أنتقام للعشق

مقتطف..

#أنتقام للعشق🥀

للكاتبه: نور حيدر 🌿

noorhaidar18

الليل يطاردني أسئلةً. . . . . أيـن رحـل؟؟
و النـوم غـاب عـنـي فــي سـفـر
و الشـعـر مــا عـــاد يرضـيـنـي
وعـن وصـف مافـيِ يعـجـز الـوتـر
لله درك يا روحي. . . . . أين منك المفر؟
وشـواطـئ أجفـانـي نــار ومـطــر
إحساسي تجاهـك – حبيبـي – بـي كفـر
وقـلادتـك الـتـي اهديتـنـي إياها
سـيـفــا بــصــدري اسـتـقــر .
ووفـائــي لـحـبـك الـغــادر . .
يعتـبـر خـرقـاً لطبـيـعـة الـبـشـر

........

تعـال الـي . . ليـس لأقــول أحـبـك
لـكــن لأرد صفـعـتـك بـعـشــر
حــبــات قــلادتــك سـتـشـهـد
علـى مـا ستصيـر اليـه مـن قـهـر
خبر من خبرتهم عني انهـم فـي خطـر
و عود نفسك من الآن على الآه و السهـر
حـاشـانــي انــــا ان انـتـقــم .
ســتـــرى بـنـفـســك . . . .

....

م

شهد ١..

رحت للنفس المكان الي شهد على حبي وعلى انكساري ماعفته و لا لحظه ..

وهسه اجيته لان بحاجته رحت للبستان وكفت وشفت شجرة التكي ابتسمت بألم

اتقدمت اله خليت ايدي على الشجرة وظليت ايدي تتلمس جذعها الخشن

واكفه بشمووخ عكس الي بداخلي النار الي مشتعله بصدري .

عيوني الي حركتني وموتتني مغوركه من الدموع..

حجيت بخنكه وقهر : ليش اجيت هسه وشجابك شهاب شرجعك اتذكرتنه بعد هاي السنين كله لو شنو

حجيت وي الشجره : انتي مثلي هم تسئلين ليش رجع لو فرحانه بجيته ..

حجيت بغضب وي الشجره تخيلته بشر كدامي واحجي وياها: دير بالج تفرحين بجيته هذا كسرنه وعافنه

ظليت واكفه بمكاني واحجي بين نفسي واعاتب لحد ماسمعت صوت وراي يهمس وسمعته : جوري

شهكت بصوت مسموع ودموعي نزلت هذا صوته والله
كلشي تبخر من كلام .. كلبي يدك ظل حسيت نفسي رجعت لأيام صغري وياه

غمضت عيني قويت نفسي ومسحت دمعتي الي نزلت..

درت وجهي اله شفته اي هو .. هذا شهاب يالله شلون متغير مو شهاب نفسه الي اعرفه

باوعت على شكله المتغير ولطوله ولضخامته ماجان هيج قبل ..

صارت عيني بعينه حسيت الزمن توقف بهاي اللحظه خليت عيوني تحجي كل الي بكلبي من عتاب وقهر السنين والكسر الي كسرني اياه