Kahit Konting Pagtingin (Book 2 of Ashralka Heirs #2)

Kabanata 6

Kabanata 6
Zenith

"Kinakabahan ako sa mga plano ni Mr. Frazer, Code." nag-aalalang sabi ko habang magkahawak kamay kaming naglalakad sa mahabang pasilyo ng Rise Records.

Seryoso ang mukha ni Code at hindi umiimik. Para bang nag-iisip din siya.

"Actually, maganda naman ang plano niya, pero delikado. May posibilidad na mag backfire iyon kay Code." si Chard.

Nasa likod namin siya, pati ang ibang myembro ng Downtown.

"Iyon din ang inaalala ko. Dapat hindi ka agad pumayag sa plano niya, Code." sabi ko naman.

"I trust him. He's young but very smart." ani Code.

"Tama, matalino si Mr. Frazer at nakikita ko kung gaano siya kadeterminado na paangatin pang lalo ang banda natin. Kaya dapat, magtiwala lang tayo sa kanya." sabi naman ni Gervin na nakaakbay kay Ashton, habang ang mga mata nito ay nakatutok sa cellphone.

"We have to believe in him. That's all we can do." si Valdemir na nasa gilid ni Chard at nakapamulsa.

Pagkatapos ng urgent meeting ni Mr. Frazer ay nagkasundo ang banda na magliwaliw muna sa isang exclusive clubhouse.

Dahil ito ang unang beses na nakarating ako rito ay inilibot muna ako ni Code sa clubhouse, habang ang iba niyang kamyembro ay nauna na sa kanilang tambayan na narito lang sa club house. Dadalhin daw ako ni Code roon mamaya.

Nakatayo ang clubhouse sa gitna nang golf course dito sa maynila. May dalawang pool ito. Isang indoor na madalas daw gamitin sa pool party at isang outdoor na nasa roof deck ng club house.  Mayroon din itong gym na kumpleto sa equipments. May malaki at eleganteng function hall, bar at restaurant. Ipinakita rin sa akin ni Code at malaking theater ng club, dalawang beses pa lamang daw silang nakakapag perform doon dahil kadalasan sa palabas na nagaganap doon ay stage play. Pinuntahan din namin ang basketball court at volleyball and tennis court. May maliit na playground din para sa mga bata.

Hindi ko akalain na makakarating ako sa ganito kagarbong lugar na pawang para lamang sa mga mayayaman o may katayuan sa buhay.

"Tara, puntahan na natin sila." nakangiting yaya ni Code sa akin habang magkasalikop pa rin ang mga kamay namin. Kanina niya pa ako hindi binibitawan.

Isang puting french door ang binuksan ni Code. Nagsilingon naman sa amin ang Downtown na napatigil sa kani-kanilang ginagawa nang pumasok kami sa loob.

"Welcome to our playroom, Persis." ani Chard na may hawak na cue stick at ang isang kamay ay nakapamaywang. Kalaro niya si Gervin na ngayon ay inaasinta ang isang puting bola.

Sa tabi ng isang malaking bookshelf ay may royal blue single couch doon kung saan nakaupo si Ashton, na may hawak na libro. I didn't know he likes reading.

May hawak na pulang dart naman si Valdemir sa kanang kamay at ang kaliwa niya ay may hawak na kupitang may mapusyaw na kulay pulang likido. Red wine.

May mini bar din sa gilid ng silid at may itim na grand piano, katulad ng piano sa condo ni Code na hindi ko pa nakikitang ginamit niya. Hindi ko nga alam kung marunong ba siya gumamit 'non dahil ang alam ko ay sa gitara siya magaling.

Kulay pula ang dingding sa apat na sulok ng silid at may ilang paintings na nakalagay sa magagandang kwadradong kulay ginto. Naroon din ang malaking pictures ng banda na naka-frame. Palagay ko ay iyon ang debut photo nila dahil ibang-iba pa ang hairstyle nila roon at mukha pa silang mga totoy.

Does it mean, sila lang ang gumagamit ng malaking silid na ito?

"This room is exclusively for us." ani Code na tila nabasa ang nasa isip ko.