أنتقام للعشق

البارت الحادي والعشرون

#أنتقام للعشق 🥀
البارت الحادي والعشرون
بقلم : نور حيدر
noorhaidar18

(علقو على الفقرات احب اقره تعليقاتكم 💜)

اعذروني على الأخطاء الإملائية نشرته بدون
ما اراجعه...

. .........

آدك كل عآيزه بـ گلبي ..
وآرد لـ آهلي مثل كل يوم ،
مآ يدرون عن تعبي !!
وأنآمن واليشيل غطآي ،
يلگآني شِعر شعبي !!

لـ إيمآ صبآح 🖤..

جوري/
عفته وصعدت فووك واني افكر
شلون وافقت وانطيته الموافقة
اني مو حب بشهااب رضيت بيه
ولا بهاي السهولة اوافق عليه ..

بس اجه ابالي كلام زهراء رن بأذني
اريد ابين اله منو الي انسحل على الثاني
اجه هو ورجع اتقدم الي ..

اريد اخذ حقي من اديهم ومنه هو
والله احرك كلبه واذله مثل ماسوه بيه
اقهره مثل ماقهرني اخذله مثل ماخذلني ..

الا اكرهه بحياااته مثل مااسوه بيه
ظليت افكر واصوات تجيني بداخلي
بعقلي وبكلبي ..

عقلي يكلي عفيه عليج احسن شي سويتي
اخذي حقج بأيدج لا تظلين كاعده وساكتة
وكلبي يكلي اكبر غلط الي صااار انتي راح
توكعين من جديد وراح تنكسرين مره ثانية
راح تسببين مشاكل عوفي الانتقام
مرااح يفيدج ...

بس دايماً امشي بعقلي عفته وراه وسكتت
بس ظليت افكر بردت فعل اهلي شيكولون
وشراح يسون شنو ردة فعل شاهر ابوي
وغيرهم هو شهااب شنو ردة فعله من يسمع
بموافقتي ..

بيومه أبد مانمت وعيوني ماغفت
حتى دوام مارحت لأن اعرف راح تصير مشاكل
ومو مال دواام ..

وفعلااا صارت الساعة ب١١ الصبح
اجتني فاتن : ولج كلهم جووه
ويردوج شكوو شصاير ..

كلبي ظل يدك بسرعه كتله:
يعني كلهم كلهم

: ايي ولج شكو شمسويه ليش جدي
يكول صيحوها ..

جريت نفس وكتله : هسه تعرفين
يلاا خل ننزل ..

نزلت وهيا وراية لكيتهم كلهم كاعدين
رحت كعدت يم رسيل وكتله: ها جدي..

جدي باوع علينه ورجع باوع لأبوي:
ابو محمد جوري بنتك انخطبت اجه
شخص وخطبة مني ..

باوع مستغرب : خطبه منو هذا واحنه
نعرفه !؟

هز راسه : اي تعرفه كلش زين..

حجه شاهر : منوو جدي ياهو ومنو عائلتة...

كاال بصوت عالي يسمعووه :
شهااب ابن عمه خطبه من يمي ..

كله صاارت بحالة سكووون كلهم ساكتين
محد يحجي واحد يباوع على الثاني ..

حجه شاهر بهدووء خفت منه :
كلت منوو عيد الاسم يمكن ماسمعت
زين ..