Unicode"ဘာ!!သိန်းသုံးထောင်..ဟုတ်လား..ရာဇ..ငါနားကြားမှားတာလား..ငါချေးထားတဲ့ပိုက်ဆံက အဲ့လောက် မရှိဘူးနော်..နင်ကလိမ်ကကျစ်မလုပ်နဲ့"
မောင့်အိမ်မှာ နေပြီးနှစ်ရက်မြောက်နေ့မှာ ရာဇမာန်က သူမဆီဆက်သွယ်လာခဲ့သည်။အကြောင်းကတော့ သူရှင်းပေးထါးခဲ့တဲ့ စင်ကာပူက လောင်းကစားကြွေးတွေကို ပြန်ပေးဖို့ ဖုန်းဆက်လာတာကြောင့် အခု ရာဇရဲ့ကုမ္ပဏီရုံခန်းကိုရောက်လာခဲ့ခြင်း။
သူမချေးထားတာ သိန်းတစ်ထောင်ပေမယ့် ရာဇရဲ့စာချုပ်ထဲမှာ သိန်းသုံးထောင် ဖြစ်နေသည် ၊သိန်းသုံးထောင်မပြောနဲ့ သိန်းတစ်ထောင်တောင် ဆပ်ဖို့ သူ့မှာအခုထိ အလုပ်ကရှာမရသေး။အစကတော့ မောင့်အလုပ်မှာ ဝင်လုပ်မယ်လို့ စိတ်ကူးထားခဲ့တာ အခုတော့ မောင်က သူ့လုပ်ရပ်တွေ သိသွားပြီဆိုတော့ မောင့်ကုမ္ပဏီမှာ နေရာတစ်နေရာရဖို့ဆိုတာ ဘယ်နည်းနဲ့မှ မဖြစ်နိုင်တော့။
"ဟ..ဟ..ကိုယ့်အသည်းလေးက ကိုယ့်ကို ကလိမ်ကျတယ်တဲ့လားကွာ..ပိုက်ဆံဆိုတာ ချေးလိုက်ပြီဆိုတာနဲ့ အတိုးပါတက်တယ်ဆိုတာ ဒီကအသည်းလေး မသိသေးဘူးထင်တယ်..ဟ..ဟား"
ဆုံလည်ထိုင်ခုံကနေထလာပြီး ညစ်ကျယ်ကျယ်အပြုံးနဲ့ ရွှေစင့်ပုခုံးကို ဖက်ပြီးပြောလာတဲ့ ရာဇလက်ကို ခပ်ဆတ်ဆတ်ပုတ်ချလိုက်ကာ..
"ဘာ..အတိုး ဟုတ်လား..နင်ငါ့ကို ချေးတုန်းက အတိုးဆိုတာ..မိတ်ဆွေတွေကြားမှာ မလိုဘူးဆို..နင်ပဲပြောခဲ့တာမဟုတ်ဘူးလား..ရာဇ..ငါတစ်ကောင်ကြွက် ဖြစ်သွားပြီဆိုပြီး နင်ငါ့ကိုအနိုင်ကျင့်ဖို့ မကြီုးစားနဲ့နော်.."
"ဟာ..ဟုတ်လား..ငါဘယ်တုန်းက ပြောခဲ့ပါလဲ..အတိုးမယူဘူးလို့..အဲ့လိုပြောခဲ့တာ ငါမဟုတ်လောက်ဘူးထင်တယ်..အသည်းလေးရဲ့..ရာဇမာန်ဆိုတဲ့ ကိုယ်က ကိုယ့်အတွက်အကျိုးအမြတ်မရမယ့် အလုပ်ကို ဘယ်တော့မှ မလုပ်တတ်ဘူးဆိုတာ..အသည်းလေးသိဖို့ကောင်းတယ်..ဟက်"
"နင်..နင်..တော်တော်ယုတ်မာပါလား..ရာဇ..ဟမ်..အေး..ငါကတော့ ငါချေးထားတဲ့ သိန်းတစ်ထောင်ကိုပဲ ဆပ်မှာ..နင်မကျေနပ်လဲမတတ်နိုင်ဘူး..ဒီပိုက်ဆံတောင် ငါသုံးနှစ်လောက်ရှာရဦးမှာ"
YOU ARE READING
အမုန်းလွန်သော်(m- preg)(Completed)
Romanceလူတစ်ယောက်ကို အမုန်းကြီးမုန်းနေရာကနေ ချစ်ခြင်းတရားဆီ အလွယ်တကူ ကူးပြောင်းသွားနိုင်ပါ့မလား? Main Character-စစ်ဘုန်းနိုင်❤နေွလင်းသန့် Start date>>24-3-20 End date>>>22-9-20 *Male Pregnant* *Not Yizhan*