أنتقام للعشق

البارت الخامس و الثلاثون

#أنتقام للعشق 🥀
البارت 35
بقلم : نور حيدر
noorhaidar18

مساء الخير عليكم متابعيني 🦋🌿..

~~~~~~~~~~~~~~~~~~~~~~~~~~~~~

أعتذر هواي عن التأخير بس مجان عدنه  نت  ابدي مو زين و ما يشتغل و كل ساعة يوكف و هم كهرباء ضعيفة  ثاني شي عندي جان ظرف طارئ حتى موبايلي بوقته جنت ذابته و ما كاتبة اي شي اشكر هواي الناس الي قدرت ظروفي و تسئل عليه و ناس هواي تحجي عليه  و يكلولي تمنين علينه بقصتج لو شايفة نفسج علينه خيييير على شنو اشوف نفسي عليكم ترى كله قصة اكتبه على اكثر و لا أقل حتى اشوف نفسي ..
و ناس تكلي تمنين علينه و تردين مشاهدات اعلى حتى تنزلين ماعرف شكللكم بس اكول قدروو ظروف غيركم و اذا على التصويت هذا حقي ترى لان كاعد اتعب بلقصة و اذا تردون هم لا تصوتون🙂🖤...

اعتذر جدا على الاخطاء الإملائية اقرو و غلسوو عن الاخطاء...

~~~~~~~~~~~~~~~~~~~~~~~~~~~~~~

‏حَنّيت ..
بَس مو الَك
‏لأيام عُمرِي الخَلصَّن
‏بِـ شِباچ گلّبَك عِلگ
‏لأيام ما چان النِّفَس
‏يتمَرجَح بِـ رِيتي ويطُب
‏مو هَسه أظلَن مِحترگ
‏مِن چانن عيوني صِدگ
‏بيهن بياض مِن الوَرد
‏ردهن إلي بَس لا ترِّد🥀 !⁩

شهااب /

درت وجهي عنه و اني ايست كلش انو مراح تسامحني
كلت اخر فرصة هاي اذا ماكو فايدة ارجع و اخذ ابني
واروح لان اهلي خذلوني و عافوني و الي احبه مراح اتسامحني بعد اني شعندي باقي هنا ..

مشيت منه و اني تعبااان و مكسور مخنوك كلش
اريد بس ابجي ماكدر اريد افرغ الي بصدري ..

وقفني صوته و الي صدمني كلامه
:و اذا كلتلك اني مسامحتك ..

باوعت عليه و كلت بسرعة و بلهفة :
صدكيني راح اكون اسعد انسان ..

رفعت حاجبة الي : لهاي الدرجة؟..

كتله: و اكثر مما تصورين .. تدرين راح الهم ينزاح من صدري و اكون ممنون منج و هذا مراح انساااه ..

كالت بهدوء و بأبتسامة هادئة : روح شهاب اني مسامحتك من كل كلب لان اني رضيت بلي سويته بيك اخذت حقي منك و هاهية اتساوينه ..

فرحت و ماصدكت تحجي هيج وياي كتله بفرحة : مامصدك جوري سامحتيني كليلي هذا كله حقيقة
لو اني جاي احلم ..

ابتسمت الي اااخ صارلي شكد ماشفت هاي الابتسامة
اخر مرة قبل خمس سنين ..

كالت : شبيك شهاب شنو حلم ؟

: مو ماصدك بعد الي صااار سامحتيني ..

اختفت ابتسامته كالت بهدوء: كلنه نغلط محد معصوم من الغلط وصح غلطك جبير و ما ينغفر اله بس كتلك اخذت حقي منك و سامحتك الي راح راح صار ماضي ..