أنتقام للعشق

البارت الثالث عشر

#أنتقام للعشق
البارت الثالث عشر
بقلم :نور حيدر
noorhaidar18

مساء الخير عليكم متابعيني 🦋🌿..

(علقوو على الفقرات احب اقره تعليقاتكم💜)

على الما يسوى هيهات
بجت عيني حرامات
خسرت هواي دمعات
على المايسوه دمعه
تارس ضهري طعنات
فرح بيه الشمات
حبه بالقلب مات
والي يموت شيرجعه

اسمعي حجايه ياعين
عليه ماريد تبجين
نكر كل تعب السنين
الجنت ما يوم اخدعه
ولا مره وفه وياي
يبيع واني شراي
صرتله الهوا والماي
يشكي واني اسمعه....

جوري /

جان اخر محاضرة الي و اني اغفي
تعبانة كلش البارحة ظليت سهرانة
بس ادرس لان عندي امتحان و تالي
اتأجل الامتحان لاسبوع الي يجي
صدك اتمنيت الاستاذ اشنقة و اموته
يعني تعاي ارجعي ادرسي و تبهذلي..

خلصت المحاضرة و طلعت و اني مقهورة
كلش رحت وكفت يم باب الجامعة
منتظره فرج الله اريد احد يجي من اخواني
يوصلني ..

شوي و انتبهت سيارة صارت كبالي
باوعت لكيت هذا زياد فتح الجامة وسلم عليه
شفت ميامين نزلت من السيارة و اجت بأتجاهي..

: هلوو جوري شلونج

: هلا عيني شجابج هنا ولج .

باوعت على الكلية و كالت : هيج ردت اشوف
الحلوين هنا سامعة كلية الطب اتلفي شباب حلوين
كلت خل امتع عيوني صارلي شكد مشايفة حلوين..

ابتسمت على كلامه : عزاا بعينج ان شاءالله
ماتوبين من سوالفج..

خزرتني و كالت : اسم الله على عيني
ابيش طالبته انتي لا تدعين عليهن شلون
بيه مراح اشوف ناس حلووه ...

كاعد نحجي اني وياها و نسمع صوت هورن
مال سيارة التفتنه لكينه زياد منتظر و يصيح :
يعني ما حلت السوالف الا هنا فضنه يلا
اريد امشي ..

باوعتلي و كالت : ولج ضليتي تلغين فوك راسي
و كام يصيح علينه من وراج ارتاحيتي ..

فكيت حلكي ذبت التهمه عليه :
ولج منو الي بده يسولف اني لو أنتي

كالت : أشش يلا كافي ماسمع صوتج
اجيت هسه اني عليج حتى تجين يمنه
خالج عازمج على العشه يكول صارلنة فترة
ماشايفينه ..

: بسم الله على كيفج راح ينكطع نفسج
وين اروح ولج هو اني كلت لهلي و بعدين
ماحضرت نفسي و غير اروح ابدل ملابسي ..