Nakakatawang isipin na pagkatapos ng mahabang kwentohan at tawanan ay hiwalayan
Nakakatawa lang isipin na pagkatapos ng inuman ay yayakapin ka ng sakit ng ulo kinabukasan
Nakakatawang pagkatapos ng lahat ng pinagsamahan ay nagdesisyon kayong magkalimutan nalang
Nakakatawa diba? Nakakatawa na ang ibig kong ipaintindi ay kung gaano nakakaiyak ang katotohanan.
Ngayong gabi ngingitian ka ng bilog na bilog na buwan
Pero sa susunod na gabi ay di mo sya masisilayan
Magtatago na naman sya sa kadiliman
At hahayaan ang mga bituin sa karimlan
Hiwalayan? Sakit ng ulo kinabukasan? Magkalimutan nalang? Nakakaiyak ang katotohanan?
Batid mo bang yan ang mga panghuling salita sa apat na pinakaunang talata nitong tula?
Pamilyar diba? Relasyon ninyo ay ganyan na ganyan ba?
H'wag kang mag-alala panigurado hindi ka nag-iisa.
Nakakatawa lang dahil noong wala ka pa ay kaya ko naman mag-isa
Gigising ng maaga kahit walang bumabati ng Magandang umaga
Matutulog ng maaga pagkatapos tumawag kina mama
Pero ngayon, bakit parang hindi ko kayang mag-isa?
Sinanay mo ako, sinanay mo akong nandyan ka
Tapos bigla ka nalang nawawala, pagod ka na yata
Pagod ka na sa aking mga drama
Pagod ka ng sumali sa aking storya.
Nakakatawa dahil dalawang dekada akong nasanay mag-isa
Pero noong dumating ka ay ayaw ko ng bumalik sa pag-iisa
Kaya mahal hahayaan muna kitang magpahinga
Magkita tayo sa susunod na kabanata.
-Bloodypen
BINABASA MO ANG
Mga Nahabing Tugma
PoetryMga tula -sa iba't ibang panahon (noon at ngayon) -sa iba't ibang sitwasyon -sa iba't ibang paksa