أنتقام للعشق

البارت الاول

#أنتقام للعشق 🥀
البارت الأول
بقلم: نور حيدر
noorhaidar18

نداء الأخير

بين الأبيضُ والأسود
اقفُ في منتصفِ
الطريق
الأحلام تُرسلني
الى الأمام ،
مضى وقتً طويلاً
على مروري بتلكَ
العثرات
وأجوب بين أزقة البؤس
وسرد المرور
لوليد اللحظة
ورونقُ السعادة التي
ترسمُ على سرج شفّتي
بعد تجاوز كل عتبة ،
كرؤية الفجر
بعد الحان الدموع
التي عزفتها نجمات الليل ،
أدُون بقلمي المنمق
بعضاً من كتاباتي
الحزينة
فوق جَسَدِ الشجرة
لكي تموتُ معها
بعد زوال أخرُ أثاري ...

..

(علقوو على الفقرات مو تنسون 😊💜)

واكفة يم باب الجامعة ومنتظرة احد يجي ياخذني
ظليت واكفة شووي لحد ماشفت سيارة اخوي شاهر صارت كبالي ..

باوع عليه وأشرلي بيده .. رحت اني عليه وصعدت بلسيارة ..
باوعتله وأبتسمت : مساء الخير

ردلي الابتسامة : مساء الخيرات شلونه دكتورتنه الحلوة
:تماام الحمدلله

:عساج دوم يابعد اخوج ..
ابتسمت اله ولكلامه الحلوو لازم يسمعني هيج كلام .. احب كلامه واسلوبة اخذ طاقة ايجابية منه ..

وصلنه للبيت واني منهكة ميتة تعب دخلت للبيت وشفت ماكو احد رحت على المطبخ ..

لكيت أمي موجوده كتله بهدووء : السلام عليكم شلونج يمه

باوعتلي وكالت : هلا يمه اجيتي ومنو جابج ..

:منو يعني غيره الوحيد الي يوصلني شاهر اجه عليه .. لعد مثل غيث كاعد وكتلة تعال اخذني لان خطية شاهر يجي من المركز كبل عليه يتعب خطية..

سمعت صوت شاهر وراي كال : اذا ماتعب علمودج اتعب عليمن يعني يهون كلشي لخاطرج..

:فدوه لكلبك يعمري هسه شصاير لو غيث هيج لسانه حلوو .. شو بس يغلط ولسانه زفر

: منوو لسانه زفر جويريه

باوعت ورفعت حاجبي :انت ..
ماكلت شي غلط وبعد لا تكول جويرية اسمي جوري

رفع حاجبه وكال ؛ نعل احسن شي ولي من يمي ترى واصله لخشمي راسي يوجعني ومابيه حيلج

شفته صدك طابك حواجبه وضايج .. : ليش شبيك

:مانمت البارحه وراسي ظل يوجعني

حجت امي :هسه كافي بس تلغون روحو بدلو حتى اصب الغده وهسه ابوكم على جيه ..

عفتهم وصعدت فووك لغرفتي فتحت الباب ورجعت قفلته عليه ..

دخلت للحمام وغسلت وجهي وفتحت الكنتور اخذت ملابس الي وبدلت ..
وكفت يم المرايه امشط شعري واني امشط أخذتني الصفنة .