أنتقام للعشق

البارت الرابع و الأربعون

#أنتقام للعشق 🥀
البارت 44
بقلم : نور حيدر

@noorhaidar18

اتمنى منكم قبل القراءة ادعمون هاي الكاتبة
و تكلوله من طرفي 👈The_writer_hawraa

.................................

ميامين /

فااارس اباوع عليه عيونه حمر دم بس الي صدمني
و صقعني اشوفه كاعد على كرسي متحرك مستحيل فاارس انشل دخيلك ربي شيي احسه تحرك بداخلي عليه ..

بس الي كاله خلاني انصدم منه اكثر
كال بضعف و عيونه مغوركة :
عمي ساامحوني اني السبب بموتت زيااد ..

رجعت ليورة من هول الصدمة خليت ايدي على حلكي
مصدوومة شنوو شقصده شنو هو السبب ..

أبوي كاله : لا تحجي عمي هيج هذا قضااء و قدر
و ما يصير هيج تكول ..

هز راسه بنفي و منصي راسه :
عمي ماكدر احس نفسي اني المذنب  بسبب
أهمالي و ما انتبهت على الطريق صاار الحادث  و راح بيه زيااد كل ما اتذكر الصاار كلبي يوجعني ممرود عليه و على شبابه الي راح ..

أبوي مسح دمعتة الي وكعت و كال :
أنا لله وأنا إليه راجعون عمي هذا قضاء و ربك الي راد الموت  ما يعرف الصغير  من الجبير و أنت مالك اي ذنب..

مسح دموعه فاارس و كال بخنكة :
كالي فاارس انتبه على الطريق عوف سوالفك
بس ما انتبهت و من صاح عليه باوع لكيت السيارة كبالي حتى ما لحكت ادير عنه و بعد صاار راح بيه زياد و اني صرت عاجز بعد ماكدر حتى امشي ..

نصه جسمه أبوي عليه و باسه من راسه و كال :
روح بوية اتعالج لان سمعت اكو أمل تتعالج ..

باوع عليه : و انتم عمي شلون ينطيني كلبي اروح اتعالج و اتشافى و ارجع لصحتي و انتم مكسورين و محنين الظهر بفقد ابنكم ..

هز راسه ابوي و كال : صح فقدت ابني بس انت هم أبني و اريدك ترجع مثل قبل و تتشافى الله يشهد  عليه معزتك من معزت زيااد الله يرحمة ..

أبوي ظل يحجي وي فاارس  و يهدي بيه امبين عليه فارس منهاار و ما يقبل يتعالج بسبب الصاار يعني يلوم نفسه هو السبب ..

ظليت اباوع عليهم و دموعي تجري مادري شحسيت بوقته شلت ذنب  أخوي زيااد بركبت فاارس لو مو اهمال فارس جان هسه زيااد كاعد ويانه و ضحكاته نسمعه مو هنا نايم جوه الترااب ..

ظل أبوي يقنع بيه يروح يتعالج و يتشافى و اني احجي بكلبي اكله عوفه بوية خل يشووف القهر بعيونه و الانكساار يحس مثل ما حسينه ..

سلم عليه أبوي و مشه و بقه هو كاعد على الكرسي المتحرك و يباوع من بعيد انتبهت عليمن يباوع شفته صافن على كبر زيااد و دموعه تجري و بعيونه حسرة و قهر بندم ..