တိမ်တွေထူထပ်နေတဲ့ ကောင်းကင်အောက်က ညနေခင်းက လှလှပပလေးရှိနေတယ်။ မြို့ပြတွေနဲ့ဝေးတဲ့ နယ်မြို့လေးက ညနေခင်းကတော့ အနည်းငယ် တိတ်ဆိတ်နေတယ်။ လမ်းသွယ်လေးရဲ့ ထောင့်လေးမှာ အဖြူရောင်ကော်ဖီဆိုင်လေးရှိတယ်။
မှန်နံရံတွေကာထားပြီး ဆိုင်အပြင်ဘက်မှာ အနီရောင်နှင်းဆီပန်းအိုးလေးတွေ ချိတ်ရင်း အလှဆင်ထားတယ်။ ကော်ဖီဆိုင်အတွင်းကတော့ လေထုက ကော်ဖီစေ့နံ့တွေ ရောယှက်လို့။
စားပွဲခုံတစ်ခုမှာထိုင်နေတဲ့ ရှောင်ကျန့်က အင်တာနက်သတင်းတွေထဲ ထိပ်ဆုံးဖြစ်နေတဲ့ သတင်းကို ဖတ်နေတယ်။
" စိတ်ကျန်းမာရေးဆေးရုံ၌ အကျဉ်းချထားသော
လူသတ်တရားခံတစ်ဦး ထွက်ပြေးလွတ်မြောက်နေ၍ ရှာဖွေနေကြဆဲ "ဖတ်လက်စ သတင်းကို ရပ်လိုက်ပြီး ဖုန်းကို စားပွဲခုံပေါ်ချလိုက်တဲ့နောက် ဆိုင်ထဲက ထွက်သွားတဲ့ Customer ကို ကျေးဇူးတင်ကြောင်း ပြောရင်း ရှောင်ကျန့် နှုတ်ဆက်လိုက်တယ်။
ရှောင်ကျန့်ရဲ့ နှုတ်ခမ်းပါးတွေကတော့ ပြုံးလို့ ။
အဖြစ်အပျက်တွေပြီးသွားတဲ့နောက်မှာ ရှောင်ကျန့် ဆေးကုသမှုကို အချိန်တော်တော်ကြာကြာလုပ်ခဲ့ရတယ်။ ကျောင်းဆရာအလုပ်ကထွက်ပြီး ဒီမြို့လေးဆီရောက်ခဲ့တယ်။
လူဦးရေနည်းတဲ့ မြို့လေးမို့ ဆိုင်ကို လူသိပ်အများကြီးမလာဘူး။အေးချမ်းတဲ့ ဒီမြို့လေးကိုတော့ ရှောင်ကျန့်သဘောကျတာတော့ အမှန်။
" You are my sunshine ...
My only sunshine.. ."သီချင်းလိုက်ညည်းရင်း ဆေးပြီးသွားတဲ့ ကော်ဖီခွက်တွေကို အ၀တ်တစ်ခုနဲ့ သုတ်နေတုန်း
ချော်သွားတဲ့လက်ကြောင့် ကော်ဖီခွက်လေးက ကြမ်းပြင်ပေါ်ကို ခွမ်းခနဲ အသံပြုရင်း ပြုတ်ကျတယ်။