أنتقام للعشق

البارت الثاني و العشرون

#أنتقام للعشق
البارت الثاني و العشرون
بقلم : نور حيدر
noorhaidar18

مساء الخير عليكم متابعيني 🦋🌿..

اعتذر هووااي منكم اتأخرت عليكم صارلي اسبووع
اعرف كلش زين اتأخرت و انزعجتوا من الأنتظار
بس صدكووني جنت تعباانه كلش ولحد هسه
البرامج كله عايفته ما ادخللهن حتى على الواتباد هسه
يلا دخلت وكتبت الكم هذا البااارت
صدااع قوووي كلش ما فاركني ولحد هسه اكتب
وراسي يوجعني و النفسية زفت بسبب التعب
كوه كتبت هذا البارت  علمودكم والله
لان اتأخرت صح قصير البارت بس هاي كل طاقتي
فا اعذرووني 💔..

واعتذر عن الاخطاء الإملائية...

........

كلها مِنك !
شوغتي الرافگت ليلي ،
والدموع التچوي خدي ،
وطيحتي بالمُغربية ،
و إنعزالي الأَذى اهلي ،
وظلمة الغرفة التغثهم ،
من يشوفوني ضگت طعم الاذية .
و زادي اليصِبوا وأرفضه ..
يأذي إمي المادرت شنهي القضية !
و أصدقآئي المِني مَلوا ،
من كثر ما ضال أورث بالجگاير ،
من نجي نگعد سوية !

رسيل /

ثاني يوم العصر حضرت نفسي
لبست فستان نيلي وشال نسقت ويااه
نزلت جووه وبيدي جنطتي لكيت شاهر بلصاله
كاعد على القنفة باوعلي وهو رافع حاجبه
ماحجه شي ويااي رجع نزل راسه على
التليفون ..

حجيت اني : مسااء الخير..

حجه بدون مايرفع راسه عليه : هلا مساء النور..

رجعت كلت : الولد وين منو الي يوصلني..

: لعد ترحين وماتعرفين منو يوصلج
غير تحسبين حسابج ..

كتله:ماعرف كلت لمحمد اني وهو كال
اشوف واحد من الولد ياخذج لان عندي شغل ..

هز راسه وكال كلمته المعتاد عليه :
خير ان شاء الله..

كعدت على القنفة منتظره احد يجي ياخذني
وكل ساعه اسرق النظر لشاهر اباوعله
وهو ولا منتبه لوجودي اصلا منشغل بموبايله
ومبتسم حتى اجاني فضول اريد اعرف ويامن
يحجي !؟

رفع راسه عليه وحجه واخيرا نطق ابو الهول
كال بهدوء : جوري ليش ماتروح ويااج!؟

: مادري كتله بس هيا رفضت تكول مالي خلك ..

باوعلي ورجع لموبايله شووي واجه غيث
كااشخ ومبتسم وبيد السوويج
باوعلي وكال :يلااا امشي اوديج ..

كتله : لعد ليث ليش ماياخذني انت تفشلني
هناك ..

باوعلي وكال :من طيح الله حضج مو زين
قبلت وكلت اوصله اني وعفت اشغالي علمودج
ولج انتي تبوسين ايدج وجه وكفه لان قبلت اني اوصلج ..

كمل كلامه و كال : تعااي شنو افشلج ولج خل اروح
هناك البنات يكتلن نفسهن عليه ..

رفعت حاجبي اله : لا والله العكس انت تكتل نفسك
عليهن ..