She Still Does (AD) [Paper Planes book II]

We Never Met

-

"Gusto mo raw ba maglaro minsan ng Basketball kasama sila Lang at Bee, magkakilala pala kayo?" sabi ni Alyssa kay Gretchen, inaaya niya itong makipaglaro sa kanila ng Basketball. Nakita niya itong pauwi na rin sa dorm kaya nagsabay na sila.

"Basta kakampi kita." sabi naman ni Gretchen at sinamaan ng tingin si Alyssa. Napakunot naman ang noo ni Alyssa. "Baka pilayin mo na naman ako ha. Alam mo bang hanggang ngayon 'di ko pa rin inaamin kay Coach na pinilay mo dalawang paa ko nung super last game natin dahil baka matanggal scholarship ko." bahagyang natawa si Alyssa.

"Sorry na, hindi ko naman ine-expect na ib-block mo 'ko." paliwanag naman ni Alyssa at napakamot ng ulo. Nangyari 'to nung first year college pa lang si Gretchen, naglaro silang magbabarkada ng Basketball nung dumalaw 'to. Napilay ang mga paa nito nang mali ang pagkakabagsak niya. Tumalon kasi siya no'n para sana i-block si Alyssa. Dahil doon ay isang linggo niyang kinailangang mag-saklay. Hindi naman talaga kasalanan ni Alyssa pero sinisisi pa rin siya ni Gretchen dahil ang hirap daw niyang bantayan.

"'Buti na lang naniwala si Coach na nadulas ako sa hagdan." sabi naman ni Gretchen at bakas sa mukha nito ang sakit at hirap na sinapit niya. Natawa na lang ulit si Alyssa sa kanya.

"'Ly!" napalingon silang dalawa sa lumingon at nakita si Ella papalapit sa kanila. "Ano jersey number mo?" sumabay ito sa paglakad ng dalawa.

"Hi Pots." bati ni Gretchen para pansinin siya ni Ella.

"Oo nakikita kita." sabi naman ni Ella kay Gretchen at tumingin ulit kay Alyssa.

"Uh, 9 sana eh." sabi ni Alyssa at tumingin kay Ella. "Kaso 'di na raw available kaya 2 na lang pinili ko, nakita ko kasing pinili ni Den 'yung 13--"

"Huh? Anong meron kung 'yun pinili ni Besh?" takang tanong ni Ella kaya napatigil din si Alyssa. Parang gustong tumawa ni Gretchen kahit hindi niya alam anong meron sa jersey numbers nung dalawa. Takang tinignan din niya si Alyssa para malaman kung bakit. Napatigil silang tatlo sa paglalakad at tinignan ng dalawa si Alyssa.

"A-ano kasi, malas daw kasi 'yung 13." walang connect na sabi ni Alyssa at napaiwas ng tingin. Kung saan-saan siya tumingin, iniiwasan ang tingin ni Ella. "Uhm, dati kasi m-may nagpatunay sa'king hindi malas ang 13, so a-ano baka maging swerte 'yung 2 sa'kin kasi malas para sa'kin 'yun." gusto na lang maglaho ni Alyssa bigla. Lalong kumunot ang noo ni Ella pero tumango tango na lang sila ni Gretchen.

Malas? Seriously Alyssa?

"Okay?" sabi na lang ni Ella.

"Ikaw anong number mo?" tanong ni Alyssa para mabaling kay Ella ang usapan. Kakaiwas niya ng tingin ay may nahagip ang mata niya at nagkatamaan sila ng tingin. Palabas ito ng Cervini at pareho silang nagulat.