Unicode
ပုရောဟိတ်ကြီး က ကျန်းသခင်မ၏ လက်ထဲမှ ကလေးကို လုယူဖို့ကြိုးစားနေရင်း နောက်ကျောဘက်ဆီမှ လှုပ်ရှားမှုကြောင့် တစ်ချက်စောင်းငဲ့ကြည့်ပြီး အလျင်အမြန်ရှောင်ရှားလိုက်ရ၏။
" စစ်သူကြီးကျန်း ခင်ဗျား အသိစိတ်ပျောက်သွားပြီလား.. ကျုပ်က အရှင်မင်းကြီး အမိန့်နဲ့လာတယ်ဆိုတာလည်း သတိထားဦး "
ထိုစကားကြားမှ စစ်သူကြီးကျန်း လည်း လက်ထဲမှ ဓါးကိုပြန်သိမ်းလိုက်ကာ
" ပုရောဟိတ်ကြီး ဘက်ကသာ အတင်းအကျပ်မလုပ်ရင် ကျွန်တော်ဘက်ကလည်း ဒီလိုမလုပ်ပါဘူး... ပုရောဟိတ်ကြီး သက်ညှာပေးစေချင်ပါတယ်... သိတဲ့အတိုင်း ဒီကလေးက ကျွန်တော့်ရဲ့ ဆယ်နှစ်တာ အိမ်ထောင်သက်အတွင်းမှာ ခက်ခက်ခဲခဲရခဲ့တဲ့ ကလေးမို့ ကျွန်တော် မစွန့်လွှတ်နိုင်ဘူး... ပုရောဟိတ်ကြီးသာ သက်ညှာပေးမယ်ဆိုရင် အားလုံးအဆင်ပြေသွားမှာပါ.. "
" စစ်သူကြီးကျန်း ဆိုလိုတာက ကျုပ်က အရှင်မင်းကြီး ကို လိမ်ညာထွက်ဆိုပေးရမယ်လို့လား.."
" ပုရောဟိတ်ကြီး အတွက်လည်း မနစ်နာစေရဘူးလို့ ကျွန်တော် ကျန်းမင် အာမခံပါတယ် "
" ဒါက.. နည်းနည်းတော့ခက်မယ်ထင်တယ်... အရှင်မင်းကြီး အပေါ်လိမ်ညာမှု ဖြစ်တဲ့အတွက် ပေါ်သွားရင် ကျုပ်တို့အကုန်လုံးရဲ့ အသက်က... အာမခံမရနိုင်ဘူး..ပြီးတော့ ကျုပ်က ဒီလိုအရှုပ်မျိုးထဲ ဝင်ပါဖို့လည်း စိတ်ကူးမရှိဘူး... အကျိုးအမြတ် ဆိုတာကလည်း...အဟက်..စိတ်ဝင်စားဖို့ကောင်းဦးမှလေ..."
ထိုအချိန်အတွင်း သခင်မကျန်းကတော့ ကလေးကိုချီကာ အတွင်းဆောင်ထဲဝင်သွားလေ၏။
" ပုရောဟိတ်ကြီး စိတ်ဝင်စားမှာပါ... ပြီးခဲ့တဲ့လက တော်ဝင် နတ်ဗ္ဗိမာန်ရဲ့ အငယ်ဆုံး ခစားသူကောင်လေး က အကြောင်းမဲ့ပျောက်ဆုံးသွားတဲ့အကြောင်းဆို..."
ပုရောဟိတ်ကြီး ၏မျက်နှာတွင် အေးစက်တင်းမာသော အမူအယာအချို့ဖြစ်ပေါ်လာပြီးနောက် ပြန်လည်၍ အပြုံးတစ်ခုကိုဆင်မြန်းလိုက်သည်။
" တကယ်ကိုပဲ.. စစ်သူကြီးကျန်း ရဲ့ အာဏာက ပြင်းထန်တာပဲ..ချန်နိုင်ငံရဲ့ အပ်ကျမှုကအစ သိနိုင်အောင် ဂုဏ်ရှိန်က ကြီးမားလှတယ်..."
" ပုရောဟိတ်ကြီး ရဲ့ချီးကျူးမှုကို မခံယူဝံ့ပါဘူး။ အခုဆိုရင် ကျွန်တော်တို့ သဘောတူညီမှု ရပြီလို့ထင်ပါတယ် "
" ဒီလောက်နဲ့တော့... ကျုပ်ရဲ့ခေါင်းကို အပေါင်ထားဖို့ဆိုတာ..."
" ပုရောဟိတ်ကြီး စိတ်မပူပါနဲ့ အဲ့ကိစ္စကို အစအနမကျန်အောင် ကျွန်တော် ကူညီဖြေရှင်းပေးပါ့မယ်... ပြီးတော့ ခု ကျွန်တော် သမီးကိစ္စကလည်း ကျွန်တော်တို့နှစ်ယောက် ကြားမှာပဲ ပြီးဆုံးသွားမယ့်ကိစ္စပဲလေ..."
" ဟုတ်တာပေါ့ ဟုတ်တာပေါ့...စစ်သူကြီးကျန်း ရဲ့သမီးတော်လေးက နိမိတ်ကောင်းနဲ့မွေးဖွားပြီး ချမ်းသာမှုတွေ ဆောင်ကြဥ်းပေးနိုင်မှာပါ... အရှင်မင်းကြီး လည်း ဒီစကားကြားရင် ကျေနပ်မှာပါ..."
" ကောင်းတယ် ကောင်းတယ်..ခု ကျွန်တော့်သမီးရဲ့ နိမိတ်ကောင်း အတွက် ပုရောဟိတ်ကြီး ကို ကျွန်တော် ဧည့်ခံပါရစေ..ဟား.ဟား..ဟား.. ပုရောဟိတ်ကြီး ကြွပါ.."
" ဟား..ဟား..ဟား..စစ်သူကြီးကျန်းရဲ့ ဧည့်ဝတ်ကျေပွန်မှုက အတိုင်းထက်အလွန်ပါပဲ..ဟား..ဟား.."
စစ်သူကြီးကျန်း နှင့် ပုရောဟိတ်ကြီး တို့ရဲ့ သဘောတူညီမှု ပြုခဲ့ပြီးနောက် တွင်တော့ သမီးတော်၏ နာမည်ပေး အခမ်းအနားကို စတင်ခဲ့လေသည်။
YOU ARE READING
ကံကြမ္မာနှင့်ယှဥ်၍
Historical Fictionနိမိတ်ဆိုးနှင့် မွေးဖွားလာသော မိန်းကလေးတစ်ယောက်၊ ကောင်းကင်ဘုံမှ နှင်ထုတ်ခံရသော နတ်မိစ္စာတစ်ပါး နှင့် ပျက်စီးတော့မည့် တိုင်းပြည်၏ အိမ်ရှေ့စံ...တို့၏ ကြား ပေါ်ပေါက်လာသော ချစ်ခြင်းမုန်းခြင်းနှင့် စစ်ပွဲ... ပထမဆုံး ရေးဖူးတဲ့ fic လေးမို့ မှားတာတွေ မပြည့်...
