أنتقام للعشق

البارت الثامن عشر

#أنتقام للعشق 🥀
البارت الثامن عشر
بقلم : نور حيدر
noorhaidar18

مساء الخير عليكم متابعيني 🦋🌿..

(علقو على الفقرات احب اقره تعليقاتكم 💜)

اعتذر منكم هوااي المفترض البارحة ينزل البارت
بس صدكوو النت راح واليوم يلا رجع واعتذر منكم
والله وهم اليوم جنت مريضة وهسه يلا كدرت انشر
البارت اعتذر مره ثانية لأن خليتكم تنتظرون 💔..

وصدك غلسوو على الاخطاء الاملائية لان نزلته
بدون مراجعه علمودكم 😐💔..

..........

بدأت تتلاشى من بين اضلعي
بطريقه مخيفه، وكأنك لم تكن هناك يوماً
لم يعد لك اثر سوى في بعض السطور من رسائل قديمه غلفها الغبار
و الحان موسيقى لطالما تكلمت عنا مسبقاً .. .

زينب/

يريد يخلص الدوام وكاعده بلحديقة
منتظره فارس يجي عليه حتى يوصلني ..

شووي ورن موبايلي رفعته شفته رقم
غريب اني حسبالي فارس بس بغير رقم
رفعته وكلت :
الوو

اريد اكمل كلامي بس قاطعني صوت كال:
يعني عندج عادي تردين على الارقام
الغريبة ..

عقدت حواجبي وكلت :
الوو منو ويااي ..

: همم ماعرفتيني ويااج ليث..

بعدت موبايلي عن اذني بسرعه
هذا ليث الي يتصل يااا شكوو يربي
شبيه ..

رجعته على اذني :
هلا ليث شلونك ..

: تمام الحمدلله اكلج اني هسه
راح اجي عليج اخذج من الكلية ..

رفعت حاجبي وكتله :
ليش شكوو ..

: ماكو شي بس اخوج مراح يجيج
واتصل عليه اجي اخذج وماكدرت
ارفضه ..

:هاا خوش بس خل تجي جوري
ونمشي سووه ..

: لا جوري يجيها شاهر
اني وياج نطلع حتى نشوف غرفة النوم..

كلبي يدك بسرعه من كلمة اني وياج
اول مره بحياتي نطلع اني وياه ..

كتله : مو على اساس اخوانك شافو
وحده ورادوها ..

: ايي بس طلعت مبيوعه هسه كافي
اسئلة راح اجيج اني ..

سده الموبايل بدون مايسمع ردي اصلاً
جريت حسرره شكبره وتالي وياك ليث
شلون بيه بس حركان كلب تعبت ..

ظليت كاعده بمكاني وره ساعه من الانتظار
اتصل عليه وكال منتظرج بره تعالي ..

رحت عليه شفته واكف يم سيارته
ومدنك راسه رحت عليه :
هلا ليث

رفع راسه عليه باوعلي وكال :
هلا يلا صعدي ..

رحت صعدت كدام يمه وهو ركب وحرك
سيارته ظل الطريق كله ساكت مايحجي شي ..