أنتقام للعشق

البارت السابع عشر

#أنتقام للعشق
البارت السابع عشر
بقلم : نور حيدر
noorhaidar18
مساء الخير عليكم متابعيني 🦋🌿..

(علقو على الفقرات احب اقره تعليقاتكم 💜)

مو ذاك الاعرفك انت من سنين
اطباعك علية هواي مختلفة
مدغيرة الملامح بيك والاشواك
وجياتك احس مابيها اي لهفة
جنت تجرح كبل يومين عندي يطيب
هسة الجرح منك ابد مايشفة
وجنت توكف كبل والعين تحجي العين
هسة شبيها عينك شو صفت صلفة
كبل حجيك ذهب والناس تمدح بيك
ومن تحجي عسل تتناثر الشفة
هسة اختلف حجيك كلة ذم واعتاب
وبكلمن يودك كمت تتشفة
على جتافي حملتك سرت بيك دروب
وبنار العشك جمدوب اتحفة
مو تدري انة احبك وانت بية الروح
اسهرلك ليالي وعيني ماتغفة..

زهرة /

كمت من مكاني وكتلهم :
شكاعد تحجون طبعا مراح اوافق ..

اجه سجاد وكال :
ليش خوية شبيه وما توافقين عليه..

دمعت عيني وكتله :
نسيت منو هو ومنو زوجته
ترى هذا جان زوج اختي الي ماتت ..

: واذا ترى لا انتي اول وحده
ولا اخر وحده تاخذ زوج اختها الماتت
لا تنسين هذا الشي علمود سمااا
تردينه تروح للغريبة وماتعرفين شلون تصير
وياها زينة لو لا ..

: بس ماكدر والله
احس نفسي اخون اختي ..

كعدت على القنفة واجت ام اسراء
تكون امي بلرضاعة ..

خلت ايدها على راسي اني ماتحملت
حضنته وكمت ابجي كالت بحنية :
ادري يمه انتي تفكرين خاف اسراء تزعل
بس اعرف هذا هم مو الي ابالج ..

وخرت من يمه :
شقصدج يمه ..

ابتسمت : خاف تحسين نفسج
تخونين خالد ..

دنكت راسي وظليت ابجي من ذكرتني بيه
:ماكدر والله صعبه عليه منا اسراء
ومنا خالد احس نفسي خاينتهم ..

كالت: تدرين يمه اسراء راح تفرح من تاخذين
غساان عاد راح اتأمن بته يمج لان انتي الي
ربيتيه و خالد راح يفرح من يشوفج مرتاحه
بحياتج وسعيدة..

دنكت راسي سكتت هيا رفعت راسي بأيديها
وكالت :
يمه ترى الدنيا كاعد تمشي ماواكفة على احد
ومانموت وره الي راح لان الله انطانه نعمة
النسيان ..

: هسه شوفيني اني كبالج ام واصعب شي
عد الام فقد ضناها واني فقدت بنتي
بعز شبابه وحسيت نفسي متت وشلون اعيش
وبنتي مو يمي ..

حجت بحزن : بس هذا حالي كدامج
مرة السنين والله مااخذ امانته
وعشنه صح مانسيته بس شنسوي
امر الله مانكدر نعترض عليه ..

سجاد : هاا زهرة انطيني الجواب
لأن صارله أسبوع  من طلب ايدج
ومنتظر جوابج ..

:واني كتلك كله ما موافقة
ليش ظليت ساكت و ماحجيلته..