أنتقام للعشق

البارت الثالث والعشرون

#أنتقام للعشق 🥀
البارت الثالث والعشرون
بقلم : نور حيدر
noorhaidar18

مساء الخير عليكم متابعيني 🦋🌿..

هم تدرون ؟
تدرون الحزن يمته ؟
من ناسك يسالونك على الـ ردته
من عمداً يحاچونك بسالفته
الفشلة تفيض
چي مامش جواب خلاف
فضت عافني وعفته ..

رسيل /

اخذني محمد وليث للكوت طول الطريق بس نايمه
تعباانه كلش وبليل مانمت وصلت للكوت باوعت عليه
من الجامة ابتسمت شكد جنت مشتاقتله ..

وصلنه لبيت خالي نزلنه ولكيتهم واكفين منتظرين
خالي وحسام واحمد ابتسمت الهم احمد من شافني
اشرلي بأبتسامة ..

نزلت  رحت حضنت خالي سلمت عليه
باسني من راسي و كال : هلا يبعد خالج نورتي
بيتج ..

سلم على محمد وليث ودخلنه جوه دخلت
للمطبخ وشفت امي بسمة شافتني فرحت
ركضت عليه وحضنته شكد  مشتاقتله ومشتاقه لحنانه
سمعت صووت صياح وراي :
رسييل ..

التفت لكيت نرجس اجتني حضنتني وبوستني :
حقيرة شكد مشتاقتلج ..

كتله : اني اكثر والله ..

رحت سلمت عليهم كلهم وخالي ماقبل محمد وليث يمشون بدون غده تغدوو وطلعو من رادو يمشون
اجه خالي : تعاي ولد عمج يردون يحاجوج ..

لبست حجابي ورحتلهم اجاني محمد وانطاني مصرف
كتله : محمد عندي والله عوفهم ..

خزرني هو وكال : معليه اخذي ذني ابوي وداهن الج
عيب ترجعيهن واذا مايكفن كولي..

: لا هواي والله مشكور ..

ليث : اذا تحتاجين شي اتصلي علينه ..

ابتسمت : ان شاءالله..

ابتسم محمد : يلا رايحين وانتبهي على نفسج
وراح نشتاقلج ..

: اني هم والله ..

سلمت  عليهم وطلعو همه دخلت شوي ودخل حسام
واحمد كعدو يمنه كال احمد :
ولج رسيل اشتاقينالج ولا جنت  اعرف هلكد راح اشتاقلج طلعتي صدك عزيزه ..

حسام : اي والله من رحتي البيت صار هدوء ..

كتله : شقصدك جنت اني مهوسه البيت وازعاج ..

احمد باوع لحسام وكال : اي والله ازعاج  ..

خالي كال : ولكم عوفوها لا تحجون عليها ..

باوعت لخالي وكتله متردده :
اا خالي

: ها خالو احجي شتردين !؟

: امي شلونه اخباره هم تجيكم ..

باوعلي جدي وكال : شنو ماتحاجيج هيا ..

دنكت راسي محجيت شي بس هو فهم عليه
وكال بعصبية  : الله يهديه صارت هم تجذب عليه
اكله تسئلين على بنتج تكول اي اتصل  ..