Warning ⚠️: Mature Contents (18+)
>>>>>Unicode<<<<<
မိုင်းမိုင် ပြတင်းပေါက်မှတဆင့် ညိုမိုင်းနေသော ကောင်းကင်ကို ကြည့်မိသည်။ စာဖွဲ့ခြင်းငှာမစွမ်းသာသော နာကျင်မှုတို့၏ နှိပ်စက်ခြင်းကို အခါမပြတ်ခံရသော သူ့ နှလုံးသားသည် ဒဏ်ရာဒဏ်ချက်များဖြင့် ကြွေသုန်းကာ သေဆုံးလုလု။ တဖန် ထိုပြိုမယောင်ဟန်ပြင်နေသော မိုးသားတို့ လေနှင်ရာ လွင့်ပါးသွားချိန်တွင် ပျိုမြစ်သော နေရောင်ခြည်တို့က အခန်းထဲသို့ တဖန်ပြန်လည် ဖြာဆင်းလာပြန်သည်။ သို့သော် အသက်ဝိညာဉ်တို့ ဆိတ်သုန်းနေပြီဖြစ်သော နှလုံးသားမြို့ပျက်အတွင်းမှာတော့ မည်းမှောင်မှုတို့ဖြင့်သာ ကြီးစိုးနေမြဲ။
မနက်ဖြန်ဆိုလျှင် ကိုကြီး၏ ရက်လည်ဆွမ်းကျွေးပင် ရောက်တော့မည်။ တခြားသူတွေပြောသလို သူ့အား ကိုကြီးက လာနှုတ်ဆက်မှာလား? လာလျှင်ကော သူ သိပါ့မလား။ သူ သိအောင်ကော ကိုကြီးက နှုတ်ဆက်မှာတဲ့လား။နှုတ်ဆက်ပြီးရင်ကော ကိုကြီးက ဘယ်ဘုံဘဝကို ကူးပြောင်းမှာလဲ။ သူထံကို လူဝင်စားအဖြစ် ပြန်လာဦးမှာလား။ ထိုသို့ တောင်စင်ရေမရ အတွေးတို့ကြားတွင် ဦးတည်ရာမဲ့ စီးမြောနေရင်းမှ တံခါးခေါက်သံကြောင့် သတိဝင်လာသည်။
ကျောရိုးမဲ့နေသော ပြိတ္တာတစ်ကောင်လို စိတ်ပျက်ဖွယ်ရာပုံမျိုးဖြင့် ထိုင်နေရာမှ အားယူက ထလိုက်ပြီး လဲပြိုတော့မယောင် ခြေလှမ်းများဖြင့် တံခါးရှိရာဆီသို့ လျှောက်သွားကာ တံခါးဖွင့်ပေးလိုက်သည်။ ထင်သည့်အတိုင်ပင် လေးနောင်က တံခါးဝတွင် မားမားကြီး ရပ်နေသည်။ ကြည့်ရသည်မှာ အပြင်သွားတော့ မလို့နှင့် တူသည် T-shirt အနက်ရောင် ကိုယ်ကျပ်နှင့် slim fit style pants မီးခိုးရောင်တထည်ကို ဝတ်ဆင်ထားသည်။
"မိုင်းမိုင် မင်းကို ဟိုနေ့က ကလပ်ကို သွားတဲ့ ကိစ္စနဲ့ ပတ်သက်ပြီး ပြောစရာရှိတယ်။"
မိုင်းမိုင် သိလိုက်ပါပြီ။ သူ အရက်သောက်သော ကိစ္စကို ဆူတော့မည်ဆိုတာကို။ ထို့ကြောင့် သူ အသာလေး ပါးစပ်ပိတ်နေလိုက်သည်။ ထင်သည့်အတိုင်းပင်...
KAMU SEDANG MEMBACA
အခ်စ္တို႔ျဖင့္ အတိၿပီးေသာ...|| အချစ်တို့ဖြင့် အတိပြီးသော
Fiksi Umum》ေဇာ္ဂ်ီ 《 ႏွလုံးသားတစ္စုံမွ ဖန္တီးပါေသာ အခ်စ္တစ္ခုအေၾကာင္း 》Unicode 《 နှလုံးသားတစ်စုံမှ ဖန်တီးပါသော အချစ်တစ်ခုအကြောင်း ○●○●○●○●○●○●○● ●《♤》Seke x Seke 《♤》○ ○●○●○●○●○●○●○●
