أنتقام للعشق

البارت السادس عشر

#أنتقام للعشق 🥀
البارت السادس عشر
بقلم : نور حيدر
noorhaidar18
مساء الخير عليكم متابعيني 🦋🌿..

(علقو على الفقرات احب اقره تعليقاتكم 💜)

انتَ دنيت الزعل ..

يم باب گلبي ، وگتله فوت

و هـاي اول ليلة اغفى

بلاية مـا منك ينام بـ إذني صوت

امس صـارت ... قمة احلامي اموت ...

جوري/

عفته ومشيت ونزلت جوه شفتهم مشو محد
موجود دروت على شاهر لكيته بلحديقة

كعدت يمه و هو اتفاجئ:
جوري يمته اجيتي ومنو الي جابج
هسه ردت اتصل عليج و اسئل اجيج

: يعني انت ماتعرف

رفع حاجبه وكال :
على شنو

كلت لازم اخلي حد بلي يسويه شهاب
ماكدر اسكت اكثر من هيج ..

حجيتله الي صار اليوم كله وعركته هو وزياد
وشلون ظلو يتعاركون وهو اصر انو اجي  وياه..

طفر من مكانه شاهر وهو عصبي
ظل يصيح وطلع  من البيت يمكن راحله
احسن لان تعبت كلش من وراه
مابقت عندي اي طاقة تحمل ..

دخلت للبيت مانتظرت شاهر ولا اسئله
شسويت وياه لان ماهتميت كلبي مشتعل نار
حرك كلبي بتصرفه بس اني شلون كتله
اني موافقه على زياد ..

خاف يروح يكله او يوصل حجي لاحد
اني شبيه واتسرعت بس مافكرت بشي
ردت بس اقهره مثل ماقهرني ..

صعدت فوك لغرفتي دخلت وسديت الباب وراي
كعدت على الجرباية واهز رجلي متوترة كلش ..

شووي واندك الباب انفتح ولكيت رسيل واكفة
كتله بهدوء : تعااي رسيل ادخلي وسدي الباب
وراج ادري بيج الفضول راح يموتج ..

سدت الباب وكعدت يمي ابتسمت :
اي والله اريد اعرف شكو ليش اسم شهاب
من تسمعوه تتكهربون

ضحكت : ههههه والله عليج سوالف

ابتسمت : ترى عادي اذا ماتحبين تحجين
براحتج مااجبرج ..

: لا حبيبتي هيا تاليه تعرفين وانتي منا وبينا
مو غريبة علينه حتى نظم عليج هسه
افهمج كلشي و خاف تملين ترى سالفة
كلش طويلة ومن الماضي ..

رفعت حاجبي : شكوو شبيه ..

كمت من مكاني واني اخذ نفس قووي
ماريد احجي اي شي خاف انفعل بس هيا
تريد تعرف و لازم اكلله ..

كتله بهدووء: شوفي رسيل هاي السالفة
قبل خمس سنوات من جان عمري ١٥ سنة
اني جنت حالي حال اي طفلة
تفكر بس تريد تلعب وتكضيه ونسه
ولعب وي الجهال جنت وكحة كلش وحركة
وقووية بنفس الوقت هم مدللة ابوي بعد
ماينرفض الي اي شي من يوم يومي يسموني
شيخة جووري ..