختي مسألة حيا او موت"

انطته تليفونه وعافته اتصل بأسماء:

"أسماء ضروري هسة تجين"