Loving the Sky (College Series #3)

Chapter 18

Chapter 18

Rouge:

Have you eaten? I cooked something for you.

Napairap ako nang mabasa ang text niya habang busy sa pagdi-discuss ang professor namin. Tapos na naman ako sa graded recitation kaya petiks na lang ako habang hinihintay ang ilan na makasagot.

I pursed my lips before replying.

Me:

Busog ako.

Ibinaba ko ang phone para tumingin ulit sa unahan pero nang maramdaman ang pag-vibrate no'n, binasa ko naman ang reply niya... or I must say... replies.

Rouge:

Okay. Dadalhin ko d'yan mamaya. 11 ang lunch n'yo, 'di ba?

He literally ignored my words! Sabing busog ako!

Rouge:

Also, my mom baked some cookies for you. Isasabay ko na pagdadala ko ng pagkain mo d'yan.

Rouge:

Hindi mo na ba ako kailangang sukatan? Wala nang uulitin sa designs mo? Kailan mo ulit ako papupuntahin sa villa?

Nagsalita si Sir kaya naibulsa ko ang phone nang hindi siya sinasagot. I was biting the insides of my cheeks... trying to stifle my smile. Damn. Akala ko ba ayaw na, Debs? Ano'ng nginingiti-ngiti mo?

Umiling ako. Hindi puwede. I had to make sure that he was serious this time. Ayaw ko nang masaktan dahil sa kanya. My mother was right. I should focus on my dreams. Ganoon ang dapat kong gawin.

"Debs, pahingi akong puting sinulid," ani Rapsly kaya kumuha ako sa pouch ko at iniabot sa kanya.

"Papasok pa ba tayo bukas? Wala naman yatang klase," tanong niya, hindi pa rin umaalis sa gilid ko.

Ngumuso ako at bahagyang nag-isip. Valentine's Day bukas at nasabi na sa amin na may program sa school.

"Akala ko ba ay may party sa villa ng gabi?" tanong ko.

"Oo nga... pero kumuha naman ng organizers para ma-facilitate 'yon. Ano? Papasok pa ba tayo?"

Umiling ako dahil nakakatamad naman talagang pumasok kaya nakita ko ang pagngisi niya. Sus, kailangan lang pala ng kasama sa pagganap niya!

Annually, may party sa villa tuwing Valentine's. Last year ay formal party ang ini-organize nilang tatlo. Bukas naman ay barbecue and pool party lang dahil busy sila sa pag-aasikaso ng paparating naming fashion show. Ayan nga at kumuha pa ng organizers kahit hindi naman na talaga kailangan.

As usual, invited na naman ang halos kalahati ng population ng school at kinausap ni Rapsly ang Narcissus na pumunta. Akala ko no'ng una ay hindi papayag si Rouge dahil espesyal na araw ang Valentine's pero pumayag naman sila.

Hindi naman ako tanga o manhid. Sa nakalipas na mga araw, panay ang pagte-text at pagtawag sa akin ng lalaki. Minsan pa ay papupuntahin ako sa garden ng school para makasabay ko siya sa pagkain. Minsan naman ay sinusundo niya ako mismo sa villa para sabay kaming pumasok kaya panay ang pang-aasar ng mga kaibigan ko.

Parang nabaligtad ang sitwasyon namin. Hindi ko alam. May parte sa akin na natatakot hangga't hindi ko pa naririnig sa kanya ang hinihintay ko.

"Debs, tawag ka ni Harvin! Nasa labas!" sigaw ni Nime sa pinto ng room, 15 minutes bago ang lunch break. Mabuti at umalis na si Sir dahil shortened period kami.

Nakanguso kong kinuha ang phone ko at naglakad patungo sa labas ng room. Nakita ko agad si Rouge na mayabang na nakatayo limang metro mula sa pintuan habang may bitbit na pink na paperbag. Bukas ang unang tatlong butones ng polo niya at hindi na naman suot ang itim na coat sa uniform nila.