🌺နှောင်တွယ်ရစ်သောကြိုး🌺
ဒေါ်မိုးမြင့်နိုင်ဧည့်ခန်းတွင်ထိုင်နေခိုက် ပုခုံးပေါ်ကိုဖွဖွလာထိသည့် တစ်စုံတစ်ရာကြောင့် လှည့်ကြည့်ိတော့ မြေးငယ်၏သမီးဟုပြောရမည့် ကလေးမလေးဖြစ်နေသည်။
"ဖွားဖွား သမီးနှိပ်ပေးချင်လို့"
"ရတယ် တခြားမှာသွားဆော့နေ"
"ဟင့် ဖွားဖွားက သမီးကိုမချစ်တော့ဘူးလား
ဟိုတခါတုန်းကတောင် ချစ်စရာလေးလို့ပြောပြီး"
မျက်ရည်လေးဝဲကာ ပြောသည့်ကလေးမလေးကြောင့်
စိတ်လျှော့ချလိုက်ရသည်။
ကလေးကိုစကားမာကာမပြောချင်သော်လည်း
ထိုကလေး၏ဖခင်ဖြစ်သူကို မိမိမှလက်မခံနိုင်သေးသည်ကို။
"ကလေး တစ်ယောက်ထဲ အောက်ဆင်းလာတာလား
ညည်းဒယ်ဒီရော"
"ဒယ်ဒီက ဖေဖေနေမကောင်းလို့ ဆေးတိုက်နေတယ်"
နေမကောင်းဘူးဆိုသည်မို့ ဘာများဖြစ်တာလဲတွေးမိသေးသည်။
တစ်မနက်ခင်းလုံးထိုကောင်လေး မမြင်ပါဘူးအောက်မေ့မိတာ နေမကောင်းဖြစ်နေတာကြောင့်ကိုး။
"ညည်းလေး ဖေဖေကဘာဖြစ်တာတဲ့လဲ"
"ကိုယ်တွေပူနေတာဖွားဖွား ဖေဖေ့ကြောင့်ဒယ်ဒီလဲ မအိပ်ရဘူး အဖျားခဏခဏတက်လို့တဲ့"
အဖျားတက်နေတာကို ဆရာဝန်ဖြစ်သော မိမိမြေးငယ်က
သက်သာအောင်မလုပ်ပေးနိုင်သေးတာလား။
အိမ်မှာဆေးပစ္စည်းမစုံရင်တောင် ဆေးရုံခေါ်သွားသင့်သည်မဟုတ်လား။
ဒီကလေးတွေ တမင်များ ပေကပ်နေကြသလား။
"ရပြီ ရပြီ ကလေး……မနှိပ်နဲ့တော့
ဖွားဖွားကို ဖုန်းယူပေးမလား"
"ဟုတ် ယူပေးမယ်ဖွားဖွား
ဖေဖေကမှာထားတယ် ဖွားဖွားသဘောကျအောင် အကုန်လုပ်ပေးရမယ်တဲ့"
ကလေးမလေးက ပြောလဲပြောရင်း
စားပွဲပေါ်တင်ထားသည့် ဖုန်းကိုယူလာပေးသည်။
ကလေးငယ်၏ ယဉ်ကျေးတက်မှုကြောင့် ထိုကောင်လေး သွန်သင်မှုကောင်းမှန်းသိသည်။
"သွားဆော့ချေတော့ ဖွားဖွားဖုန်းဆက်စရာရှိလို့
တိုးတိုးနေနော်"
