နံနက်ခင်း နေခြည်နွေးနွေးအောက်မှာ..အစောကြီးနိုးနေပြန်တဲ့ ရိပေါ်တစ်ယောက် ...ခြံထောင့်ရေကူးကန်ဘေးက စားပွဲပုလေးမှာထိုင်းရင်း..Ipadထဲက ဓါတ်ပုံတွေကို ပြန်ကြည့်နေမိတယ်။
ကောနဲ့ပတ်သက်လို့ ..သိမ်းထားခွင့်ရတဲ့ အမှတ်တရဆိုတာ သိပ်လည်း ရှိမနေပါဘူး..။
သူ....ပရမ်းပတာတွေ လိုက်ရိုက်ထားခဲ့မိတဲ့ snap ပုံတွေထဲမှာတောင် ချောမောခန့်ညား နေသေးတဲ့ အနည်းငယ်သောပုံလေးတွေကိုပဲ ကြည့်မဝစွာ ထပ်ခါထပ်ခါ ကြည့်နေမိတာ။
တခါတလေ မေ့ပြစ်ချင်တဲ့စိတ်က..အတွေးသက်သက်သာ ဖြစ်နေမှန်း ကိုယ့်ဘာသာ သိနေခဲ့တယ်..။
...အမှတ်မရှိစွာ..ခေါင်းထဲကထုတ်ပြစ်ဖို့..အစပျိုးလိုက်တိုင်း...ဒီလိုပဲ အရာရာဟာ အလွမ်းတွေနဲ့ ကျဲပြန့်ရတဲ့နေ့တွေချည်း။
ဟိုးအရင်လို...ရူးရူးမူးမူး..လွမ်းမနေရတော့တာကတော့...ရင်ဘတ်ကပဲ သွေးအေးသွားတာလား။
ကိုယ်တိုင်ကပဲ ရင့်ကျက်သွားတာလားမသဲကွဲပေမဲ့.....မရှိရင် မဖြစ်ပါဘူးဆိုတဲ့အတွေးဆိုးတွေကတော့ ဝေးဝေးပြေးကြပြီထင်ပါရဲ့။
ဒီနေ့ထိတော့ ရိပေါ်ရဲ့အလွမ်းခပ်အက်အက်တွေက ..တည်ငြိမ်လွန်းနေကြသေးတယ်။
လွမ်းတိုင်းကျကျ လာတတ်တဲ့ ပေါက်လွှတ်ပဲစား မျက်ရည်တွေကို မေ့ထားရင်ပေါ့။
" လွမ်း နေ တာ လား"
"........"
နောက်ဘက်က အသံကြောင့် လှည့်ကြည့်လိုက်တဲ့အခါမှာ...ဖြူလျော်ပိန်လှီစွာနဲ့ ခပ်မတ်မတ်ရပ်နေခဲ့တဲ့ ကျန့်ကော။
ဆံပင်နက်နက်တွေကို နောက်လှန်ဖီးထားပြီး...ရိတ်ထားကာစပုံပေါ်နေတဲ့....စိမ်းဖန့်ဖန့် နှုတ်ခမ်းမွှေးလိုင်းတွေနဲ့ ...long coat အိပ်ကပ်ထဲ လက်တွေထည့်ကာ...ရပ်နေပုံက...ရိပေါ်မျက်စိလွဲဖို့တောင် မေ့နေမိတယ်...။
" ကော "
ကောက...ရိပေါ်အနားကို လျှောက်လာကာ....အအေးဒါဏ်ကြောင့် နီချင်နေတဲ့ သူ့ပါးတွေကို လက်နွေးနွေးနဲ့..ထွေးပွေ့ပေးတဲ့အထိ ရိပေါ်ဟာ အာစေးမိဆွံ့အနေမိတုန်းပဲ...။
YOU ARE READING
BLACK HOLE ‼️(Complete)
Fanfiction🍁🍁ခင်ဗျားက Black Hole ပဲ။ ကျနော် အဲဒီ့မှာထားမိသမျှ ဘာတစ်ခုမှ ပြန်ယူလို့ မရတော့ဘူး။ #Wangyibo💚 🍁🍁............?? #XiaoZhan❤️
