DOLLHOUSE

Dollhouse 005

⋈├・oＸᓄ

𝙔𝙊𝙐 𝘼𝙍𝙀 𝙉𝙊𝙒 𝙎𝙏𝙍𝙀𝘼𝙈𝙄𝙉𝙂
𝘿𝙊𝙇𝙇𝙃𝙊𝙐𝙎𝙀

Cameras Activated: 100/100
Site: ONLINE
Current Task:
search the 4 missing keys
Dolls Awake: 9/10

▬▬▬▬▬▬▬

── ♡├o Flame

'Yong eksenang kakagising ko pa lang tapos puro na kashitan na ang nakikita ko.

So eto nga ang nangyayari....

Nagdudugo ang balikat ni Gunner. Nasa lugar kami na hindi ko alam. May kung anu-anong nakasulat sa screen na maghanap daw ng susi. May mga litrato sa kwarto na pagkalaki laki at hindi ko alam kung kelan kami kinuhanan. Walang pinto ang kwarto. Nakaposas kaming mga babae. At higit sa lahat, mukhang tanga ang soot kong pulang dress na pang manika.

Hindi ako natutuwa.

Mas lalo akong nairita nang sabihin ni Alpha na bubutasin nila ang tahi sa balikat ni Gunner kasi nandoon daw ang susing hinahanap nila.

"Tatanggalin niyo ang tahi? Seryoso ba talaga kayo?" pagbunganga ko.

Tsk. Iniwas ko ang tingin ko kay Gunner na tahimik na lang at inaabangan ang mangyayari sa kanya. Halatang seryoso sina Alpha at Hera na tatanggalin ang tahi sa balikat niya para makuha ang susi. Pagkatapos tanggalin, ano sunod? Ganun na lang? May pantahi ba sila ulit? Nakakainis talaga.

"Patingin nga 'ko, Gunner. Baka mamaya butasin nila balat mo, wala naman pala diyan 'yong susi." komento ko, bakas sa tono ko ang pagkairita.

Napansin kong tumayo si Alpha bigla. "Flame, dahan-dahan lang kasi-----"

"Alpha, shut up. I know what I'm doing." asik ko sa kanya. Napaatras siya at umupo na lamang sa kama na malapit sa kanya.

Lumapit si Gunner sa'kin. Hinubad na niya lahat ng pangitaas niya kanina at ginamit ang polo pangpunas ng dugo. Kitang kita ng lahat ang balat at mga peklat niya dahil sa mga laban niya sa underground. Sinipat ko ang kanyang balikat at nakita ko ang tahi. Nagdudugo ito. Mukhang malalim.

"Lapit pa." Sabi ko.

Pahamak na posas naman kasi 'to, hindi ako makalapit at makagalaw nang maayos!

"Huwag mo hahawakan, ah. Masakit." Sabi ni Gunner, saka iniharap sa'kin ang likod at balikat niya. Umayos ako ng pwesto at tinignan iyon nang maiigi. Totoo nga na mayroong tahi at mukhang malalim. May naaninag din akong kumintab na tila susi sa loob ng nagdudugong tahi.

Sinong baliw naglagay nito sa kanya?

Napabuga ako ng hangin kaya nilingon ako ni Gunner.

"Mayroon talagang susi?" Tanong niya, tumango ako. Napansin kong kumuyom ang kamay niya sa galit. Tahimik kaming lahat tuloy ngayon. Si Ichiro na kanina'y nagbubungkal ng carpet ay napatigil din.

"Paano kung niloloko lang nila tayo?" komento ni Claude na tumabi sa pwesto namin dito.

"Binutas nila ang balat ni Gunner. Mukhang hindi sila nagbibiro." ani Hera. Nagkatinginan sila ni Gunner.

"Can you feel it? The cold metal under your skin?" dagdag ni Hera. Dahan-dahang napatango si Gunner.

Naiinis na talaga ko. This is bullshit! Bakit nangyayari sa'min 'to?

"Alpha..." tawag ni Gunner, seryoso ang boses.

"Try it. Buksan mo ang tahi. Kunin mo ang susi."

Binalot kami ng katahimikan dahil sa sinabi ni Gunner. I was waiting for him to take his statement back. But he didn't.