اصابه خدر الحب لهجة عراقية وتوجد فصحى على مكتبة نور

الفصل ال13

بنات التصويت كلش متراجع على القصة اتمنى تصوتون وانتظروا فصل اخر فد شوية 

#اصابه_خدر_الحب

كتابه رؤى صباح مهدي

الفصل 13

"الو"

صوتها جان رخامي عذب هادئ ولذيذ. زهرة اتصلت بطه مو اقل من 5 مرات من ساعه اللي ماتت ام محمد وجان اخر مرة اتصلت بي البارحة قبل لاتنام ورادت تطمئن عليه ورة ماشافته منهار من استلم الجثة مالتها . همس بصوت يكابر الألم والحزن:

"شلونج زهرة"

ردت عليه متاذية حيل لاذيته بس صوتها كانو دتخفي الصوت حتى ميسمعها احد:

"حبيت اطمئن عليك... جرحك بخير؟"

رد :

"أي... احسن بس جرح ثاني صار بمكانه"

سمع صوت بجيها وهي تقول له:

"الله يصبرك.. هذه سنة الحياة وكلنا ممكن على ساعه نموت بلا أي سابق انذار واني وحدة من الناس دائما افكر بهذا الموضوع.. المهم الذكرى الحلوة اللي الناس تذكرنا بيها"

رفع رأسه من سمعها تقول هذا الكلام... رد فورا:

"اسم الله عليج زهرة "

تبسمت رغم دموعها وقالت له:

"الوضع العايشين بي بالبلد ممكن الانسان يطلع الصبح سليم معافى ويرجع للبيت بالكفن.. الأمان انعدم وكلنا مستمرين بالحياة برحمة الله الواسعه"

رد :

"ونعم بالله"..

سد التليفون وتمنت اله ليلة سعيدة وهو نفس الشي بس أي سعادة هاي اللي يتمناها واحد لثاني وهمة الاثنين عايشين بجحيم. الشي الوحيد اللي هون عليه بوعته صوت زهرة الحنون مواساتها اله يجوز بسيطة بنظرها بس جبيرة بنظرة. عباله ماعندة احد بهاي الحياة ورة بيبي بس زهرة اثبتت اله العكس.

الليل جان مليان أحلام كلسا حلم شكل. زهرة الحلوة بضفيرتها المتناسقة تلبس روب الأطباء وسماعه فضية داير مداير ركبتها تتقرب منه وعينها بعينه الوسيعه يباوع عليها بكل ذرة بكيانه الملسوع بالالم والمعاناة وكل صبر حياته كله يتحول من يباوع عليها الى حب وعشق وهيام. عندة رغبة شديدة يحتويها لو بس تطلع من احلامة للحقيقة بهاي اللحظة ويحضنها وينسة كل همة. بالحلم وكفت زهرة باوع عليه بابتسامة حلوة على شفايفها. تقرب منها ببطئ مصمم يبوسها بس بنفس الوقت ميريد يسوي شيء هي متريده. انطاها فرصة تبتعد عنه بس هي بقت تباوع عليه بعيونها الحنونه منتظرته تبسم وأخيرا راح يروة ظمأة وأخيرا سنوات التعب راح تتحول الى سنوات حب.. وعلى غفلة وبلا مقدمات تختفي ويكعد هو غركان بالعرك يلهث تعبان عبالك هاي اللحظة استنزفته تماما. استغفر الله على هذا الحلم الغريب وهو غارق في ظلام غرفته سد عينه حتى ينام مرة ثانية عسى ولعل يحلم بذلك الحلم ولكن لا فائدة. كان السكون فقط حوله.