أنتقام للعشق

البارت التاسع عشر

#أنتقام للعشق 🥀
البارت التاسع عشر
بقلم : نور حيدر
noorhaidar18
مساء الخير عليكم متابعيني 🌿🦋..

(علقو على الفقرات احب اقره تعليقاتكم 💜)

عله (شلونك) .. اخمّن بيك
على الله انه وعله اهمومك
دجيس الروح .. تلگاني
اقربلك من اهدومك
مرات احس روحي انطفت
من تشتعل حنيتي
واشتاك ودموعي مطر.
ومناشغ ودخان تارس ريتي
احاول اضحك ويا الناس
بس دموعي تفضحني
بشر متعوب من دنياي
صغير وكاشخ بحزني
شنو ذنبي
غريب وديرتي احساسي
وشنو ذنبي
انخلقت الناس مو ناسي
شنو ذنبي
اديرن غيركم بالكاس
واشرب ناس ما احبها
وصوركم تصعد براسي...

...........

شهاب/

جنت اخلي صورة جوري يم راسي
واغفه واظل احلم بيه تعاتبني
لو اشوفه تبجي واكعد مفزوع من الحلم
من اتذكر دموعه ابجي ...

اروح للمستشفى عباره عن شخص ميت
منتظر أجله يمته يجي ويخلص من هاي
الدنيا ..

ارجع من المستشفى اكعد بغرفتي
ماطلع اكعد بلكاع واعكف على نفسي
واظل ابجي مثل الطفل حسيت نفسي
مهزوز ومخذول ..

ظل علي يحاول يطلعني من الي بيه
بس رافض اخر ابتسامة يمكن ابتسمته من كلبي
من جنت وي جوري..

اكعد مرات بلحديقة مالت المستشفى
اظل صافن اتعذب مرتين مره على مرضي
ومره على شوقي ولهفي لهلي ..

اني اتندمت على شي واحد هو جوري
خليته بهاي الحاله اكل بروحي اكل

شسويت اني ليش هيج جرحته يمكن هاي حوبته
كاعد تصير بيه لو تدعي عليه وماكاعد اتشافى
من مرضي هذاا ...

اخابر غساان يكلي :
ترى مايصير هيج احس نفسي مجرم
لأن اعرف بيك وين انت وساكت عن هذا
الشي حرام عليه اهلي مفرفحين عليك
وهاي المسكينة هيج ولك لو مخليني افهم الناس
ولا هذا الي يصير كله كاعد اتكرهك هنااا
اريد اكللهم سبب غيابك ..

كتله بتعب :
غساان حلفتك بروح بنتك سماا لا تحجي اي شي
خليني هيج ماريد احد يعرف مرضي خليني اموت
هناااا احسلي ولا اروح هناك ابهذلكم وياي
لو اشوف شوغات امي عليه لو كسر جوري
خليه تكرهني ..

:بس شهاااب مايصير الي تسويه ..

كتله بسرعه واحس بتعب ماكدر احجي:
سد السالفة غسان يلا لازم اروح لان تعبان
كلش ماكدر احجي بعد ..