أنتقام للعشق

أحداث من بارت 25

#أنتقام للعشق
أحداث من بارت 25
بقلم : نور حيدر
noorhaidar18

مساء الخير عليكم متابعيني 🦋🌿..

حسيت الجوو هدئ من الاصوات والصياااح العالي
خليت ايدي على أذني واسمع صوت الباب يندك قوي
سمعت صوت  شاهر يصيح عليه

صاااح بصوت  عالي : ولج  جوري هيج تسووين ليش!؟

كمل كلامه بصيااح : عرفتج والله راح تسوين مصيبه
بس مو هيج مو هااااي ..

بجيت واشهك واني اقترب من الباب كتله بصياااح :
اريد اردله الصاع صاعين مثل ماسوه بيه هيج  اسوي بيه..

كملت كلامي بحقد و دموعي تنزل : حلفت بالله الا اخذ حقي منه و ماسويت شي غلط اني ..

......
٢

لبست عبااتي نزلت جوه مالكيت كل احد رحت ركض
للبستان وابجي رحت شفت شجرة التكي ..

باوعت عليه وظليت اشهك من البجي كعدت يمه وابجي اني ظليت ابجي و اكول : الله لا يسامحك شهاااب  ..

كعدت كباله و كله كامت تجيني الحجي والصياااح
والناس الي لامتني هسه و الشماته من حجو بيه وبعرضي لو فرحتي الي ما كتملت ..

غمضت عيوني واني اسمع صوت خطواته اجت يمي
اجاني صوته الهادئ : ارتاحيتي من سويتي ..

فتحت عيني كمت ودرت وجهي عليه  باوعتله بحقد
: لاااا بعدني ما مرتاحه ولا برد كلبي ..

باوعلي بغضب : بس ردتج تسااامحيني ..

ضحكت مثل المخبله : ههههه شنو اسامحك انت صدك تحجي ..

ظلينه نحجي كتله بعصبيه : بس كلي ليش هيج سويت وكسرت كلبي ..

حجه بعصبيه و وجهه احمر يتنفس سريع مامنتظم
:وللج جنت مريض ..

....
٣
رسيل /

كاعده بره و ابجي على حضي المصخم وحبي الي ماكتمل ..

طلع شااهر يريد يخطب بت خالته واني مادري
شو محد كالي اثاري امه حاجزته اله ومن شافته
بلعرس ضلت بس كاعده يمه ..

سمعت صوته : شبيج رسيل ليش تبجين !؟

كمت من مكاني اباوعله هو كالي شبيج واني ابجي
رفع حاجبه و كال :كولي بويه شجاااج تبجين ..

كتله بشهكه : انت صدك خاطب !؟ ..

ساكت هو مايحجي باوعلي بأستغراب : يعني شنو هذا سؤالج وانتي تبجين علمود هيج شي..

دنكت راسي و ماحجيت شي رجع هو كاال :
ليش تبجين واذا خطبت شنو يهمج ..

كتله بتوتر : لأن اني

يباوع بهدوء :انتي شنو ..

رفعت راسي و دموعي تلالي : اني أحبك...

يتبع ..

اتمنى منكم دعم الرواية احسه مكاعد تاخذ حقه
بلتفاعل والتصويت يعني المشاهدات توصل الااف والتصويت قليل كلش اتمنى منكم ادعموها وتنشروها بلكروباات و بين اصدقائكم  🖤..