Loving the Sky (College Series #3)

Chapter 3

Chapter 3

I did my research the following days. Bukod sa walang sawang pagpunta sa CHMT para panoorin ang bawat galaw ni Rouge ay naging abala rin ako sa paghahanap kung sinong babae ang nagugustuhan niya.

Balik siya sa dating gawi. Para na naman akong hangin na hindi niya nakikita. Kahit pa harap-harapan na akong nagpapapansin sa kanya, wala siyang pakialam.

Maluwag ang schedule namin kaya nahihintay ko siya kapag dismissal. I always followed him. Madalas siya sa Sweets and Treats pero mas madalas ang punta niya sa ISU. At first, I thought it was because of Mitzie, his bandmate, but as I watched him, I realized something was up.

Solene Clemente.

That was the name of the woman he liked. She was studying civil engineering at Isabela State University, and he met her through Mitzie. Sa panonood ko rin sa galaw nila, napansin kong walang amor ang babae sa kanya kaya medyo kampante pa ako.

"Pero aminin, ang ganda!" sabi ni Rapsly nang makita ang larawan ng babae.

"Oh, shut up!" I snapped.

Nang tumawa siya ay hindi ko na lang siya pinansin. I knew he was making fun of me. Maya-maya pa'y nakita kong halos sabay na lumabas ng kwarto sina Cali at Cliff bitbit ang sewing kit nila.

"Magsisimula na kami mamaya ng models ko, kayo ba?" tanong ni Cliff nang makaupo sa couch. "Nakuha ko na ang measurement last week."

Lalo akong napasimangot. Si Melanie pa lang ang nasusukatan ko!

"Bukas kami," sagot ni Cali.

Pinanood ko silang manahi habang si Rapsly ay ibinaba na ang phone para magsimulang mag-drawing. Isang sikat na male celebrity ang kinuha niyang model at sinabihan na niya kami na baka may mga araw na matulog ang lalaki rito.

"Deborah, ikaw ba? Ayusin mo na 'yan this week. Ang chill mo masyado! Reminder lang na bawal tayong magka-tres ngayong sem, ha!" paalala sa akin ni Cliff.

"Hindi naman talaga ako magkaka-tres," sagot ko. "Mapapapayag ko rin 'yon."

Pagkatapos kasi ng graduation ay magse-send na kami ng application sa Dolce & Gabbana house sa Italy kaya kailangan naming alagaan nang mabuti ang grades namin. Pag napapayag ko si Rouge, alam kong makakapasa ako.

Ipinagpatuloy ko ang pagtatanong-tanong sa ilang kakilala tungkol kay Solene. There was nothing special about that girl aside from the fact that she could bake. Ang sabi pa ng mga nakikita ko online ay may kumakalat daw ito na nude photos.

Should I use that against Rouge?

Umiling ako. Baka lalo akong ayawan.

I was browsing through Facebook when the list of scholars who would receive their stipend popped up in my feed. Lalampasan ko na sana iyon ngunit nakita ko ang comment ng isang Facebook friend na iminention ang Facebook account ni Solene!

Mabilis kong binuksan ang post at hinanap ang pangalan niya. Nang makita iyon ay sunod kong hinanap kung sino ang nagbibigay ng allowance sa kanila. And of course, it was the governor, Nime's father.

I smiled to myself. Okay, this one was easy.

Lumipas ang isang araw na wala akong ginawa kung hindi planuhin ang mga sasabihin kay Rouge. Kailangan ko na siyang mahawakan dito dahil kapag hindi pa rin, wala na akong magagawa kung hindi tanggapin ang katotohanan na hindi na talaga puwede.

Hunter added me on Facebook but to hell with him, hinding hindi ko siya i-a-accept!

Kinabukasan ay nasa CHMT na naman ako at nasa tapat ng room nina Rouge. May klase kami pero hindi ako pumasok dahil baka hindi ko siya maabutan. Sinabi ko na lang sa mga kaibigan ko na ipagpaalam ako sa instructor namin para sa araw na iyon.