Loving the Sky (College Series #3)

Chapter 31

Chapter 31

‍Hindi ko alam kung paano natapos ang umagang 'yon. Alya kept on crying the whole day, and she seemed really down. Kahit ako ay hindi niya kinakausap. I didn't know what to ask her. Ni hindi ko alam kung paano niya nasabi ang mga katagang binitawan niya.

Rouge promised not to bother us anymore. Hindi ko alam kung anong dapat kong maramdaman.

I asked Aling Tessie and Jaja to look after Alya while I was working. Ngayong nasa boutique naman ako, hindi ako makapag-focus. Fiesta ngayon sa isla kaya marami-raming tao. Magandang opportunity ito para sa trabaho ko pero kahit may mga pumapasok na customers ay hindi ko sila ma-entertain nang maayos. My mind was elsewhere.

"Debs, isarado mo na kasi itong shop mo. Igala mo na muna kami," ani Rapsly habang pinapasadahan ng kamay niya ang ilang mga damit.

I sighed. "Hindi puwede, maraming tao ngayon. Baka marami akong maibenta."

Cliff scoffed. "Papakyawin ko 'to bago kami umalis! Ibibigay ko sa mga bata sa orphanage."

"Bibili rin ako," segunda ni Cali. "Para sa anak ni Lenin."

I chuckled. Lenin, a single father, was his longtime boyfriend. Isinarado ko ang hawak na magazine at bahagyang nag-isip. Parang nakaka-guilty na isarado ang shop tapos hindi ko isasama si Alya. Should I tell it to them? Tutal hindi naman na kami guguluhin ni Rouge... siguro puwede ko nang sabihin?

"Girl, do you remember Nime? 'Yong kaklase natin no'ng college?" Rapsly blurted out. "She broke up with Zane after years of being together! Hulaan mo kung bakit!"

My forehead knotted. "Uhm, maybe because she isn't happy anymore?"

Cali laughed. "Nope!"

"Okay?" pagtataka ko.

Ngumisi si Cliff. "Umamin kay Rap, matagal na raw siyang gusto."

Umawang ang labi ko. "The fuck?!"

"Right?! I mean, yes, she's pretty! Pero jusko, nota rin ang hanap ko! Lason!" tili ni Rapsly habang ikinukunot pa ang noo. "Mabuti sana kung si Zane ang nag-confess sa akin!"

"And Mizuki, the one who attempted to steal your designs..." Cali uttered. "Well, she became the mistress of the president. She's all over the internet!"

Napasandal ako sa inuupuan ko at nakinig pa lalo sa kanila. Hindi nila ikinuwento sa akin kung paano sila napadpad sa DB Store pero isinalaysay nila sa akin lahat ng pinagdaanan nila bago marating ang estado nila ngayon.

"Akala natin dati ang bilis lang, 'no? 'Yong after graduation, akala natin tatawagan tayo ng companies, makakapagtayo agad tayo ng bahay, makakabili agad tayo ng kotse, makakapagpundar agad tayo..." saad ni Clifford.

Rapsly smiled. "Oo, tapos no'ng nasa real world na tayo, walanghiya, ang dami palang magaling. Hindi pala sapat na nakatapos ka lang. Kailangan pala talaga ng pagsisikap."

"Partida may pera at koneksyon pa ang mga pamilya natin, ha? How much more 'yong mga wala?" Cali heaved out a sigh. "Totoo talagang ang opportunities hindi bukas para sa lahat... not unless you're very talented or rich..."

I couldn't help but agree. Kahit hindi ko na sinubukang pasukin o abutin ang pangarap namin dati, naniniwala akong hindi sapat 'yong marunong ka lang kasi kahit saan ka pumunta, laging may mas higit sa 'yo. It was just a matter of contentment.

"Excited ako dati na makatapos pero no'ng naharap ko na ang mundo, gusto ko na lang maging estudyante ulit," Cali added. "Anyway, bakit ba tayo nagdadrama samantalang successful naman na tayong lahat?"

Napangiti ako. For only a few hours, nalimutan ko ang nangyari kahapon dahil sa mga kuwento nila. Sa huli ay nakumbinsi rin nila akong isarado ang shop para kumain sa isang local restaurant.