أنتقام للعشق

البارت الاربعون

#أنتقام للعشق 🥀
البارت 40
بقلم : نور حيدر
noorhaidar18

مساء الخير عليكم متابعيني 🦋🌿..

بصوت حَميد مَنصور
مِن راديّو عراقي قَديم وهو يغَنّي :
يلوموني وأحِسك تكبَر بروحي ،
ويلوموني
وانة بلا شوفَتك ، شينفعَن عيّوني .

...................

رسيل /

بيومه ابد ماكدرت اناام كلبي يم أمي ردت اتصل عليه
بس كلت خاف نايمة اتصلت على نرجس ما تجاوب
صارت الساعة السبعة الصبح ماتحملت يعد كمت من مكاني رحت على غرفة شاهير ..

فتحت الباب لكيته نايم بدون قميص بس بلبجامة
هذا شلون مايبرد و هيج نايم رحت بسرعة كعدت بصفة هزيته من كتفة : شاهر شاهيير ..

فتح تك عين كاال بصوت بيه نعاس : هااا رسيل شكوو ..

: أنت مو كلت تاخذني للكوت يلااا فدوة كوم ..

عدل كعدته كاال بتعب : ولج كعدتيني من الصبح علمود هيج شي خل يصير الظهر و اني اوديج..

كتله بسرعه : لالا فدووة اخذني هسه شيصبرني لظهر ..

حط راسه على المخدة مغمض عيونة :
كتلج الظهر لا تلحين ..

غوركت عيوني كتله بخنكة :
عود انت وعدتني البارحة كلي شيصبرني اريد اشوف امي خايفة عليه و انت تكلي لظهر حقك ما تحس بيه
بس ماشي نام و اني اشوف واحد ياخذني ..

هستوني اريد اكوم و لزمني من ايدي قربني عليه
صار ظهري قريب على صدرة وخر شعري بهدوء
و اقترب باسني من خدي كال بهمس :
اعتذر بوية بس جنت تعبااان يلا كومي حضري نفسج خل اخذج..

كتله بزعل : لا ابقى نايم اشوف احد يوديني محمد او غيث ..

كال : كتلج كومي زوجج موجود و يجي غيري يوصلج شلون ما يصير يلا روحي حضري نفسج على ما اسبح و ابدل ..

هزيت راسي و كمت من يمه رحت كبل سبحت و غسلت وجهي بدلت ملابسي و لبست العباية نزلت و هو نزل وراية سلمت على مرة عمي و عمي و همه عرفو من البارحة السالفة ..

صعدنه السيارة صعدت كدام و هو يسووق
لزم أيدي و باسه كال بهدوء : لا تخافين بوية ترى كلشي ماكووو ..

كتله بهدوء : صح كلشي ماكو بس نفسيتة شلون و هيا جانت فرحانة بهذا الطفل و هسه راح ..

هز راسه : بعد أمر ربج ..

: والنعم بالله..

ظل يسولف وياي يريد يلهيني و يبعد عني هاي الضوجة و يضحك و يسولف ويااي حتى نزل على مطعم جاب ريوك النه لفات و جاي و اكلت شوي اني و عفتة ..

وصلنة لمدخل محافظة واسط اتصل على حسام و كاله اجينا عليكم اسمعه يرحب بيه ..

شووي و وصلنه للبيت خالي نزلت و هو نزل وراي
طلع النه حسام و احمد و خالي سلموو على شاهر
رحت اني حضنت خالي و هو باسني من راسي
و سلمت على الولد من بعيد ..