أنتقام للعشق

البارت الثالث و الأربعون

#أنتقام للعشق 🥀
البارت 43
بقلم : نور حيدر

noorhaidar18
.........................

إخذني وياك ، للوحشة شمس
أكسر لك برد ، والتم شمس بالفيّ
من يزعل عليك الماي ، اغسل بالگصايب ضيّْ
أجيسن بالگصايب گيش ، وبروحي يفرفح ميّْ
إخذني وياك وانساني ، تلگاني بمماتك حيْ

زينب/

: خل احجي بوية اخذ غراضك و صعدهن فوك بغؤفة مرتك ما يصير انت مدولب حتى بلنومة و غرفت مرتك موجوده و هم بأعتباار غرفتك ..

ردت احجي بس هو سبقني حجه و يباوعلي مبتسم ؛
صاار عمي تدلل اليوم ان شاء الله اصعد غراضي هههه ..

ظليت مصفصفة ماعرف شحجي اريد اعترض بس
باوعت لكيت أبوي يخزر بيه يريدني ما احجي شي
هه أبوي يريد يرجع علاقتي وي ليث ..

باوعلي أبوي ابتسم كال : كومي بوية صعدي ملابسج
رجلج و خليهن فوك بغرفتج احسن ..

باوعت على شكل أبوي يحجي صدك شلون بيه لعد و إني باوعت على ليث لكيته يباوعلي و رافع حاجبة
استفزتني نظرته ..

كمت من مكاني و مشيت عبرت من يمه و حسيت انظاره عليه صدك درت وجهي عليه لكيته يباوعلي و مبتسم من صارت عيني كبال عينه غمزلي ..

فتحت عيني على وسعه مصدومة من حركته يااا شجاااه هذاا تخبل لو شنوو هم صاير يغمز ..

رحت دخلت على غرفة فارس باوعت عليه
لكيته مخلي ايده جوه راسه و عيونه على السكف
حتى ما باوع و كال منو الي دخل للغرفة ما أهتم..

كلبي مكسوور عليه أخوي الي استند عليه
هيج يصير بيه ..

رحت باوعت ملابس ليث و غراضه مخليهن بجنطه
لميت ملابسه الي مطشره و اخذتهن اريد اصعدهن فوك ..

اريد اطلع بس وقفني كلام فارس كال بهدوء
: شنو ليث راح يرجع لبيتهم ..

باوعت عليه لكيته نفس نومته ما يباوعلي كتله
: لا بس أبوي يكال خل يصعد بعد فوك ينام
و اصعد غراضه اني ..

كال برود : احسن شي يسوي أبوي حتى تتصالحون
و ترجعين وياااه ..

مستغربة كلامه لعد و وعده إلي ذبيت الملابس
على القنفه و رحت كباله وكفت  ظليت اباوعله
كتله بهدوء : فاارس ..

دار وجهه و كال : نعم ..

طبكت حواجبي كتله : فاارس احجي ويااك باوعلي ..

رجع باوعلي و عاكد حواجبه ثنينهن كال :
شتردين زينب تعبااان و أريد انااام ..

كتله : وين كلامك فارس شوو متغير ..

كال : شنو ياا كلام ؟

رحت كعدت بصفه لزمت ايده اباوع على وجهه احمر
كتله : منو الي كال مراح ارجعج اله لحد ما يتوسل بيه حتى ترجعيله لو اخليج تنفصلين من يمه اني ماعندي أخت تنذل ..